炙・宴 (荃灣廣場)

Open Now

Now Closed

平日下午去荃灣廣場行街，見到呢間專門食豚肉既日本餐廳有下午茶餐，價錢好抵食！平時晚餐時段都起碼要八九十蚊，宜家竟然五十幾蚊就有😋😋一於入去試下先⭐️月見豬腩肉丼豬腩肉岩岩燒起，肉質鮮嫩燒到脆邊的，香香脆脆很好食! 飯粒粒分明，配埋九洲秘制醬汁食非常惹味😆⭐️火炙沖繩琉香豚豬骨湯拉麵第一次食“沖繩琉香豚”，估吾到“琉香豚”真係同一般既豬肉吾同，係有一陣香味！😍😍雖然琉香豚拉麵得3片肉，但真係值得一試，第二度好難食到，幾特別🤩👍

喺商場揾餐廳食飯，俾門口隻可愛白色飛天豬所吸引🐽😂，就同我友立即入去試下，估唔到唔單止可愛，仲幾好食😍✨「幸せの二重丼」系列✨又想食飯又想食烏冬，心大心細，唔知點揀？唔緊要，小孩才作選擇，呢個系列好開心，滿足晒你所有需要。🔸宮崎和牛丼配烏冬（熱）$158和牛非常嫩滑，牛味濃，配上煮得軟稔的鴻禧菇，爽口的葱絲，口感豐富。淋上微甜的醬汁，非常開胃。烏冬非常爽身彈牙，一啖入口，湯底有淡淡的昆布同鰹魚甜味，熱辣辣，好好味😋。🔸角切魚生丼配烏冬（冷）$138色彩繽紛，賣相十分吸引。內有多款刺身，三文魚、吞拿魚、大大粒三文魚籽、青瓜粒及玉子，的確十分豐富。搭配冷烏冬，簡直係涼浸浸之選，所以喺我心目中，係最完美嘅夏日套餐。所有此系列的定食都會配味噌湯、沙律、飲品及沖繩豬肉煎餃2件，一口下去去，香脆多汁🤩，好正。還附上日式蕨餅作為甜品，黃豆粉很香，煙煙韌韌，真的深得我心😍。店入面有好多🐷形飾品，超級可愛😍，喜歡朋友不要錯過！想睇更多介紹，馬上Follow我啦😁。#big_big_foodie #big_big_foodie食勻元朗

好耐之前就已經系屯門Vcity既「Aburi-EN炙·宴」食過下午茶啦🇯🇵 今次見佢地推出左全新既「幸せの二重丼」就黎到荃灣廣場既分店🍱🥢 一個價錢既套餐可以食到兩款主食 真系超級滿足😍月見豬腩肉丼 配炸雞芝士黑咖哩飯 $128豬腩肉經過炙燒後 油脂既香味出哂黎 肉質口感鮮嫩多汁🐷 再將附上既溫泉蛋一同拌飯 好正🤤 黑咖哩真系第一次食 淡淡既香甜咖哩味🍛 而炸雞外酥內嫩 配埋芝士 超邪惡😈宮崎和牛丼 配烏冬 (熱) $158和牛牛味濃郁 食落口口感緊緻滑順 而且肉同脂肪比例均匀 就算經過炙燒後都一啲都吾油膩🥩 配上既清湯烏冬非常煙韌 味道清新🍜 以上套餐均附上 沙律🥗 味噌湯🥣 餃子🥟 甜品🧈 同飲品🥤 性價比真系超高架❕

今日第二次幫襯，叫咗一個豚肉鰻魚雙拼飯$118，另外加一，套餐有飲品及湯，上菜速度好快，溫度亦好夠，肚餓時食熱飯最滿足。豚肉好大塊，有三片咁多，調味剛剛好，鰻魚亦十分之肥美，整體來說，十分美味。只係考慮到健康，希望餐廳的套餐配埋蔬菜更加好。

經過左呢間日式燒肉丼飯幾次見到個menu幾吸引，終於搵左日lunch去試吓😋🥓🍛幸福二重奏：月見豬腩肉丼配炸雞芝士黑咖喱飯($128) 呢個set超豐富，一次過可以食到兩個味道嘅丼飯，豬腩肉同炸雞份量多，豬肉燒得好香而且好冧，炸雞唔會太油膩☺️黑咖喱有啲特別嘅香料味幾唔錯😋除咗丼飯之外個set仲包埋味噌湯、沙律、沖繩豬肉煎餃、飲品及甜品，一個人食應該食到捧住個肚走都食唔晒😆🥩🥓日本產和牛 豚肉鐵板雙併 配白飯($118)呢個鐵板一上到黎好香，和牛好香油脂好冧，調味方面甜甜地同有啲黑椒味，配飯一流😛🥓Aburi en 豚肉丼 ($88)呢個招牌嘅北海道十勝燒豚肉丼都幾有驚喜，望住去見到豬肉嘅紋路以為會偏硬，但係食落其他好夠冧同入味😉📍炙・宴 荃灣廣場、MOKO、利東街、時代廣場、康城、新城市廣場、圍方、形點、V City、荷里活廣場🍽️8.3/10#janfoodiary_日本菜

炙•宴 丼飯近年係周圍都開左分店，都試過幾次質素都唔錯。男朋友收工後去荃灣廣場睇下有咩食，見到宜家做緊套餐優惠，都幾抵食所以晚餐就再試試佢。套餐均有味噌湯及飲品。另外，加一服務費。特上鰻魚•照燒雞肉雙併飯 $92鰻魚帶有焦香，雞肉外皮煎得香脆多汁。飯量亦十分足夠。幸福二重丼•照燒雞肉丼配烏冬 $98套裝有沙律、兩隻餃子、味噌湯、黃豆粉蕨餅、細碗的照燒雞肉飯，同細碗的鰹魚湯烏冬。餐點份量不少，味道對得住價錢，男士亦能食得飽飽。

17-2-2024（Sat）年初八朝陪老公睇完醫生後落荃灣,都到lunch time喇,我又唔太肚餓,去邊喥食好?老公話去荃新天地睇,睇唔啱,於是行嚟荃灣廣場,佢諗起有次喺呢喥食台灣嘢,係喎,我都記得,重要係唔差,但我哋都睇一睇水牌,唔見嘅?唔通執咗?我記得係老媽伴麵,我哋記得位置,於是上嚟睇,我哋喺呢間舖前就望到佢冇開門,真係執咗(https://www.openrice.com/zh/hongkong/r-%E8%80%81%E5%AA%BD%E6%8B%8C%E9%BA%B5-%E8%8D%83%E7%81%A3-%E5%8F%B0%E7%81%A3%E8%8F%9C-%E5%8F%B0%E5%BC%8F%E9%A3%B2%E5%93%81-r630538),好可惜呀(嗰個好食食評係2023年7月18日刊登嘅呢篇: https://www.openrice.com/zh/hongkong/review/%E6%A2%97%E4%BF%82%E9%A3%9F%E6%8B%8C%E9%BA%B5-e4896892).咁我哋睇吓食豚肉嘅呢間啦,見佢有一人鍋,於是入嚟食,坐低睇完menu

當晚想食日本嘢，貪心地又想食魚生，又想食熱嘢，路經荃灣廣場，見到呢間日本嘢冇咩人排隊，於是就入去食夜晚都有啲特價set，而呢個set就包羅萬有，有齊魚生飯，拉麵，餃子，沙律，湯同埋生果魚生飯都幾新鮮，啲魚生有火炙過，不過拉麵就淡咗少少冇咩味，唔係想像中嘅味道另外仲叫咗個壽喜燒打邊爐，揀咗要豬同牛mix，肉質唔錯，對得住價錢，只係可惜肉嘅份量比較少，唔多夠喉，不過其他配料都好足，加$10轉做烏冬，都幾飽肚。湯底稍為甜咗少少，食到尾覺得有啲甜環境就坐得幾舒服，埋單三百幾蚊，性價比都合理

今日係荃灣廣場試左呢間日式餐廳，嗌左個黑咖哩雞同豚肉丼套餐又整的幾好食，賣相都吾錯，店內環境優雅大方，坐落都幾舒服，我幾仲2 d卡位，員工服務態度都好好，下次再來過

📍炙・宴 (荃灣廣場) (荃灣)荃灣大壩街4-30號荃灣廣場4樓446-448號舖==============================呢間日本餐廳係荃灣都唔係開左好耐，見佢門口個餐牌d食物好吸引，依家荃灣店做緊個幸福二重丼餐牌，$128有湯，前菜，主菜加甜品，都幾抵食🤩🤩==============================1️⃣月見豬腩肉丼🍚豬腩肉好厚身，外面燒到好香加埋醬汁撈飯一流，食到禁上下再倒埋隻溫泉蛋🥚落去，成碗飯充滿蛋香同油脂香，非常好食😋2️⃣炸雞芝士黑咖哩飯🥘黑咖喱味道唔係太辣，但好香咖喱味，夾起飯時時芝士會有拉絲效果，炸雞肉質好嫩滑多汁🤤3️⃣ 味噌湯🍲+迷你沙律🥗+沖繩豬肉煎餃2件🥟湯同湯律正正常常，隻餃子好多肉汁而且外皮煎到好香脆，好食😋

Lunch 點左個 $179 嘅宮崎和牛拼特上日本鍋 個鍋味道Okay 不過得兩塊牛肉同豬肉 仲要係薄切！！！ 其他餸係幾條紅蘿蔔絲 兩舊芋絲 一細束金菇菜 一舊冬菇 一舊豆腐仔 白菜仔壓喺底 淨係得咁少野就收依個價 真係吾抵！

🌟沖繩海洋滋味丼套餐｜$158海鮮丼有赤身吞拿魚、吞拿魚腩茸、三文魚子同沖繩海葡萄🍇份量唔細，脆脆咸香海苔碎，吞拿魚腩肉質肥美香滑，赤身部位近魚背，油脂不多，較重魚鮮味，Agu豚係沖繩獨有豬肉品種，口感彈牙多汁，點埋芥末醬仲覺得惹味🌟海葡萄｜$38沖繩名產之一，被譽為綠色魚子醬，口感Q彈幾清爽refresh✌🏻🌟水雲醋物｜$38質地柔軟滑溜，醋味夠哂醒胃🌟炸沖繩魷魚｜$58外層炸漿夠薄脆，調味唔會太鹹，食落香酥帶有魷魚嚼勁😍🌟沖繩風昆布炒豬肉｜$48經典鄉土料理，昆布浸發炒軟後原來幾爽口，似食緊木耳咁🤣豬肉肥瘦適中幾可口🌟沖繩冬甩｜+$20同鬆餅有相似，外面硬脆入面鬆化，吉士醬奶黃味極香濃

荃灣廣場開咗好多新餐廳 呢間餐廳路過好多次 今次就去試吓佢哋嘅丼飯 餐牌選擇有好多 有好多丼飯 拉麵 小食 飲品 我地叫左一個豚肉丼 另一個係照燒雞肉丼 兩個丼飯既賣相都好靚 係用托盤上 豚肉丼有好多塊肉 每一塊都係好大塊好薄身 食落好淋身 本身已經有落汁 所以好夠味 飯既份量都幾多 照燒雞肉丼就比較普通 但味道都好味 雞肉都好多 切到一條條方便食 雞皮煎到好香好脆 雞肉好嫩好滑 仲有新鮮沙律菜 飯應該落左啲燒汁甜甜地幾好味飲品叫咗杯香檸蝶豆花梳打 賣相係好靚 但好似飲梗糖水咁 好甜整體嚟講 食物好味 價錢合理 餐牌多選擇 值得一試

炙・宴都有幾多間間分店，主打日式丼飯、拉麵，最近同蠟筆小新做緊聯承，呢度價錢都偏貴，但係個人覺得質素真係值咁上下，特別係佢地既和牛😋   1⃣️蠟筆小新特選和牛飯（$179）（溫泉蛋+$6） 和牛好重牛味，而且油脂感豐富，有八片🤤仲有啲菇、蔥，配上佢地既醬汁，加埋隻溫泉蛋撈飯食一流！  2⃣️宮崎和牛・ABURI-EN豚肉雙拼飯（$169）（溫泉蛋+$6） 呢款除左有和牛之外，仲有佢地另一樣招牌燒豚，豚肉大大片有三片，面頭掃上左醬汁再燒😍  3⃣️炸雞芝士黑咖哩飯（$98） 黑咖哩係第一次見，不過食落其實同普通咖喱差唔多。炸雞有三件，都幾大球，炸得好脆！  4⃣️火炙沖繩香豚豬骨湯拉麵（$98） 湯底味道好濃，仲有啲炸蒜片，豚肉切成一片片帶炙燒風味，拉麵仲有啲木耳👍  5⃣️炸沖繩魷魚（$58） 魷魚彈牙，不過份量偏少。 6⃣️厚炸沖繩島豆腐（$42） 豆腐皮炸得好脆好脆！伴碟有啲海鹽，點少少食都幾唔錯～ 

見到有期間限定小新主題就試吓不埋不埋豚腩丼98元，樣靚味道好晚市升級組合+50元小食炸🐓及飲品一杯不埋不埋豚腩丼肉多唔柴，飯裏有醬汁面又有雞蛋令到整體唔會乾及冇味炸雞夠熱夠脆夠juicy 加埋沙律醬超好食🤤整個晚餐價錢貴但質素份量十足，直得一試