亞泰

Open Now

Now Closed

將軍澳新開嘅THE LOHAS最近嘅討論度都非常高，除咗有好溜冰場有playroom俾小朋友放電，美食醫肚都唔少行。好surprise商場內唔多連鎖餐廳，好多美味又有心機嘅細店，今次食嘅亞泰係其中一間。亞泰位置都幾易搵，門面大又光鮮。主打泰式美食，價錢屬平民價位，難怪晚市時段都坐滿8成。檯之間的空間足夠寬闊，可以relax食餐飯唔怕隔離枱聽到。食品種類多，而且都幾大碟，好抵食啊！原隻龍蝦海鮮山冬蔭功湯河 $88勁大碗都只係$88，而且賣相非常討好。同相片係一模一樣㗎～好似手掌咁大隻嘅龍蝦原隻上，龍蝦頭雖然無乜肉但令到湯底帶有鮮濃嘅龍蝦味。龍蝦身啖啖肉，爽口彈牙。海鮮山其實就係魚蛋、墨魚丸、魚片同兩隻魷魚仔，料都幾多好夠食。河粉彈牙唔痴牙，唔錯。泰式明爐烏頭 $138酸梅肉碎舖面，酸酸地非常開胃，配菜份量好多好足，魚肉多，肉質滑嫩。招牌咖喱手拆蟹肉枕頭包 $128舖面的手拆蟹肉份量勁多舖滿係個咖喱上面，咖喱汁索面成個包，外脆內浸滿咖喱，好惹味。蒜蓉炒椰菜苗 $68椰菜苗炒得好脆口，菜苗新鮮。蒜蓉炒得剛好，唔會太多掩蓋晒菜嘅青草味。

唔洗等好耐。黃咖哩唔辣好奶味...亦都冇咖哩味。普普通通咁。但點薄餅係好好食既。。另外個明爐魚好多魚鱗..食到成口都係如果唔係成條魚都係魚鱗，係幾好食既個味唔差，因為我本身鍾意食酸..如果唔鍾意食酸既呢..呢條魚係好麻麻地。因為又酸又多魚鱗真係好唔掂另外叫左個小食餅盤個蝦餅係好既。。個春卷真係可以唔洗試..唔抵食又唔係好特別。就咁叫一碟蝦餅會開心d叫左柸熱龍眼冰。。。唔多地方有得叫熱。係幾好飲。好香龍眼味...會比較甜d,我接受到既。問我會唔會再去食呢～都會既.求飽有餐正常飯唔洗食m記，大家x呢d都係唔錯選擇

康城開了商場後，多了往那邊逛逛。除了乘搭港鐵或巴士外，還可以沿將軍澳海濱長廊前往康城，既可以看海，又可以逛商場，一舉兩得。商場內有不少食肆，隨心選了亞泰，因另一半喜歡泰式特色船麵。泰式特色船麵以往只可到九龍城品嚐，現在其他區分的泰國菜館亦可食到。冬蔭海南雞湯河冬蔭湯河大多只配雞絲，一件件的海南雞還是第一次見。海南雞件頭十足，雞翼部位亦見嫩滑。是夜河粉售罄，變成金邊粉更合心意。金邊粉幼身可吸更多冬蔭公湯精華，味道酸酸辣辣，香料味足。招牌頂級安格斯牛肉湯河 本來想一試原隻龍蝦湯河，但是夜一早售罄，改為安格斯牛肉湯河轉冬蔭公湯底。冬蔭安格斯牛肉湯河亦是第一次見，牛肉嫩滑無渣，配上酸辣冬蔭公湯，味道不俗。蒜蓉炒椰菜苗椰菜苗爽脆鮮甜，簡單以蒜蓉調味，已經很清爽味美。金柚子沙律 柚子沙律很特別以青木瓜盛載，增添泰式風味。柚子肉撕成一塊塊，入口很有質感很飽滿，味道清甜多汁，伴上櫻花蝦乾，作為前菜很開胃。泰式奶茶 泰式奶茶外觀呈橘紅色，特別吸引，味道與港式奶茶大不同，各具特色。菠蘿梳打菠蘿梳打有不少果肉，清甜多汁。梳打水少甜，入口有氣解渴。

今日同大家介紹下小區嘅餐廳間嘢開喺呢一區對街外人唔係話就腳 揸開車根本唔會走入嚟呢度所以呢間嘢幾高質又唔使排隊呢間野泰國菜超大間，坐位又多大闊，只係睇餐牌都要15分鐘，因為真係好多選擇，咩都有齊。生菜包嗰個菜非常新鮮食落去完全冇油膩感少少辣辣地好開胃小食拼盤炸得好脆上枱即刻食要小心辣親嘴咬落去颯颯聲個雞湯河酸酸辣辣嘅湯底啲雞都好滑 時間啱啱好嘢飲嘅話叫可樂佢跟個冰底畀你泰式奶茶亦都幾好味佢哋啲嘢食分量十足個炒飯係最後上但係好食到清曬兩條友食咁多野都係3百幾，真係抵到難！！

本身住將軍澳區，不過好少特登走入去康城，見佢哋早前商場開，所以搵時間走去逛一逛，順便食晚飯。商場有唔少選擇，見到呢間「亞泰」個名好似幾親切，因為通常叫啲熟悉朋友做阿乜阿乜，所以揀咗泰菜嘅亞泰。泰國菜我最想食炸蝦餅同冬陰功，所以揀咗冬陰功龍蝦湯河、泰式拼盤等等。《泰式拼盤》有蝦餅、春卷、鳳凰丸，啱啱炸起香脆鬆化，我鍾意食蝦餅因內涵全係蝦膠，唔似得一啲餐廳用得太多粉，有啃勁得口感確唔同。《冬陰公龍蝦湯河》原隻龍蝦唔係太大隻，不過勝在肉爽，吸收咗冬陰公湯汁嘅龍蝦肉帶酸辣幾惹味，仲有牛丸亦係彈牙，唔錯。《海南雞拼豬手飯》雞肉嫩滑配有三款醬汁食落各有特色，豬手幾入味，反而飯唔係太熱同唔夠雞油香。椰青水同青檸梳打，椰青水好清新，青檸梳打則酸甜夠開胃。

大鄉里出城， 今日踩單車入到日出康城（第一次去）， 揀左泰國菜醫肚，環境舒適 燈光柔和。 好彩早去， 埋單個時勁多人。火車頭雜錦船河（$78）雜錦就最適合我咩都得食，又有選擇困難的人， 用料非常多，湯底正，有肥牛/扎肉/貢丸/豆卜/泰式餃子, 其實仲有個龍蝦湯河同冬蔭公河。。。招牌蛋咖哩蝦球枕頭包（$118）賣相真係無得輸， 超大隻蝦，非常大隻新鮮，蝦肉係爽脆，咖哩偏甜易入口配面包/飯，同樣出色。招牌蛋汁/炒蛋加甜咖哩，最後再加個薄餅食埋個汁， 真係好好味。。面包蓋又脆口。泰式海南雞拼豬手飯（$88）無骨豬手， 絕對係花心思之作， 豬手入味非常。海南雞嫩滑。串燒（雞肉/豬肉）各2串（$62）香烤串燒， 夠碳燒味。椰汁西米糕（$35）泰式甜品唔係芒果糯米飯 就係椰汁西米糕， 主菜食得太多，食個西米糕清清地，好鬼滿足。

亞泰係日出康城好受歡迎🔥，抵食之餘食物質素都好正😜，今日去都要等左一陣先有得食😆。。泰式鮮蝦金邊粉 $78我就叫左我鍾意食嘅泰式金邊粉🤩，味道酸酸甜甜幾有風味🇹🇭，而且蝦都好爽口添😛。。火車頭什錦船河 $78船河係呢度嘅招牌之一😗，裡面相當豐富，有肥牛、扎肉、貢丸、豆卜、泰式餃子，而且湯底都好濃郁呀😍。。串燒（雞肉）4件 $62呢度嘅串燒可以揀雞肉或者豬肉😎，而我比較鍾意食雞肉串燒所以就全部都揀左雞肉😂，點埋沙爹醬汁之後更加惹味🤤。。炭燒泰式豬頸肉 $78最後當然唔少的泰式豬頸肉❤️，炭燒之下更加香，而且肉質同味道都好吸引😋。。飲品：泰國鮮椰青 $38 + 青檸蘇打 $28

今日約左朋友食飯 我又未入過將軍澳康城 於是我就入左去康城食飯 第一次去康城 我緊係要睇下有咩餐廳 隨意就揀左泰國餐廳-亞泰餐廳空間感幾大 坐得幾舒服 估唔到平日都有好多人排隊 (大約7:30) 等左一陣就可以入坐 泰式拼盤 (泰式春卷、蝦餅、鳳凰丸) $78上枱炸到熱辣辣 蝦餅出色冬蔭海南雞湯河 $75河粉份量好多 鷄既份量都偏多 可以足夠兩個女仔食 不過略嫌冬陰功唔夠濃味 如果再濃味就perfect 招牌蛋咖喱蟹肉枕頭包 $128個包好熱 同出面一般農夫包唔同 呢個枕頭包比較軟身 而出面農夫包會好脆而且乾到戒口 個人黎講鍾意枕頭包多啲馬拉盞炒椰菜苗 $68好味 馬拉盞有椰菜面係我最愛嘅泰國菜 🤤青檸梳打 $28總括來講：食物質素好味 上枱速度有啲慢 等左半個鐘先有第一道菜 不過員工有禮貌 下次會再encore 推介指數：💛💛💛💛

有日喺The LOHAS見到「亞泰」門口有唔少人等位👥就去咗試下.泰式小食拼盤🥢泰式春卷🫔蝦餅、鳳凰丸🍢蝦餅啖啖肉😬春卷餡料有冬粉，幾特別🤪鳳凰丸用咗雞肉同香草整成🐓味道唔錯.泰式炸蝦餅🦐外皮炸得香脆，炸粉薄身😆蝦肉爽口彈牙，點埋泰式甜辣醬超夾🌶.泰人大頭蝦冬蔭湯🥣聞落好香，酸辣開胃🤤蝦肉彈牙.招牌蛋咖哩蟹肉枕頭包🥠蛋咖哩味道唔重🍳蟹肉量頗多🦀配枕頭包都幾好味😋.馬拉盞炒通菜🥬通菜新鮮爽口，不過略嫌唔夠惹味🥺.泰式甜品(4件)🇹🇭分別係椰汁西米糕、椰汁千層糕🥥2款糕點椰香味香濃，千層糕煙韌😗.泰式奶茶🥤口感香滑，獨有茶香濃香💨.椰汁珍多冰💚粉條軟滑，椰汁香甜

話咁快又到左Happy Friday ，食泰國野又唔一定要出城嘅，就近近地係康城食都得。#海南雞去了骨的海南雞，無論係皮同肉都非常之滑溜，連雞胸部位都唔鞋，食落有咸香味，點埋醬汁，啖啖滋味，美味配搭。#冬蔭龍蝦(1隻)湯河原隻龍蝦🦞新鮮咬落彈牙，有2粒貢丸，咬落很柔軟，最重要係個湯夠熱，河粉是幼條很夠滑，冬蔭湯濃度很好👍，足料酸酸的而帶點辣，湯都飲晒😛。 ＃招牌蛋咖哩蝦球枕頭包個枕頭包焗得外脆內柔，咖哩味很香，汁濃郁辣度溫和，共有5隻蝦🦐球爽口且彈牙。

食餐飯好似欠左佢咁，仲要收加一服務費。一入去搵唔到個㩒票機，個收銀就好無耐性係咁同話「門口左手邊」，乜你好忙好多客咩？一直都唔明點解會有點店會俾滾水啲客，呢間一開始又唔會俾滾水個喎，問你拎多杯就俾滾水我，又唔同你講聲，一野就飲到我辣親利。你又唔係有人等住要入坐，最後我又飲唔到杯水，咁你俾杯滾水我係為咩呢？我又唔係啲咩西客，都唔該前唔該後，洗唔洗咁對我？最後走個時個收銀又唔好唔耐煩咁同我講唔可以用八達通。點姐？又無客入，又得我一個要俾錢，好帶我放低張單係你枱面之後都等你慢條斯理搞點埋你自己啲野，係都應該係我唔耐煩喇？

康城開左新商場之後成日都過黎搵食~呢間泰國野晚餐又好味價錢又ok，今日趁weekend就黎食個lunch~泰式海南雞伴油飯、泰式海南雞拼豬手飯見人地檯上既海南雞勁吸引，於是我就叫左泰式海南雞伴油飯，老公就叫左泰式海南雞拼豬手飯。油飯可以轉白飯，所以為食但又想健康d既朋友仔都可以自由選擇~但講真油飯係一定好食d冇得輸~老公果個油飯又香又軟糯~同海南雞一齊食超正~泰式海南雞拼豬手飯既海南雞俾左雞脾，啖啖肉之餘仲好滑，可以一啖就sir入喉嚨~豬手亦唔肥，肉好多，咬落一樣唔韌易咬，識食一定叫雙拼!附上既湯清甜，連飯一齊當湯飯食又另一滋味~通菜配腐乳醬食咁多肉當然要叫d菜黎balance一下~呢度既通菜好大碟~腐乳醬係另上~好鍾意呢度既option好人性化，想要多醬少醬可以自己話事~通菜既份量兩個人食夠哂~咬落爽口唔會成口都係渣~泰式拼盤泰式拼盤有蝦餅、春卷、魚餅，夠哂兩個人食，香口又唔太油，最鍾意個蝦餅，彈牙又有咬口，外面又炸得香脆，超正!

小妹立志要去哂全港九嘅Namco🤭, 所以決定今日同朋友勇闖康城😆! 大長征之前首先要填飽左個肚仔先🤣 於是就係商場搵食, 見到E間亞泰泰國菜勁多人排隊於是就入去試下, 餐廳環境幾闊落, 裝潢用左泰國織藤×現代風格, 帶有一種傳統嘅味道!🌟青檸🍋梳打🍹🌟柑桔蜜(熱)🌟泰式拼盤(泰式春卷，蝦餅，鳳凰丸)整體幾脆幾香口而且大大件😊, 蝦餅口感彈牙啖啖肉, 鳳凰丸由雞肉同香草混合而成, 味道唔錯! 小妹沾左招牌蛋咖哩嘅醬汁, 食落都幾夾, 又有另一番風味!🌟冬蔭龍蝦🦞(一隻)湯河🍜平時多數都係比半隻龍蝦, 但E到竟然比一隻😯, 冬陰功湯幾夠辣, 河粉份量足而且幾吸湯!🌟招牌蛋咖喱蝦球🦐枕頭包🍞蝦球大隻口感爽彈, 蛋咖哩味道唔太咸, 咖哩味幾香, 沾埋口感酥脆嘅包包食索哂d汁, 正😋!

泰國菜餐廳通常只會諗到九龍城裝修有啲老土嘅泰國風格雖然好食，但坐得唔舒服今次試食呢一間 #亞泰 🌟位於將軍澳康城裝修同埋食物嘅風格都比較年輕同清新🔸炭燒泰式串燒揀咗豬肉同埋雞肉完全唔乾唔柴咬落去好多肉汁而且調味方面偏向甜甜地大人細路都鍾意食🔸泰式飛天通菜飛天通菜超有鑊氣而且調味毫不吝嗇落足泰式豆瓣醬同埋蒜蓉🔸泰式海南雞拼豬手飯豬手好似化骨綿掌咁入口即溶海南雞唔會好肥，雞皮做到爽脆配埋海南雞獨有嘅黃油飯，一流🔸蝦頭油海鮮炒飯炒飯加入蝦頭油令炒飯更香口而且又大大粒嘅蝦仁及各種配料令炒飯口感十足🔸冬陰龍蝦（一隻）湯河冬陰功味道酸酸辣辣非常開胃好鍾意佢哋嘅湯底有濃烈嘅香茅味龍蝦就唔在講，分量十足

今日同屋企人食泰菜，唔一定食金邊粉同海南雞都可以好好味!香茅雞翼雞翼大大隻而且烤得好香，香茅味突出肉質又保持到有肉汁，整體非常惹味!燒豬頸肉呢個真係好抵食而且燒得好香，豬頸肉件件都燒得好均勻而且加上醬汁調味，鮮嫩而且一咬就咬到唔會韌，非常高質!腐乳通菜正常水平而且一讚係份量都相當多!冬蔭公蜆鍋呢個真係岩哂3-4個人食，可以飲到湯又可以食到蜆。湯底香辣而香料味突出，蜆肉冇沙夠哂嫩滑又唔會縮到好細隻，另外嗌多個黃薑飯，食落有黃薑既香同埋冬蔭公既惹味!泰式奶茶亦係大大杯，奶味香濃同茶既比例岩岩好，非常抵食!