Ada 美食廣場 (Closed)

2009年03月13日，19:50太魔怪週六晨早離港，匆匆南下，代她到電腦城買wireless modem。下車後先到這店來點速食。要了炒麵拼魚蛋。魚蛋：不算彈牙和有魚味。炒麵：深啡色炒麵灑上了芝麻，賣相對辦；麵算有咬口，不會偏鹹這份HK$10.-的速食，份量、食味、質素和睇價錢成正比。對要求不高的我，這是極速醫肚熱點。

今日先去灣仔同裝修師傅傾野, 在駱克道, 不忘這問曾經陪伴我年幾的早餐勝地, 一樣沒變, 餐蛋治熱奶茶, 我既例牌.因為要等同事, 行去修頓坐坐等. 沒有球賽, 只好一個人打開膠袋, 默默的在修頓吃餐蛋治.餐蛋治是凍的, 對比起以前中環的熱熱餐蛋治, 當然不同, 但是一份懷念, 不能說不也. 而且$12, 何尋.奶茶, 熱熱熱熱熱奶茶, 一向都是最佳.街邊小店, 位置好. 以前在駱克道返工的日子, 此店攔截了不少人.

早幾日都幾夜先放監, 個肚又餓到咕咕聲, 淨係知好想食野, 但四野都冇咩食店, 於是行下行下又黎到呢度, 見到呢間食店燈光火著, 雖然已經列入左黑名單, 但逼於無奈下都黎左呢度吉番串!行到埋去要左一串魚蛋, 盛惠五大元; 魚蛋一串五粒, 一都唔爽口, 仲幾粉下添, 加上碎骨勁多, 咖哩又唔好味, 一d都唔掂, 失敗!師傅成日都聽人講話當一個人好肚餓時, 就算係狗屎垃圾都好味, 咁唔知呢間食店嘅食物仲差過狗屎垃圾, 定係師傅唔算好肚餓呢? 最後一次, 師傅真係最後一次, 呢間食店以後都唔會去, 皆因一d都唔好味, 差!

之後我地去0左<Ada 精美小食>試實實梨推介的雞蛋仔, 果度0既小食款式都好多!!! 街邊小食店0既環境同衛生當然係麻麻地0架0啦!!! 1. 雞蛋仔 ($10) ~ 我地大約等0左五分鐘就有, 個阿姐就大聲講：「靚仔,雞蛋仔」, 我開頭仲以為佢sell緊佢0既雞蛋仔, 哈哈, 原來係搵我, 再哈哈!!! 祖安就覺得好好味呀, 不過就油0左d. 至於我就覺得都唔錯, 如果雞蛋仔入面再實少少, 咁就good 啦, 整體評價：好味過北角0既雞蛋仔!!!

中午時段，又係灣仔打公仔群起而湧，出唻搵食嘅時候。大大小小，無論好食唔好食嘅地方都彷彿塞滿晒人咁。同事決定買三文治做外賣，最唔鐘意食埋D生生冷冷嘅洋鬼子野嘅我決定背道而馳，去買突然好想食嘅盅頭飯，全因唔知邊鬼個尋日喺office度食排骨飯，鬼咁香。同事們都差唔多買好野，所以都廢事行咁遠，在無可選擇下唯有幫襯Ada。每日放工都經過，亦買過幾串野食過，覺得麻麻地，今次再試下個鳳爪排骨飯先，加多個豆漿唔該。返到去先發覺個飯冇落豉油，搞到咩心情都冇晒，等我仲期待左成日。盅頭飯喎阿姐，唔駛我講都識落豉油啦掛? 但公司又冇豉油，我除左慢慢乾啃仲可以做咩? 好彩排骨唔差，幾滑又入味，而且食極都好似仲有，但係就韌左D。鳳爪只係得兩細隻，都還可以。最開心係佢畀好多椰菜你，仲係用蒜蓉炒過。唔駛廿蚊，成個飯都算好大，但容我好似個阿伯咁講多次 -- 點解會冇汁?豆漿好難飲，又唔凍又唔香又唔甜又好多渣，唔好再提。可恨公司附近冇間似樣D嘅街邊小食店，咪下午茶時間落去篤幾串野你咪話唔過癮。

俗語話面係人地比, 架係自己丟; 而師傅覺得應用喺食店上就係機會係人地比, 亦都係自己喪失! 呢間食店師傅之前已經彈過, 但今朝忽然想再比次機會佢, 於是就決定黎呢度買個早餐! 行到埋去話要十蚊燒賣, 點知個阿姐就掛住講野, 口水多過茶, 唔理師傅, 咁師傅就好自然再講多次啦, 點知個夠姐仲要怒啤師傅, 好似師傅唔應該講多次咁! 大佬唔講多次你又唔知, 講多次你又唔啱聽, 想點先? 好再講下嗰十蚊十粒燒賣先, 粒粒都唔同樣, 冇一粒試正d, 變晒型咁, 咩事呀? 幅射呀? 未整容呀? 皆下要魚肉燒賣而唔係變型燒賣呀, 好離譜下囉! 而燒賣本身都幾硬下, 唔算好味!總括黎講食物質素絕對唔得, 服務超劣, 師傅一定冇下次, 免得難食之餘仲要受氣!

師傅前前後後都幫襯過呢間食店唔少次, 原因係有時想食下街邊小食, 有時貪方便咁買下早餐啦, 結果係覺得冇咩邊樣野好食!先講下咖哩魚蛋, 咖哩魚蛋都幾香咖哩汁, 而魚蛋就幾大粒, 唔算好爽口; 燒賣就幾硬下, 唔係咁正; 而早餐腸粉就仲衰, 成pat野咁, 睇到已經唔想食喇; 而d三文治又係唔新鮮咁, d麵包勁乾身! 唯一可取係炒麵, 炒麵係豉油皇炒麵, 炒得幾香, 唔算油, 可以喎!總括黎講食物質素絕對唔得, 特別係以街邊小食角度黎講尤其差, 真係呢區唔多選擇, 如果唔係師傅相信呢間食店都好難做!

早上八時, 正是大部份返工一族的黃金時刻, 很多時為了避免遲到, 真的分秒必爭. 若要本人費上十多分鐘才能買到一份早餐, 不會考慮, 必out!見此店位置挺方便就腳, 亦見有不少早餐派幫趁, 於是一試. 果然, 整個過程不消三分鐘便完成. 買了一件餐蛋三明治+ 奶茶. 三明治不是現製的, 摸上手已是涼, 大概是早上六時已完成. 既然要快, 就有此缺憾.奶茶的糖是他們下的, 一定要少甜. 否則, 會sweet足一個上午.總的來說, 勝在夠快夠平.

不太餓，叫了碗碗仔翅，朋友叫了魚肉湯。我的不好吃，朋友的魚肉很多，但湯「唔掂」。

燒賣有兩種，除一般的魚肉外，還有龍蝦丸燒賣。自己喜歡吃龍蝦丸，所以常常放工放得晚都想去吃一串，好味。想試的話記緊要說清楚是龍蝦丸燒賣，不然會給你魚肉的。

果次住君悅唸住夜晚買d野食食下,點知真係出事!外賣:碗仔翅-料已經少,味只有味精咖哩魚蛋-無咖哩,魚蛋實實的,原全無味炸魚蛋,豆腐,紅腸-豆腐&紅腸無嘜魚肉,豆腐無豆腐味,紅腸霉霉,魚蛋原全無魚肉味,全部都係唔新鮮,應該都擺左好耐樣樣野食左少少,但真係覺得自己係食緊垃圾!

初還以為Ada是吃小食的，原來一角有賣車仔麵，就試試吧！$16圓兩個餸好便宜，好啎好食又是另一回事。四時多一個人也沒有，進去坐下良久也沒有人來招呼。草草地圈了蘿蔔、貢丸、美味齋，油麵。紙上寫的是生根，恕小人才疏學淺，生根與齋應該是不同的吧！舖不大，只還放六檯左右，環境以舖位來說是幾差，檯凳也髒，坐也坐得不舒服，想快點吃罷就走。麵很快便來了，先前圈的中辣原來是咖喱汁！那張點菜紙真係...太多錯別字、太多的詞不達意、太多的誤會。如果辣是要靠那些港式還是魚蛋的咖喱的話，那我可要放辣椒油好過。蘿蔔夠腍夠熱，很易做到，難度分沒有。貢丸沒有香味，不彈牙，肉質還有少少霉，浸得太耐了吧，差唉！齋還好的，油麵很腍，不知為何即淥即食還會這樣，是麵本身做得不好吧。湯中有小小昆蟲，衛生即時零分。奉送的菊花茶也是差的，十月秋季，菊花該是最靚的，不明沖出來的茶也是苦的。最看不過眼的是店員為做多一點點生意，不惜誇大自己出品。當自由行的旅客問有甚麼好食時，店員想也沒想就答：「甚麼都好食！甚麼都新鮮，還有很多急凍的，叫時才拿出來......」五樣中有三樣不行的了，還要說甚麼都好食？由冰櫃取出來的，新鮮極也有限吧，竟厚著

8月18日18:30匆匆南下，腹如雷鳴，例牌到合記來碗粥和腸粉。肚已飽，無奈口仍痕，便到這店來串鹵水鴨腎。秘製醬油、麻油、甜醬、芥末一一加上，食味不俗。這店可用"麻雀雖小，五臟俱全"來形容。想得到的港式小食，都應可找到。客人川流不惜，無耐性無得食^m^題外話：吃著、吃著，再看著店內五花八門的小食。兒時和玩伴，在彩虹村巴士總站"掃街"的景象立現。當時我的至愛是生菜魚肉、碗仔翅、腎、蠔餅……。

每個星期四放工後都要去附近返學, 所以都會搵一D快餐食完先至上堂. 個次經過時個阿姐係到叫有位入去坐$20蚊兩飯, 咁樣之下就入去食一餐. 其實食物方面都叫做可以啦, 不過就多一D油, 好似個蒸排骨咁, 個D汁有成兩三匙油面,仲有蒸魚都好滑,可能少住家飯食,食個陣都覺得好有屋企飯感覺. 另外佢送個杯豆漿就好有豆味, 因為附近有間X記粉麵豆漿好淡,好似加好多水咁. 之後間中都有去幫趁因為價錢抵:-)但上次就聽到有人彈佢D魚肉同翅,話要十幾蚊又唔好食咁喎, 所以我都冇食過!

我好耐都無食腸粉，於是今朝早在哩間鋪頭，買返公司試下先．有炒麵，炒粉，其他口味既腸粉，粢飯，好多選擇．．．齋腸粉＋杯凍鴛鴦：腸粉好滑，加埋甜醬＆花生醬，正．Coffee and Milk Tea，苦苦地，好好飲．