壹燒鵝 (興裕大廈) (Closed)

一周过去了一半，不过感觉像是到了周五一样。晚上得吃一顿好的，弥补一下低潮的心情💢还记得当初去深井吃过一次烧鹅，记忆犹新。今天特意过来，试试壹 燒鵝，果然没有让我失望：）我点了一个双拼鸭腿叉烧饭，加了咸蛋，自制三宝饭😂好吃过当年宿舍餐厅一百倍！蜜糖叉烧肉嫩香甜可口，配上一口白饭，特别有深井的情怀，如果对面有深井的美景，那就完美了。烧鹅入味，不肥不腻，肉质紧致，皮薄肉厚！绝对值得一试。不过，就是米饭🍚有一点点硬，也许是特意这样搭配，才不会让人觉得腻的！好食物就有好心情，果然没错！其实一顿饭，是不是精心准备的，吃一口就知道🍜🥰永远用心去做事情，享受着当下的快乐，就是最好的结果。不是吗？欢迎大家一起分享快乐生活：）

壹+燒鵝 當月尾錢花光時，又想食高質美食，呢間餐廳絶對幫到你。此餐廳源自深井，燒鵝已經係一絶，其他晚飯小菜也不錯，價錢又好公道！今次食咗以下食物：－燒鵝單點碟頭飯，HK$46燒鵝係呢度的招牌菜，源自深井，燒鵝到枱時依然熱辣辣，充滿燒烤味，香味撲鼻，肉質柔軟，鵝味充足，白飯吸收了鵝油，非常美味。註：例湯另加$4，涷飲加$6，特飲加$8晚餐，梅菜蒸鯇魚飯，HK$48鯇魚非常新鮮，絕對唔係隔夜貨。魚肉鮮甜，肉質不散，確係美味佳餚。註：包湯及熱飲，凍飲加$3灼菜，HK$18！可走油，菜質新鮮，又爽口。這餐廳，價錢非常公道。剛剛今天有客包場(樓上可包場），八卦一問店員，原來包場每位只係$150，最少10位可成團，好抵，仲有卡啦OK設備添，紅酒自備又唔使開瓶費⋯⋯Woow總推介評分：7.5/10

好少嚟開呢頭,朋友帶路，話呢度開咗間好正食燒鵝既，一於黎試吓！裝修好新穎,一支都唔似以前食開燒臘嘅鋪頭！入到鋪頭，店員都好熱情招呼，安排左座咗之後，店員介紹返佢哋嘅燒味,原來係自家製仲有自家廚房！師傅仲經驗豐富！我哋叫咗下庄燒鵝，燒腩仔拼豉油雞，凍檸茶同鹹檸七，另外帶咗兩碗白飯！我一放低已經流晒口水，見到個皮脆卜卜，肉眼睇都知道啲肉好嫰滑，一咬落口肉汁爆曬出嚟，用啲汁撈飯真係超正！佢哋主打燒鵝啦，點知連燒腩仔同豉油雞都做得好出色！燒腩仔皮脆肉滑，肥瘦岩岩好！豉油雞非常入味而且滑到不得了！加杯鹹檸七真係不得了！

同男朋友逢星期四都在港島區食晚飯，但我太夜收工，見到呢一間有開，就入去試下好搞笑隻燒鵝公仔😂Menu本來想叫二人餐，但係驚太豐富食唔晒，所以散叫，結果份量都係偏多😳女仔既話應該要叫少飯。想叫瀨粉，但因為太夜啦，得番白飯叉燒單拼，我特別request要燶少少，半肥瘦切既比例幾好，唔錯重點係$88燒鵝脾飯，鵝肉滑嫩，鵝味濃，而且好大份灼菜 $18，新鮮同埋爽口👍🏻熱飲加$4，但有啲非一般的選擇，例如呢杯係花梨果纖蜜，甜甜地又幾清新凍既蘆薈西柚果纖蜜就比較似柚子蜜埋單$151，acceptable

今晚早收同媽媽撐枱腳！好耐無食燒鵝，而媽媽又鍾意食叉雞。咁都俾我搵到間出奇蛋。佢既二人餐望落去幾抵食，重點係有得三拼！三拼就要左燒鵝，油雞同叉燒！聽老闆講佢地源自深井，啲燒味都自家製的！小菜就包六十蚊以內既，選擇唔算太多，而部份會重疊左燒味既雞呀叉燒之類。我地就揀左生炒骨。第一樣黎左杯野飲先。之後就到好期待既燒味！佢俾勁大碗飯，我叫佢減俾我，減完都仲咁大碗。燒味份量以二人餐黎講幾多，好抵食！而且IG落都幾靚！燒味整體黎講唔算勁肥，不過值得讚係燒鵝肉算幾滑，而叉燒我覺得仲好過個鵝，半肥瘦亦都幾香。如果可以做到熱辣辣咁上就完美了。生炒骨熱住上，抵讚。菠蘿量多，個骨都炸都幾好，推介。灼菜好在唔洗講個醬都另上，屬健康之選。佢既周圍環境係一間偏潮既燒味店。句goose food to good mood幾搞笑。佢既服務係正正常常咁啦。媽媽食完之後都開心豬，仲話有機會試下是日精選。四十八蚊既晚餐，勁抵。總括黎講，係實惠之選啦。平過太興既價錢喎...絕對係港島街坊既好選擇。

天后的燒味是新開的，這裡是必試燒味的，自家製的！下午茶餐好抵食，$30幾蚊就有飯配飲品了，好吸引！服務員好親切友善，送餐好快又主動收碟；環境光亮又簡約的設計，有燒鵝的、游水假魚的擺設，好有心思的設計；坐位舒服好軟的梳化。點了一個一人餐（包括：雙拼燒味、涼拌雲耳青瓜配熱例湯或飲品）1. 雙拼燒味：選擇了燒鵝及叉燒。燒鵝外皮燒得好香脆好薄，唔肥唔膩，鵝肉香嫩易咬，鵝味香濃；叉燒肥瘦剛好，軟腍的叉燒好軟好味，甜香的醬汁配上香軟白飯，好正好夾！2. 涼拌雲耳青瓜涼拌青瓜入味爽脆又多汁，酸酸甜甜好健康開胃！雲耳大小剛好，黑色爽脆，通血管又健康又有口感！3. 熱例湯好夠熱的，材料有紅蘿蔔、黃皮瓜，好清甜唔會咸，飲完無口渴無味精的湯水！健康甜美！

女朋友唔得閒陪我，又到我自己出動搵好野食既時候。今日經過天后，發現到一間新餐廳，主打深井燒鵝，我就入去試試啦！餐廳環境好舒服好乾淨，餐牌仲好精緻。我叫左燒鵝脾燒腩仔雙拼瀨粉。燒味是餐廳自家燒製，燒鵝脾味道超驚喜！燒鵝肉嫩非常多肉汁，外層仲燒到卜卜脆架！肉質好滑嫩，食到停唔到口呀！燒腩仔燒到脆卜卜，肉質帶啲油脂，入口鬆化咸香！我仲叫左紅棗果纖蜜，好滋潤。