Achacha Food & Beverage Boutique (Closed)

今日特登去到MegaBox想試吓九龍灣除咗茶餐廳之外嘅黃店個南瓜湯幾好味不過唔知點解愈飲到後面愈有啲杰個麵包有少少太脆有d奇怪成個擺落個湯度仲好食個肉眼扒有太多肥膏同埋有少少太熟係平價嘅西餐質素個西冷太多筋 咬唔開亦都太熟呢個真係幾難食本身仲以為佢比較出名嘅餐牌上面嘅相都好靚首先個蜜桃應該係罐頭一啲味都冇個pancake都係一啲味都冇仲要有啲硬硬地個質感好奇怪焦糖又冇焦糖味 係有少少甜總之成個Combination係幾難食呢個反而係成餐最驚喜嘅嘢個心太軟仲會流心亦都唔會話太甜個雪糕夾埋都幾好味本來已經冇晒期望反而對呢個有驚喜覺得可以過嚟齋食呢個甜品不過成餐飯先食咗三百幾蚊真係算係幾抵雖然食物質素麻麻不過都過得去啦

去開mega box做嘢，順便約咗朋友食飯。咁就搵咗依間係西餐食。咁見到佢啲lunch set都唔算話好貴。同朋友叫咗個蒜片大蝦三色椒意粉西冷。咁佢個set就包咗個包同埋沙律/湯&嘢食。我叫咗沙律同埋水果茶。咁佢食個方面，個蒜片大蝦意粉係幾好食，一嚟意粉嘅熟度剛剛好，唔會太硬/太淋；蒜味整得好香，每一條意粉都有但又唔會太油，蝦都好實淨飽滿，什菇就吸收曬其他食材嘅味道，好食😋。西冷方面牛肉就7成左右，食落口唔會太硬咬唔到，個汁唔會話太重黑胡椒味搶味，不過個配菜茄子同翠肉瓜就有少少太油。佢杯水果茶都好足料，同埋又唔會太甜，茶底唔會好濃同澀口。有下次想試佢嘅依文士雞，因為賣曬試唔到😢

塊牛扒肉質好好，又多汁！配ge嗰嗰薯餅好creamy nice，帶子松露飯都好香～我個人唔係好鍾意帶子，但係個飯嘅味道係好吸引人！雖然唔係特別傳統的味道，但好岩我口味！

餐包烘到好脆，表面搽左層牛油，作為餐包幾吸引餐湯好鮮甜，都唔錯，但係我中意多cream d嘅南瓜湯。餐湯及多士呢個我真心覺得要推薦比d想食得輕盈d嘅人佢有齊晒蛋白質（三文魚）、蔬菜同埋碳水化合物而且個賣相都好靚味道仲要好好，一d都唔油之餘，個芝士配埋三文魚好香，配埋個紫薯薯蓉食係出奇地夾三文魚菠菜法式薄餅呢個羊架我又係覺得好好味嘅首先係個羊架都幾大塊同厚肉，但肉質勁淋同嫩，而且超juicy其次就係好多人可能會好驚個羶味，但我覺得呢度嘅羊架係有羶味，但唔重而且個雜果汁配落羊架度真係好好味，個汁係少少酸同甜甜地，同個羊架好match烤羊架配彩虹雜果真心好味，就算叫我再用正價黎食我都願意！

話說今日lunch time同同事farewell，早兩日已經book咗13:00。今日上就餐廳就打嚟只hold枱5分鐘，於是我哋不敢怠慢啦，13:00準時楝齊8條友係度。而個男職員就叫我哋等陣。同時間亦有另一team人等緊，而我哋亦唔知人哋book咗幾點同幾多個。因為咁啱megabox又和你lunch，嗌下口號又吹下水，唔經唔覺都已經等咗幾個字，終於都有張大枱走咗，然而，職員係安排比果team人入先。同時又有另一team人到咗等。之後又唔知等咗幾耐，同事們都開始唔耐煩，想轉場去其他地方食，但係又見周圍都多人，所以我同同事都係決定返返嚟呢間繼續等。我再問𠳔哋我哋仲要等到幾時，個女職員就話有張枱埋緊單執緊枱㗎啦，到你哋㗎啦，我即刻就打比其他同事，叫𠳔哋返嚟啦。點知，轉過頭，𠳔個男職員又比遲過我哋嚟果班人入先！😡😡😡😡😡😡😡我話 下？仲唔係我哋先？跟住個女職員走埋去坐低緊嘅客度唔知講啲咩，再返嚟同我講另一張枱埋緊單，好快就安排返比我哋😡😡😡😡😡😡😡我話 我哋book咗13:00 你同我講等到差唔多14:00都未入得？仲要比人入先係咩事？個女職員仲要老屈我哋遲咗10分鐘！我話我哋13:00八

人生第一次喺香港食鹹嘅 crepe，估唔到係喺 MegaBox。呢間位於五樓中庭旁，每次經過都甚少見有人幫襯😅，而佢居然可以喺呢個位生存咁耐，相信租金應該幾平😂。呢度嘅 Lunch Set 有兩款 crepe roll 選擇，我唔鍾意食三色椒，於是揀咗煙三文魚菠菜芝士法式捲餅。餐湯係南瓜湯，既 creamy 亦食到少少南瓜茸，唔錯。主菜上枱時，最吸引眼球嘅係個紫色球體，原來係紫薯蓉😃，甜甜哋，充滿紫薯嘅獨有香味，紫薯控不容錯過。至於個 crepe roll，雖然唔算好飽滿，但係我幾鍾意三文魚同菠菜嘅配搭，兩者都有鮮甜嘅味道同口感，而畫龍點睛之處，就係鋪喺上面嘅洋蔥粒，絕對有提升味道嘅作用。餐飲除咗咖啡或茶，仲有 lemonade 同水果茶選擇，我本來想叫 lemonade，最後聽職員推介揀咗水果茶，結果有啲失望：飲品略嫌太甜，茶味不足，所謂水果原來只得紅莓。下次一定要堅持初心呀😂。

今日去咗九龍灣果頭接男朋友收工之後一齊去Dinner，驚德福會好多人等位食飯😣我就建議不如去Mega Box搵好嘢食！見呢間多國菜價錢又唔係好貴，又唔洗等位就入咗去試！好餓嘅關係，叫咗三款嘢食！焗金不文芝士🧀有配埋麵包，芝士味好濃！但食落又唔會覺得好漏，非常正💕三文魚菠菜法式薄餅🍕雖然都係叫薄餅，但同一般食開嘅美式pizza差好遠！其實有點似甜品🤣因為佢個餅底係甜甜地嘅！面頭嘅配料相當豐富，啖啖都食到有料👍🏻帶子松露意大利飯🍛口感綿密，陣陣濃郁嘅松露味！米嘅熟成度調校得啱啱好👍🏻帶子都好大粒，相當彈牙！三款食物，已經食到兩個人好飽好飽！間唔時過嚟食下都相當唔錯！

週六的午市套餐～包含西湯，主食和餐飲今天的西湯是南瓜湯🥣口感很順滑，淡淡的南瓜香配上脆脆的麵包（麵包端上來的時候還是微暖的呢🍞）剛好主食點了有南瓜的蘑菇risotto🍄今天算是輕嘗了一頓南瓜宴啦😄餐飲方面，我點了一杯水果茶，忘了拍照～水果茶稍微有點名不符實，這裡用的是普通的茶（就是加了糖的西冷紅茶那樣），明顯不是用水果泡的茶。不過我覺得週六的午市套餐嘛，收這個價錢，配這種食物質素，我是相當滿意的了～

上網見到幾多人話好食，就諗住試下，但個體驗真係差到忍唔住要寫個負評！一入到去坐低無耐，店員就要求我地調位，調完過多陣另一位店員又要求我地再調翻去原本個個位，坐低左另一位店員又叫我地坐另一張枱，前後調左三次！店員安排差之餘，同事之間又唔溝通，要客人調黎調去，身為客人真係覺得好無奈！我地點左個餐，另外點左個小食拼盤。味道方面，餐湯分量少，味道麻麻，蒜蓉法包超薄，檸檬特飲杯無味而且酸。意大利飯都算幾好，黑松露味幾濃同料多，暫時感覺都係還好。但食完個餐過左二十分鐘，小食拼盤都仲未黎，我地叫店員跟一跟，但叫完又無回應，過左十分鐘店員又過黎問翻我地爭啲咩，係咪爭一杯野飲同個飯(其實前面都問左三次，已經話黎左，而且佢地落單，應該會知我地點左咩)，個店員好似懵下懵下咁，完全無人係諗住幫我地跟進下... 再過二十分鐘個小食拼盤都仲未黎，真係等到無哂耐性，叫佢跟左幾次，等左起碼四十五分鐘都未黎到！小食拼盤終於黎到，店員先斟水比我地，個拼盤又唔係特別好食，成餐飯都食到成肚氣。後尾食完睇翻評論先知原來好多人都係咁！服務差，上菜慢，食物又唔係特別好食，絶對唔會再幫襯呢間垃圾餐廳。

九龍灣有好多食店，不過好多都試過。今晚和老婆上openrice search，發現呢間响Megabox嘅店原來未試過，一於試下。未到7點坐低，看看menu，有散叫也有dinner combo，有扒鋸也有飯及意粉。散叫加$25可以轉餐，有餐湯/沙律及飲品。我點了香煎三文魚扒配白汁轉餐，老婆就點三文魚菠菜芝士法式薄餅dinner combo。我的三文魚扒肉很嫩，兩面都煎得均勻，沒有油膩感。老婆的法式薄餅份量就適合女士，色香味俱全，不過嚿紫薯就啖咗少少。最後想講店員的服務，我哋食完約8點半，店已坐滿，但全場只有兩位侍應不停團團轉，忙到極點，催了餐飲幾次都未到，其他食客也等得不耐煩。唔係好明點解得咁少員工，希望可以改善一下。

日日係九龍灣打滾都係第1次食呢間cafe成日覺得好似好貴咁無入到去今次朋友約食lunch就試下先原來唔係貴野wo 一般cafe價錢$68再加$10有湯/沙律+野飲(水果茶/Lemonade)番茄醬魷魚意粉好清新 高質黎魷魚唔會好似擦膠咁番茄醬同黑胡椒比例剛剛好呢！食完唔會太膩個南瓜就水左少少唔係超creamy水果茶偏甜果味一般般-朋友叫左個牛扒+Lemonade煎得好香肉汁非常多好重牛味份量超大反而配菜就相對地少左d食肉獸必叫啊Lemonade超正酸甜度剛剛好值得再回頭啊！-環境真係幾好夠靜價錢又唔會偏貴剛剛好係mega box 附近返工ge友可以去下 睇下大家會唔會相遇haha

叫左兩個set,一個牛扒一個意大利飯，個湯我覺得一般，好似係西蘭花🥦湯之類，麵包鬆脆👍，主菜五成熟牛扒好好味，直得推介，蘑菇意大利飯就正常，甜品好味整體覺得係好味的，尤其是個牛扒真係好味，會再次幫襯😍

公眾假期，商場周圍都比較多人，餐廳都差不多滿座，好在啱啱仲有位，而set lunch又有素食，就試吓啦！叫咗南瓜雜菌意大利飯同埋羅勒番茄魷魚扁意粉，餐湯係南瓜忌廉湯，仲有麵包加嘢飲，都係60幾蚊一個set lunch，好抵！最好味係個南瓜忌廉湯，估唔到一個餐湯，咁出色，有驚喜!! 麵包都好特別，口感幾好，反而main course就有啲普通，咖啡都唔錯嘅，滿足嘅一餐😋餐廳環境都幾舒適，以為喺商場畫一個位做餐廳會好嘈，但原來又唔會喎。

Good  service  and  honest. Yellow shop. Please go to support. Good atmosphere. great for dating and girls talk. Good  service  and  honest. Good  service  and  honest. Good  service  and  honest.Relaxing environment for weekday dinner. Decent presentation

星期六做完gym有d肚餓就去左megabox覓食。見到ikea咁多人又唔係好想逼，所以就周圍行下睇下有咩好食。係角落頭見到居然有間cafe，環境睇落都幾舒服，又冇乜人。睇到個lunch set menu仲幾抵，所以諗都冇諗就入左去。Lunch Set Menu由於我係南瓜重度愛好，所以一見到有南瓜risotto就毫不猶豫咁點左個南瓜雜菌意大利飯點完菜幾分鐘就已經上左餐湯同烘多士，好有效率！個餐湯咁岩又係南瓜湯，仲要都幾大兜，大兜到拎黎洗面都得個南瓜湯勁甜同好滑食，唔係加左後製糖嘅死甜，而係蔬果本身嘅鮮甜，個湯唔會太杰或太稀。我飲落應該有加到甘筍一齊煲？不過唔肯定。淨係肯定佢好飲到我係咁飲，停唔到口個烘多士好脆，搽埋牛油食係好香，幾啖就食晒。大兜又甜南瓜湯香脆烘多士等左大約兩個字就上左個南瓜意大利飯首先個飯份量都好足夠，如果係細食d嘅女仔可以考慮兩個人share，然後再加多個甜品都會夠飽。到味道方面，食落發覺原來都係用個南瓜湯底去煮嘅，但係配左d用蒜炒過嘅雜菌之後，成個飯變得更好食。d菇同個飯嘅味變得好夾，同埋更加帶到個南瓜汁嘅鮮甜出黎。完全岩晒我呢d南瓜重度愛好者！（但如果你唔係話特別