Achacha Food & Beverage Boutique (Closed)

今日黎到9龍灣既megabox睇戲，睇完戲肚餓就搵間餐廳食飯，見到呢間achacha裝潢得幾靚，就入左去食喇。呢間餐廳原來好出名食法國嘅Creps，我哋就叫咗兩款，分別係煙三文魚菠菜、同埋忌廉蘑菇。「煙三文魚菠菜」非常足料，咬落去有甜甜嘅感覺，又咸又甜，口感豐富。「忌廉蘑菇」蘑菇數量好多，忌廉汁非常濃郁，夠creamy！前菜方面，我哋叫咗個「薄切三文魚」三文魚薄得來好有口感，味道濃郁。「是日精選沙律」好多菜同水果，啱晒追求健康嘅我哋～美國安格斯肉眼扒，個扒非常大塊，四個人食，每人食幾舊啱啱好，咬落去非常軟腍，鎖緊肉汁，唔錯！黑松露帶子意大利飯，黑松露非常香濃，帶子煎得啱啱好，唔會太老，意大利飯都煮至粒粒分明，咬落去煙煙銀銀幾好食！如果大家咁岩喺九龍灣睇完戲，都推薦大家嚟食～

呢日放工後同同事尼左MEGABOX中庭呢間餐廳食飯，因為佢之前食過話好抵食，所以帶我尼試吓。餐廳有BAR枱都有梳化位，坐得舒服。dinner set 只係百幾蚊，有前菜餐湯及MAIN薄切煙三文魚落左少少醋，正好開胃意大利雲吞落左白汁，味道夾既。白法包落左橄欖油浸落南瓜湯度都幾好主菜既黑松露意粉，黑松露味好香，意粉多汁唔會乾，份量都足夠。Chicken Mushroom Crepe配上紫薯蓉，味道唔錯。fruit tea

最近同朋友行開megabox, 唔想次次都食ikea，所以決定嚟呢間餐廳食飯～餐廳裝修幾特別，有普通嘅四人枱，又有一啲長型嘅吧枱，適合唔同人數嘅人黎聚餐。餐廳主要做西式嘅晚餐，薄餅，亦都有幾款肉類可以選擇。沙律+ 是日餐湯— 沙律份量啱啱好，蔬菜新鮮，好開胃。餐湯係南瓜湯，好濃郁，不過加返啲啲調味會更佳。薄切煙三文魚— 好有魚油香，亦都唔會太鹹，仲好似有成六片，絕對抵食。蘑菇雞肉法式煎薄餅，依個係我哋一致認為好好食嘅薄餅😍佢將雞肉蘑菇洋蔥同埋芝士放喺塊法式薄餅上面，效果好好，大家一定要試吓啊！煙三文魚菠菜芝士薄餅— 一鹹一甜，味道好夾，鍾意煙三文魚嘅朋友一定要試。美國安格斯肉眼扒— 煎扒嘅火候控制得好好，啱啱好做到五成熟嘅效果，食得出用嘅來貨唔係啲平價貨。黑松露帶子意大利飯— 雖然依道菜好多地方都有得食，不過依一間真係做得唔錯，黑松露嘅味道完全融入左意大利飯入邊，帶子煎得好香，亦都幾厚，絕對唔會切得好薄偷工減料。雖然餐廳係遠少少，不過如果行開megabox嘅朋友可以黎試吓，價錢會貴過ikea,不過質素一定更佳。

今日喺九龍灣MegaBox逗留左一整天，我們好肚餓，於是去幫襯左一間好有情調的餐廳，我帶着女兒，餐廳內有BB櫈！ 我們三個叫了三個crepes 第一個係三椒燒牛肉crepes，勁多三色椒，伴了紫色番薯，感覺比較飽肚，也適合小朋友吃！第二個係白汁雞肉冬菇crepes，呢個比之前嗰個好味一點，比較推介這個！第三個就是甜品香桃味薄餅，上面嘅cream好肥，同出邊嘅cream完全唔同， 10分重牛油！每位嚟食飯嘅都會有蒜蓉包，蒜蓉包好多牛油同埋蒜蓉，味道好出色！跟歺加$25有沙律或者南瓜湯，南瓜湯味道唔錯！足料

九龍灣megabox其中一層打做成兒童皇國，所有有關BB既衣．食．行．住．行．玩都有，對於新手父母黎講絕對一大喜事，佢一到已經可以買晒所有嘅BB野，當中仲有一個係俾小朋友玩樂嘅地方，咁我同爸爸就可以開開心心去食餐好嘅！Mega box 五樓有間叫Achacha Food & Beverage Boutique，以open style 木系潢裝，主要飲野同食輕食、法式pancake 。今日行到攰攰地，一於去Achacha坐低飲杯野，餐廳提供酒精類飲品，而我最想試吓法式班cake，叫咗一份法式pancake，入邊有雞肉火腿、青椒紅椒、配上芝士，食落去好似食緊薄餅咁樣，好惹味，班cake皮好薄，食落去嗰啲都唔覺得肥膩，仲有啲脆口添！老公餓餓地，點左黑松露忌廉海鮮意大利飯，好香嘅黑松露味，意大利飯都煮得剛好，淋硬適中，不錯！

自從上次在MegaBox食了一頓高CP午餐後，對這個商場的餐廳都頗有好感！今次為了慶祝朋友生日，又來到這裏位處5樓的Achacha食法國菜🇫🇷😋每人食一個套餐，份量剛剛好！——————————🔹前菜：是日餐湯是南瓜湯，一飲就知真材實料！味道濃郁，帶天然的南瓜甜味，份量很大，喝完已覺有點飽👅另外有暖暖的法式麥包🥖煙煙韌韌，入口完全不會乾！沙律非常新鮮，配上酸醋，非常開胃😋🔸Crepe Achacha $72這個鹹Crepe有煙三文魚、菠菜、車打芝士、紅蔥頭和忌廉，食材不算多，但勝在配搭不錯！薄餅煎得香脆，帶點甜味，剛好中和了煙三文魚的鹹味；菠菜清脆，減低了芝士和忌廉的油膩感；旁邊有薯蓉作伴，雖然本身沒有任何調味，但配上煙三文魚就剛好😋整體非常好吃！🔹全日早餐法式薄餅 $86餅底包住大量茄汁豆、火腿、芝士和煙肉碎，外面還有煎蛋🍳和法蘭克福腸，一睇就覺好飽肚！所有食材配上香脆帶甜的法式薄餅，又咸又甜，吃起來好過癮😋🔸香蕉🍌朱古力薄餅朱古力同香蕉一向是完美的配搭，於是叫了這份甜crepe試試。可惜香蕉未熟透，缺了點甜味，味道基本被香濃的朱古力味蓋過。如果薄餅內加點忌廉，相信整個crepe會變得

週日晚來到Megabox吃飯，打開openrice看見這家店人氣很高，特別跟孩子來試試。我們叫了四個dinner set，當中有兩份意粉、一份雞肉crepe、一份羊架。結果，意粉等了20分鐘（味道okay）、crepe等了40分鐘(雪櫃味重）、羊架等了一小時(完全熟太硬)。可能當晚唔夠廚師，其實我們左右隔離都等很久，大家都顯得不耐煩，但問完都不會影響結果，搞鬼！至於性價比，份羊架收兩百幾，包兩份小頭盤和一杯飲品、其實唔見得好抵。

Mega Box 有一間義大利🇮🇹餐廳，環境同食物都好值得介紹煙三文魚沙律意大利素菜餃白色果醬係酸酸幾好掉味，皮薄餡靚蘿蔔忌廉湯蘿蔔味好足，加埋忌廉兩個溝埋好滑再配法國麵包蘑菇雞肉薄餅呢個薄餅好特別唔係一般嘅意大利Pizza薄餅，佢個薄餅係用咗pancake來做，蘑菇同雞肉個底用咗芝士墊住，呢個食法好特別好彩仲用咗紫薯呢款菜式絕對係一個值得試嘅帶子蘑菇三文魚子意大利飯呢個我俾5個「like」飯粒清脆，軟硬適中蘑菇汁剛剛好，帶子外脆內軟 perfect! 大家真係要試檸檬特飲，酸酸地好消滯食得非常滿足，都只需要位位140元簡直就係平靚正以上開飯食評，只是本小姐個人食後感

幾乎每次去Mega Box都係食IKEA醫肚 因為實在又平又抵食！今次心血來潮好想吃Crepes 行過見到性價比幾高就試一試😋-All day breakfast Crepes ($86)Chicken mushrooms 🍄 Crepes ($68)將平日All day breakfast 既材料放哂入Crepes，有太陽蛋 茄汁焗豆 煙肉火腿 德國腸仔，入面全部都係小編喜歡吃的材料😆每款都好簡單但就係好食啊！而磨菇雞肉都好足料，配上芝士同白汁，好match好味道❣️佢既法式煎薄餅煎得比較脆口和薄身，特別是薄餅四邊的角落 好脆口呢 但我就比較喜歡吃軟身一點既crepes🤭伴碟有沙律菜同一球紫薯蓉，紫薯蓉有驚喜 不會太甜太漏，但係好飽🤣另外 +$25可配餐湯/前菜及飲品喔👍🏻- Chocolate & banana 🍌 Crepes ($34)朱古力同香蕉真是最好的配搭😍兩樣份量都剛剛好，吾會比朱古力醬遮蓋香蕉味👍🏻朱古力醬又可以令成份Crepes增添一份甜度和濕潤度 是好滿足的甜品喔🥰-飲品小編推介Fruit tea👍🏻👍🏻👍🏻入面包含雜莓 菠蘿同橙等等 好Fresh好清新❤️

因為易泊車的關係，到了megabox 食晚飯。這間餐廳位於商場的中庭位置，景觀十分開陽，沒有半點侷促的感覺，燈光十分柔和。店員十分友善地介紹餐牌上的套餐，最後根據他的介紹點了。由於最近吃了太多肉的關係，因此選擇了蔬菜為主的食物。點了posh vegan,忌廉汁分濃郁，食材亦十分豐富，誠意推介給走肉的人士。甜品方面，點了蜜桃薄餅，蜜桃和薄餅配合得非常不錯。這間店舖的薄餅運用得十分有創意，無論甜食或咸食亦非常好吃。

去親mega box ，通常都係去傢私舖食晚餐，因為抱住大件夾抵食嘅心態。今晚屋企人話不如試d新野，仲話知道我一定啱食。去到門口，原來係食crêpe !!!! 又真係好啱我喎，之前喺外國可以日日食都唔會厭 😂Anyway 由於唔係好想食set dinner 咁就好瘋狂咁叫咗兩個咸 crêpes 當然唔少得加一個甜crêpe 啦仲加咗set 添可以有湯/沙律同野飲今日係南瓜湯好大碗😅唔係杰撻撻嗰種麵包上枱仲係暖架沙律好新鮮好快就到主角上場賣相都幾吸引呢個Chicken & mushrooms 好creamy Crêpe achacha 菠菜煙三文魚好足料好濃味 最後當然唔少得甜品啦香蕉朱古力一上枱好大塊下😂初初有d失望以為入面無料原來內有乾坤同埋d cream 好好味 想講下個crêpe 塊皮好香蛋味而且係比較香脆就咁齋食都會食唔停 😂😂😂😂餐廳環境都唔錯聽住歌 好chill咁又過咗一晚☺️

九龍灣MegaBox永遠都好似給人一種遙遠的感覺，雖然他和九龍灣地鐵站相距不遠就算羡慕行也只需10分鐘的步程，但係會過去吃喝玩樂的人還是不多。商場的食肆更加選擇不多，我今日因為有平飛所以去睇戲，順便看看有什麼餐廳。這裏大部份餐廳到時連鎖式經營的，難得搵到呢一間比較想特別少少的西餐廳。這裏格局比較開揚，餐牌十分簡潔，以西式輕食為主。今次點了二人套餐，先來前菜，最喜歡的是蘑菇湯和多士，多士烤得香脆和帶著香草味，而磨菇湯亦做得非常細滑而意大利雲吞的忌廉汁帶有少少甜味，甚為特別。主菜就有雞肉蘑菇菌crepes 和黑松露意大利粉，黑松露意大利粉絕對是水準之作，每一條意大利粉都包含着黑松露的香氣醬汁亦不會過多，絕對不會浸稔啲煮意大利粉雞肉蘑菇crepes 可以用大件夾抵食來形容嚴如一座小山丘的雞肉蘑菇甚是精彩。

同朋友喺MegaBox行街食飯，見肚餓就求其沖咗入嚟啦！見到個餐牌有一個叫做法式薄餅嘅餐好似好特別咁，就同朋友一人叫咗一個！咁我哋一個就要咗牛肉，一個就要咗三文魚嘅！之後我哋就加咗錢要咗個湯同嘢飲！佢嘅餐湯係南瓜湯，味道唔錯都幾濃郁下嘅，而飲品我哋就叫咗一杯熱嘅水果茶同埋一杯lemonade!咁好快主菜就到咗啦，個法式薄餅都幾新奇，好似係pancake果d皮咁，個皮係甜甜哋嘅，佢入邊㗎咸咸哋都幾得意!

今日和朋友來試吃這間專門有法式crepe的餐廳位於MegaBox 九龍灣地鐵站有專車過去所以地點也算挺方便氣氛不錯 座位亦都夠大因為想吃法式煎薄餅於是就叫了兩個薄餅試試 價錢亦都相宜要一個A: 煙三文魚 ,菠菜, 車打芝士, 紅蔥頭, 忌$72薄餅煎得好香 好有蛋香 大量菠菜鋪滿在充滿了芝士的crepe 10分好吃 還有紫薯作伴碌 也10分飽肚另外叫了一個燒牛肉 三色椒 他他 sause $72非常特色的配搭。其實我未食過鹹crepe 感覺相當的神奇 也挺好吃

Happy Friday收工同老公去九龍灣採購 行完一大輪又到咗醫肚時間 見到有間食法式煎薄餅 感覺幾有趣 即管去試下 點選Crepe +$25就可以試到餐湯或沙律以及餐飲 今晚餐湯係南瓜忌廉湯 暖笠笠之餘口感creamy 南瓜香濃而且幼滑細緻 沙律就配黑醋汁 餐前開胃最適合我就點咗個Crepe Achacha 賣相非常特別主要材料包括煙三文魚 菠菜 車打芝士 紅蔥頭 忌廉 係一款甜薄餅 外皮香脆呈四方形 材料鋪滿薄餅內 綠橙黃色 吸睛度💯煙三文魚鮮甜 菠菜偏淋身 係我鍾意嘅口感車打芝士加上忌廉 令到整份薄餅帶甜 老公就揀燒牛肉沙律煎薄餅 用上燒牛肉 三色椒 酸青瓜 淋上他他醬 三色椒於面層 視覺效果一流 薄餅夾雜薄切燒牛肉 豐富口感牛肉被燒過後 肉汁依然鎮緊 生熟度拿挰準繩惹味酸青瓜與他他醬引發食指大動食肉獸不能錯過呢份咸薄餅重點一提係 每份crepe都有球紫薯蓉伴碟 亮眼嘅紫色 細滑口感 實為女士們至愛最後試埋甜品 當然都要係薄餅 香蕉朱古力法式薄餅 兩樣材料都係我最愛砌成片狀嘅香蕉 置於薄餅內與外面層係唧成花形嘅忌廉同埋朱古力醬薄餅保持一貫脆邊軟心 咬落有層次感滿足晒我嘅嗜甜心