A Little Bit Restaurant (Closed)

我是十分懶打字的人,對這餐廳評價三個字:冇下次!上菜速度慢: 和男友每人叫了一個$79+$15的 All Bay Breakfast, 等了至少20分鐘,成間餐廳坐滿都祗係得10~12個客人食物ok~d沙律菜又黄又乾:我對食物要求唔算高,基本上腸仔,煙肉,火腿,炒蛋果d唔太loan我都覺得好食~ 所以我覺得食物ok~ 唯一必需要講就係.....d沙律菜又黄又乾~ 睇見都唔開謂~唔要仲好~重點 <<< 超大油煙味>>> :今次push我呢個懶人寫咁多字,係 因為原本放假諗住食個 relax late breakfast~ 但係d油煙仲勁過食韓燒~ 在"漫長"嘅等餐過程中,我lum過好多次想走~唉~費事咁衰,唯有頂住~ 快快脆食完~ 成身油煙味~😷😷 好似食完韓燒咁~如果我早知咁大油煙味~我去大家樂叫兩set tea combine黎食仲Relaxxx~😤

上星期到大棠睇完紅葉後到黎到其中一間心水餐廳食晚飯，舖頭門口望落好舒服，但環境有啲窄，得大概7張枱左右。我地2個人叫左一個意粉carborna味道幾好，煙肉好夠味，不過個意粉可以濕返少少。火龍果拼得幾靚，唔知有心定無意入面啲生果由淡味到濃味，幾好。all day breakfast冇咩特別，但個窩夫一叉就散，差啲黑糖朱古力跟餐+15 無咩特別，係裝飾得幾好mocha milkshake跟餐+15，一上枱見到啲冰好粗，飲左啖...smoothie黎既！即刻問一問個waitress(舖入面得2個waitress幫我地落單個個三魂唔見七魄，落完單覆一次但錯左)我地都唔好意思再問佢，問第二個waitress呢杯咩黎，佢都答我係smoothies我話我叫milkshake啵以為落錯單喇，佢check完話冇落錯，係廚房整得唔好幫我換個杯，佢自己都話呢杯唔掂，算你老實喇，抵讚！

約了GOGO到元朗行街,順便食埋LUNCH,之前見到有間以all day breakfast出名,一於去試下先,都幾多人幫襯,不過可以留電話等位,有位就打返比個客,最LIKE呢D服務,可以周圍去行下先,行左15分鐘到都有位了。小小的一間店,空調不夠,比較熱,但都坐得幾舒服。揀左A Little Graceful,$88,+$15可轉特飲,我轉了Cappuccino。Cappuccino,不俗。A Little Graceful,有蛋、煙火腿、煙肉、漢堡扒、法蘭克福腸、茄汁豆,烤蕃茄、配果醬&窩夫、生果,好豐富呀,感覺上好齊全,有早餐、飯後生果&飯後甜品咁呀。煙火腿、煙肉、漢堡扒&法蘭克福腸都是雙份的,好抵食,炒蛋滑,半熟的蕃茄好味。生果盤真係好搶眼,配搭好靚,色彩繽紛,而且多款生果,有火龍果、橙、菠蘿、奇異果、士多啤梨&哈密瓜等,仲要新鮮,好欣賞呀。窩夫,當甜品食,口感脆內柔軟,配糖漿食幾好味。GOGO的雪糕七喜。好抵食的all day breakfast,份量好多,又好好味,價格又合理,服務態度友善,十分滿意,但唯一唔好係空調爭D,比較焗。元朗鳳翔路45-67號金馬大廈地下14號舖

元朗總是人多車多, 特別是在大馬路豐年路一帶, 基本上一間食肆正正常常也會人頭湧湧如果要避過人流, 就要走到內街早前來到A Little Bit Restaurant, 人檯不多, 就靜靜享受的一餐, 這小店的all day breakfast 最為有名, 最欣賞是從fb得知店主每天到果欄挑選甜及新鮮的生果, 因為店主發現好多客人不吃配菜, 所以把配菜轉為生果盤, 為的是吸引客人吃多一點水果Order 了2個套餐, 並轉了鮮榨果汁蘋果甘荀, 菠蘿汁南瓜湯配上蒜蓉包南瓜湯不稠, 入口很smooth 的感覺, 不膩, 連平常不愛南瓜湯的男友也喝蒜蓉包微暖脆口, 最怕一些透氣了的法包, 又硬又”un”, 口感不討好夏日推介這個涼拌麻醬海鮮冷麵冷麵內的”麵”應該是意粉, 海鮮很多特別是魷魚圈,帶子粒,蜆及蝦, 而且涼拌+麻醬一洗暑氣, 非常開胃, 但略嫌意粉口感較為硬身Carbonara, 常常覺得 Carbonara要趁熱吃才可口, 第一口的Carbonara 味濃, 但吃到一半便覺得太膩了, 因為煮得太過”杰”身, 最後還剩兩口生果盤最驚喜的是奇異果及士多啤梨也是甜的, 很多食肆的奇異果也

位處一個corner位的A Little Bit，於店門外設有露天茶座，整間店很有法式小清新的感覺。今次只小試佢嘅waffle，有機會先再試正餐。本人一直都係對waffle呢回事不大好感(又甜又滯)，平時都係同friend share先食。佢係有好幾款waffle揀，搭杯野飲轉set。揀左個"A Little Bit Smile"。賣相緊係靚靚，生果淋上syrup、朱古力醬配埋綠茶雪糕。甜得黎唔會太漏，個waffle唔係厚身type，反而帶少少脆咬落感覺幾好。好就好在剛好一個人嘅甜品份量，唔好就係嗜甜或想share嘅朋友就會唔夠喉。唯一的缺陷就係控制油煙方面。皆因佢係open kitchen，食完個身一陣油煙味。添食指數: 7/10

想不到相隔個零星期，我又返來元朗了~~今次是因為公事而過來~~時間尚早~~於是搵左間餐廳食個lunch經過a little bit~~被它的門面吸引~~~入左去坐a little bit主打係all day breakfast 意粉和甜品今次我叫了一個最細size的all day breakfast $7x有煙肉、有漢堡、有火腿........每樣都是兩件(好多呀^^")大份係大份~~不過味道一般~~好油的畀ok另外要加$15先有湯/野飲(真係貴d^^")如果下次再來~~我想試試佢地d甜品~~~因為我個餐件窩夫真係幾好食~~~

一直經過這店都很想試，今晚終於與外國回來的友人選了它去dinner,8點多到達店鋪，我們不想坐外面的位置(太熱了)，幸好店內還未坐滿，店員友善地為我們安排撘枱餐牌上食物選擇不多，主食只有意粉和all day breakfast,我選了all day breafast(relax),友人選了麻醬海鮮冷麵all day breakfast(relax)有茄汁豆，炒蛋，漢堡扒，火腿，腸，窩夫，份量充足肉類煎得很香但較油膩，吃完碟上佈滿一"pat"油，茄汁豆則不過不失。最滿意的是炒蛋和窩夫，炒蛋不算很滑但充滿牛油香，正窩夫有配上蜜糖，窩夫很脆而且有蛋香，很想encore!麻醬海鮮冷麵有水果伴上，份量真的偏少，女生亦未必足夠，海鮮亦只有魷魚和一隻蝦，材料不足，麻醬味道不錯鮮果榨汁(lemon+pineapple+orange)/(pineapple+orange):兩杯的橙味較突出，味道ok,消暑之選ps:店內環境佈置不錯，可惜冷氣不足，抽風不佳，吃完衣服上都沾滿油煙味

想食ALL DAY BREAKFAST就即刻諗起佢  純白色裝修+外牆掛幅畫仿歐陸風, 有時可以坐外面,天氣好的話都幾舒服幾悠閒既. 不過位於馬路旁就有食塵風險.室內擺放5張枱+開放式廚房, 基本上行路有困難, 坐定就唔好周圍郁夏天的話, 冷氣唔係好夠(可能成日開門閉門走冷氣) 不過好彩抽煙系統做得好, 冇乜油煙味           GOOD食物選擇唔多:粉麵/All day breakfast/窩夫各5-6款,假日Lunch&Dinner都係同一個menu, 分別係份量.1.) All day breakfast(Graceful)   $88/LUNCH(雜果,焗蕃茄,焗豆,火腿x2,炒蛋,漢堡扒x2,德國腸x2,煙肉x2,窩夫)作為女性係會覺得好heavy(太多肉)好彩生果可搭救 =_=抵讚的是窩夫!! 留到最尾食都keep到脆, 又唔會好厚身 GOOD2.) 麻醬海鮮冷麵  $72/LUNCH (魷魚圈,魷魚片,帶子粒,蜆肉,蝦肉...)挺乾身, 唔會一PAT汁浸住, 海鮮冇雪味&好香麻醬味      GOOD以下係晚餐份量:::

最近A little bit 已經把分店開到大埔去了, 我才姍姍來遲地來到元朗的本店。夏日炎炎來元朗其實算是蠻辛苦的一件事。人多車多, 特色小店卻都是開在街上。自問怕熱會狂飆汗, 對此地區一向蠻有戒心。明知此間吸引的食肆多得很, 卻是遲遲動不了身啊。A little bit Relax HK$72 +10%A little bit 的英式早餐分三個level, 分別是"Relax", "Graceful" 和 "Tasteful"。最高級的 "Tasteful" 有煙三文魚, 而 "Graceful" 又比"Relax" 多一份烤蕃茄。今次先簡簡單單來一份"Relax", 份量也比預期之中要大, 因為不少材料都是「打孖上」! 女孩子會覺得肉類太多嗎? 有嫩滑的炒蛋 Fried egg, 火腿片 smoked ham x2, 厚煙肉 Bacon x2, 漢堡扒 Burger steak x2, 腸仔 Sausage x2, 茄汁豆 Beans, 窩夫 Waffle with homemade syrup, 再加上沙律, 豐富吧!! 色彩又斑斕, 也許就是all day breakfast

 5月1日，小弟及女友都放假，諗咗一陣去邊度食個下晝好，雖然女友病病哋，但好似有一段日子冇食 all day breakfast，所以我哋去openrice 睇下新界西有啲咩揀喇。平時諗到all day breakfast，會即諗到Habitu 或Blicklink，但今日係呢一面，想試下新嘢，我哋就嚟咗A little bit restaruant。好好彩，我哋到果時冇咩人，可以直接入閘，坐門口。坐低都未諗到食咩，入面有人走，呢個天時都興興哋，即刻轉場入去坐！坐左張好似bar 台嘅東西。但張嘢一般好坐，個人短少少會屌腳。叫嘢食，叫左一個最豪嘅all day，而女友就叫一個輕少少嘅，但都好齊嘅。我見格離幾台都等左一陣，好似佢哋人手唔係好夠咁。先嚟咖啡，等咗5分鐘就嚟。我叫左杯cappuccino，唔錯，小弟唔鐘意加糖，要最raw 嘅味，呢杯本身應該係深烘焙，冇酸味的，我就係鍾意呢種。佢啲泡好滑，好full。Cappuccino 就係要咁，就係想有呢隻滑同苦夾住去，飲左兩淡，個人醒晒！等了又等，見到佢踢晒腳，我杯嘢慳住飲都飲左成半啲嘢都未到，我諗佢要諗下計了。中途聽到疑似係老細嘅人物同c

今日決定單拖去試下一間想試左好耐既餐廳 皆因早幾日復活節連續行過幾次都見到人山人海既排隊情況 心諗尼間野鋪仔細細 究竟有咩特別可以做到咁呢 所以今日決定去試一試 估吾到 連平日都要等幾張枱 好彩等左幾個字已經有位姐 講下間鋪先 剩係open kitchen都已經佔左鋪頭既一半 坐爆都應該係得10幾位 偏偏俾人一種好warm好熱鬧既感覺 可能因為裝修用左白色做主調 加埋一d木色 高既天花 令到空間感會更加實在 另外同店員傾左陣 知道星期六日同紅日都會喺店外面擺埋枱 開埋2把白色既太陽傘 用花架圍返住 感覺應該幾有外國街頭咖啡既風味 anyway 下次先試坐出面 而家回歸正題先我叫左鋪頭既主打 all day breakfast同埋雞翼 而個早餐分開大份細份($6x & $8x) 分別在於一個烤藩茄同埋生果盤 我最後都係要左份大既 另外仲叫左4隻雞翼 野食等待既時間吾算短 大約10至15分鐘 相信係即叫即做既 心諗咁等下都ok啦 上菜 我既早餐梨先 一開始個顏色已經令我喺心度講左句 掂禾 蕃茄炒蛋火龍果盤 加埋吾同既肉類 哈哈 有埋顏色配搭 仲有一細格既窩夫 好豐富xd 第一時間試試先 試

先講環境，店面好細，進餐時要不停閃身不下十次避開穿插的侍應。食物溫度介乎暖與凍之間，平時ALL DAY BREAKFAST的主角是可以讓你選擇如何烹調的雞蛋，但這裡沒得揀，一律牛油炒蛋，還要是整定的，對於好怕牛油騷味的我，真係好難頂。。。這裡的ALL DAY BREAKFAST分兩款，一是沒有生果和蕃茄，收66幾（不包飲品），一是有生果和蕃茄收八十幾（不包飲品）, 本來好想要蕃茄，但因為不吃火龍果（生果的主要是火龍果），其在沒理由比多廿蚊買一舊蕃茄，所以點了66的，除了焗豆（呢個先經典，咁大個人第一次食焗豆D豆竟然有咬口，好似未煮透咁），來到時是一大堆肉，一點伴碟的沙律菜都沒有，更莫說是磨菇、薯餅之類，如果你喜歡廉價肉，這裡一定可以滿足你，打著英式旗號，食材卻通通是SUPER MARKET買得到的漢堡扒，煙肉等等，和平常真正用英國食材的ALL DAY BREAKFAST差太遠。。。說到這裡，你可能覺得66蚊係咁上下啦，但其實叫埋野飲埋單係88, 比起其他一百蚊度連飲品的舖頭，平了只是十元八塊，但質數就。。。

遲黎嘅po~~~其實呢間鋪啱啱開嘅時候食過一次  好正尤其係窩夫同飲品估唔到大佬會約我係到食情人節晚餐對於我黎講果度的確幾浪漫無論係坐裡面定岀面環境都唔錯入到去  我地叫左個情人節晚餐(HK388)-蕃茄湯 x2-瑞士雞尾蝦杯-挪威三文魚玫瑰沙津-10z 安格斯牛扒    煎得啱啱好 味道適中 唔會落太多黑椒  遮住曬  塊牛扒本身D味-香煎比目魚柳  比目魚柳本身係d比較軟身  食落口真係會有  入口即溶嘅感覺-烤蘋果雪糕  初頭好怕佢無窩夫  因窩夫係小妹嘅最愛之一  好在佢都有個小窩夫比我配雪糕食  窩夫+雪糕😍😍😍大愛  不過最令我驚喜都係個烤蘋果  蘋果烤完之後水份被吸乾  味道十分濃郁  多多甜 少少酸咁  當食到好飽嘅時候  係一個唔錯嘅飯後甜點-情人節特飲  係一杯熱mocha  暖粒粒又夠甜同情人節好夾果日唔知係咪因為情人節嘅關係店員都會幫每一枱影一張即影即有之後佢地就貼係張餐單到形成好靚嘅一張情人節卡~~~呢間真係令人好窩心嘅一間cafe

這家店在我家附近，常常經過都聞到意粉的香氣，而且店舖外觀有點外國餐廳的休閒感覺，所以一直想試試。這天，終於來試試看，一看餐牌，價錢在元朗區算是有點小貴($80左右，不包飲品)。不過，都來了，就點了煙三文魚意粉及carbonara意粉。一上桌，長方形的碟上放了一個火龍果水果粒拼盤及一小撮意粉，看到當下真的有點驚喜!喜是很少看到意粉連水果的組合，而且水果的質素不俗，有點清新的感覺。驚是意粉的份量也太少吧，碟上那小撮意粉算起來是只有四、五口，如果是男士鐵定不飽。再來味道只是普普通通，carbonara的醬汁不夠，弄得意粉好乾身，沒有creamy的感覺。而煙三文魚意粉是炒的，也很乾，煙三文魚的質素也不好。總結，只有擺盤的心思是不夠的，還是提升下食物質素吧!

沒有事準備，沒有資料搜集，這天走到元朗街頭，在轉角看到A Little Bit Restaurant，清新的裝潢站立在煩忙的街道，有點令人開朗的感覺！外觀上是百分百的喜歡，忍不住要走進去，食物又怎樣呢？是否虛有其表呢？因為只有兩個人，所以試了的菜式不多：Coffee Mocha～沒有求証，但味道喝下去是用朱古力粉沖的，還是比較欣賞用dark chocolate，更好的是用mocha豆吧！蜜糖雞翼～點這菜時覺得有點貴，但想吃還是點吧！但吃下去覺得真的是心機之作，蜜糖應該是分了幾次塗上的，很入味。鮮果雪糕窩夫～用料算是新鮮，頗欣賞窩夫不太甜！整體來說環境來食物質素也很不錯呀！