阿龍巴基斯坦咖喱

Open Now

Now Closed

今日下午老公接收工去食午飯﹐佢突然想食咖哩﹐我第1時間便諗起油麻地吳松街的阿龍咖哩﹐吳松街有2間的﹐我比較喜歡招牌寫住巴基斯坦咖哩果間﹐老字號﹐店內格局裝修都沒有改變﹐光顧很多年有感情﹐呢間老闆娘好好人又好傾﹐我老公原本想 order 雙併餸﹐老闆娘建議我哋每人 order 不同款﹐那便是雙併喇！但我話辣味5一樣﹐我老公要少辣﹐我要中辣﹐老闆娘便多給我一碟辣去解決左不同辣味的要求﹐我 order 左牛腩﹐我老公 order 牛根﹐上枱已經口水流了﹐幾年沒有食過了﹐今次食番依然保持水準﹐牛腩肥瘦適中﹐不會有肥膩及鞋口的感覺﹐牛根好腍及滑口﹐而香料十足﹐洋蔥煮成洋蔥蓉混入巴基斯坦獨有的咖哩香料﹐咖哩汁煮得好﹐配角也變左主菜了﹐胃口都會大增﹐飯都食多D

CURRY!!!!咖哩!真係會令人又愛又恨😭愛佢既辛香惹味 恨佢要多汁好送兩碗飯!!脂肪是這樣練成的🌚.今次吃貨同大家分享既就係 #阿龍咖哩 唔係 亞龍咖哩 千祈唔好去錯啊 因為兩間舖真係痴埋一齊 好容易去錯😅 阿龍就50年歷史 另一間就40年🙈 .因為咩都想試下既關係 所以叫左 #牛全燴 有牛肉 牛筋 牛脷 牛腩 正!滿足哂乜都試到既心態😂每一舊都好腍!!腍到我係到諗😺佢到底落左幾多鬆肉粉先淋到依個程度😅😂因為咖哩重口味 所以唔會食到鬆肉粉味 放心好了👍 講番個咖哩先!佢唔係咖喱汁 裡面有好多辛香料 洋蔥蕃茄蕃茜丁香...etc 每一啖都係食到既香味!另外仲叫左白飯 大約有2碗飯既份量 撈埋咖哩食份量岩岩好!.額外我地仲叫左一個鹹餅 一個甜餅 鹹餅唔同平時食開好香牛油 酥脆個種 依隻係屬於比較raw 重麥味 澱粉較重 所以係會飽肚 而甜餅就係中間有一層薄薄既糖 沾上咖哩食中和左個辣 好易入口😚.阿龍咖哩係巴基斯坦既咖哩 有別於我地一般食到既indo咖哩 但我覺得兩種既都好食 風味不同 有興趣既話經過佐敦唔洗淨係打冷同煲仔飯 阿龍都係一個唔錯既選擇💞--三個90後吃貨不斷開心share

辣友史堤芬伍強力推介，難得路過附近就走過來一試。左邊係阿龍、右邊又係亞龍，到底邊間先係啊？點指兵兵，是但男左女右，衝入左邊阿龍坐低。坐無虛席，好采剛好有個單丁位唔洗等。初到貴境梗係要細閱 menu，Breast beef？牛胸？牛腩英文唔係 belly beef 咩？過左良久，基本完全無人理，貌似侍應既伯伯騰來騰去唔知做緊咩囉，叫左阿伯兩次都唔同我落單，真唔記得定假唔記得呀？好采突然有個肥姐姐出場幫我落單乍，陰功。咖哩幾分鐘送到，再叫伯伯兩次都唔比個白飯我，想點呀！等到咖哩都凍埋，最後肥姐姐主動走過來換過熱咖哩同攞埋白飯比我，麻煩晒。期間仲不時見肥姐姐喝罵伯伯工作，到底個伯伯係何方神聖呀？咖哩牛腩飯中辣，外觀使我摸不著頭腦，顏色暗淡，一堆不知道是什麼蓉來的，細心檢查後，原來全部都係洋蔥蓉，感覺怪怪的。香氣欠奉，香料味微弱又陰沉，咖哩味淡淡的，質地好水汪汪。咖哩未達中辣，係超微辣乍喎，非常失望。幸好牛腩炆得鬆軟，腍腍的沒有渣，但味道實在單調不堪。一試可以，再試不得了！食後請向辣友史堤芬伍再查詢，原來右邊亞龍先正確呢，蝕左喇。

早前係Yahoo團購買呢個阿龍咖喱蟹2人套餐，昨日朋友黎唔到，只得我一個人去食，俾咗張團購飛後老闆娘話主菜e.g.咖啡牛腩，咖啡雞只有一份，不是二人套餐每人選一， 但白飯及飲品俾二份喎，咁都得....見我一個人食只俾一份主菜？但你地係Yahoo賣廣告唔係咁喎！！ 大家要小心呢間阿龍咖喱係吳松街95B。 另，味道算OK，只係食之無味囉

今日又係去廟街食午餐，今日就係再再試下兩間阿龍咖哩，依間未試過想比較下之先阿龍同阿龍巴基斯坦分別。入內大約四十幾個位，不用等坐低點了一個牛腩同一個中辣牛筋飯。伙記先送上凍水給你，五分鐘就有得食。味道相當醒胃，食完又有凍水解下辣⋯⋯我就喜歡牛腩中辣，牛筋份量小了點～心水推介牛腩中辣。整體兩間都好滿分，係價錢上有分別的。

由於又想吃咖哩，路過佐敦，本來想去亞龍咖哩，點知心急，入錯了亞龍巴基斯坦咖哩，當發現時已經叫了咖哩牛腩飯。味道上基本上沒有分別，牛腩都好淋。唯一分別係坐位排列有式不同，下次再試其他。

好姊妹早前經團購買入，但當日係最後一日要去食，本來佢係諗住同佢老公去食，最後變左同我去，對於唔太食得辣的我來講，還可以食到呀，因為有得選少辣團購的ｍｅｎｕ咖喱魷魚：唔沾到太多咖喱汁，我都仲食到，但個咖喱汁真係好香咖喱雞：ｄ雞肉入曬ｄ咖喱味，對我講偏辣，所以我姊妹就食多幾舊，但ｄ雞件煮到骨肉好易分離，但肉質又唔鞋，勁薄餅：呢個我地兩個最愛呀，沾咖喱汁來食，正爆沙律：只係青瓜同蕃茄切左片片，但可以中和返個辣飲品可以選汽水或指定的啤酒（細樽裝）對於唔食得太辣的我來講，呢道ｄ咖喱是不錯的

永安大減價，很多貨品特價發售。加埋買滿50元送印花，8個印花可加錢換購靚靚煲。今晚就去換鋼水超靚的pot。順道在佐敦晚餐。行下行下，來到廟街附近，印象中好似有家叫做龍咖哩。但這裡見到2家連在一起，名字又差不多。一家有40年歷史，一家是50年歷史。按50＞40，所以選擇50年的餐廳。入到去，又要諗食邊款。幸好食物款式很簡單直接，咖哩魚蝦蟹雞牛羊，牛有更多部位選擇，牛筋，牛脷，牛尾，牛腩，牛肉，特別有個咖喱牛全燴，一次有齊咁多款，咁就唔洗煩啦。最終點了咖哩牛全燴及咖哩雞.咖哩表面有一層紅油, 其實唔似係辣椒油, 反而似係來自蕃茄.內有很多洋蔥碎及香料 見到丁香, 這是小茴香嗎?味道唔太辣, 少少酸, 另外有種由苦澀帶出的甘味。有點似鹵水汁的甘香.咖喱牛全燴 HKD 79一盤有齊:牛筋，牛脷，牛尾，牛腩，牛肉大件牛脷:滑溜, 好腍, 自己唔識煮, 所以後喜歡. 牛筋: 好腍身, 似啫喱牛腩:肉質較韌牛肉:不是新鮮牛肉囉牛尾:無食到 咖哩雞 HKD62雞肉大大件, 雞胸肉質較乾, 先分成雞絲, 再加咖哩汁, 咁就無咁乾了,撈飯好味. 鹹薄餅不似油油酥酥的ROTI或米白色的NAAN.色澤偏淺啡色

經過佐敦吳松街，必定聽過巴藉人士問你「朋友，食唔食咖喱？」餐廳採用來自 1958 年的秘方，數十年來獲獎無數~~~牛腩絲甜薄餅即叫即煎，用麥粉搓成既薄餅香脆中帶煙韌，好少地方可以食到。招牌菜 -牛筋爽、坑腩滑，配合咖喱更是一絕！咖喱大肉蟹 - 蟹鉗猶如拳頭咁大，秘製咖喱帶出海鮮既鮮味~

D牛腩好入味，而且個汁都好好味😍😍，加左個甜薄餅一齊食，味道好甲，值得番呢食多次而鮮茄牛腩甜甜酸酸嘅味道，啱曬我屋企個小公主食，佢都話好好味老闆娘好好人，成日都同我地有傾有講.十個讚呀

我很喜歡吃辣的東西、经朋友介紹這間吃咖哩的、於是我就和朋友四個人收工一齊去吃！一去到、見有两間！朋友說是左手边的那間才是！於是進去了！入去見到地方雖然不大，但也可接受！我們坐了一張四人枱。餐牌以牛為主:有牛脷、牛肉、牛根、牛腩、其他的有虾、蚧、魚、雞、羊……。朋友說如果不吃辣可点鲜茄類、鲜茄的菜也同咖哩一样有牛、虾、魚……我和朋友点了咖哩蚧、咖哩牛脷、咖哩魚、另外試一試鮮茄牛肉！侍應問要大、中、小什麼辣？我們最後選擇各一！三個吃飯、一件吃薄餅牛脷很淋、蚧就好鲜味、魚是用倉魚的、我喜歡、鲜茄牛肉也很好味！牛肉很滑，大辣真是很辣、朋友們吃不到、於是大辣给我吃晒他們的咖哩比較多洋蔥，同薯仔的咖哩有点不同、之後朋友再介紹牛柳絲薄餅、有点甜、也好味！加上咖哩汁也可，不過我就當甜品朋友們叫了啤酒、我就叫了可樂！今次朋友實在無介紹錯，以後又多一個吃辣的地方了！满足

兩年無唻，同朋友去開佐敦食飯，咁啱天氣凍，想食咖哩暖暖胃，就貢咗去阿龍。入到去仲認得老闆娘～肥婆，我照舊叫咗個咖哩牛舌，老友就嗌叫個牛全會。一食，牛脷夠淋夠入味！老友個牛全會夠晒份量，亦好入味。相當滿足同暖笠笠嘅晚餐！出品仍然保持到水準！正

叫左咖喱雞同咖喱牛腩，中辣飯加薄餅蒜蓉雜菜可樂x2牛腩夠琳，一咬就開，連埋咖喱食，不錯！雞件可能不夠新鮮，或者保存得唔好，有少少怪味，食左少少就冇食。蒜蓉雜菜普通，冇特別。成個套餐不過不失，感覺都算抵食。

星期二中午晏起身，就響屋企附近食午餐選擇咗小辣嘅咖哩牛腩飯咖哩牛腩同白飯分開上咖哩好香，牛腩肥瘦適中份量足肉質炆得都幾淋，入口軟身辣辣地又幾刺激~間野咖哩汁以大量洋蔥蒜蓉加入了大量的蕃茄的烹調所以辣之中帶甜，辣得來有香料嘅香不過汁底可以傑返少少比較好白飯也很有水準，吃許多次都是軟硬適中然後再將咖哩汁送白飯，食落去既香口又開胃總括而言，值得一試

和老婆在尖沙咀行街，行到佐敦時肚餓要去搵食，老婆想食辣野，所以我們決定食阿龍咖喱。叫一個咖喱牛腩大辣，咖喱魚大辣，蕃茄一碟，甜餅一份。牛腩夠淋，咖喱汁夠香夠辣，用左好多洋蔥及蕃茄去炒咖喱，唔似隔離店啲咖喱汁似水一樣稀。咖喱魚肉質嫩滑，咖喱汁夠香夠辣。甜薄餅好香，夠味大家如果食得辣記得要大辣，大辣先可以突出它的咖喱味值得一提老闆娘好好記性，好多熟客再次惠顧她都記得客人食咩，亦經常同客人溝通了解，所以都好多熟客幫襯