AGE Cuisine Express

Open Now

Now Closed

今日朋友帶我都隱世工廈高質西餐廳Age Cuisine Express食晚餐餐廳環境闊落，地方乾淨簡約。食物質素非常不錯，價錢亦好合理。值得推介Dinner Set 是日餐湯+主菜+飲品餐湯羅宋湯味道濃郁，口感豐富，好味道主菜燒美國Prime牛扒 $248我地叫左7成熟燒美國Prime牛扒，表面呈金黃色，食落口感幼嫩多汁，牛味濃郁 配上特製醬汁，提升味道層次感。薯條都好香脆香煎鰽魚魚柳 伴海鮮濃汁香煎鰽魚非常厚身，肉質幼滑，配上海鮮濃汁，味道好夾。粗薯條好滋味飲品凍檸檬茶、凍咖啡最後仲有精緻甜品送，實在好驚喜，我倆十分滿意這次晚餐整體來講，環境舒適，食物水準高，職員有善，值得一試

已經嚟過呢間西餐廳幾次，佢啲菜式幾高質，性價比高！而家搬咗新舖，環境更大更闊落，更加入Dry-aged牛扒呢個選項，一定要試一試！-——————————————🧆◖德國香腸拼盤◗ $148一次過試晒四款腸：慕尼黑腸、維也納腸、紐倫堡腸同芝士腸，吱上茄汁，仲配兩件薯餅，份量都唔少！🥔◖費倫天拿式菠菜焗生蠔及薯皮◗ $78一份有兩件，芝士生蠔🦪肥美厚肉，中間嗰層有菠菜，底層係焗薯皮，帶少許薯仔肉，外皮焗得香口🥩◖燒美國Prime級牛扒Dry-aged牛扒◗ $248每款牛扒都可以+$50轉Dry-aged牛扒，呢款牛扒有8oz，經過乾式熟成風乾，食材水份濃縮，肉質更軟腍肉味更濃郁，咬落去啖啖肉汁💦，正嘅！🍕◖北京烤鴨Pizza◗ $186Pizza 有12吋大大個，舖上芝士同烤鴨，批底好脆口比較乾身，有啲似食緊餅乾😂，但可能烤鴨醬唔夠嘅緣故，感覺冇乜北京烤鴨嘅風味～🍮◖意式奶凍配芒果甘露◗ $50意式奶creamy凍軟滑微甜，上面加上芒果醬酸酸地，甜度啱啱好中和返🥧◖傳統意大利芝士蘋果撻◗ $68即叫即焗嘅蘋果，食落暖笠笠，酥皮蘋果撻裏面係蘋果蓉，上面就係芝士蓉，外面酥脆裏面軟綿，好食！🥤

工廈成日有啲隱世小店，今次經朋友介紹，嚟到鰂魚涌嘅東達中心探店🧐，呢間舖頭原來開咗10幾年，但係啱啱裝修咗，雖然位於工廈入面，但係店內好光猛整潔，一入到店入面，有一種眼前一亮嘅感覺🤩。Set Dinner有6款，只係牛扒都有3款選擇，啱曬一眾牛魔王。每個set dinner都有跟餐湯、餐包同埋飲品。🥣南瓜餐湯🥣營養價值高既南瓜渴湯，店家係用新鮮南瓜烹調，入口你係可以飲到一絲絲嘅南瓜，配暖暖芝麻餐包，一餐打開完美序幕。🐮燒美國Prime級牛扒（8oz）🐮牛扒我叫左7成熟，切開見倒肉質好粉嫩☺️入口牛味濃郁，口感嫩滑，再加上佢地既爽口既薯菜同埋即炸薯條，味道剛好唔會太鹹，完美🥰🐑香草燒紐西蘭羊架伴薄荷蕃茄汁🐑羊架一份有4支，外表燒到香脆，入口夠嫩入味，肥瘦適中，小小羊既油脂更能豐富羊架嘅口感🥰真係好食到停唔到口🤤

朋友介紹之下知道鰂魚涌東達中心呢度有間隱世嘅西餐廳，星期六晚收工一於來試試啦！😎😬地方夠大，又坐得舒服，仲有VIP房，方便大家嚟開party或眾會！👍😎🙌我們二人叫了兩個晚餐、包主菜、餐湯、飲品及甜品！😋1. 是日餐湯係南瓜忌廉湯，夠曬香濃！好好味！👍😬2. 海膽香煎帶子海鮮汁意大利粉伴香蔥蛋醬，帶子好大隻，肉質鮮甜又彈牙，醬汁好濃郁同厚身，令人回味無窮！😍😋🙌3. 香煎鰽魚魚柳伴海鮮濃汁伴雜菜及薯條🍟，魚柳非常厚身同肥美，薯條即叫即炸，熱辣辣！好正呀！😀4. 甜品擺盤超靚、打卡一流！有brownie 、tiramisu ！😋😎5. 飲品，凍鹹檸樂和熱柚子蜜！甜度適中！AGE Cuisine Express: 鰂魚涌英皇道1065號東達中心11樓1105室

Age Cuisine Express (太古)平時喺地舖或者商場食飯比較多, 今次去到鰂魚涌嘅工廈竟然搵到一間好食嘅西餐廳! 裝修比較簡潔清新, 座位闊落, 適合放工同朋友嚟聚餐傾偈👯Menu嘅選擇都比較多, 今次就試吓佢個套餐先! 套餐會跟餐湯,甜品同嘢飲, 比較抵!————————————————感想:❆ 法國膏蟹肉扁意粉配蟹膚 Linguine Crab Meat in Crab Brown Meat Cream $168意粉口感彈牙,每條都掛汁! 汁好濃郁, 仲有好多蟹肉🦀食落每啖都有蟹膏嘅鮮甜, 口感豐富❆ 香煎鰽魚魚柳伴海鮮濃汁 Pan Fried Barramundi Fillet with Seafood Sauce $178 / 套餐價: $222鰽魚魚柳煎至金黃酥脆, 外酥內嫩! 搭配濃郁海鮮醬汁, 魚肉既口感🐟 仲有薯條同啲瓜瓜菜菜一齊食, 啲薯條份量足夠又炸到好脆, 襯返鰽魚食啱啱好❆是日餐湯 + 餐包嗰日嘅餐湯係南瓜湯, 幾creamy 同開胃,仲會有塊餐包俾你點個湯食! 🥣增添咗湯既口感同滿足感❆ 朱古力班尼斯伴朱古力及提拉米蘇Chocolate Brow

作為一個鰂魚涌嘅打工小薯，今日又發現一個新食好西嘅餐廳!!.Age Cuisine Express位於東達中心，近太古方向，餐廳主打簡約木調設計風，環境舒適，最啱同情人/朋友黎撐枱腳👠.Food Ordered:Set Dinner - 燒美國Prime級牛扒 (8oz) ($248)法國膏蟹肉扁意粉配蟹膏忌廉汁 ($168)*未計加一.Kuku食評:Set Dinner包含餐湯、主菜同飲品，南瓜湯香濃綿滑，牛扒我地揀咗五成熟，醃得好夠味🤤🤤 鍾意食蟹嘅朋友一定要試吓膏蟹肉扁意粉！蟹膏忌廉汁超級濃郁，啖啖意粉都有蟹膏味，份量又夠大份，我地兩個女仔食到超滿足🧡 甜品係tiramisu + brownies，為晚餐畫上甜甜嘅句號🍫.🧷 @agecuisineexpress_taikoo#hungrykuuu_hongkong #hungrykuuu_quarrybay #香港好去處 #香港美食 #hkfood #hkgoodwest #相機食先 #食好西 #hkfoodie #hkeats #香港打卡 #西餐 #agecuisineexpress #agecuisineexpresstai

之前嚟過呢間餐廳食飯，而家重新裝修更大更光猛，地點方便，裝修簡潔清新。Set Dinner 配埋餐湯同飲品。珍寶蟹脆蟹餅伴粟米莎莎 $88- 一口一件，外皮炸得香脆，咬開就見到絲絲蟹肉- 配埋粟米莎莎係唔錯嘅餐前小食🍝海膽香煎帶子海鮮意大利粉伴香蔥蛋醬 單點價＄164，套餐價＄212- 帶子都幾大粒，味道鮮味，火候煎到啱啱好，入面肉質保持鮮嫩- 香蔥蛋醬加海膽醬汁香濃creamy是日餐湯：蘋果甘筍忌廉湯- 甘筍湯甘筍清甜，酸酸甜甜好開胃，creamy又暖胃大蝦煙三文魚意式夾餅 $178- 呢個係12吋pizza切開8份之後將2塊Pizza夾埋一齊，所以一件都份量十足，會食到好飽- 裏面有意式香草醬，蕃茄醬，大蝦 ，煙三文魚，蒜片，水牛芝士，水瓜榴，洋葱，芝麻菜沙律- 大蝦同煙三文魚都夠新鮮，配合大量嘅芝士同兩款醬汁好邪惡，加咗芝麻菜可以平衡油膩感

只要識搵，工廈都可以搵到好野食，呢間就係其中一間。店內裝潢簡潔，整齊夠寬敞，坐得好舒適，仲有間小型VIP房，最啱成班朋友聚會傾偈。燒美國Prime級牛扒8oz伴雜菜及薯條 $248Set Dinner選擇都幾多，我就揀左呢個扒餐。套餐包埋是日餐湯、主菜、飲品及甜品。牛扒我喜歡食熟一點所以要求七成熟，切開依然見到少許粉嫰肉質，入口肉汁多，牛味濃，口感軟腍；薯條亦是新鮮炸起，非常脆口。法國膏蟹肉扁意粉配蟹膏忌廉汁 $168我們另外單點了一份此店招牌菜—蟹膏蟹肉扁意粉，意粉彈牙而且勁掛汁，蟹膏味濃又有忌廉汁的幼滑，仲有鮮甜的蟹肉和蟹柳，令人越食越開胃！值得一提的是跟餐甜品的擺盤超靚，精緻到好似去了法國高級餐廳食甜品般，看得出大廚勁有心思，朱古力Brownie同Tiramisu雖然細細件，但味道算濃郁且沒有膩滯感，都幾好食，仲有士多啤梨及棉花糖伴碟，唔錯。

同朋友🕵🏻‍♀️一齊喺鰂魚涌，佢話想食好味西餐🍽️，咁我諗一諗，就決定帶朋友🕵🏻‍♀️嚟呢間樓上西餐廳🍽️開餐🤣我哋只係叫咗2樣食物，不過2樣都出奇地好味，同埋我哋食得好飽🤣$268「法式🇫🇷燒焗乳豬仔🐷伴意式🇮🇹燴瓜 Slow Roasted Baby Pork in French Style」：乳豬皮燒焗到卜卜脆😋，乳豬皮底下有一層油脂，勁滑勁香鍾意嘅可以食埋佢🤣，唔食得咁多油脂就可以好容易將佢刮走，朋友🕵🏻‍♀️同我都忍唔住食咗一半因為豬油脂實在好香好滑🤣，乳豬肉就好軟熟甘香😋；另外配菜有薯仔🥔、Brussels sprout、青瓜🥒，都係好美味😋$154「烤魷魚🦑自家製墨魚汁意大利飯🇮🇹 Squid Risotto in Homemade Ink Squid Cream」：魷魚🦑新鮮肉質爽滑，烤過之後就更加香口😋；主角墨魚汁意大利飯🇮🇹就黑鼆鼆煮得 al dente 夠 creamy 充滿 umami 真係好美味😋

工廠大廈好多好嘢食😆，九龍區工廠大廈就去得多，今次就嚟到位於鰂魚涌嘅東達中心試呢間AGE Cuisine Express🫶! 話就話鰂魚涌，其實太古站五分鐘👌就行到過嚟，地點好方便💯。聽聞呢度呢出名食牛扒，一於就試試🏆燒美國Prime級牛扒。首先牛扒擺盤擺得好靚📸，靚靚嘅岩板牛扒碟絕對係加分位，又整潔又適合牛扒都大大力切落去。牛扒燒到好香🤤，鮮嫩多汁，肉質豐滿，最重要係牛味濃郁，好經典好出色美式牛扒🇺🇲。每一口都可以品嚐到焦香嘅牛肉，令人回味無窮。好老實講醬汁都係多餘，齋食夠牛已經試到呢度嘅水準有幾咁出色🙌! 呢份扒跟薯條，真係個經典配搭同行朋友唔方便食牛，就試咗🥇鮮蝦豚肉蘑菇冬陰功🇨🇷扁意粉。呢碟意粉賣相好靚，而且好多蝦🦐好足料，而且有人嘅冬陰功未令人忍唔住食! 冬陰功微辣中帶酸，配埋鮮嫩多汁的蝦肉與豚肉，意粉煮得恰到好處🍝，彈牙又入味，係一道必食嘅佳餚。跟餐甜品擺盤都好靚😁，我食嗰晚就有chocolate brownie同tiramisu。晚餐價錢合理👌，有齊湯主菜同甜品，成餐飯好滿足😋。大家經開太古鰂魚涌一帶，晚餐可以考慮下。喺度返工嘅打工仔午餐都可以過嚟，餐廳亦都有都會服務🤝，

「燒法國帶子配自家製墨魚汁扁意粉」。大塊juicy的法國帶子烤得恰到好處,外層酥脆,肉質鮮甜彈牙。搭配意粉吸收了濃郁香醇的墨魚汁,口感層次豐富,讓人回味無窮。另一道必點菜式是「費倫天拿式菠菜焗生蠔及薯皮」。現點現烤的生蠔肥碩飽滿,鋪蓋在一層香濃的菠菜醬汁上,再灑上酥脆的薯皮,口感層次豐富,十分誘人。最後是招牌的「麻辣香蒜蝦肉薄餅」。12吋大pizza以麻辣番茄醬為底,鋪滿水牛芝士、義大利辣味腸、蒜蓉蝦肉、豬肉腸、洋蔥和蘑菇等食材,每一口都充滿濃郁的麻辣香氣。

🍕12寸蘑菇風乾火腿薄餅 $168有10幾款口味，揀咗松露風乾火腿薄餅，pizza 底係薄批，個crust好脆，上面餡料睇落薄但事實非常足料，有蕃茄醬，蒜片，水牛芝士，蘑菇，巴馬火腿片再鋪滿晒火箭菜，啖啖都好cheezy 同滿滿嘅黑松露味好好食🦐西班牙辣肉腸炒蝦 $118呢碟appetizer 差唔多有成十隻大蝦，粒粒都彈牙厚肉，配料嘅蔬菜亦都好鮮甜，係個辣肉腸份量相對比較少，可能始終肉腸都略咸🍝豚肉蕃茄乾菠菜蕃茄忌廉汁扁意粉 $124有驚喜嘅意粉，個醬汁好濃郁好厚身，扁意粉條條都掛滿充滿蕃茄乾鮮甜味又帶微微酸嘅醬汁，creamy 得嚟再加上有少少辣辣地好惹味

同老婆四人行去搵食太古工廈有西餐咪試下。一入去就有侍應招待，可能時間尚早，餐廳唔係太多人。餐廳環境乾淨企理，坐位都寛闊唔窄，坐得舒服。無耐侍應就比水我地同餐牌。有得散叫同dinner set，set跟餐包湯同甜品。最後叫左3個主菜同小食，再加甜品。香草牛油慢浸銀鱈魚柳配青口醬及魚子醬：銀鱈魚柳都幾大舊下，夠厚身又夠肥美，好香牛油味。燒美國Prime級牛扒8oz伴雜菜及薯條：叫左五成熟，有兩件牛扒，用碟上，牛味濃，薯條新鮮炸起，份量十足。燒美國穀飼豬鞍架伴香草薯角及香梨柚子沙律：豬鞍有肉汁又夠淋，無個種豬既臭味，沙律菜新鮮，酸酸甜甜，幾開胃。小食：芝士肉醬焗薯條～新鮮炸起，份量十足，表面有肉醬加極度邪惡既芝士，無得輸。珍寶蟹脆蟹餅伴粟米莎莎：蟹餅用料扎實，食落幾好口感，唔會鬆散既感覺，蟹肉都叫做多。甜品：傳統意大利芝士蘋果撻：開四大家此牙黎食，重蘋果味同芝士味，唔太甜，熱辣辣，幾好食。朱古力班尼斯伴朱古力雪糕：兩樣都好重朱古力味。班尼斯脆脆地，入面有朱古力醬。外層少少脆口中間有軟心朱古力。跟餐有甜品：朱古力班尼斯同Tiramisu，Tiramisu 雖然細細件，但都好香咖啡味，唔錯。飲品

星期六晚，我和朋友來到位於鰂魚涌近太古城的一間工業大廈餐廳。這間餐廳裝修得很清新，位置闊落。我們兩人叫了：🥩 燒美國Prime 級牛扒（8oz）Grilled USDA Prime grade Beef Steak（套餐價 $248。Borscht Soup羅宋湯＋Water with Lemon 檸檬水）牛扒我們選了7成熟，煎得剛剛好，保留到肉汁。配上薯條及蔬菜，味道一流👍🍝 法國膏蟹肉扁意粉配蟹膏忌廉汁 Linguine Edible Crab Meat in Crab Brown Meat Cream $168意粉汁蟹膏味濃，配上蟹肉和蟹柳，喜歡吃蟹的朋友必點！🥤 Coke with Salty Lemon 鹹檸樂 $34💰 總共: $495 for 2 (已包10%服務費)。

晏晝打完邊邊～夜晚再碌遠d食西餐叫左3個Dinner Set 是日餐湯係薯仔湯配多士分別係2. 香草牛油慢浸銀鱈魚柳配青口醬及魚子醬銀鱈魚柳肉質嫰滑～份量十足3.燒美國Prime級牛扒8oz伴雜菜及薯條牛扒有兩塊～5成熟，切開有肉汁～牛味濃唔錯薯條好大兜十分脆口4.燒美國穀飼豬鞍架伴香草薯角及香梨柚子沙律呢個最有驚喜～豬鞍唔鞋有肉汁之餘仲幾嫰滑，香梨柚子沙律好清新小食：芝士肉醬焗薯條～份量都幾多下。珍寶蟹脆蟹餅伴粟米莎莎～炸粉唔算厚，幾脆，入面好多蟹肉，真材實料。甜品：傳統意大利芝士蘋果撻～幾特別個撻中間插左好多塊青蘋果，芝士撻口感似布丁。朱古力班尼斯伴朱古力雪糕～外層少少脆口中間有軟心朱古力，朱古力味濃，有生果同棉花糖，食用花伴碟，好有心思。食完上面兩款甜品先知餐有跟是日甜品😂😂有兩件朱古力班尼斯同一件Tiramisu，一樣有有生果同棉花糖，食用花伴碟，Tiramisu 好香咖啡味唔錯。飲品：3杯檸檬茶，單點一杯鹹檸碧，鹹檸好夠味。餐廳環境舒適，座位非常寬敞，有電視應該可以睇波，是日咁大雨都坐左一半，好多一家大細，一個party咁嚟～店員非常有禮貌，時不時主動收碟＆加水。