賞茶 (Closed)

武漢肺炎肆虐，大家已經戴咗年幾口罩。。。。 以前成日都會周街飲， 周街食， 但係呢年幾真係好少，因為戴住口罩好唔方便。。。。。 不過行商場， 感覺又好d喎， 同埋今日都幾熱， 行商場涼冷氣啱晒~賞茶響始創地下， 我地好快就揀到嘢飲， 桂花烏龍蘆薈同冬瓜仙草吖唔該~ 原來桂花烏龍冇得揀甜度， 但friend一飲落去就叫咗出嚟， 嘩！！ 好桂花呀！！！ 搞到我隔離飯香，想飲佢嗰杯添 好彩， 我覺得我杯冬瓜仙草都好好飲，夠凍又唔甜， 又勁多仙草，飲極都仲有 正呀！！飲住嘢行商場真係爽， 戴住口罩有少少唔方便， 但係都唔係太差。。。。 武漢肺炎快d走啦， 咁我地咪唔駛再戴口罩囉

行街行到好口渴夏天唔帶水出街真係唔掂行完始創經過「賞茶」比呢杯「黑糖波霸奶茶」廣告吸引左😂賞茶亦係我會選擇飲品既地方鐘情佢地茶味夠重夠香我鐘意食波霸因為大粒珍珠係好味d黑糖對女士都有益（我呢杯係正常，無少冰少甜）黑糖唔會太甜好怕甜到好似飲糖水咁茶味亦濃唔會搶哂d味波霸好食大大粒夠彈咁我覺得有黑糖一定好飲過普通珍珠奶茶啦🤣雖然d人覺得飲珍珠奶茶無益但偶爾飲一次為夏天炎熱天氣解下渴都係唔錯既選擇吖👍🏻