Ada 美食廣場 (Closed)

3/8(四) 6:15pm放工後於灣仔地鐵站附近匆匆吃點東西才返學.想食點輕怡的,於是到了此店點了個2送飯跟例湯$21:芙蓉蛋豆腐飯,要了少飯,送的份量不算多,幸而味道不錯,蛋內的芽菜,菜甫及蔥粒增加其口感,豆腐屬嫩滑且沒甚味精,有點住家風味,例湯是粉葛湯,火喉足,煲得夠味!環境及服務皆平平,不能期望太多.$21可一試!

去過兩次，都是吃$20的兩餸飯，因為實在是便宜，$20一個飯再送湯或飲品。湯是中式湯，試過一次，都不錯。飲品可選豆漿或夏桑菊之類的，豆漿一般。飯的味道ok啦，魚幾好味。另外，揀餸時可以要求加汁，我上次加了貎似咖喱汁，但原來酸酸地的，都頗”醒胃”。至於服務，以這類店來說不錯。第一次去時是在影藝看完夜場後，有少許餓，但又吃不下一個飯，結果兩人share一個飯，兩位亞姐也態度良好。

尼間舖仔，我試過佢地的魚蛋、龍蝦燒賣，味道係好好好難食！都唔明佢地點解可以整到咁難食！但係，佢地既夾餅，係我有生以黎食到最正的夾餅。真係唔明，點解尼樣又可以整到咁正。平時食夾餅，永遠都係一咬落去就成口粉，又漏又滯，但係尼間d夾餅，烘到兩邊都脆卜卜，中間的花生醬、奶醬、粗粒花生加爆香芝麻，好味到難以形容。每次到灣仔附近，都會專登走黎食一轉，就算肥都一定要試。

20-7-2005 1915第1次和openrice 食友晚飯前黎個小食，食的好香港地的街邊小食，魚蛋、燒賣等等，及一杯菊花茶。魚蛋不辣不香，奇奇怪怪；燒賣做到個口感唔會好似食肥豬肉。其中一位食友話咁都好影，我話呢的係我的習慣，有時不經意的回憶，都差唔多夠鐘時睇番先至會珍惜及後悔，如果呢位食友睇到我呢個食評而又踩親條尾兼激親既話，記住係backend單聲，黎緊既西曆生日正日請你及自己一齊去香港Disneyland 玩番一日補番條氣啦，但唔好亂咁認呀！

對於灣仔區的上班族，大部份都認識此店。近地鐵出口，佔盡地利優勢，租金亦不便宜哩！馬拉糕（$4）：傳統茶樓的那款，體積相當大，發得軟綿綿，吉士蛋奶味不輕，底部油膩。四蚊件都食得過！港式熱飲（$5）：五蚊杯熱飲，真的好經濟！茶味尚可，啡味偏酸。個人多數飲熱鴛鴦少奶，味道較可取。豆腐花（$6/碗；$10/兩碗）：味道較街市那間「濠x豆品」差，唔滑唔香。亦偏貴，公和老舖的殿堂級豆花才賣六塊錢！各式三文治（$8）：預先製作，質素相當行貨，但是極之便利。麵包過輕過薄，餡料偏油膩。最可取就是那素菜三文治，無油「益」味。碗仔翅：招牌貨，質素亦是一般而已，跟旺角那些小食檔沒兩樣。亦有出售果汁、兩餸飯、即製腸粉、串燒、煎炸小吃，十分多元化！