賞茶 (Closed)

今日突然好想飲珍珠奶茶。係台式飲品店臨立嘅屯市，嘗茶成日都仲係咁多人。我諗，佢嘅優點就係平同大杯，價值又唔貴。今日叫嘅係最普通嘅珍珠奶綠 $26。夠珍珠，茶底ok! 係杯正正常常嘅珍珠奶茶。點解個topic 係shout out to the boss? 唔係質素有問題，亦都唔係員工有問題。係岩岩相反。員工勁忙嘅同時都仲係好有禮貌同真係做野好快手。問題係，你咁大間賞茶，係公眾假期都淨係請兩個人睇鋪會唔會太孤寒？見到啲員工咁辛苦都覺慘

黑糖奶蓋波霸奶茶 （$35）🧋少冰微糖 可能因為臨近收工，又唔係好多人買咁，珍珠放咗全日，一飲落去勁硬，口感麻麻，另外珍珠啲糖水筆得太多落去，所以就算叫咗微糖都好似全糖咁，已甜死🫣🫣😵‍💫奶茶味道一般，茶味香多少少就好啦🍵唯一開心係奶蓋都比得好厚，奶味好足，黑糖味香，飲到我勁滿足，期待賞茶出返芝士奶蓋😍😍🧀

食完飯買返杯賞茶飲，由細到大都唔太好芋頭，但近排都接受左芋頭，叫咗杯手工芋頭鮮奶，不過叫左半糖都太甜了⋯下次應該唔會再叫呢一款，暫時賞茶飲過覺得最好飲要encore都係桂花烏龍第日都係飲返桂花烏龍，唔敢再試新野😅😂

相信好多人都聽過「喝一杯良心的咖啡」，呢個係講公平貿易嘅議題！呢間台式飲品店係良心嘅波霸珍珠奶茶！入邊有珍珠就唔使講啦！入邊仲有主耶穌基督帶俾我哋嘅祝福，有時有啲嘢得來不易！感謝主嘅帶領我們！講返個味道先，呢杯珍珠奶茶唔係好貴，而且都好多珍珠，甜度都算正常！茶底都算Fresh 既！又唔會帶苦澀味！而且店員都非常之有禮貌，本來都可以喺飲品店度慢慢欣賞呢一杯波霸奶茶！但相信因為疫情關係，而暫停咗糖食！唯有拎去附近公園度慢慢欣賞！

今日想飲杯台式手搖，發覺星期六去買都幾多人去排隊，因為人手唔太夠，建議可以用賞茶個app落單，咁就唔使等咁耐。-蜂蜜307茶王加蘆薈首先嘢飲飲落去茶底有少少淡淡嘅茶香，同埋有少少澀，我估應該係綠茶，而且配左啲蘆薈飲落去就好清新，建議可以叫半糖或以上，因為今次叫咗小糖飲落去就比較寡，如果有啲糖配埋蘆薈飲落去就會順口啲，不過蜂蜜嘅味道就唔算太出。-冬瓜檸檬加蘆薈而且都推介飲冬瓜檸檬配蘆薈，可是未有相片提供，飲落去酸酸甜甜，令到杯嘢飲唔會太死甜，而且唔會蓋過冬瓜糖嘅味道，我自己覺得呢杯會比較出色。

屯門市中心既珍珠奶茶店比較少選擇，賞茶搬了新位置，經過店舖見到有產品推出，就是奶蓋系列，這個系列有四款不同茶底。於是便買了一杯奶蓋烏龍走甜走冰加波霸。奶蓋相當濃厚，略帶一點鹹味，而且奶蓋份量十足，即使烏龍茶快飲完，仍有厚厚的奶蓋。波霸本來已需要用糖水煮開，所以已經有甜味，所以烏龍茶不用加糖，甜味也很足夠了。波霸甜度合適～波霸口感方面，相當煙韌！不會過硬，也不會過軟，很好吃👍🏻推薦奶蓋系列，大家可以一試！

岩岩行完山番到屯門即刻想飲杯fresh嘅凍野醒起下面有間賞茶即刻去買杯佢嘅果茶我覺得好飲過奶茶今次叫左杯荔枝蘆薈（半甜小冰）呢個甜度岩岩好 因為荔枝沖出黎本身甜d同埋佢d蘆薈飲到底都仲有 抵讚同場有義賣緊手工皂 買完杯野可以睇下

賞茶依家係好多地方都開左分店，佢地嘅飲品係唔錯嫁，但係今次發現原來仲有小食同埋芋圓買嫁喎，叫杯野飲之餘可以配埋台灣小食好似鹽酥雞花枝丸咁，當下午茶食都幾正嫁😛有啲分店會有位可以比客人坐低食，同埋要注意返唔係間間分店都有小食同芋圓提供嫁！**********<波霸芋圓仙草凍> $25估唔到依家賞茶都賣埋芋圓，除左芋圓之外其他配料都係飲品可以加個啲配料黎，所以其實都唔難整，依度嘅芋圓同埋珍珠食落都幾煙韌唔會太淋，但係芋圓嘅份量就唔算好多，反而仙草就好大碗，成個底都係仙草，真係啱曬仙草控，$25黎講都算中規中矩啦😂

咁多人用錢彈懲罰「賞茶」，我都懲罰埋一份❤️!買左一杯葡萄柚綠同仙草奶茶試下，但葡萄柚綠實在出色太多，大家下次懲罰時識得揀啦！.葡萄柚綠（$26)隻杯有心思，上面印有山水畫，好有藝術氣息。拎飲品時，店員會好細心問你係吾係即飲，如果係即飲，就即場幫你插埋飲管，好體貼！葡萄柚綠，酸酸甜甜，夠開胃，綠茶味濃，會encore!.仙草奶茶（$22)尼杯野，除左仙草幾有咬口，真係不值一提，可能飲慣港式奶茶，所以嫌佢奶精沖出黎，吾夠奶味，茶底亦無茶餐廳奶茶咁有層次，飲完一次真係不了。

☀️近排天氣實在太熱，不過好彩搶到某電信公司賞茶換領券，所以就專程去試一試😝$24 極品波霸賞奶茶（微糖少冰）聽聞好多台式珍珠奶茶都係屬於偏甜，所以專登叫左微糖，飲落健康啲嘛。首先，要讚一讚甜度的控制，恰到好處，飲落真係只有微微既甜度，唔會好似其他飲品店咁叫完少甜都落好多糖。另一方面，可能佢嘅茶底唔夠濃厚，所以相對上顯得奶味蓋過茶味，而珍珠方面係幾彈牙，好易入口。整體來講發揮正常，但仍有很大進步空間💪～

喜愛珍珠嘅我又點少得每星期一杯台茶今日過嚟屯門試吓想「賞茶」 ，對上一次飲過小時候波霸奶茶，即係冇咖啡因嘅奶茶，味道非常古怪，好似飲奶水咁，個人覺得一啲都唔好飲今次叫咗桂花烏龍加波霸，桂花味濃郁，有一粒粒桂花，倍烏龍簡直絕配，唔會蓋過烏龍茶味，波霸亦非常彈牙，大細亦統一

今日下午要去教手作班，搭左勁耐車程入屯門。人生路不熟。幸好搵到「賞茶」買杯翡翠檸檬解解渴，再提提神，坐車太耐，人都呆住了。這杯翡翠檸檬，材料是來自台灣的綠檸檬汁配上嚴選綠茶及香醇蔗糖造成，可以解解膩，飲完個人仲好舒服。☺️

呢間原本開喺屯門市中心🤤雖然而家因為新開鋪所以未有小食 不過真係好掛住佢哋嘅鹽酥雞！！小時候波霸奶茶好好飲🤤十級推薦！另外呢間鋪個新裝修真係好靚！打卡都好啱！🤓勁度推薦