賞茶 (Closed)

本身住樂富附近，知道有賞茶開左，即刻心心眼 不過一路都未有機會，但見下午茶時間好似幾抵就入左去鋪頭坐。入到去個環境幾正。不過似日式裝修多過台式？　5點到既時段冇咩人幾舒服可以睇下餐牌。呢個價錢，仲要加一杯飲品，真係抵到爛！ 叫左呢個台式厚吐司併鹽酥薯條。食物即叫即整。所以薯條真係好脆好新鮮！調味粉都唔錯至於呢個台式厚吐司，加左好多煉奶，脆既程度啱啱好。正！當然要講講呢個波霸奶茶。奶味茶味啱啱好！唔似其他茶店一味得個甜字。珍珠亦都幾有咬口！抵件夾大食，下午茶下次都會再黎！

BU劣食多 要食lunch就要落去樂富今次就去左賞茶 最吸引當然係佢嘅珍奶我就叫左L2 台式肉燥鹵雞腿乾伴手作麵肉燥其實比較淡味 雞腿亦唔算入味而麵份量真係太少喇😩波霸珍珠奶茶突然失準 勁甜 好失望囉🤦🏼‍♀️最想講係佢對筷子 短到都唔知點拎😑_________________________裝修環境：✨✨✨✨服務態度：✨✨✨✨食物質素：✨✨✨(5個✨為滿分)價錢：$48________________________唔信我嘅可以自己去試試😂地址：樂富廣場1樓1116號鋪

好少去樂富，今日去食個下午茶發覺原來呢邊餐廳都唔少🙆🏻🙆🏻揀左呢間「賞茶」食台灣野😼台式野飲選擇都唔少🤔以為佢地既茶品唔錯，於是叫左杯極品波霸賞茶😬同芝士薯條+雞翼茶餐～野食味道都可以嘅，雞翼夠脆🐔但半冰半糖的賞茶就唔多掂了⋯味道是水一樣淡🤦🏿‍♀️🤦🏿‍♀️⋯⋯茶味欠奉🙅🏿⋯⋯唯一可以保證佢無太多糖，都算係優點⋯？--------------好味指數😋：6/10翻啅指數🙆🏻：6/10人均消費💰：10-99服務態度👨🏼‍🍳：7/10乾淨指數🌝：7/10

12:45行過，見到入面七成滿，再睇吓價錢,而家樂富好少有$50以下lunch, 不過都要等左四五個字, 得一個鐘食晏就太趕, 自助式要去收銀台點餐，跟住叫no, 然後去櫃台攞餐，食完要自己放返去櫃台, 跟日本做法一樣攞餐處配菜冇乜味雞扒太大件, 切開比較好, 麵太腍味淡波霸奶茶好大杯，500cc, 茶奶味ok, 多珍珠, 每一啖都有幾粒，煙韌唔太硬，奶茶大杯, 飲埋杯嘢都夠飽碗邊有紙，見倒其他食客個盤有蟻, 衛生認真麻麻, 雖要多加留意

呢晚黎到樂富商場新開既賞茶試試店面唔算大 但6點多黎到時間尚早 所以人唔算多分別叫左雞翼併花枝丸沙茶撈烏冬，煎豬扒併花枝丸手作麵再加左$10追加一口雞跟餐飲品就叫左蜂蜜綠茶同冬瓜仙草不過好可惜店員話冇花枝丸，因為前一日打風所以d丸運唔切，結果轉左杏鮑菇同腐皮花枝卷不過不失啦至於沙茶烏冬比手作麵較為重口味一d, 但可接受雞翼出乎意料地都算大隻，唔錯煎豬扒同一口雞就尚可蜂蜜綠茶叫左少冰微糖，冬瓜仙草叫左少冰少糖，但反而蜂蜜綠茶比冬瓜仙草仲甜dd仙草份量都幾足，飲到底仲有一大舊仙草食物份量對於男仔黎講可能會唔夠飽，但女仔黎講就剛剛好呢個$4x一個set既價錢算係抵食，因為一杯野飲單價都要接近$20

係樂富好多不同國家既野食，行行下比我發現到新開左間賞茶。購買野食既方式係要自助式自己買自己攞，我和朋友分別叫左個。一口雞併頁丸沙茶乾，沙茶味好特別好食。之後重飲了限時優惠的桂圓紅棗波霸奶茶，第一次飲都唔錯幾清甜又有煙韌既珍珠，唔錯👍🏻。 煎雞排併杏飽菇卡邦尼撈，味道就比較淡唔夠卡邦尼味。飲品就叫了蜂蜜綠好好飲 ，好香蜜糖味。

行過樂富見到新開左間珍珠奶茶店—賞茶賞茶最近分店愈開愈多，原來除左台式飲品之外，仲有嘢食賣睇睇餐牌價錢都相宜，而且冇咩人排隊，一於入去試下叫咗一口雞拼貢丸乾拌烏冬套餐仲有有公仔麵同米粉可以揀套餐配一杯嘢飲，可以揀細杯波霸奶茶餐牌上寫可以免費升級桂圓紅棗波霸奶茶等左一陣就有得食最值得讚係佢嘅一口雞其實就係鹽酥雞，係新鮮即炸嘅，加埋調味粉好香口烏冬同貢丸不過不失以呢個價錢，仲可以有珍珠奶茶飲，算係好抵食桂圓紅棗波霸奶茶已經叫咗半糖，但個人都仲係覺得有啲甜，可能係奶茶加入紅棗桂圓糖漿飲落有紅棗果肉，鍾意紅棗嘅朋友可以一試