膳心小館 (Closed)

我好愛食蛋捲，不過通常只係新年先買黎食下，其他時間忍下口咁啦。不過膳心小館所整既蛋捲，我完全為之瘋狂。一個星期清一罐！由原味開始食起，好鬆脆、好夠蛋香味！同時又唔膩，無牛油嗰個膩。然後因該媽媽鐘意食芝麻，所以買左罐試下，我自己本身就唔特別好芝麻。點知一食就愛上左，佢既芝麻香同蛋香夾得好好，好balance。最重要係無影響鬆脆既程度！不過最近買嗰次既芝麻蛋捲，我媽就話多左椰汁味，但都係好好食。順道一提，黑糖馬仔既甜度好適中，好食；炭燒豬肉乾真係有少少煙味，肉汁又多，又唔硬，雖然係薄切但都好有口感！

知道良心黃店不被續租即刻要黎支持一下特登係元朗國出國 黎到牛頭角懲罰黃店點知得到嘅 係咁不愉快嘅經歷😔排緊隊 碌下Fb 消磨下時間咁啱見到HAEA（醫管局員工陣線）有會員優惠🤩排到我地嘅時候 落完單 就順便問下粉紅色頭髮嘅職員妹妹：請問HAEA係咪有優惠？同時打開電話嘅相片 打算show比職員睇阿女職員就已經好唔耐煩 ： 咩呀？咩黎咖？轉一轉頭問收銀嘅男職員：佢問咩HNEN係咪有優惠喎？優咩惠呀？男職員仲正：x！叫佢講中文喇！我唔識英文喎！😡😡😡😡😡(講左粗口 OpenRice唔比出 所以以x代替）兩個職員都冇答到我然後女職員就再用唔耐煩嘅語氣：咁你地坐低先得唔得呀？見佢望都唔望我地一眼 完全冇帶位嘅打算咁我地唯有自己搵位坐心諗可能呢度冇做開帶位當時店內食客好多 外面排哂長龍而我眼見得一張未執嘅枱 同另一張細圓枱同人搭枱咁我地就坐左去細圓枱（之後另外一個樓面職員好好 主動即時執左枱 叫我地坐過去 再叫果果粉紅頭髮女職員唔好搭張細圓枱 因為真係太細喇）🥺直到食完成餐飯果兩個職員都冇答到我嘅問題果兩個職員咁講嘢法我都唔打算再問心諗：都係黎支持下姐 優唔優惠都唔重要雖然明白當時店鋪真係好忙但

膳心小館一間位於彩頤居既良心爆棚餐廳，排隊等齊人同埋落埋單先可以入坐。好抵Deal既777set。777抵 DEAL 套餐 $77。7/set777D 良知龍利柳好好食，冇味精味，而且都唔係好細份。777K 金光雞中翼好食既鹹蛋黃既雞翼，整得好好食，真係抗拒唔到鹹蛋黃。777L 怒爆雞中翼呢一款雞翼就辣小小，係避風塘味，不過都十分之惹味。777M 怒爆至尊豬扒豬扒好大份，唔會係D好瘦炒到好乾既豬扒。椒鹽得黎都好juicy。777TG 蝦醬菜心炒牛肉牛肉份量好多，想食多D菜就要叫多份啦。777C 柒婆豆腐欖炒櫻花蝦麻婆豆腐加上櫻花蝦，係唔同味道，好食D，港式crossover日本櫻花蝦，唔太鹹。777X 亂棍怒爆保黃雞四季豆相比起其他就差小小，唔係唔好食，只係其他太好食。overall黎講都係好屋企菜feel，真係冇味精味，食落都健康D。而且咖啡真係好好飲，好有層次感同埋係一間中菜館都可以飲到coffee既質素，真係好驚喜。

又來進貢吓先～因為之前應承過要請人食黃店出品，所以專程來入貨，買咗手足黑芝麻蛋卷、手足爸爸杏仁餅、炭燒豬肉乾同黑芝麻花生糖，入完貨當然過餐廳順便整返個下午茶啦😋檸檬撻賣相很吸引，上檯時還加了一個小小「齊上齊落、毋忘初心」的裝飾，樣靚之餘仲好好味，微酸，不會太甜，面頭的cream稍為烤過後，吃起來竟然有點棉花糖的口感，內裏有檸檬醬和鮮檸檬餡，批底厚實而不失鬆脆，加上那片脆口的檸檬乾，整件事很調和，讓不嗜甜的我也吃得很開心。加上一杯熱虎紋斑斕抹茶鮮奶，抹茶味不算很濃，但隱隱有斑斕香味，還有很靚仔的太陽拉花，很是賞心悅目，加起來就是一個好正的下午茶了☕️😎

近日相信大家都一樣，好攰好灰好冇mood，但大家要最快讓自己振作，我就覺得要買啲 好嘢食，返屋企同屋企人一齊分享💛 所以今次嚟咗呢間餐廳 ，先係食飽飯 ，然後買咗佢哋自家出品嘅蛋捲 同埋馬仔帶返屋企 ，嗰盒蛋捲 有大概三十幾條 ，每條都脆卜卜同埋充滿蛋香， 老板話平時到嘅蛋捲唔網上落訂係冇貨嘅 ，今日好好彩畀我執到一盒椰汁味，可惜無原味啦💛馬仔都係鬆化冇油益，好食，而且只係5蚊個💛食完呢啲我哋香港獨有嘅味道，就更加希望香港值得驕傲嘅野能夠不變😥

上個星期五約咗同路朋友去港島西還掃黃行動，先去#Dare食咗lunch，再去#華爾登朝聖一番，食飽咗同朋友決定步行去堅尼地城#花斑茶社嚐吓菜，一輪掃黃後，以為已告一段落，點知被呢間#輕鬆煮門外嘅商品吸引住好靚呀原來有寄賣膳心小館嘅小食，包括椰汁蛋卷、果汁豬肉乾、馬仔同杏仁餅因為嗰日拎咗太多嘢所以只係買咗盒椰汁蛋卷，下次會去膳心小館食飯再買嘩！嘩！嘩！睇吓幾靚幾吸引，好香椰汁味，又鬆化，屋企人話食完仲齒留蛋香多謝您哋用心製作，真係好好味呀！

係手足蛋捲呀～～～～～～期待已久了😣 終於的起心肝訂(明明只係㩒兩個掣，我竟然都拖咗一段時間🤡)。5月頭訂到月中就收到通知可以拎貨啦，都好快手😙🍳 手足黃色雞蛋卷 $88.8🍳 手足黃色鳳凰卷 $88.8有連豬做包裝好可愛～ 可以除出嚟痴牆😗 蛋卷好脆！！！！佢唔係好厚實嘅質地，而係薄薄哋好鬆脆，好易食到成地都係碎🤪 不過佢太鬆脆，一開罐都碎咗d，大家拎貨嘅話都要小心d😣睇fb留言見到好多人都話秒清，再回購好多盒，開始覺得有d誇，心諗咁大罐實有排食🤨 點知又真係好似陣風咁，好易k.o🤡訂購方法：可以網上填表(fb search膳心小館)或去總店落訂～

平日夜晚黎食飯 7:45 都唔洗點等位去買下手足蛋捲 曲奇 瑪仔 之後就有位了好耐無咁多人出街食飯~4個人!! 可以叫多啲野食啦!!叫左 咕嚕龍脷柳 豆豉鯪魚炒白菜仔 星洲炒米 同埋.....豉油雞!!!!話說好耐無食燒味 豉油雞 雖然唔係我至愛但有都可以一解心瘾!呢個豉油雞!! 一上枱,,,WAOOO 好大隻!!雞唔肥,,,,朋友唔食雞皮 都忍唔住食左2塊重點係真係嫰 同埋係岩岩好 骨重係紅好耐無食過咁滑既雞豉油好入味！一定要encore ❤️❤️❤️❤️❤️呢度重有炸子雞 不過要早一日訂！之後果3樣 都好正常 龍脷柳個炸皮唔會lum 哂 魚滑嫩既！星洲炒米就炒得乾身 其實一直對小菜都無咩期望但膳心 真係食得出有用心煮❤️樓面既 就要加油！ 上菜講左咕嚕肉 同豆豉菜心🤦🏻‍♀️重有漏白飯 要追兩次 不過好友善 見我地多野 轉張大啲既枱比我哋加油呀！

細佬送俾我，有咩比收到一罐香港人嘅蛋捲開心！罐外圖畫招紙已經令收到嘅我開心不已，而且構圖好靚，我都花咗一般時間先睇晒啲圖畫。打開個蛋卷罐蓋，膠片底下嘅蛋卷完整，呈焦香色，而且一股香濃嘅牛油味同雞蛋味撲鼻而嚟，急不及待送一條入口，唔洗用力，一入口香酥脆嘅蛋捲喺個口內粉碎，每一啖都鬆化香口，脆得嚟一啲都唔實。食完之後，雞蛋同牛油嘅香氣喺口內恆久不散。而且會另你不自覺係咁送入口，攪到我一次過食咗10條。

之前同friends一齊訂既蛋卷同鳳凰卷有得拎喇~ 膳心小館個地方唔係咁就腳， 所以嗰日我地兵分兩路， 兩個人去拎蛋卷， 其他人去排隊食飯。。。。。 點知我去到膳心小館， 真係想講粗口。。。。 點解我地唔約響膳心小館食飯？ 膳心小館原來係餐廳嚟， 有飯食架。。。。any肥，響呢一刻， 一切都已經太遲， 唯有下次再訂蛋卷嘅時候， 約食膳心小館啦.去到拎蛋卷， 發現原來有杏仁餅同馬仔賣， 係現貨嚟， 馬仔仲有兩款， 原味同黑糖， 我地咁為食， 梗係唔放過啦。 我返到屋企，黑糖馬仔就俾我自己一個清咗。。。。 蛋卷又好好食 我地下次再訂過

支持黃色經濟圈💛依間近排賣緊啲蛋卷賣到出晒名🤣不過佢啲蛋卷真係直得推介🤩.‼️蛋卷 夠脆夠蛋香，拍得住啲大牌子😋包你一試難忘😍.‼️鳳凰卷原先以為係肉鬆加紫菜😂點知原來係椰絲加芝麻😅唔講唔知，傳統既鳳凰卷原來系芝麻加椰絲，依家真系好似買少見少🤣快啲試試佢.⚠️5月尾推出新口味😍密切留意😋

黃金金金金店，年輕店員為多，見到佢哋冇一刻係停喺度，加油呀！食物質素都好味嘅，啱我胃口！我最鍾意食炸鮮魷！咸香、香口其他餸我唔食肉就評價唔到～我五一黃金周（五大訴求缺一不可的爆買黃金周）星期日晚去幫襯。見到有食評留低服務負皮，我就特登要寫返我個經驗俾大家香港人們自己作決定～當晚每個人都好忙，我諗可能佢哋都有諗點樣做得好啲，當我媽落蒸排骨時佢有特別同我哋講清楚係要等好耐，但我都同意落單。的確係食到最後排骨都未黎，同樣我媽都有有禮問一問排骨整起未，未整就麻煩幫我哋Cancel。知道整緊後，我地就話好，另外攞個外賣盒裝起。點知，我整跌咗個外賣蓋，咁啱有人經過就主動話幫我換個新，掉咗個跌落地嘅蓋。。。我認為多人食，係想像到會真係忙，會亂，會有出錯。我會體諒，但我哋要尊重所有人嘅諗法，覺得想試黃金黃店唔介意排好耐等好耐，就去試！覺得唔好味/有店員態度要改善，就算佢地忙都好，都可以寫紙仔寫返低俾意見，又或者自己冇下次，食下一間黃店都可以！所有食店腦細、手足店員，食客同路人，加油💪🏽（各行各業黃都係）

大熱黃店膳心小館，位置有點難搵，但都好應該支持午餐時間有多個選擇，價錢合理重點係加十幾蚊就可以轉手沖咖啡，呢個先係重點講真食物就正常冇乜特別，但咖啡確出色香、濃、滑，非常好飲同場仲有手作蛋卷、馬仔、杏仁餅等賣，但相當受歡迎，當日已賣晒會再去，齋坐飲咖啡都抵

趁著假期，疫情放緩。忍不住去了牛頭角。這間餐廳我想……未必很多人知道怎樣去。由牛頭角巴士總站沿左邊淘大花園上彩霞道，走一段斜路，方可見到。由於比較晚吃午餐，於是叫上兩道海鮮。煎封黃立倉和椒鹽海中蝦。但中菜館居然有coffee可叫，那當然得一試對吧於是叫了鳳凰鴛鴦和渴咖啡。中菜味道大家都差不多，我就介紹一下飲品吧。渴咖啡-我一直好奇咖啡可以怎樣一個渴法。渴咖啡除了咖啡之外，我絕對認為是加上有汽的東西，所以每一口都有氣泡口感，感覺真的超特別。咖啡豆的酸味配上氣泡的甜味，確實喝多了會渴果然是渴咖啡。鳳凰鴛鴦-因為本人只喝了一口，口感實在不能形容更多。恕本人未能為此杯咖啡評語。堂食方面，位置都算是寬敞，大家不必擔心。

Recently bought some traditional Chinese snacks from Agape! It took a bit of time to arrive cos I got it to be delivered via SF Express instead of picking it up, but I can assure you, the wait was well worth it!!! I got the Baba almond cookies, it was super duper yummy, tastes even better than some of the “bigger brands” (brands that I do not buy anymore). The packing is not as fancy as the big brands, but it’s still neat and tidy. I also got 馬仔 and 豬肉乾， which were both not too sweet which is go