阿德廚坊

Open Now

Now Closed

星期五晚諗唔到食咩，又嚟咗阿德廚房，原來對上一次食已經成年幾前嘅事🤔⭐是晚餐湯餐湯要咗中湯同西湯，是晚中湯係木瓜湯，清清地都幾好飲。西湯就喺羅宋湯，味道唔錯仲好多雜菜添。⭐咖哩牛腩飯咖哩係馬來西亞口味，有香料有椰奶味，少少辣，牛腩炆得淋，幾好食。⭐福建炒飯有墨魚仔、火腿、雜菌、菜心等配料一齊炒，飯底用雞蛋炒過，香口唔油膩，醬汁調味都唔錯。⭐熱奶茶 & ⭐熱檸水正常水準，勝在夠熱。星期五晚食飯嘅人都唔多，呢個生意額知唔知似得住㗎？不過可能今晚係情人節，啲人走去食大餐嘅🤣

自從轉左工，就成日同朋友食埋晚飯先走，是晚來到紅磡的阿德廚房試試，見佢卡位幾濶落，食客又多，應該不會太差吧。🥢例湯仲有中湯同西湯揀嘅茶餐廳，中湯忘了是甚麼啦，西湯就係羅宋湯，幾足料，味道都幾好。🥢自制回窩肉煲朋友點的小炒，佢對自制兩字好有意見，佢問有咩小菜唔係自制，唔通交黎咩，哈。味道正正常常，八成椰菜配上少量豆干同五花腩肉片，都ok嘅，幾十蚊有湯有飯有餐飲。🥢焗茄汁豬扒飯自己點左焗飯，個盤意外地大。茄汁甜甜酸酸幾好味，仲有瀜左嘅芝士，塊豬扒就薄切同無乜味，飯底有炒過，仲焗到有少少飯焦，唔差。☕熱奶茶&熱檸水正常茶水，唯個杯好黏立立。價錢唔貴，味道正常，卡位幾好坐，ok啦。

搬左後第一次去食，諗住試下懷念下，去到兩點下午茶叫寫野食下午茶，用手指指住個下午茶餐牌叫左個和風牛肉飯（$四十零蚊）之後就到比錢，先發現伙記落左係原價的和風牛肉飯（$60蚊），之後搵伙記講番，可能落單個個唔係到，另外兩位剩係不停講：你已經食左啦喎/抄大份左比你/你坐左好耐真係係我錯，唔應該幫襯，我入到去應該自己時刻小心保持警惕，對清楚張單如果要入去食，建議小心時刻對清楚張單，以免落錯單到時口同鼻拗

【九龍城區】【阿德廚坊】最近嘅生活非常忙碌，但係都幾希望係進入最後直路，因為當啲書讀完，又放低埋一啲公職之後，就可以得閒好多。雖然呢番說話喺我人生裡面講咗超過十次，但係今次我決定寫出嚟，逼自己實踐，成件事好似踏實啲。不過再忙都係要食飯，今次喺紅磡食呢間，其實好耐之前我就已經見過，之但係係喺另一邊。原來佢哋而家搬咗過嚟檀香山個舊舖，好耐之前我反而好似都講過檀香山，個雜扒超級大份，直接擊敗咗我，所以我今次都食扒。佢哋個扒類系列係「扒王之家」裡面嘅「歐陸扒餐」，個名唔緊要啦，食個「牛肉眼扒」，鐵板上嘅，要咗「五成熟」同「蒜蓉汁」，跟「薯菜」，味道都算幾好。配「牛油厚多士」同「羅宋湯」，感覺成份嘢唔差。加埋杯「凍奶茶」，成個餐就 $85，茶記食扒係咁上下價錢，而佢質素唔算曳，我覺得算係咁。咁但係 1am紅館 系列我好少淨係食一次就算，所以夾兩個朋友去食多咗次，今次仲睇咗連登仔介紹，話佢哋下午茶同咖喱唔錯。但係我都係食個「特價常餐」，「蒜蓉雞扒」配「米粉」，正常水準，加埋份都係一般嘅「脆脆豬」搭「黑松露炒蛋」，加埋「凍檸茶」走甜 $49 只係唔算貴囉，冇亮點。反而兩位朋友都係食「歡樂下午茶」，好

有日無端端想食扒，hea扒梗係去茶記食嫁啦，行過見到間野正正常常又有人坐以為無事，又寫住扒王之家，點知入到去坐低叫左個鴛鴦扒雞加豬薯菜，鐵板菜心，勁！扒唔好食好似無腌過咁，菜心焦左。。。真係有料，食鐵板薯菜落菜心，我真係第一次見🤮🤮🤮🤮

琴日星期五晚，黃埔間間有堂食嘅餐廳都排曬隊，見到呢一間唔洗排，入面又坐左幾枱人食緊，以為伏極有限，諗住快快手入去食餐飯然後走，點知出事……首先衛生問題，啲匙羹攞左兩三支先有支係冇飯癡喺上面、叫乾淨啲，好彩佢有畀杯暖水可以洗下，係普通茶記常見嘅情況。食物方面叫左個海南雞飯，另外送個湯加杯野飲就叫左紅湯同熱華田。首先個湯偏鹹，飲得出係罐頭/包裝湯味再加啲茄汁。之後上左個油飯，每粒飯都係油光閃閃，食落應該係撈左豬油嘅味。以上嘅食物我覺得都勉強可以，但係碟白切雞真係令我嬲左，雞胸肉又乾又嚡，隻雞翼嘅肉竟然可以同雞胸一樣都係乾，而且切唔到底，每舊雞都同另一舊雞藕斷絲連，可以成排夾起。仲有啲雞上面放左啲花生，粒粒都係淋嘅…… 最後，杯華田係淡嘅，仲飲到水喉水味。愈食愈嬲嘅一餐，仲要成67蚊！下次都係唔好是但食……

經過依間見店內都有10幾人喺度坐～諗住應該幾好食就試吓啦叫返兩個歡樂下午茶返去食咖喱牛腩飯咖喱汁幾香椰奶味～好多飯餸比較少～可能係下午茶嘅關係咖喱牛腩飯有一舊薯仔、三舊牛腩、一舊牛筋～牛腩唔夠淋痴牙～不過都算入味～牛根爽口蒜蓉雞扒飯個汁即係蒜蓉西汁～配一塊細雞扒～好彩飯多唔係真係唔抵食食唔飽外賣兩杯熱飲倒到成個袋都係～一返到去要放喺洗手盆唔係就周地都係～奶茶茶記味～咖啡幾香濃～不過攞住個杯成手都係有D狼狽外賣各+$1見阿姐收完枱D污糟碟～攞我個外賣發泡膠盒開蓋睇吓～再攞外賣非獨立包裝匙羹感覺好污糟

重開左之後再黎食扒 。叫左2個一樣既70蚊扒餐（牛肉眼扒 +雞扒），黎到 2個塊肉眼扒完全唔同，另一塊明顯係非常薄既牛扒。問個姐姐佢都覺得係出錯左。幫手拎走換一塊，點知30秒出返黎同我講係肉眼扒，仲話咩塊塊都唔同。大佬塊野肉眼睇都知差10萬9千里。最緊要係你唔換 你唔好拎走我原來塊野 再拎返同一塊出黎 做show咩。差評。

今日會打8號波早走去阿德食個下午茶，叫左個炸雞腿薯條加個凍咖啡。上枱時熱騰騰既薯條係ok既但份量太少。雞腿就完全唔得，瘦不特止仲要唔熟，我仲以為去左美女廚房。食左層雞皮之後，已經見到成灘血，再砌開啲肉，如圖咁生既。我即刻叫老細過泥問可以點攪，但老細表示廚房已收工，大家你眼望我眼，都知佢唔會做啲咩補鑊行動咁我就埋單走人。其實佢食物有問題已經唔係第1次，之前食過1次上海粗炒，食食下有紙巾碎響入面，見佢響紅磡做左好多年摺左1段時間，岩岩今年重開，第1次比次機會佢，但食物未熟真係好難接受到囉

琴晚同朋友去試食咗新開餐廳(地址原為檀香山茶餐廳，現轉手為阿德廚坊)，雖然格局如舊，但環境都執乾淨企理咗。嘢食好味好多，最重要佢啲飯啱我胃口，雖然款式少咗啲，食材用料方面值得讚賞。