炙和味日本料理 (屯門時代廣場北翼) (Closed)

由於朋友生日的關係，所以再次來臨這間日式放題！今次的表現比上一次更好！刺身方面 除了中拖羅太多渣同筋之外，其他都好好食，由其是油甘魚，三文魚夠味，帶子夠鮮，馬刀貝夠咬口，甜蝦濃味！今次食天婦羅炸衣有改善，變得薄身加上食材不錯，上枱又夠熱，效果很好，推介炸蝦同蕃薯！另外壽司飯也有改進，只是手卷的紫菜較潮。今次的海膽比較新鮮，入口沒有了上一次的苦澀味！不錯！另外推介釀蟹蓋，呢度係用蝦膠做，加上調味不錯，一定要試！今次再試鰻魚串，終於見到用上鰻魚汁，令到鰻魚串，錦上添花！仲有必食就係榴槤忘返、芝士燒扇貝、芝麻雞翼、燒菠蘿(超多汁)！呢度有好多特飲，其他放題都未必有，好似果茶 、凍cappuccino、黑糖寒天、西柚荔枝梳打同好多熱飲！如果鍾意酒，仲有冷熱清酒同梅酒，想飲啤酒，都仲可以揀朝日啤酒！呢度真心值得推介！

由於偶然碰見位於屯門第二間日式放題，所以星期日(17/5/2021)便去試一試。這間放題由於是新開的關係，所以如果大家要光顧，記緊提早預約，要是想即興的話，便要碰碰運氣了。這間店鋪的位置空間較少，所以位置與位置的空間間距不太多，寸金尺土的香港，要經營當然理解。其實這間店的食物質素很好，刺身非常新鮮，但壽司飯份量比較多而且醋不足，加上紫菜潮了，所以影響了壽司整體表現。另外天婦羅的炸皮較厚，雖然材料本身很好，但因炸皮較厚，天婦羅很易埋滿你的胃。另外串燒牛舌的調味粉是街邊的羊肉串的那種，所以味道不太好，要是用黑椒會比較更好！鰻魚串缺乏鰻魚汁，整體大打折扣。其他炸物的溫度算不錯，入口時還很熱。(榴槤忘返味道不錯)雞泡魚乾也是不錯之選！海鮮釀蟹蓋是用蝦膠做的，很可口！第一次食到加熱的支豆，感覺還點驚訝！這裡除剌身外，另外一樣值得推介的就是這裡的特飲，除了藍色(藍色夢幻)那款外，其他都很可口！(凍cappuccino、紅粉菲菲和西柚荔枝梳打都不錯)烏冬、拉麵及其他鍋類因胃袋空間不足，所以試不了！最後員工的服務也算不錯，可以一試！

屯門一間應該係新開嘅日本餐廳😍入邊裝修風格都好有和風特色☺️.叫咗個午餐定食海之戀壽司定食 $78配迷你真打烏冬&沙律🥗&飲品有八件壽司🍣仲有細細塊日式餅卷😚三文魚、黑松露油甘魚、京蔥吞拿魚 、北寄貝、赤紅蝦、蟹棒、三文魚子軍艦 、龍蝦沙律軍艦😍😍.烏冬以為係迷你，但係都幾大碗😍😍三文魚子軍艦好正🤩🤩一咬開粒粒魚子油脂四溢😍😍蟹棒啖啖肉😚三文魚 赤紅蝦 都好新鮮唯獨是吞拿魚有筋 失色咗啲🥲.不過以呢個價錢午餐有咁豐富嘅份量真係算抵食CP值高😌😌🥳

今天試菜了，地方比較細，位置也較偏，氣氛較一般，通風不是太好，食品比較行貨，實際也不外如是，如以這個價格，有點小貴，中午放題伏了，看來晚上也會差不多，以后再試下

▶️有晚行過見到新開，睇openrice食評好似唔錯，所以一試😋刺身刺身款式同其他放題差唔多，有蟹腳🦀同螺🐚，呢兩樣係放題比較少見；味道都正常，唔會好勁雪藏味，略嫌蟹腳同螺細隻d😆特別一提海蜇好食，個調味係甜甜地，特別叫多次食😆端爐燒印像中燒鰻魚最好食，燒出嚟好油香；燒雞泡魚乾喺放題比較少見，甜甜地，配啤酒🍻正👍一品料理網燒羊架好正，好多放題會燒到好乾同冇乜肉，佢完全冇呢個問題👍鐵板一口牛就比較差，太大嚿又嚡🙈炸物🍤黎錯嘅炸軟殼蟹好驚喜，食落口好香，同埋夠大隻有肉食👍其餘炸物都唔錯，夠熱香口🔥飲品🍹🍸🍺有d特飲，梅酒會加片青檸，啤酒🍺係Asahi，都幾有誠意👍大部分食物都比一般放題高質，飲品都好有誠意；對比出邊嘅放題都唔會輸蝕，喺屯門食過最高質嘅放題👍👍

諗住慶祝母親節又唔知食咩好突然醒起一直想試既下午放題佢下午放題時間12點至3點任食兩小時我地4個大人加一個B女1米內既小朋友免費最好既就係可以坐埋一齊唔洗分兩枱佢幫我地用膠板分開美中不足我地有兩個位都滴水😑本身諗住放題都唔會有咩太大期望純粹覺得有大家鍾意食既野唔洗煩🤣用Apps點菜，種類都算幾多最估唔到特飲係可以免費無限飲你想食幾多件/塊，就照入例如叫3片三文魚，佢真係會比3片我覺得咁樣好好，食幾多叫幾多唔好浪費食物嘛👍佢每碟少少既食物！竟然都做擺盤！感覺到佢地廚房做野好有心一啲都唔Hea食物質素都好高！🥰我屋企人都讚不絕口屯門難得既放題👍

款式選擇唔多，刺身得蝦同三文魚ok其他一般，馬刀貝同北寄貝磚頭咁款咬唔到，d螺有怪味，熱食好少少，等得耐但夠熱，環境非常之逼，一係就人撞人，一係就侍應倒瀉野，冷氣長期滴水，一路食就一路洗頭，冇下次

這間日本餐廳開張了不久主力是做日式放題的我沒有吃過放題但卻很喜歡吃這裏的午餐其實午餐選項很多不過我通常只叫這個海之盛壽司定食（$70）這個套餐包8件壽司（有三文魚、鰈魚背、燒鰻魚、芝士熟蝦、燒牛肉、焦糖玉子、蟹子軍艦、芥茉八爪魚和日式餅卷）、沙律、飲品。壽司每件都精心製作，材料新鮮，調味特別，大細適中絕對唔會因為主攻放題重量不重質而且比一般大型連鎖店好吃很多沙律一般般但你絕對估唔到烏冬超好食看上去很普通沒有什麼餸但湯很甜烏冬彈牙以壽司定食而言係超高質素又唔細碗飲品我很喜歡這個黑糖寒天奶茶（+$5）茶味夠配黑糖很香而且唔太甜不過有啲細杯大胃王的我當然要加埋小食每個餐加$10 就有一系列小食我通常揀生蝦刺身（醬汁很地道泰式惹味）和芥末八爪魚（因為抵）極體而言這間店食物質素高但如人很多放題客很多午餐就出得極慢而且落單可能會錯我建議大家在不趕時間的情況下去試

午市放題種類超少，刺身得三種魚，除左例牌的三文魚，仲有希靈同中拖羅，但係個拖羅d筋多到恐怖，為左唔浪費食物我勉強食曬，帶子刺身味道平庸，勁細粒，馬刀貝直頭無味而且勁韌，我又係基於不浪費全部食曬，至於熟食，一口牛，again，勁韌，無味似湯渣。碟蜆又勁多沙，杯特飲甜過咳藥水。叫左兩三round已經諗唔到再可以食乜，200幾再加一完全唔值。第一次食放題食到嬲嬲地。完全唔夠班，食完真心覺得中伏，唔明屯門點解無間似樣既放題唯一讚既係工作人員態度幾好。

班同事日見夜見都見唔夠，收工都話要一齊食，最後就選擇左食放題本來都唔係高期望雖然多人，我地又臨時決定，所以無提早訂位，但係都好快可以入座試下最喜愛既甜蝦，擺盤靚!食落又有鮮味!不過油甘魚真係油左d羊鞍肥瘦適中，仲有燒菠蘿，水泡魚，水準以上甜品有馬卡龍，焦糖布甸，movenpick同Hagan daz雪糕，我唔記得帶第二個胃黎，後悔!睇下有咩飲品先!無睇錯!竟然有梅酒同清酒，肥都係留返下次先減!同事話牛舌好味，我就無機會試啦！人均消費都係320有找，性價比真係超級高!下次一定會再黎!!

2020年1月開業日式放題，座位不太多約可容納50人左右。2小時任食任飲(珍惜食物别浪費🤗)環境光線足夠滿客有點擠迫，卡位位置冷氣寒冷🥶! 食物質素合格: 刺生尚算新鮮，天婦羅炸物/芝麻雞翼/燒菠蘿/燒羊架/燒鰻魚/燒雞泡魚/金菇牛肉捲/叉燒湯拉麵/燒牛舌/串燒雞軟骨/燒大蝦/釀蟹蓋/炒九菜等等水準不錯。廚房及水吧出菜很快速，下單數次出菜也很快捷沒有漏單值得讚揚👍. 接電話人員及侍應職員每個人也很有禮貌👍👍。希望日後各項食物水準及各人員的服務質素會維持最佳的水準表現👍👍👍，會再次幫襯😋

性價比超高，$278加一的日式放題，遠超想像(被以往一般的放題或自助餐經驗影響)三文魚、希靈魚、馬刀貝、阿根廷大蝦刺生都鮮甜芝士年糕、紫薯波、榴槤波都食完再想食只是 一口牛肉就麻麻，仲要頗大份但鰻魚燒 ，口感與味道很一流仲有哈根大師及movenpick雪糕任食，實在非常滿足珍珠奶茶都高質，奶味及茶味都突出且夾得黎真想再去食，希望一直保持咁高性價比及於各區開分店即使帶著疲累身心去食，都想食個唔停，之後要帶著精神去食，食得更多更正

朋友話屯門開左間新放題，咁就去試吓啦，入到去招呼都幾好，但中間坐位比較窄，魚生新鮮，其他食物都好，又有酒同特飲，你話去到頂級又唔係，但呢個價錢真心係抵，係屯門黎講算好，唔洗走出九龍或元朗至食到。

今晚一行四人試下呢間新放題 十分有驚喜刺身 ： 紅蝦大隻 鮮甜 墨魚同馬刀貝 都好新鮮 爽口 仲有泰式生蝦 個汁都調得好好串燒： 呢個又係讚 牛舌同 燒羊架都好正 羊架肉質好淋 燒到剛剛好 芝麻雞翼 都係好食 香脆有肉汁飲品 ： 呢度飲品選擇多 有特飲 啤酒 清酒 梅酒 任飲 呢杯冰梅酒 剛好中和炸物同串燒既油膩 朋友亦有叫特飲 都不錯炸物： 脆亦唔油 榴連炸彈亦無令我地失望 好味 雪糕打包： 其實都食到好飽 食唔落雪糕 店員主動幫我地打包雪糕 返去食 好貼心 總結 ： 店員人數唔多 成晚都無停手 但服務態度十分好 感受到好有heaRt 👍🏻 相信好快我又會再去食過😋

以為細細地既地方，唔會有高質素。點知係錯了。啲刺身勁新鮮，已經第三次幫襯，沒有退步，只有進步。不得不讚，所有嘢，好好食，刺身新鮮、燒烤串即叫即燒，唔乾身、羊架勁滑又入味。總知我無介紹錯。