Age.3

Open Now

Now Closed

MOKO開咗間炸三文治店鋪，係日本元祖炸三文治名店，香港仲要係海外第一分店，咁一定要試試啦。店鋪裝修得好INS風，可以立食都可以外賣。鋪頭提供數款炸三明治，仲要有香港限定芒果杏仁豆腐味道。每件三明治即叫即整，需要等耐少少。法式栗子奶油，三明治炸至金黃色，內裡充入大量鮮奶油，表面再鋪滿法式栗子蓉。食落三明治香脆酥鬆，鮮奶油中和咗油炸麵包嘅油膩，食落好似食shortcake咁，好味。士多啤梨X朱古力，睇到都知道好邪惡。滿滿鮮奶油加埋朱古力醬，食落唔會覺得好甜，只會覺得蓬鬆鬆軟，好似食棉花糖。焦糖燉蛋，餡料同前兩款略有唔同，奶油好似布丁咁。食落好幼滑，又有少少Q彈。表面焦糖係畫龍點睛之筆，香脆焦糖層豐富咗口感。激辛！芝士咖喱肉醬，食了3款甜品，都想試款鹹食。咖喱肉醬鹹香惹味，唔會好辣。芝士完全融入咖喱肉醬入面，食落微微拉絲口感好得意。

最近去MOKO見到有一間叫Age.3嘅舖頭，原來係嚟自日本嘅炸三文治，仲要係全港首間分店！而家仲做緊買三送一優惠～一定要試試啦！佢有賣甜同咸味嘅三文治，而今次我就買左4款都係甜味😋香港限定：芒果杏仁豆腐芒果舖晒喺面，非常足料，嗰忌廉唔會有好大浸杏仁味，主要芒果味較為突出。朱古力士多啤梨雖然士多啤梨唔算甜，但甜甜嘅忌廉同埋朱古力醬就中和返嗰口味，所以都唔錯蜜柑呢個鋪滿咗超多蜜柑，而啲柑都好juicy同埋甜抹茶朱古力呢個面頭痛痛埋忌廉都係抹茶味，呢個嘅茶味濃郁，唔太甜，配上生朱古力仲增添左啲口感四款口味配上甜甜地好脆嘅多士，建議即食，真係好好食，係會令人滿足嘅甜品。

偶然俾朋友叫咗過嚟之後打開眼界，幾好味好入口叫咗個拿破崙意粉三文治，唔算好大份啱啱好個炸三文治炸得好鬆脆❤️好抵食好抵排，芝士咖喱麵包好多汁好Juicy，啲汁滿到瀉晒出嚟咁滯要拖地

經過望到新開！ 好幾款都好吸引，最後揀咗cream brulee, 開頭諗住喺即係香港茶記西多士， 但炸得勁脆，個餡勁creamy!! 好味， 會再食！想試奶油，同埋抹茶生朱古力、生朱古力。

Age.3 Hong Kong 係福岡始祖人氣炸三文治專門店，終於登陸香港，依家做緊買三送一嘅優惠。所有麵包新鮮出爐，奶油即時製作，要耐心等候。香港限定的口味-芒果杏仁豆腐甜美多汁的芒果，加上原創的微甜杏仁豆腐奶油，比一般奶油多了杏仁的香氣，香港不常見到，夠晒special !焦糖燉蛋即炸三文治鋪上一層香濃焦糖脆片，底下好似布甸般，香甜滑溜，充滿蛋香。今次試咗兩款甜食，但其實仲有鹹食，款式眾多，而且每款爆晒餡料，打卡有澎湃嘅效果，難怪開業冇耐就成為人氣店～

日本人氣炸三文治，近三十款有鹹有甜，選擇困難症慎入🤣🤣選了19號的開心果，三文治炸得香脆不油。份量十足，厚厚滑滑的奶油，配上滿滿的開心果碎。唧了一些草莓醬，微酸的味道減低奶油的罪惡感（純心理作用😂😂）除了炸三文治，仲有水果三文治。價格好像調整了，更親民，值得試試開業優惠有買三送一，下次要試9號栗子鹹點的有意粉，做下午茶也很好夏天吃香港限定的杏仁豆腐x芒果🥭也不錯店面寛敞，但係立食地方少（只有兩張小圓枱），連垃圾桶也沒有，食完要拎去商場垃圾🗑️掉。

Age.3係間來自福岡嘅人氣炸三文治，最近係旺角開咗第一間海外分店，去趁下熱鬧先！店內有賣超過 20 種口味嘅炸三文治，除咗鮮奶油之後，其餘口味一律$48，全部都係即點即制，每件都包保酥脆！🥪芒果杏仁豆腐香港限定口味！面頭鋪滿杏仁豆腐同芒果醬，下面係滿滿嘅鮮奶油，外層麵包炸至金黄酥脆，口感豐富🥪鮮奶油份量超級澎湃，滿滿嘅鮮忌廉，超邪惡🥪芝士咖哩肉醬炸三文治試咗另一個咸版炸三文治，咖哩肉醬味濃厚，加埋半溶芝士係絕配，不過食時要小心肉醬會流出嚟呀

正野！終於登陸香港，等左好耐終於可以係香港食到😭唔使特登走去日本士多啤梨朱古力，抹茶朱古力，生朱古力都好食不過呢最鍾意都係焦糖燉蛋，真係推爆，本身作為甜品就咁食都好正

到moko新店試吓，有買3送一，便order了3件，不過未回家吃，已經感覺不良好！廚房水吧位置企左4個女仔，4個都未停過講嘢，大聲講大聲笑，重點雙手係整緊食物，嘻嘻哈哈都唔知口水有冇吐到落手上食物，又冇帶口罩😡然後其中一個離譜到一路搣橙，一路餵其餘三個邊食邊整😡其中一個橙被餵到咀後，唔小心從咀邊跌咗出嚟，佢就直接用整緊食物的手將橙放返入咀！🤬其實知唔知咩叫食物衛生？你哋仲要用open kitchen😡Order要等差不多15至20分鐘先至可以攞，原因係佢哋整好晒一張單，係唔會即刻包裝好給客人，係要完成晒手頭上四五張單，先逐份慢慢包俾客人，做嘢都完全冇系統，要客人白企喺度等唔關事嘅單完成，先可以攞走食物！原來品牌嘅吸引力，就是因為呢啲不負責任嘅員工破壞🤬

這間來自日本福岡的人氣炸三文治專門店，首間海外分店連址旺角的MOKO新世紀廣場，主打零卡路里天然甜味劑Lakanto製作忌廉，配上時令水果的炸三文治。三文治暫時有29款口味包括鹹味，將來還會推出日本新口味及季節限定。所有三文治均即叫即炸，每面油炸45秒，然後切半後再在方包中再切一刀，加上忌廉跟配料就大功告成，賣相澎湃又打卡。無論是一個人食還是跟好友分享亦是不錯的下午茶好選擇。開業優惠，每日首一百位客人限定優惠，購買任何口味，送原味鮮奶油炸三文治；購買任何三款口味，送原味鮮奶油炸三文治，四份三文治附送外賣盒。芒果杏仁豆腐炸三文治 $48香港限定口味。幼滑細膩的杏仁豆腐忌廉甜而不膩，帶有淡雅的杏仁堅果香氣，又有豆腐的清香，鋪滿一粒粒鮮芒果肉香甜多汁，還淋上酸甜的芒果醬汁。芝士咖哩肉醬炸三文治 - $38濃稠的肉醬有酸甜清爽的蕃茄香味，又有香甜的日式咖哩芳香，鋪上半溶化的芝士有微微拉絲。 朱古力奶油x士多啤梨炸三文治 - $38忌廉帶有濃厚的朱古力味，再淋上特濃朱古力醬，酸甜的士多啤梨平衡膩感。開心果炸三文治 - $38近年大熱的開心果口味，鋪滿一粒粒酥脆的開心果碎碎，有著濃厚的堅果香氣，淋

平日傍晚嚟到，唔算多人。排隊連埋製作等候時間都係大概5分鐘。今次揀咗焦糖燉蛋味，個多士煎得幾好，幾脆口。個燉蛋可以話入口即溶，非常唔錯。唯一係嫌塊多士唔夠熱，值得推薦。

💡超人氣炸三文治今次唔洗去福岡都食到超人氣炸三文治，因為Age.3正式登陸香港，海外第一分店。佢地炸三文治即叫即製，好特別，佢地先先將麵包炸至金黃酥脆，切開後加入特製的鮮忌廉內餡，之後再根據唔同配料再加上去，第一次食，估唔到係咁好味，難怪當日大排長龍。🥭芒果杏仁豆腐呢個係香港限定口味，新鮮多汁的芒果片搭配香酥可口三文治，頂層淋上濃厚芒果醬，加埋杏仁豆腐嘅奶油，好似食雪糕咁樣，估唔到係咁夾，口感好特別。🍎肉桂蘋果批新鮮多汁的蘋果切片🍎散發出陣陣誘人的香氣。加入左少少肉桂粉，為整個批帶來了溫暖醇厚的風味。上面有一層薄薄的糖霜，增添了甜蜜可口。🐷日式照燒鮮嫩多汁的照燒豬肉，帶有濃郁的日式風味。脆嫩的生菜，為口感增添左爽脆的層次。 而吐司好酥脆的🍞🧀芝士咖哩肉醬炸三文治麵包炸到金黃色，脆卜卜，咬落去仲聽到聲。 肉醬內裡濃郁醇厚🍔肉質鮮嫩多汁，咖哩肉醬好香，帶少少辣，芝士絲融化係肉醬之中，濃郁又唔會太膩。

麵包質感軟滑,夾住香濃嘅鮮奶油,口感獨特而美妙。外觀整齊簡約,但絕對唔單調。若加埋少少果醬或蜜糖會更添層次,不過原味已經足夠出色。呢個簡單嘅小點心證明咗即使用最基本嘅材料都可以煮出優質嘅美饌。作為一個平價又實用嘅小吃,鮮奶油三文治絕對值得一試。

日本超人氣 炸三文治專門店最近🇯🇵從銀座➖福岡➖到🇭🇰旺角MOKO 開設第一間香港分店唔洗飛日本就可以享受到相同滋味賣相一樣都係咁靚 咁多選擇新張優惠．選購三件 仲送✨原味鮮奶油炸三文治店員用心製作每件都充滿幼滑嘅鮮忌廉外層炸過嘅三文治特別香口．口感香脆亦唔油膩餡料 有甜有鹹選擇✨激辛！芝士咖喱肉醬舖上咖喱醬汁好惹味✨焦糖燉蛋用火槍燒至金黃肥嘟嘟嘅賣相．又香又甜✨士多啤梨果醬✨香蕉朱古力兩款都在面層放上新鮮水果去旺角行街必食之選

今日行過旺角見到呢間新開嘅，由日本福岡傳入嚟嘅三文治店。見到佢哋嘅炸鮮奶油三文治就好想試啦。仲有好多隻味，有鹹有甜，真係好吸引。女朋友一見到就話好想食，真係非常期待。