A Fun Store (Closed)

等朋友黎睇戲真係等到腳軟軟, 經過見到間雪糕店, 店員熱情地俾左一啖雪糕我食, 抹茶味都分濃度, 10%/25%/40%, 而家仲有50%. 試過40%最岩自己口味, 但係唔好意思再試, 所以買左球另一個口味, 就係玫瑰紅茶.雪糕28/球, $45/2球, 除此之外, 仲有限定食品, 同咖啡.原本想叫脆筒, 但等朋友都係坐低慢慢食住等, 所以叫了杯裝. 玫瑰紅茶 $28/球, 唔會凍到好硬身, 軟軟地好易食, 仲要唔快溶. 味道偏奶味, 食後慢慢滲出紅茶茶香, 而無茶甘的苦味, 比抹茶清淡點, 但正因為有玫瑰陣陣花香味, 所以紅茶無搶到玫瑰味, 兩者平衡到.不過一球$28貴左少少, 所以買2球的$45價錢較合理.

呢度出名食幾多%既抹茶雪糕大家都應該知，之但係好早期開果時試過一次，果陣揀最濃既２５定３５％感覺食緊連鎖壽司綠茶粉咁。今次食，咦進步左小小：無咁粉啦今次個口感。之但係出左第二個問題：我叫５０％呢個真係５０％？雖然我未食過淺草果個分級數既(係咪8級)抹茶會有幾濃，但如果５０％照計唔應該食到奶味架，有ｄ疑惑添。

食完午飯後想食甜品，本呢滿心期待⋯⋯去到全間店舖有5、6個人，個個都做自己野，無乜點理客人，亦唔會主動介紹吓，好似你買唔買都無所謂咁首先玫瑰紅茶雪糕無玫瑰味，奶味較強，食到後勁先有少少茶味。然後50%抹茶雪糕係好濃，有少少苦味，喜歡特濃嘅朋友可以食呢個，奶味較少。個Cone有顏色係比較特別，不過餅身太厚，無乜味，佢係硬身既脆，我覺得麻麻只此一次，應該唔再回頭啦

每個人行過雪糕只會對住雪糕凍櫃埋頭苦幹地想食什麼口味的雪糕，或是手舞足蹈地高談闊論食什麼濃度的綠茶味雪糕。其實上指的人是我。哈！哈！我諗左好耐食咩味，終於我決定食最濃茶味的綠茶雪糕，茶味很重，重得有點帶甘苦，不喜歡奶味的朋友可以一試！另外，我比較喜歡薰衣草味的綠茶雪糕，淡淡的薰衣草味，彷如置身薰衣草圈中，感覺到好像整個都會散發出薰衣草香，頗特別的口味，有別一般的店舖。但事實，這小店忍藏著一個特別的彩虹咖啡，rainbow latte 是近期新興的彩色拉花。只是一看到粉色系的拉花，整個人都舒適起來，仲等？快啲去試下啦！🌈不過記得食完自己清返啲垃圾啦😉

在尖沙咀The One想食雪糕，推介這間的抹茶雪糕！這間的抹茶雪糕可以自己選濃度，有15%、25%、40%及50%，一共4種濃度。其中50%更是全港最濃抹茶雪糕！濃度越低，奶味越重，較甜；濃度越高，奶味越少，茶的回甘味更高。3球$70送3款配料，我選了25%、40%及50%；配料選了朱古力粒、彩虹釘及窩夫碎。25%和其他店的濃度差不多，易入口，奶味茶味均衡。40%及50%其實也差不多，也是茶味很濃，茶回甘味也很香，帶點點茶苦，推介！

玩味十足的雪糕店本身我比較好抹茶雪糕平日又鐘意飲花茶當然要試試A fun store淨係雪糕已經有好多款我揀左50%抹茶甜味少 苦苦地未必人人適合 但我幾like另外 洋甘菊桂花烏龍茶呢個比較新鮮特別係出面暫未見過甜得黎 好香

< 多多事多士 $45 + 每球雪糕 $15 = $90 >今日黎到傳說中有三種唔同濃度既抹茶雪糕店朝聖，係一間幾兒童式既開放式鋪頭，因為佢地既枱同凳感覺都好兒童好色彩，所以個感覺都幾舒服，佢地主做外賣飲品同雪糕店，所以座位不多但係都有 10 個左右座位，而呢間小店係由 3 個靚靚姐姐坐陣，笑容滿面，態度非常友善呢！咁我黎之前都做好功課知道自己要叫咩架喇，所以我去到就話要佢地既多多事多士加 3 球雪糕呀，然後就你眼望我眼表示驚訝話冇人試過咁叫 😂 咁就由我破呢個先例啦！之後姐姐就問你係咪要哂抹茶雪糕，好聰明呀 😂 唔洗講都知我想試哂咁多隻味 😍 一次過試哂 15% 25% 40% 濃度既抹茶雪糕 😋 仲可以揀唔多既配料！其中一位靚靚姐姐係我食緊果時自動自覺拎杯水黎比我，非常貼心，應記一功！先講雪糕先，15% 味道係奶味比較重，亦比另外兩隻甜，有 green tea latte 既影子，中意甜同牛奶既朋友可以叫 15%，而 25% 相對上就牛奶比例少左同抹茶比例多左，濃度較似係大部分出面食到既抹茶濃度，我個人覺得大多人都會比較鍾情呢隻濃度，比較易入口！而最後 40% 係極

the One 有免費A Fun Store 雪糕派，分別有芝麻味同蕃薯味，兩杯雪糕都加佐薯片，玩味十足!! 兩堤雪糕都好香滑，味道突出，特別係蕃薯味，好似真係食緊蕃薯咁芝麻味濃郁得黎都唔會太甜,唔錯!不過雪糕都幾易溶，要食快d~~

今次嚟到A Fun store搵食！同朋友仔食完飯又唔捨得走～就走咗去the one搵甜品食～呢度有成20～30款雪糕/Gelato仲要好多有趣嘅味道～令到大家都有選擇困難症試咗蜂蜜，洋金菊，紅桑子，金莎等等最後揀咗：綠茶50%+金莎（$45)綠茶係我試都冇試就揀的而且當然係揀最濃的～果然不乎我所望茶味充足～甜中有甘！口感唔會太奶味！金莎的話係比較甜～但朱古力味濃同時食到奶味～夠滑！希望下次有機會試埋其他味啦！

自從知悉The One開了一家雪糕店，有四款不同濃度的綠茶雪糕，每次來到尖沙咀，內心都掙扎一番。已想不起何時開始迷上綠茶。可以選擇的話，零食、雪糕、飲品、甜品，全都要綠色的。特地走到宇治體驗茶道，觀看穿著和服的婆婆優雅地沖茶，買了一整喼的綠色手信。去到韓國，化妝品、服飾完全沒有興趣，只有在O'Sulloc忽然變得瘋狂。鍾情綠茶，卻對它毫不了解。不似友人為學茶藝，每星期上課，還到杭州去考試。在我而言，會吃，會享受，就夠了。A Fun Store除了雪糕，還有咖啡、茶和其他飲品，熱狗、爆谷，甜品有蛋糕、班戟。衝著雪糕而來，眼裡只有四款深淺不一的綠茶雪糕。店方一早已預計到大家的綠茶癮，餐牌上設有4球雪糕的價錢。4球雪糕，可配4個toppings，選擇頗多。亂選了四款，對toppings毫不在意。等候的同時，看看雪糕有甚麼其他口味，大路的水果味、開心果、朱古力等都有。店員讓我試了薰衣草綠茶。清清的薰衣草香都幾明顯，但沒有蓋過綠茶，兩者平衡，原來薰衣草和綠茶都幾夾。拿著四球綠茶雪糕，滿心歡喜找個位子坐下。先由最淺色的15%開始，偏甜，只有淡淡的茶味。個人認為太甜，平時吃到這濃度，會嫌它是個劣質綠

女生的浪漫 💕 綠茶雪糕，知道the one 5/F A fun store 有15%、25%同40%濃度綠茶雪糕，即刻走去試試。25%有點奶味，而最濃40%係咁依有少少甘味，不過都不是我心水，而且質感唔夠滑，$45/2球 唔太抵，有點失望，我會覺得 Sweet House Cha Cha 更好。

天氣熱到爆，我終於忍唔住好想食雪糕呀!知道The One呢間雪糕店有分左濃度既抹茶味雪糕，一於就去試下!!一去到見到個雪糕櫃，嘩!!使唔使咁多味呀!!!好彩一早已經係打算食抹茶，所以難我唔到。Order左個雙球，50%抹茶味+玫瑰紅茶味!為左50%抹茶而黎，不過我想話係味道同埋口感上玫瑰紅茶比到我更大驚喜!抹茶其實都唔錯，真係算濃，不過食到有冰係入面，扣左分喇。

抹茶控打大佬聖地💪🏻快d去挑戰啦🙆🏻40%濃度抹茶雪糕！🍵$28一球。$45兩球抹茶控bb們無奶油唔試下掛😛一食落抹茶的苦澀味慢慢滲透出黎🍃口感好自然清新～fresh☘吞左之後回甘就黎料喇😍雖然雪糕係凍的⛄️但食落真係好似飲緊熱茶咁🍵好神奇呀呀呀❗️自選濃度仲有10%、25%揀架😁如果鍾意奶味濃d同埋甜度高d的話🙆🏻可以揀低d percentage嘅👍🏻味道都可以度身訂造！嘩正啦👏🏻👏🏻👏🏻 值得一讚的係雪糕質感厚實唔易溶👍🏻當你慢慢品嚐完抹茶回甘之後🍵雪糕仲原封不動😂質地唔似抹茶soft serve咁入口即溶🍦反而有更多空間細嚼當中甘味☺️識嘆緊係慢慢darp下先啦！👻同場加映玫瑰紅茶雪糕🌹☕️🍦味道天然帶甘👏🏻正好平衡番抹茶雪糕的微苦😁真係無添加的味覺享受呀！😍

<50%抹茶/洋甘菊桂花烏龍>-$45雙球15%, 25%, 40%......👶🏼當然一試就試50%，真係好濃好濃，但苦而不澀，雪糕質感都好滑，係口入面有種回甘既感覺🤔，絕對係不負50%濃度既頭銜🏅！桂花烏龍相對淡味，但三種味道全部齊全，非常清香又無香精既感覺，一樣咁讚！😚大大球兩個人share都好夠👭，抵食bor~仲有好多新奇味道，👶🏼一定會再去試架！依家仲同 @cheftiffkitchen 做緊crossover，抹茶控唔好錯過！😍

唔同綠茶濃度雪糕這個噱頭，令我很有興趣去試試。店舖大很整齊光鮮，亦有堂食區讓顧客可以輕鬆品嚐雪糕。款式眾多的雪糕，實在令人有選擇困難症，亦都可以按自己喜好選擇toppings。向店員要求試試25%，40%，50%綠茶雪糕，覺得50%比較迎合我的口味。50%綠茶雪糕茶味很突出，亦都很回甘，濃濃苦澀的綠茶味實在大愛。薰衣草綠茶茶味相對較輕盈，但是薰衣草味卻很濃郁。薰衣草混合綠茶這個配搭都頗夾，很有清新的感覺。不過缺點是雪糕溶化的速度都頗快........