小火焰韓式咖啡廳 (觀點中心) (Closed)

今日好想食韓國嘢, 所以同朋友去咗觀塘呢間小火焰食嘢,我哋六點左右去到就唔使排隊。環境都幾好裝修得唔錯，見到餐牌真係好多唔同嘅韓國嘢可以揀嚟食，搞到我心大心細。最後我揀咗芝士海鮮菜餅，炸紫菜捲，同埋一杯芒果冰沙。海鮮餅嚟到仲係熱辣辣，size啱啱好唔會話太大，上面有唔小魷魚蝦等等嘅海鮮，芝士仲係微微拉絲，亦都鋪咗一啲泡菜喺上面，食落脆卜卜，唔會覺得膩。炸紫菜捲超級無敵驚喜，外皮超酥脆，紫菜味好香，入面有啲好似粉絲咁樣嘅嘢，軟糯軟糯 ，真係建議大家都要試下。芒果沙冰嚟到就好大杯，差啲放唔落，唔會太甜，都幾天然。我同朋友食完嘅時候大概七點三左右，成間餐廳已經滿座，建議大家可以早啲嚟試下真係唔錯！！

酥炸黑豚肉拌飯本來以為韓國餐廳淨係出名炸雞，點知道豬扒好厚又好味，豬扒直徑又差唔多成個五毫子呢！最鍾意就係炸豬扒肉質好鬆軟又非常多汁！簡直出乎意料之外咁好食！啲飯上邊鋪滿紫菜同埋椰菜沙律，蔬菜份量超級多！炸豬扒雖然好友邪惡感覺，但係食返夠多蔬菜依然感覺健康👍👍👍👍呢間餐廳份量都偏大呢！黑松露淮山麵黑松露味都幾濃郁，而且醬汁唔會太黏糊！雖然食物展示圖係有紅椒，但係因為我本身自己就唔鍾意食紅椒 ，職員都好細心咁幫我走紅椒！淮山麵感覺有啲似天使麵，粗幼同埋軟硬度都差唔多！呢個套餐嘅好處就係蔬菜都幾多，翠玉瓜都沾有黑松露味，可以乘機食多啲蔬菜健康啲！小食芝士炸雞炸雞好香脆而且入邊保留住雞嘅肉汁，韓國餐廳果然必食炸雞！3.6牛乳芒果雪花冰份量都好大，同朋友share就啱啱好！雪花冰唔算甜而且好棉密！值得一讚就係啲芒果夠晒新鮮，食得出唔係罐頭芒果！

小火焰係觀塘都算幾出名，幾位觀塘地膽fd都話食過，聲稱吾錯。今日難得平日放假，見疫情轉好，當然要約埋中同fd黎試下。觀塘apm出口行3分鐘就到觀塘中心，經扶手電梯上一層就到，門口有大大隻餐廳名，吾難搵。午巿有套餐同散叫選擇，套餐就用QR code，散叫就搵侍應幫手。散叫既menu成本雜誌咁，款式幾多，全部有圖。呢排要避免食飯(減重中)，所以揀左散叫。柚子蜜糖雞翼炒年糕有足料，有成5隻雞翼，年糕煙un得黎，吾會太硬，有d翠肉瓜紅椒洋蔥做配菜，同柚子味同蜜糖醬汁無違和感。韓式蟹籽蛋卷估吾到有飯係入面，有蛋有飯有蟹籽，配埋沙律醬，感覺清新有口感。另外，侍應好細心咁幫我地將辣醬分開上，吾食辣既我就吾洗驚。呢度下單同叫甜品上枱都會主動提供餐具，方便大家share，夠細心。松露曲奇脆脆3.6牛乳雪花冰雪花冰綿綿密密，有淡淡牛奶味，松露同曲奇夠脆，份量兩三個人分享都無問題。

跟同為哈韓族嘅朋友好耐冇聚，即興約簡單食返餐。住九龍東嘅佢之前都食過小火焰，仲警告我會食到好飽。餐牌選擇唔少，常見韓菜都有。我點咗辛辣茄子牛肋焗泡菜炒飯。炒飯底都升級至焗泡菜炒飯。雖然寫辛辣，但辣唔重，連泡菜經過炒，都大減辣味，唔食辣嘅人都可唔可以一試。焗飯當然唔少得芝士，趁熱食有拉絲效果。牛肋比茄子仲多，十分足料。牛肋用蕃茄base煮，煮得入味夠淋。朋友同樣叫焗飯，睇黎大家口味差唔多，點咗蜜糖芥末雞扒焗泡菜炒飯。佢嘅芝士仲誇張，蓋曬成大片雞扒。韓菜唔少炸雞同年糕。午餐加$15，就有一細份芝味韓式炸雞，share食岩岩好。炸雞雖細，但仍啖啖肉，嫩滑。年糕有辣有唔辣，我選擇咗傳統辣個款。年糕Q彈，帶少少甜辣味。飲品分別加錢升級至烤杏仁咖啡同朱古力。約好下次再去食韓國菜🇰🇷

媽咪放假同佢出街食晚飯，揀左呢間韓國餐廳，距離地鐵站行兩三分鐘就到👍🏻👍🏻佢係一間半開放式餐廳，係觀點中心一樓入面，環境唔錯🌃🌃入面除咗一般座位，仲有卡位😙😙餐牌好多選擇🤩🤩除咗有前菜、炸雞、年糕、湯麵⋯⋯仲有甜品同好多野飲！！🥳三色前菜 $38好開胃！！😍😍😍酸酸甜甜仲有少少辣，而且三款都各有特色。首先係蘿蔔😚，每粒都好清甜同爽口，食完想再食！中間係昆布，味道相對淡，啱曬唔中意太酸甜嘅朋友😋！最後係泡菜，同樣地好爽口啊！🤩蜂蜜提子脆米炸雞（半份）$108係好少見嘅口味😆😆完全有驚喜！炸雞本身雞肉好嫩多汁，配上甜甜嘅蜂蜜同少少酸嘅提子乾🤤🤤，口感好新鮮！拉絲芝士bb豬肋骨伴泡菜炒飯 $108好足料啊！🤩🤩泡菜炒飯非常入味，仲有啲紫菜係面頭。豬肋骨好大條，而且咬落好鬆軟👍🏻另外係芝士！！超級多芝士但又唔會過份咸，仲有啲甜酸汁，好好味！🧡

好一段日子沒有外出用膳，這天晚上有一點空閒，去到觀塘觀點中心的小火焰開餐。餐廳落單用二維碼，全程可以自助，非常方便。部份食物附帶個別化選項，可以按個人口味調節當中部份配菜。冰果魷魚鬚水冷麵冰果是鮮甜的士多啤梨，配合微微辣香的魷魚，是有趣可口的對比。冷麵彈牙，麵身偏幼，非常滋味。炸紫菜卷一疊共有五卷，即叫即炸，上菜時時熱辣辣，又夠脆口，然而入面的粉絲軟熟，又是另一個強烈的對比，一試難忘。岩鹽焦糖咖啡，上邊有麥片，配搭咖啡曲奇。味道偏甜，無需另加糖，岩鹽味道可以再突出一些會更好。

小火焰 小旅行🚃鐵路旁邊嘅韓國餐廳 望住一班一班嘅烈車係架空嘅鐵路駛過 略有日本嘅感覺（雖然係食韓國菜🤣）🍗韓式甜辣年糕炸雞🍗 $108/半份食韓國菜點少得炸雞！炸雞大大件 半份都有足足5大件 加上全部都係雞髀肉 所以完全唔會有鞋嘅感覺！ 而且粉亦唔會厚 甜辣味亦同係韓國食到嘅差唔多 十分推薦！🧀拉絲芝士bb豬肋骨伴泡菜炒飯🧀 $108海量嘅 mozzarella cheese 配上bb豬肋骨 唔需要我多講都知唔會唔好食 bb豬肉輕輕一咬就食到 鮮嫩多汁 而且份量唔少 比menu上嘅圖更為大 🐖滷豬手菜餅 🐖$88相信豬手都係大家去韓國必食嘅韓國菜 而呢到就將佢放入 平時常見嘅泡菜煎餅 出奇地好食 幾特別 可以一試！🥭芒果窩夫🥭 $78芒果份量唔少而且好新鮮 味道鮮甜 除左芒果味雪糕 仲配上粒粒cheese cake 為個窩夫加添左一份口感🤤整體黎講 性價比幾高 份量充足 建議多啲人去食 share就可以食多好多野 晚市好多人 建議book定位

如題 勁多選擇既一間韓國菜餐廳🤤💛拉絲芝士BB豬肋骨伴泡菜炒飯 $108超邪惡之芝士拉絲豬肋骨!! 份量夠 有成3大條既BB豬肋骨! 雖然叫BB豬肋骨 但都好大條 而且佢煮得好淋 好輕鬆就可以食到D肉 唔會整到周圍都係! 而且超多芝士! 2個人share 岩岩好!🤎滷豬手菜餅 $88佢係韓式泡菜煎餅既加強版 係平時必叫既泡菜煎餅上面加左滷水豬手 我地2個人 又食唔到咁多野 但又覺得佢個韓式滷水豬手好吸引 所以呢個可以同時滿足到我地2個心願 滿足!❤️韓式甜辣年糕炸雞 $108又係韓國菜必點items! 炸雞!! 呢度有好多唔同味同好特別既炸雞! 我地叫左最最最classic 既韓式甜辣炸雞 佢重要加左料 加左韓式年糕! 咁樣又可以一次過食到年糕同炸雞! 半份巴份量都好多 足足有成4-5件雞! 食到我地超飽! 醬汁都好多 每一啖都係滿滿既醬汁! 正呀~🧡芒果窩夫 $78甜品都有勁多選擇! 款款都係超打卡able ! 最後我地揀左當做既芒果窩夫 份量超大 足足有成4塊窩夫 而且有超多既新鮮芒果~ 重有一D 細細粒既芝士蛋糕! 真係幾抵食! 叫左咁多野食 埋單都只係$420 都幾抵食 而已佢

之前黎觀點中心因為去龍子中菜，有路過小火焰韓式咖啡廳，今次一於去試下食個lunch，發覺周六中午都唔少人光顧，我們去到餐廳門口，好快就安排入得了。餐廳內牆上面都有小火焰公仔😆😆餐廳環境就是這樣的餐廳用手機點餐，我們二人在set lunch menu各點了一個lunch set, 追加了四個小食。我們分別點左一人點左一個主食香燒牛扒豬骨湯烏冬餐牌係蕃茄湯，點果陣改轉豬骨湯拉絲芝士烤豬肉伴泡菜炒飯這個泡菜炒飯好食，芝士味好濃好香👍🏻👍🏻小食就有以下甜辣韓式炸雞+芝味韓式炸雞每份韓式炸雞都係3～4件，係即炸既，好脆口😄芝士夾餅+辛辣小年糕辛辣小年糕份量係算多，呢個小碟應該放了超過15條年糕仔仲配各自配了杯飲品熱蜂蜜生薑茶& 熱蜂蜜柚子茶😋😋兩杯熱飲都有別於一般茶餐廳同等既飲品👍🏻👍🏻小火焰餐廳既午餐係免加一，呢點係值得一提兼出乎我意料之外。😆😆 幾好幾好

曾幾何時觀塘區是個飲食沙漠，工廠林立，開既食店都是以大件夾抵食為主，多數是快餐店。不知幾時，自從在該區開了大型商場後，整個觀塘區已經變得充滿生氣，不少有質素小店漸漸進註該地，食物選擇亦變多左。今天在某商廈二樓改假日午餐，以韓式為主，打開menu選擇都多，自己自行用QR code點菜便可以先上飲品，涷/熱柚子蜜午市套餐，加少少錢，有泡菜做前菜小食，味道適中蝦餅，煎得好香脆，唔太油膩忌廉蟹肉餅，order了兩次，即叫即做，上枱熱辣辣，一咬落去有濃濃忌廉味牛扒石鍋飯，石鍋飯一向係我嘅至愛，貪佢上枱時D飯同餸都夠熱，而且有時仲可以食到鍋邊既飯焦添北海道牛乳奶凍，好香滑，唔太甜芝士蛋糕，上面配上少少忌廉，一軟一硬配襯吃落口，絕配！

今日同媽媽嚟咗觀點中心嘅哩間韓式餐廳平時經過都見到幾多人入嚟食都有一段時間冇食過韓國菜 所以入嚟食😁店舖出邊好多kakao friends公仔，加上韓文嘅招牌，有種好似返咗韓國嘅感覺午市menu 大大本，以下只係其中幾頁嘅節錄👆🏻鍾意食炸雞嘅朋友可以嗌呢個餐，不過我覺得有啲似麥當勞快餐店嘅餐😹所以冇嗌到叫左：1️⃣泡菜烤雞腿肉伴飯泡菜汁再加紫菜再加燒雞汁嘅飯好有味，汁唔算好多，不過材料豐富，啲雞一人份量都有5-6件，鍾意食泡菜嘅我表示滿意，新鮮又辣辣地，只係食完個口味道都幾重😂2️⃣大醬海鮮粉絲鍋鍾意食和民嘅朋友好推薦呢個，首先大醬湯好濃👍🏻不過就真係都幾辣，唔食辣嘅朋友就注意啦！海鮮鍋材料好豐富，入邊有魷魚，蝦，蜆等唔同海鮮，仲有粉絲，仲包埋一碗飯！將啲大醬汁淋落碗飯，就好似食緊韓式泡飯咁，好惹味😋3️⃣5款小食啲小食價錢真係好抵，每樣介乎＄10-12所以忍唔住嗌咗五樣-涼拌海帶我就麻麻哋呢個，因為有啲怪怪地既酒味，食落好似唔太新鮮🙃-甜辣炸雞同出邊炸雞店食嘅差唔多味道😋😋不過本身拌飯個雞已經多到食唔晒🤣-辛辣小杯年糕份量算多，鍾意佢甜甜又彈牙既口感-涼拌大豆芽中意食開胃菜既我食到停唔到😹小辣-

見食評唔錯就嚟趁吓熱鬧。先叫個二人餐嘆吓。前菜係醬油蝦，蝦都算新鮮，食完無肚仔唔舒服。芒果炸雞沙律同前菜，味道可以。原味炸雞，朋友表示味道可以，仲好大舊。海鮮湯鍋，魷魚好有咬口😂，其他都不過不失。鰻魚石鍋飯，味夠濃，底夠燶，重點都係個韓式辣醬好味。另加海鮮泡菜煎餅，切勿期望太高。甜品唔少得，叫咗呢個朱古力窩夫，餅都香脆。飲品叫咗柚子蜜、薑蜜等等，唔好叫少甜，少甜就係咩味，不過唔記得影相。整體都算抵食，值得試吓。

🇰🇷🇰🇷放假冇得去旅行，除咗掛住日本，都有少少掛住韓國。今次揀咗間韓國餐廳，食個炸雞頂住癮先。🍺🍺餐廳近apm，裝修都幾有韓feel，都幾多人等位同拎外賣。由於食咗個幾豐富嘅下午茶，只係簡單叫咗一個熔岩芝士炸雞麵包同泡菜野菌炒年糕。🐥🐥原本坐低係打算叫份炸雞，但打開餐牌見到呢個打卡必選「🧀🧀熔岩芝士炸雞麵包」，賣相實在太吸引，即時轉軚。上菜外觀同餐牌張相一樣，炸雞整得好香脆，最吸晴一定係嗰個熔岩芝士包🥖🥖。無論用來點炸雞定粟米脆片，都係絕配。最後食埋個充滿芝士精華嘅法包，個法包仲要係外脆內軟，真係好圓滿。🌶🌶另一個炒年糕都相當好食，怕辣嘅我哋叫咗小辣，辣得來帶少少甜，配合泡菜、野菌同煙靭嘅年糕，好惹味。餐牌上嘅甜品都好吸引，可惜今日食得太飽，真係冇作戰能力，下次再嚟食過。

今日早上跟朋友在觀塘Apm捐血, 捐完血之後大家都不太想走太遠, 加上很久沒吃韓國菜，於是來了附近這間小火焰餐廳。餐廳出面有一個玻璃櫃擺放了不少韓國卡通擺設和產品, 當中有我喜歡的Line friends, 好可愛, 不知道是否可以購買, 下次一定要問問店員😄這裡的食物選擇非常多, 看餐牌都看到眼花撩亂, 每樣都很吸引很想試, 最後我跟朋友點了兩款lunch set和炸雞Combo。 《辛辣茄子牛肋焗泡菜炒飯》份量很多, 有滿滿的芝士, 牛肋夠腍不會硬和乾。炒飯底略嫌淡味, 因為個人喜歡吃辣, 如果可以更辣就好了😄《醬燒豬頸肉蕃茄湯烏冬》蕃茄湯夠濃, 配料尚算多, 豬頸肉不會很肥, 也不會韌, 醬汁很多, 味道不錯。《炸雞Combo》有薯條、炸雞和雞軟骨粒, 可以一次過吃到三款不同的小食😄薯條配有濃味芝士醬, 炸雞酸酸甜甜好味, 但不夠”脆皮”, 雞軟骨味道不過不失。Lunch set附送熱飲, 我們點了熱咖啡和熱朱古力(+$10), 想不到熱朱古力上面有朱古力碎, 小驚喜是還配送了兩塊曲奇。整體來說, 食物份量多, 價錢相宜 (沒有加一服務費), 大家可以一試。

今日在APM行到攰攰地，見到APM超多人，我地又想食韓國餐，於是上網揾到隔離有間叫小火焰既韓式餐廳，希望無咁多人。去到餐廳門口都等左5分鐘先入得，餐廳出面係幾open 咁，當然佢都有入面既位置。坐低左先發現餐牌有好多嘢揀，呢度影左其中三頁，都係我地內心掙扎過一輪既菜：因為我地夜晚都食得少，所以我地order左兩個餸姐，分別係：拉絲芝士BB豬肋骨泡菜炒飯 & 韓式甜辣年糕炸雞（半份）先黎左拉絲芝士BB豬肋骨泡菜炒飯呢個食之前食之前撈一撈去，芝士有拉斯嘅感覺，另外有三件BB豬肋骨。跟住大約過多5分鐘之後就黎左我地點既第二個菜韓式甜辣年糕炸雞（半份），半份有4件雞，包括兩件雞鎚，而韓式辣道好嘢味😋😋佢地都準備好食炸雞既一次性手套&桶仔比我地。另外佢地係手機點餐，仲有提供左Wi-Fi 密碼方便大家手機落單。最後兩個人埋單唔駛$240😆😆