Video
Opening Hours
Today
11:00 - 20:30
Mon - Sun
11:00 - 20:30
Above information is for reference only. Please check details with the restaurant.
早前晌網上換咗張Agnes B. Cafe嘅蛋糕套餐券，趁呢日早放，所以，偷得浮生半日閒，嚟到IFC店嘆個下午茶。諗住閒日，又喺晏晝，以為會唔多人，嚟到先發覺估唔到都有8成滿。雖然人唔少，但每枱人唔多，感覺都唔會太逼。睇啲客人嘅衣著，感覺都喺中高產嘅，所以，你話香港經濟點樣唔好，但現實又未必一樣。基層有基層嘅世界，中高層有中高層嘅世界。講番個套餐券，喺自選一款蛋糕（$56以下）及任何一款飲品。所有蛋糕款式就放晒晌鋪前嘅凍櫃，款式都多，而$56呢個價錢嘅蛋糕亦有非常多選擇。法式檸檬撻+熱鮮奶咖啡檸檬撻面唧上蛋白再燒一燒，令到賣相非常標緻，入口口感輕盈清怡，撻殼內嘅檸檬餡心非常軟滑，檸檬嘅香味酸香清新，整具清爽感，而撻殼做得夠薄，脆口並富牛油香氣，整體喺甚具質素嘅一件法式甜點。鮮奶咖啡向來喺小弟至愛，雖然拉花就唔喺好睇得出喺乜，不過，沖泡嘅手勢算唔錯，入口口感綿密且頗均勻，完全唔使攪，每口都好一致，咖啡嘅香味亦夠醇和。輕輕鬆鬆嘆完個下午茶，趁天氣清爽，再行行海濱。
continue reading
話說星期日在中環8號碼東方之珠號做完嘢 企足一日 同啲同學仔諗住搵個地方座下放鬆一下 走到IFC 路過agnes B 見到入面有位 便入去座下 買了凍latte 同三文魚沙牛油果律 慰勞一下自己 阿sir點了一杯凍朱古力 佢話agnes B嘅朱古力奶係最好飲嘅 不過我冇叫 因為我只鍾意飲咖啡 我不大識咖啡 只係鍾意咖啡嘅苦苦澀澀嘅味道 agnes B嘅咖啡味道吾錯 latte 嘅奶味濃郁絲滑 係我鍾意嘅味道 沙律菜新鮮嫩口 我覺得三文魚同牛油果的口感好相似 所以我都好鍾意食三文魚同牛油果😋 cafe內人不多 都座得舒服 我地hea左大約一個鐘就散 其實呢間agnes B 都好適合hea下 因為人真係唔太多 唔會好嘈雜 三五知己 吹吓水 唔錯嘅選擇
continue reading
<Hazel🍫: Chocolate Cake> 💲56香濃朱古力蛋糕 入口即溶 甜而不膩😋<Valentine☕️: Dual Chocolate Coffee Ganache Cake> 💲56雙重朱古力咖啡甘納許 層次豐富 咖啡香氣十足 好正<Nina🍁:Earl Grey Chocolate Mousse Cake> 💲56伯爵茶朱古力慕斯 茶香與朱古力完美結合<Carla🥭 : Mango & Vanilla Mousse Cake> 💲56芒果雲呢拿慕斯 清新果香 適合唔鐘意食太甜嘅人<Valerie 🌰: Chestnut Mousse Cake> 💲56栗子慕斯蛋糕 栗香濃郁 口感綿密<Ophelie🍋: Lemon Tart> 💲56檸檬撻 酸甜平衡 撻皮香脆<Fleur 🍓:Strawberry & Mascarpone Mousse Cake> 💲56士多啤梨馬斯卡彭慕斯 甜而不膩 鐘意士多啤梨嘅會好開心<Opera au Sesame 🍵: Sesame & Hojicha Cake> 💲56芝麻焙茶蛋糕 都唔錯 芝麻幾香濃 同焙茶几夾
continue reading
睇五月天前醫醫肚，因為時間不多，喺ifc 要快食、環境ok,有包有甜品，各取所需？行行下就去左agnes b 啦。仲巧合甜品有五月優惠，買二送一🤗🥖法式牛肉包個包比想像中好食，焗熱後外脆內軟，而且幾煙韌，不錯。牛肉同其他配料就比較少，有啲失色。🍰草莓雪芳蛋糕這款蛋糕幾乎係黎親agnes b都係必食，蛋糕濕潤滑溜，唔太甜嘅，有返左家鄉🇯🇵嘅感覺😂🍫伯爵茶朱古力蛋糕一切開放入口就充滿伯爵茶味，勁香！朱古力都濃郁嘅。難得嘅係朱古力冇蓋過伯爵茶味，幾好食。🌹稀少糖開心果蛋糕玫瑰形，仲要粉紅色嘅蛋糕，實在令人心心眼。😍稀少糖比較健康，仲有現在大熱嘅開心果，所有元素集合埋一齊，叫人點抗拒。😂其實整體都好食嘅，但係坊間受歡迎小店嘅開心果甜品好濃郁，比較之下一款蛋糕就相形見絀了。☕️ CappuccinoCappuccino坦白講就真係普通啦，咖啡唔香，啡底亦唔出。呢個價錢，仲要以Cafe嚟講，係唔合格。
continue reading
好友約在中環午餐，到處都要排隊，唯有這里不用，想快些坐低食野傾計，也不計較地方擠迫和要自己囉餐。看看餐牌都可以選到想吃的東西，我們揀了大蝦蕃茄意粉和比目魚沙律，再點兩杯咖啡少奶，就坐低慢慢等，人多關係都需要等一段時間，幸好我們不著急， 只求有地方落腳傾計，當顯示牌著登時就要自己去 摞餐，張台好細好細，差不多放不下我們點的食物 ，幸好我們兩個都很苗條，位置可以轉身。🤪兩個主菜都算好味，大蝦新鮮茄汁夠多，都有新鮮蕃茄，煎比目魚就比較細份，好似唔夠飽， 兩杯咖啡都好飲，同樣都是份量偏少。餐廳的餐台很接近，左右隔離的說話都聽清楚，所以要扮斯文講野要細細聲。食完主菜飲完咖啡，好似得半飽，所以又要叫甜品，一個蛋白檸檬撻，一個芒果奶油蛋糕 ，兩個買相都超靚，食落又超正，不枉我們一場來到。檸檬撻酸甜適中，蛋白滑溜香甜，芒果奶油蛋糕軟糯溫潤，似布甸多啲 。 食到3點人客依然很多，可見這裡好受歡迎，可能是價錢在 IFC 算便宜的。
continue reading
You may be interested in