Video
Read full review
2023-04-04
48 views
想過一個休閑又治癒嘅周末，經朋友介紹知道呢間除咗喺葵廣有小食店，仲喺5分鐘路程有一間貓貓Cafe，而小食店既野食可以帶去貓貓Cafe慢慢嘆。先嚟到葵廣小食店，以甜品同飲品為主，仲有啲夜市小食，門口貼有好多貓貓相一眼就認到。招牌手工波提外型似冬甩，食落Q彈煙韌口感一流，塗上朱古力醬同七彩糖，又靚又好吃。九吋玉桂棒即叫即炸金黃香脆，食落外脆內軟，外層仲沾滿肉桂糖，令人無法抗拒。招牌絲襪奶茶配黑白珍珠港台嘅fusion，絲襪奶茶入口順滑且茶香回甘，黑白珍珠兩款嘅口感略有不同，增加唔少層次。朱古力鮮忌廉Oreo脆脆撒上Oreo脆，令朱古力更香濃。行5分鐘路程嚟到位於金龍工業中心嘅貓貓Cafe，一入到去d貓貓已經好熱情咁圍埋嚟歡迎我哋。貓貓好活潑又好痴人，仲好鍾意玩貓棒。品種方面有我最鍾意嘅緬因貓同人見人愛嘅短毛貓，數量眾多差唔多有30隻，鍾意比貓圍嘅一定要嚟！$118就可以坐全日，食物方面以主食為主。雞全部都係雞真係全部都係雞，有雞扒、炸雞粒、雞軟骨、雞串燒，雞肉都算嫩滑，有咁多款唔同嘅味道，連貓貓都想偷食。King究極屈機漢堡巨形漢堡，疊到好高，有雞扒、辣肉腸、煙肉、蕃茄等等，足料又夠喉！整
先嚟到葵廣小食店，以甜品同飲品為主，仲有啲夜市小食，門口貼有好多貓貓相一眼就認到。
招牌手工波提
外型似冬甩，食落Q彈煙韌口感一流，塗上朱古力醬同七彩糖，又靚又好吃。
九吋玉桂棒
即叫即炸金黃香脆，食落外脆內軟，外層仲沾滿肉桂糖，令人無法抗拒。
招牌絲襪奶茶配黑白珍珠
港台嘅fusion，絲襪奶茶入口順滑且茶香回甘，黑白珍珠兩款嘅口感略有不同，增加唔少層次。
朱古力鮮忌廉Oreo脆脆
撒上Oreo脆，令朱古力更香濃。
行5分鐘路程嚟到位於金龍工業中心嘅貓貓Cafe，一入到去d貓貓已經好熱情咁圍埋嚟歡迎我哋。貓貓好活潑又好痴人，仲好鍾意玩貓棒。品種方面有我最鍾意嘅緬因貓同人見人愛嘅短毛貓，數量眾多差唔多有30隻，鍾意比貓圍嘅一定要嚟！$118就可以坐全日，食物方面以主食為主。
雞全部都係雞
真係全部都係雞，有雞扒、炸雞粒、雞軟骨、雞串燒，雞肉都算嫩滑，有咁多款唔同嘅味道，連貓貓都想偷食。
King究極屈機漢堡
巨形漢堡，疊到好高，有雞扒、辣肉腸、煙肉、蕃茄等等，足料又夠喉！
整體而言，Cp值極高、環境乾淨;貓cafe收入撥作支援救援浪浪用途，可以做善事又玩得開心，下次要再去！
Post
