膳心小館 (Closed)

我好愛食蛋捲，不過通常只係新年先買黎食下，其他時間忍下口咁啦。不過膳心小館所整既蛋捲，我完全為之瘋狂。一個星期清一罐！由原味開始食起，好鬆脆、好夠蛋香味！同時又唔膩，無牛油嗰個膩。然後因該媽媽鐘意食芝麻，所以買左罐試下，我自己本身就唔特別好芝麻。點知一食就愛上左，佢既芝麻香同蛋香夾得好好，好balance。最重要係無影響鬆脆既程度！不過最近買嗰次既芝麻蛋捲，我媽就話多左椰汁味，但都係好好食。順道一提，黑糖馬仔既甜度好適中，好食；炭燒豬肉乾真係有少少煙味，肉汁又多，又唔硬，雖然係薄切但都好有口感！