AGE Bar & Restaurant (Closed)

同女朋友去北角覓食, 試了這間叫做AGE的餐廳酒吧, 燈光暗暗的。叫左兩個SET DINNER. 頭盤係一個鴨肉凍批，看似一片午餐肉，食落有很濃的肉香，配埋碟上面的一些鮮果沙律, 味道很好, 手工之作. 之後渴了海龍皇湯, 隨湯附上兩小片多士. 湯賣相看似不太特別, 但原來落足料, 一大粒帶子, 一隻青口, 還有蝦, 成個湯都好濃味, 但未至於搶喉. 主菜自己試了一個鵝肝濃汁牛柳( 5 成熟). 賣相美觀, 鵝肝濃汁真的很香很濃, 與牛柳很夾, 但我覺得4 成熟會好一些, 配菜的份量都算頗多, 有一小堆薯角及一卷煙肉豆角, 薯角本身配似另一款醬汁, 與牛柳用的醬汁不同, 食落不會太膩, 但薯角炸得不夠, 唔夠香口. 反而那個煙肉豆角卷出奇地好味. 女朋友則試了鴨比, 起初擔心食起來很不方便. 但該店的職員解說鴨比花兩日時間烹調, 肉質已被煮至鬆化. 品嚐後沒有被欺騙, 肉質算鬆化, 但不至於鴨腿湯飯那個鬆化的程度, 味道可以, 外皮烤得夠脆~~ 太飽的關係, 只食了隨餐附送的甜品(檸檬撻). 整體算很不錯, 睇得出廚師對於賣相, SIDE DISH同花功夫的菜式都有一定要求. 價錢算合

因此間餐廳位於我番工既大廈shuttle bus 站頭, 所以lunch 常到到這裡, 今天點了醬燒豬肋骨配BBQ醬, 頭盤係德國著仔沙律, 餐湯係椰菜花忌廉湯, 最後甜品有檸檬tart, 有樣野唔記得影既就係杯餐飲coffee, 因本人平時甚少飲coffee, 但我第一次係度飲完之後就每次都叫, 因為佢個咖啡味唔苦, 好香好滑, 依度已經成為左我同同事既飯堂, 不過P.S. 一句, lunch 最好book位, 因為每日都好爆.食左咁多日總括d水準都好好, 俾個笑都好應份….加油~~~~

為了慶祝我同老公既三周年記念 老公特意到openrice 找有咩餐廳好 之後就選擇左age了(佢話因為就腳 聽完之後都嬲嬲地)我地去到見到鬼咁多人 等左一陣 就有位喇 原來餐廳內只有二三十個位好左唔洗等好耐因為我唔食牛肉 so 老公叫左兩個魚 我地1人1個set頭盤 蟹肉意大利雲吞---好鮮味好食湯 全麥忌廉湯 佢地話係用啤酒煮 我覺得好怪 只飲左半碗 但老公佢話好正好特別 全部飲曬主菜I 野生john dory主菜II 法國sea bream兩個都好好食 而且好靚 好精緻 之前去咁多餐廳都冇見過咁靚既食物 不過我較喜歡個sea bream 因為食落口好滑 好似蒸魚咁滑 但塊皮好脆甜品 心太軟 好香 好濃 但唔係好甜 係超正... 又好靚 但開心過頭 唔記得影相 下次一定要影返估都估唔到北角都有d咁好既西餐廳 係soho都未必有咁原來老公佢冇選擇錯

之前睇過幾本雜誌介紹依度，咁岩個客近依頭，於是黎依度happy hour傾野。傾野途中，個客話北角一直都冇地方飲野，估唔到依度竟然開間bar & restaurant。傾完個客走先，咁我就順便試下依度既和牛。由於太肚餓既關係，頭盤我轉左青口。青口好有鮮味，比想像中大隻（因為果度寫青口仔），d汁仲可以點包食，略嫌可以再熱少少。再黎係香菌椰菜花忌廉湯，好cream好重菌味，令椰菜花味變得比較弱，中規中矩。之後到主角M6和牛（五成）依個時候梗係叫杯紅酒。上碟好有法國菜既影子，和牛肉質肥美，油份十足，炭燒令佢香氣四溢，食落好多肉汁，真係「色香味俱全」。最後係跟餐送既小甜品mable cheese cake，真係幾「小」，味道都算ok，下次再黎轉個心太軟。

周日放假去左北角新都城買衫, 再諗住行埋港運城, 途中經過間裝修得幾骨子既餐廳, 見佢裡面都幾多人, 再睇下lunch menu, 都幾岩食, 入到去得番bar台位置, 都無所謂la一個人, bar台仲好, 叫左盲曹魚試下, 因為唔係周圍都有得食, 沙律同湯一齊上, 沙律略為細份左d, 但尚算新鮮, 湯係羅馬蕃茄忌廉湯, 酸酸甜甜好creamy, 好岩我口味, 到左主角盲曹出場, 還跟著薯蓉同d配菜, 連埋個橙色既蕃茄香草牛油汁, 賣相已經好吸引, 個魚比我想像中滑, 外皮好脆, 通常d煎魚令肉質都係會好乾, 但li 個做到外脆內軟滑, 還有少許juicy既感覺, 另外個牛油薯蓉都好細滑, 好重牛油味, 加埋個薯蓉, 份量剛剛好, 最後上埋個是日甜品, chocolate brownie, 不過不過,不太特別, 飲埋杯咖啡, wonderful, 又enjoy左一個美好既周日

去開太古坊附近做野, 見到依間餐廳d易拉架, 諗起飲食男女介紹過, 於是過黎試試lunch.門口招牌logo好特別, 去到附近好容易搵到. 去到叫左個海鮮千層麵, 頭盤係風乾鴨胸沙律, 一齊上既係椰菜花忌廉湯.風乾鴨胸第一次食, 好鹹, 跟埋沙律菜食就剛剛好.椰菜花忌廉湯帶住好香既黑松露味, 應該係面頭有d菌油, 湯本身都好清甜, 如果太濃會好漏,到主角千層麵, 面頭係蕃茄汁, 裡面好多好多唔同既海鮮, 賣相好吸引, 食落充滿海鮮味.最後仲有個香蕉布丁, 都幾重蕉味.

早排睇到經濟日報介紹，於是今晚去左依間餐廳食。我想食得清清地，所以叫左個香草蒜蓉牛油炒香菌同凱撒沙律（with煙三文魚）；朋友就叫左個海龍皇湯，鵝肝特大蘑菇意大利飯，同一杯紅酒。 香菌好重菌味同蒜香味，雖然幾好味，但口味比較濃，偏向適合西方人。 凱撒沙律上碟好吸引，朵三文魚花好靚，個碗睇落好豐富；d菜溫度岩岩好唔太凍，芝士都唔係求期俾d芝士粉，連個凱撒沙律既靈魂-煙肉，都好好味。海龍皇湯好濃郁，湯裡面有一隻蝦，一隻青口，一粒帶子，跟湯有兩條烘到卜卜脆既香草包，仲有鴨肝醬牛油。Risotto，個菇真係好大，Risotto幾好味，略嫌硬左少少。個菌好濃味，食落咸左少少。

住係佢對面, 見佢開左兩個幾月, 下午同weekend 夜晚都成日咁多人, 而家先敢去試, 通常d食店開頭d水準都未穩定, 和朋友叫左一個法國古法製既鵝脾,極黑醋威靈頓卷, 同埋店員極力推介既美國prime 級dry-aged肉眼, 佢仲話係佢地自行經過3個星期做風乾,由於叫set 頭盤係---煎吞拿魚(成個名唔記得), 一般, 冇咩太大驚喜 湯就加錢轉左----黑松露野菌忌廉湯, 友人就轉左法國海龍皇湯 野菌湯喜愛他的口感, 不是將所有菌都打都好幼細, 還保留小許大粒的菌在內, 有d野咬下, good, 偷飲了友的的海龍皇, 好重海鮮味, 應該是落足料的 鵝脾入口鬆化,外脆內軟, 味道濃郁威靈頓卷外皮有少許硬, 但入面極黑豬肉極之爽口, Dry-aged肉眼入口比一般吃到的牛味更濃郁, 5成熟剛好, 店員果然冇搵我笨, 想加錢試埋佢地個心太軟, 但實在太飽, 要番是日甜品 marble cheese cake, li 度值得我會再來的地方, 下次同朋友黎要留肚order 心太軟

同朋友慶祝生日, 睇見有離誌介紹, 就o黎左北角呢間新餐廳。地點都ok, 因為地鐵站一出就係啦, 都幾近。一行十人, 仲要十個都大食, 咁就叫左勁多野先o黎一d小食, 食住等... 煙肉蠔卷; 正! 煙肉+蠔, 十分之夾 薯角: 個sauce酸酸地幾開胃, 再加埋內軟外脆的薯角, good呀前菜... 青口仔: 本人一向唔食青口, 不過朋友叫左就試下啦, 一試, 真係好good,好鮮 我都食左4-5隻鵝肝: 本人極愛鵝肝, 呢度同一般法國菜唔同, 鵝肝係拼菠蘿not蘋果, 不過原來拼菠蘿仲正, 好似fresh d~鵝肝脆脆的, 好味!主腳出場, main course... 和羊架: 唔會好騷, 正! 龍蝦全蛋麵: 俾朋友搶哂, 我只係食到麵, 朋友仔話龍蝦好good喎 m6牛: 呢樣係我最想試的main course, 勁好味, 又夠肉味, 唔駛任何sauce都好好食, good!!另加...四重芝士pizza: 略嫌唔夠多芝士, 如果改良下加多d芝士一定會好好味燒烤piiza: 一如expectation, 好食丫甜品... 梳乎里: 真係好大份食完真係好滿足呀! 埋單每人450蚊

老朋友生日, 大家都係港島區返工, 約返係港島區食. 試左間西餐廳, 叫做AGE Bar & Restaurant, 個店名幾有趣! 大家都唔係好肚餓, 叫左幾樣野 SHARE. 試左一個DRY-AGE 肉眼SET DINNER ，牛面肉意大利飯。老朋友還點了杯黑啤。食左一個頭盤，叫做＂煙鯖魚酸菜卷＂，平時食鯖魚都係熟食，未試過半生食，味道不錯。是日餐湯不合我口胃加錢轉左個黑松露忌廉湯，賣相好靚，個牛油原來加左鵝油，食落多左份鹹香。個湯上面有一團白雲，查詢過後原來係蛋白，飲之前要先將團蛋白攪拌，蛋白同湯一起飲既時候，蛋白可以同個湯交融到，好像變得滑了一點，個湯仲有好多菌粒，好好咬，　真材實料～！跟住食個叫做ＤＲＹ－ＡＧＥＤ既肉眼扒，聽講係這間餐廳既招牌菜。食落同平時有小小唔同，外層咬落比較硬身，但入面又好軟，味道算係香濃。好快地被我同朋友食清了，　但之前未食過ＤＲＹ－ＡＧＥＤ既牛，唔識去比較，但就自己既口味黎講，　真係幾好食。另個配埋的兩個ＳＩＤＥ　ＤＩＳＨ　都好好食，有煙肉卷，入面包住豆角。另外還有一些薯角，薯角本身已拌好醬汁，醬汁味道似係蜜糖芥辣，薯角夠熱夠脆～不錯不錯！之後食個牛

專登黎試dry aged.一黎我d fd extra叫左兩隻蘇格蘭scottish rock,因為我唔食蠔,不過佢地話好味喎.話入口creamy, 蠔味重,又唔太重海水味.跟住到主角~dry aged.第一次試dry aged,叫左個medium,黎到o既時候,我覺得個熟度o岩o岩好,牛味濃厚.甜品...加$轉左做心太軟.我本身係心太軟fans,這個做得不錯,外面脆脆的,跟住裡面d朱古力流出黎,雖然已經飽到爆,最後都俾我清晒...正!

去北角探朋友食lunch, 我話想食下西餐.佢就帶左我去試li間西餐廳, 1點鐘黎到爆晒棚, 於是被安排坐吧檯。 一人叫左一個羊架set, 餐湯係椰菜花忌廉湯, 跟湯既頭盤係薯仔沙律. 頭盤----雖然比較細份, 不過味道酸酸甜甜, 幾開胃。 餐湯----好清甜, 唔會太濃太咸. 主菜----焗紐西蘭羊架, 肉質唔算好鮮嫩但都夠淋好夠肉汁, 個百里香燒汁都好夠味. 甜品----mable cheese cake好重奶味, 唔係咁岩我口味. 整體黎講, 118蚊食到依個羊架都算係值回票價.

是日同左為食豬事丁黎到呢間西餐廳場內坐位不多，幸好先行訂位，YEAH~一般西餐D人都會揀据扒吧，我就黎個返傳統點餸~要左個法式鵝脾，老細有介紹這個係經由長時間腌味加慢煮而成又真係俾佢攪到好入味既，而且好軟腍個外皮仲脆添跟住加錢要左個白酒青口仔...個配汁好正，用烤過面包點黎食，掂！掂！掂！青口仔多到你估佢唔到，呢個抵食到爆個Soup叫蕃茄唔記得乜忌廉湯添....好飲架另又叫左鵝肝意大利特大磨菇伴黑松露飯，由於太為食，唔記得影相超欣賞呢個飯，不過份量好似有點少，定因為太好味嫌唔夠呢最後嗌番兩杯酒再加個鹽香酥脆花枝片，成晚食到盡，好明顯係星級享受~

今次出job 黎到北角..同事話有間西餐廳開左兩個幾月...唔錯..就一於試下...佢個lunch meun 有5-6 個揀..個個都好似好吸引咁...最後食左芝士焗海鮮千層闊麵..佢個是日餐湯係白豆忌廉湯..開頭聽個waitress 講既時候心諗好似怪怪地咁...但飲落個味又唔錯喎~~幾好味...真係好少係第2到飲到li d 湯.個海鮮闊麵ok啦..不過佢伴碟d 瓜幾好味...食完成個餐仲有甜品..真係飽到暈呀...

有friend 係附近返工, 佢係到食過一, 兩次lunch, 話值得一試. 星期六放工見冇野就貢左過黎, 一見到個門口覺得幾別緻, 先要行入一條小走廊先入到去. 入面裝修得幾骨子, 好多木既材料, 感覺不錯. 入面仲有個小酒吧, 可惜係黎食晏, 如果唔係都可以飲返杯. 入返正題先, 一坐低, 個WAITRESS 都好快手比左個MENU 我, 我就要左個辣肉腸意大利粉. 先黎個是日餐湯同前菜, 當日既係蕃茄忌廉湯同埋煙三文魚沙律, 先講個湯, 個賣相冇乜特別既點綴, 但味道好岩我口胃, 夠酸味, 好開胃 ! 個煙三文魚沙律味道都唔錯, 個煙三文魚幾香, 但沙律份量就細左D…有點唔夠喉. 食完個餐湯同前菜, 剛剛好個意粉就到, 個意粉比較少汁水, 但都好夠味, 幾鍾意佢地用三椒去炒, 中和返個濃味既辣肉腸. D意粉都夠彈牙,不錯不錯! 之後食埋個甜品, 我獲分配既係…檸檬撻~~ 個賣相都幾可愛, 但係冇乜檸檬味, 同個撻皮唔夠脆,食落冇乜層次, 因太愛食甜品, 係執著左小小. 最後加埋杯熱咖啡, 嘩! 個熱啡幾好飲, 飲完唔會有D “澀澀地”既味留係個口到, 值得推介!!!~ 杯餐飲係需