A Little Bit Restaurant (Closed)

好喜歡這一個黑板上面寫着 We Have No Wifi "Talk" To Each Other意思是「我們沒有提供無線網絡，請互相交談❤」A Little Bit Relax［$65HKD］炒蛋 煙火腿 煙肉 漢堡扒 法蘭克福腸 茄汁豆 窩夫這是 All day breakfast 之一全天都有供應整體來說肉類比較偏油可是不得不說這間餐廳選用的肉真的挺好吃的尤其是法蘭克福腸和漢堡扒A Little Bit Passion[$55HKD]芒果 奇異果 火龍果 青檸雪芭 芒果雪糕 焦糖蜂蜜 果仁脆脆窩夫口感不錯而且不會太甜窩夫系列一共有五個，每個的口味的不同A Little Bit Graceful[$88HKD]炒蛋 煙火腿 煙肉 漢堡扒 法蘭克福腸 茄汁豆 窩夫 烤番茄 生果這也是 All Day Breakfast 之一要是擔心不夠吃的話可以選擇這個烤番茄沒有預期的酸很好吃最後來兩杯飲料~五青汁($28HKD/跟餐+$15)鮮果奶 (BANANA FLAVORE)($27HKD/跟餐+$15)

一起身就想食all day breadfast,家住屯門唔想去太遠,即刻上OR搵到呢間.裝修尚算精緻,有隱世了小店嘅感覺,可惜呢種感覺只限店內坐位.由於店舖位於紅綠燈位,非常多人經過,途人每每經過都對我地嘅食品非常感興趣(可能此類食品係呢區還算少見吧~),但對於食客嚟講就唔係太自在啦!All day breadfast有兩款(名唔記得LU),$88同$68,分別係$88多咗個燒蕃茄同新鮮生果.等咗陣,先上咖啡.點嘅係hazelnut latte同latte.奶泡綿密,口感不錯,可惜唔夠熱,只可叫暖.等再約15分鐘,見隔離枱嘅carbonara好似幾正咁,於是問下如果未整可唔可以改單,侍應姐姐即刻幫我睇下,結果整緊lu,唯有下次先試啦.btw,姐姐態度幾好.再等多10分鐘,嘢食嚟啦,賣相唔錯.一食,好油,再食,條腸凍嘅?!(入面係熟嘅,好似攤凍咗咁)唔係即整㗎咩??煙肉燶咗有苦味.都幾失望,差d想換咗佢,老實講,成$88都唔平,況且整all day breadfast幾乎無技巧可言,如果咁都又油又凍又要等,真係不值一吃!!最後食埋個窩夫,竟然有驚喜!雖然已經凍哂(呢次係因為自己攤凍咗啫)

平時去元朗都係去開chief 個間食，不過d野食越來越唔掂，可能係因為個廚師轉左人啦所以今次去左另一間開業唔耐既A little bit restaurant 佢地既門面同埋裝修真係幾好坐低之後就叫左個簡單既卡邦尼意粉，點知一黎到真係幾有驚喜，意粉隔離有個好精緻既生果盤，係用火龍果挖空做成，好有心思意粉味道幾好，我就最鐘意佢夠香口食完再叫左個甜品窩夫 A little bit smile 同咖啡弄比，完全係超班，外脆內軟，口感一流，加埋d生果真係一流，最正既係佢地個糖漿，濃得黎又唔漏，正一定要再黎食先得

2013年最後1餐 本身都以為好多人 , 因為冇BOOK位去到有位不過要坐出面, 果晚都幾大風同埋人來人往 , 招呼我地既男仔都幾好叫我地坐陣, 比杯暖水我地, 有位幫我地轉入去都坐左3,4個字 , 終於入得去啦 佢本MENU得好少野 .. 冇SET 食但我地又見到有扒食 , 本MENU又冇WOR叫左個WAITER尼問下啦 .. 佢先會再介紹話今日有個牛扒 RIB EYE &另一個 豬扒配意粉之後我地叫左個 Carbonara $7X 賣相OK , 但係落得太多黑 , 完全掩蓋左個Carbonara味道如果本身係ORDER 黑椒意粉係OK 既第2樣叫左安格斯RIB EYE配1個黑醋SAUCE蕃茄 $ 13X依個都OK ,  油脂較多但分部均勻 , 食起來格香嫩, 口感幾好最後甜品A LITTLE BIT MORE  $5X有3個雪糕球 , 但好細個 SO FAR , 今餐都算OK其實佢意粉,牛扒都可以加$15有湯或者飲品不過佢唔係木台木台都講, 同埋個WAITER講野真係太快

之前經過這裡a little bit 餐廳還未正式開業已深深被這白色門面吸引著心想，一定要來試試店內座位不多以簡約白色雅典為風格裝飾都很美桌上有些小擺設為白色調子添了不少生氣可能因為開業不算久侍應們的服務態度都非常良好很細心地為我們寫單及介紹菜式雜菌意粉($68)在意粉旁有一個以火龍果造成的小生果籃別出心裁賞心悅目驚喜生果都算很鮮甜作為前菜或甜品都一流雜菌意粉的汁料很夠濃夠香忌廉汁若更多汁就更對口味了雜菌都很甜yummy!煙三文魚意粉($78)火龍果生果籃一樣地別緻繽紛煙三文魚味道ok放置成玫瑰般也別具心思意粉味道不錯這餐廳招牌美食其實是窩夫一共有五種配搭選擇我們點了一個叫 a little bit complicated ($45)有橙、奇異果、火龍果、士多啤梨、雪糕、焦糖蜂蜜、果仁脆脆賣相多色彩很美水果配上朱古力醬又很美味主角窩夫是比較重麵粉味的是比較硬身的質感咬下去有點脆的口感配上蜂蜜更能點綴其味道水爺非常喜愛這甜品呢水太太都覺以這個窩夫作晚餐的完結是相當不錯這裡的價錢算是相宜環境和情調都相當理想食物也不俗非常適合知己聚會或二人世界享受這小小的幸福時光

係條街搵緊地方落腳食飯後甜品嘅時候，俾呢間餐廳嘅外型吸引左,之後行近睇下，見到餐廳入面客人D食物都幾精緻下，望望價錢又唔太貴，所以决定試下」結果點左個窩夫•••雖然等左有D耐，但係個窩夫黎到之後都有D意想不到。起碼快外貌其他糖水舖嗰啲，求其擺舊窩夫加pet雪糕落去，呢個真係有擺心思切出嚟再試試味更有D意外，個窩夫外脆內軟，另上嘅蜜糖甜而不膩，入口感覺好清，旁邊同嘅生果個甜品都幾配合，味道上唔會有太大差距**另外，餐廳裏面氣氛都好好」 裏面陸式嘅裝飾擺設配上聖誕氣氛嘅音樂，同外面嘈雜嘅馬路完全隔絕，締造左一個舒適既環境用餐••而且餐廳員工都係一班好nice嘅年氣人，感覺好有朝氣**

見到元朗新開有all day breakfast, 因為地方細細，不過就算等一陣都值得！食完就更覺物有所值！鮮榨奇異果，蘋果汁，$15/杯！不加糖水，so fresh!All day breakfast Graceful, $88, 中間個黑醋洋蔥焗蕃茄，一切開啲黑醋汁流晒出來，夾埋香脆煙肉，火腿，漢堡，德國香草腸完全中和得好好唔覺漏。炒蛋又滑又香濃！最正就係個窩夫，從未試過中間咁薄脆得來又唔會刮損口，井字型窩夫好鬆軟又香，落埋糖漿香甜，食完覺得好幸福啊！以後我地又多一個假日早餐好去處！

平時返屋企都會經過依間餐廳,想試好耐,但可惜平時8點幾屋企早己煮了飯等著.終於星期三提早放工得閒,一支公去左食,野食方面,食物不錯,有意粉有生果伴著，火龍果挖空了中間放著各式水果,叫左OPEN RICE上面有人食過既卡邦尼意粉($68)食落唔錯,生果幾新鮮,醬汁幾濃,而且見佢地有ALLDAY BREAKFAST,好吸引人,原本諗住下次再黎食BENEDICT EGG,但相信應該唔會再黎,因為由我坐低到賣單走人,一杯水都冇叫左個侍應拎水唔該,但佢好似聽唔到.我見其他幾張桌子上都有一瓶水放著等客人可以自己倒,而且都有餐巾可以擦一下弄髒的嘴巴,無奈我水又冇,紙巾又冇.我冇+ $$叫野飲姐,都唔該俾杯水我啊.賣單時見到要加一,其實冇咩所謂,但你收得加一服務費,點都俾返少許服務我啦!

早前途徑元朗，閑逛時有緣發現一間以白色田園為主的小餐廳，一心想找機會來探訪。直至今晚的約會，但因記不起所在地，慶幸好朋友不嫌寒風跟我周圍搵。由於小餐廳面績只能容納八張枱的關係，到達時還要等上一陣子。值得讚揚一下小店內唯一的服務員，雖然只有她一人，但看得出她很賣力哩，而且亦會推介菜式……當然亦有甩漏的事件，但值得原諒的！位於元朗的小小西餐廳也有All Day Breakfast，而且價錢也合理，下次必定要試一下。今晚被安排坐室內，但其實小店是半開放式的，所以跟在外分别不太，只是桌椅不同而已，枱上更以乾花作點聚。每張枱都有一瓶水，方便顧客自取，很貼心喔！餐廳內每款食品只需加$15可選湯或飲品，以今晚的天氣來碗熱湯暖暖胃是最好的。 南瓜湯，味道較淡，而且沒有南瓜蓉；幸好伴湯的蒜蓉包又暖又脆，亦很有蒜蓉味。 白汁三文魚意粉，開始飲湯的同時已上抬了。每款意粉旁都有一個用火龍果皮來盛載的迷你生果盆，多款水果也很鮮甜，感覺很健康！白汁味道突出，意粉也不會煮得太腍，略嫌意粉太碎，吃起來不太方便！可能因為上枱時間太早，已放涼了！ 班尼迪克蛋一出場，我倆一致認為要先品嚐，免得凍了不好吃！首先要满足一下視覺

最近甜魔家樓下新開了一間可愛的A Little Bit Restaurant，主打不同的輕食；小店以純白為主，店外一排整齊青綠的盆栽，裝修簡約又可愛，甚有法式風情；店內張貼「we have no wifi, TALK to each other」，鼓勵大家多點交談，進行面對面的交流。事實上，這樣上菜也是慢慢的，不徐不急，希望食客可以細味生活，同時更加享受食物真味。首訪那天是個陽光明媚的中午，甜魔媽媽獨個帶著妹妹，在靠窗的位置坐下，對著小盆栽及街景用餐；陽光徐徐灑進店內，感覺很是悠閒寫意。對了，店內還播著悠揚好聽的音樂，例如爸媽及囝囝都甚喜歡的Jayesslee歌曲 (沒聽過? 快去聽一聽，她們的歌聲超舒服悅耳的!)，令到用餐氣氛更加良好了。這裡12-3點供應簡單午餐 ($42-54)，有三款選擇，都是麵食，各配以咖啡／茶，食客也可以加$10轉飲餐單內的特色飲品。好久沒吃Carbonara了，甜魔媽媽二話不說就點了卡邦尼意粉($42)。成品即叫即製，約等廿分鐘才上檯，份量頗大，還拌以少量沙律菜同上，感覺很是健康。至於味道方面，要挑剔的話可改善的地方還不少，如意粉口感可以再挺身一點 (甜魔

一點放工，返到元朗，覺得肚餓，於是去覓食。經過呢度，感覺幾舒服，橫點未食過，當試新野，決定係度落腳。Set lunch 有三款，我揀左卡邦尼意粉好食：個汁啱啱好，唔會太濃味或太鹹，煙肉係脆卜卜的，連我唔鍾意食嘅洋蔥都食埋。最後隻碟係乾乾淨淨，清晒。跟餐+$10有杯五青汁，超健康。普通檸茶檸水奶茶咖啡係唔洗加$的。係上菜有d 慢，可能佢慢工出細貨。最後承惠$55，免加一。整體不錯。

是日跟baka大人補完習後打算找地方甜品店討論畢業旅行，原本已經搜索了元朗一間叫樂糖的小店，怎知走到去才發現大清潔休息一天，所以改變計劃到之前吃過的sense dessert cafe，因為氣氛比較好吧 。途中無意見到上次一間有興趣的西式小店 上次吃完甜品後經過，外面白色的設計，半開放(落地玻璃)的設計依稀記得當時感覺蠻不錯，於是上前看一下餐牌。咦！竟然有甜品，還要是說好了要吃的窩夫再看一下價位，也不貴，就二話不說進去了。可能是平日和過了晚飯的時段，客人並不多。旁邊有一對情侶而已。雖然店並不算大，應該只可以坐到十多人左右吧？但簡約設計、小擺設、手寫的紙張等等都感覺到店主經營的心思。甫入座，店員迅速送上餐牌和水，頗有禮貌，更為baka大人拉開座椅（笑）餐牌上有正餐如意粉選擇，但我們只為過一過口癮，點了窩夫一起分來吃窩夫的名字很有趣可愛，a little bit smiles, love... 對我們來說沒有所謂，其實只要花點心思不平凡的waffle也份外不同。最後點了a little bit more, 因為有三種雪糕不用煩自選，哈哈！很令人會心微笑的名字，不過點的時候不禁笑了一下，有點