小火焰韓式咖啡廳 (觀點中心) (Closed)

呢排想食特別少少既韓國野食,黎呢度叫左杯特色飲品,係倒轉左既汽水,好有新鮮感。果日飽飽地,係又為食,叫左個炸紫菜卷,裡面有D韓國粉絲,味道唔錯,炸完脆卜卜,外脆內軟。甜品就叫左個士多啤梨味既綿花冰,冰既口感同平日果d有少少唔同。配料有OREO雪糕同埋芝士蛋糕,口感同味道都好多元化。呢度有自助點餐既系統,好in!呢度整體既感覺都幾新潮,有D大電視。主食既款式都幾多下,有人蔘雞湯果d,令我諗返係韓國都有飲過。

話說呢間餐廳係我平時lunch嘅飯堂🥰今晚同同事一齊黎試下晚餐，2人餐CP值超高！餐廳好有韓feel~ 又點少得Oppa MV❤️🥰餐廳都幾多卡位，坐得舒服💖我地揀咗明洞2人套餐($396)，包括沙律、小食、主食、甜品、飲品，好抵呀！<薄烤牛肉野菌沙律>份量比想像中多，溫泉蛋汁伴牛肉、沙律菜超正！夏天食好refreshing! <黑醋烤韓國豬肉餅>推介！好中意個黑醋醬，好開胃！而且豬肉餅好軟腍。<迷你滷豬手粉絲鍋>係滿滿嘅collagen呀！湯底好濃！冬天會再encore！<泡菜肥牛炒粉絲>甜甜辣辣，夠開胃！粉絲煙韌正！<奶油芒果waffle>點少得甜品呀！芒果雪糕配朱古力醬、cream、waffle，perfect ending!

好耐冇去韓國啦🥲 有冇人同小編一樣 每隔幾日就會想食韓國菜😹 之前喺觀塘嗰邊翻工揾到間性價比唔錯嘅店 推薦大家去試下🤣🌟 大醬牛肉粉絲鍋 ($62)餐廳有幾款鍋類可選 全部都係一人份量 真係獨食都唔驚！ 一上到嚟個鍋仲係冒緊煙 熱辣辣🤣 牛肉片有5-6塊，熟度啱啱好 唔會太老或者太生～ 而大醬湯味道亦都啱啱好 唔會太咸 配上粉絲真係食多碗飯都仲得😋🌟 蒜香牛油雞翼/甜辣韓式炸雞 (~$10)小食方面都有好多唔同嘅選擇，而且價錢都好實惠😝 蒜香雞翼勁香牛油同蒜味 小編最愛🥰 甜辣炸雞絕對係開胃之選~🌟 朱古力咖啡 ($36)

一個月內食左兩次依間韓國菜，真心好食又好抵餐廳環境不錯，坐得好舒服，手機app落單好方便，平時去食韓國菜份量都好多，要幾個朋友一齊去食先可以食到唔同既食物，但依間小火焰既食物份量適中，加錢（$10-15）更能追加唔同既小食，例如：年糕、炸雞、泡菜、雞翼等，味道好好，絕對值得推介。

係香港真係好少食韓國餐廳，因為真係唔係好多啱食。呢間係網紅餐廳，順路就去試下。人都唔少，位置有少少窄，不過還好。兩個人點了一飯一麵一炸雞一杯冰沙，份量很足夠，味道真係好正石鍋飯有飯焦，好香，忍唔住連底都刮乾淨。炒麵都正，菜多，整體唔會太膩～埋單$409，味道好值得一試

星期日打完針同朋友去咗觀塘道apm附近一間韓式餐廳食晚餐🍴【小火焰】主打以芝士為主題的料理：熔岩芝士炸雞麵包、芝味炸雞、芝士年糕西多士等，啱晒你班芝士控！🧀🫕🐔炸雞Combo雞軟骨份量適中，但味道偏淡無咩味；炸雞外皮唔脆，而且肉質較緊實；薯條炸得唔錯，金黃香脆，配上芝士醬風味十足！🧀芝士海鮮菜餅比較失望嘅一道菜，懷疑菜餅預先整好再翻熱，未算香脆而且粉漿感重；菜餅受熱唔均勻，有部分暖、有部分凍，配料：帆立貝都唔係暖～🦑石板韓風魷魚離遠已經聽到石板「咋咋」聲，份量幾多，啲菜堆到好大碟成座山咁高，魷魚好爽口彈牙，啲汁都幾惹味！👍🏼餐廳注重衛生，客人需要先消毒手才能入座👍🏼餐廳幾貼心，每枱都提供次氯酸消毒噴霧👎🏼外面座位冷氣不足👎🏼外面座位噪音偏大（等候入座的客人）📍小火焰韓式咖啡廳 (觀點中心) (觀塘)觀塘觀塘道410號觀點中心1樓1號舖

丫女放假帶咗我去觀塘shopping, 假日四處都迫滿人, 行得累想搵間餐廳坐低食下野都難, 突然丫女醒起APM行過少少有間韓國餐廳, 就行過去望下。餐廳設於商廈LOBBY, 面積不大, 但人流亦不少。Order咗一個主食同一個甜品食, 兩款食過都唔錯, 牛肉石鍋飯: 石鍋熱辣辣滋滋聲上檯, 面層整齊佈上豐富食材, 包括有一疊牛肉、芽菜、雲耳絲、蛋絲、黃蘿蔔條、青瓜絲、生雞蛋等…店員協助將所有配料撈起, 加入韓式辣醬, 牛肉肉質嫩, 但冇咩飯焦, 不過整體味道唔錯, 層次豐富, 加入韓式辣醬, 辣辣地幾惹味。松露曲奇脆脆3.6牛乳雪花冰:曲奇脆脆粒同埋曲奇粉蓋住了雪花冰, 疊上軟滑嘅cream+曲奇雪糕球, 伴有三塊oreo cookies。雪花冰打得幼細綿密, 有淡淡牛乳味, 跟曲奇粉好夾, 夾集曲奇脆脆, 雪花冰入口即溶, 同時有d脆脆咬下冇咁寡, 值得推介。

放工時間搵嘢食非常困難，咁啱見到呢間餐廳唔太多人就去排隊😂點知有驚喜！水冷麵帶啲酸甜嘅味道，仲有啲梨絲喺入面大大加分！炸雞上枱好脆！雪濃湯好好味，好正宗嘅感覺😍好似飛咗一轉韓國咁

🧀Double cheese fried chicken(Half) 芝味炸雞(半份) 💰108半份係4-5件，大概係70%甜30%咸，欣賞佢除咗芝士粉之外仲有半溶芝士，係真係”double cheese”😆餐廳都會主動提供手套同埋個筒裝骨；不過半溶芝士淨係上面先有，如果下面嗰層嘅炸雞都有就好啦🥲🫓Korean seafood pancake 芝士海鮮菜餅 💰88食落唔油膩，有泡菜、羽衣甘藍、紫洋蔥、芝士、蝦同埋魷魚，唔錯😌

在觀塘頗出名的韓式餐廳，已經和不同朋友光顧過數次，之前印象最深刻的是熔岩芝士炸雞麵包，熱騰騰的食物，半熔拉絲的芝士，香脆可口的炸雞，讓我這個不大喜歡韓式食物的人也深感不錯。這次迎合喜歡韓式食物的朋友，叫了韓式年糕甜辣炸雞，海鮮薄餅，芒果布朗尼3.6牛乳雪花冰和一份韓式蟹籽卷蛋。個人不擅食辣，即使甜辣也後勁很強，而且甜辣味主要在炸雞外層，剝去外皮，内裏不大入味，個人還是較喜歡芝士炸雞。雖然本身不大喜歡海鮮，但各種海鮮在薄餅上加上醬汁，別有一番風味。韓式蟹籽卷蛋倒是材料豐富且入味，雞蛋包着食材，上有甜甜的醬汁，爽脆的蟹料，口感多樣，味道風味均衡。芒果布朗尼3.6牛乳雪花冰的芒果正值時令，味道香甜配清涼入口即融的雪花冰，冷凍時嚐一口熱布朗尼，口感刺激，是當日最喜歡的餐點。

平時返工時間都好少嚟呢度食飯，因為實在太多人，而且覺得呢度嘅定位係comfort food, 係要時間休閒慢慢品嘗！我敢同你講呢度嘅價錢唔會話係平，但係佢做得出色嘅菜式有好多！之前嚟過一次，都係食佢比較出名嘅炸雞，今次仲試咗佢哋嘅雪花冰同埋一個主食柚子雞翼年糕！本身都有擔心過叫兩個雞嘅dish 會唔會太多，但食落就無左呢件事，因為兩個菜都有佢嘅方式去令成個雞嘅味道突出，同埋係Fresh!首先係柚子雞翼年糕！柚子蜜雞翼呢個配搭我都有食過，但係呢度加咗一個獨特嘅醬汁令到個醬汁配上年糕非常之吸引好味！而另外炸雞我哋叫左一個感覺都係同樣比較清新嘅配搭，就係蜂蜜提子乾炸雞，我建議兩個人真係叫半分夠啦，因為我哋最後叫咗一份，雖然好好食，但係佢嘅份量實在太多所以唔好比個價錢嚇親啦！最後個雪花冰都幾有驚喜，佢並唔係水而係牛奶冰，食落朱古力嘅層次，我可以話係偏濃而唔係嗰種死甜！

星期五嘅Happy Friday 同朋友去左觀點中心嘅小火焰韓式咖啡廳。餐廳都幾大，而且食物選擇都好多。 我地二人share左一個主食，一個小食同一個甜品。 主食 - 韓式甜辣年糕炸半份其實都唔少，有兩隻雞槌，同兩件帶骨雞肉。表皮炸得好脆，就算撈左甜辣醬，都唔會淋哂，雞肉咬落嫰滑，雞肉咬開都仲係熱嘅。年糕軟糯，非常好咬，甜甜辣辣，開胃好食。 小食 - 韓式蟹籽卷蛋，卷蛋上面鋪滿蟹籽，口感十足，蟹籽仲加左d鮮味，蛋卷咬落實在，都幾滑幾有蛋香味。特別嘅係，卷蛋中間包左紫菜飯卷，配搭幾得意，食落都唔錯，食落都幾有飽足感。旁邊仲有D沙律菜配菜，都算新鮮。 天氣咁熱，食返d冰凍嘅甜品就最合適不過啦！我地叫左芒果布朗尼3.6牛乳雪花冰，食完主食，店員就問下甜品可以上未，相當細心。芒果粒粒好香甜，唔會未熟透而覺得硬，brownie味道正常，唔算太甜，芒果雪糕配綿綿嘅沙冰，好消暑，非常推薦同朋友share一齊食！

今日去左小火焰韓式咖啡廳。觀點中心就係觀塘站附近，A2出口一出行幾步就到，非常方便。店內位置都幾多，晚飯時間就要等一等位，不過都唔算太耐。餐廳用QRcode落餐，但都有紙餐牌可以睇下。我同朋友兩個人叫左韓式甜辣年糕炸雞，芝士海鮮菜餅，仲有甜品芒果布朗尼3.6牛乳雪花冰。韓式甜辣年糕炸雞，本身就好鐘意食韓式甜辣醬，不過一般就好少會落落年糕到。雞皮好脆口，雞肉肉質都好軟滑，食落好惹味，而年糕size比出面買到嘅比較幼身，以為會比較乾，但咬落又好煙韌，配埋甜辣醬好夾，好食！而芝士海鮮菜餅，有蠔仔，魷魚，蝦仁等等嘅海鮮，芝士喺中間個層，餅底唔厚，咬落薄脆，中間位置就幾軟熟，上面仲有d菜同泡菜，可以平衡返芝士，令到食落唔會膩，份量適中，兩三個人share都ok。仲有甜品芒果布朗尼3.6牛乳雪花冰。賣相起級吸引，完d比較熱野，有醬汁嘅食物，再食雪花冰可以降溫之餘仲可以Refresh下。芒果粒香甜，配埋酸酸地嘅醬汁好清新，沙冰，食落超舒服，仲有陣陣嘅牛奶香味。

喺觀塘打工嘅我哋，呢間小火焰就係我哋嘅最喜愛嘅韓式飯堂之一👍， 因為喺觀塘韓國餐廳唔多，加上要有質素同抵食，呢間係數一數二價錢合理的🥢🥢👏👏😻😻。今日同埋同事兩個人，叫咗兩個set lunch, 已經放到成枱都係，勁豐富🤪🤪😝😝🤭🤭我地叫咗呢啲share食🥢🥢：鰻魚燒蕃茄湯烏冬（轉豬骨湯）：同事唔食蕃茄，可轉豬骨湯，烏冬夠彈牙，鰻魚無咩骨，同事話唔錯😌。香燒牛扒蕃茄湯烏冬：呢個係我成日人必叫指定食物，蕃茄濃湯係我至愛，牛扒份量又超多，重點係牛扒唔係醃到無晒味嗰啲，我好鍾意，加埋個醬汁本人十分推介👏👏👍👍✨✨跟餐可以加錢$10左右狂叫不同嘅小食。。。我地叫咗：小辛辣小杯年糕：份量非常多。。。甜度同辣度都剛好同正宗，抵食😋😋！！涼拌大豆芽：大豆芽好爽同入味，係韓國菜不可小的前菜小食😼😼 甜辣韓式炸雞：呢個邪惡炸雞一碟有四件，真係夠唔晒飽肚，十分不錯😌😌！！飲品就配咗：熱比利時朱古力：朱古力味濃，上有奶泡打得好滑，仲有一塊自家制伯爵茶曲奇🍪🍪俾你送朱古力，細心到不得了👍👍👍😋。凍朱古力咖啡：朋友仔就叫咗呢杯，大大杯，個樣仲靚到呢。。。打卡一流🍹🍹🍹。總結：對我地一班觀塘打工仔嚟講，呢間小火焰

今次同屋企人一齊出街食，好耐冇食過呢間啦，份量多價錢又唔貴，坐得好舒服，特別推介以下菜式🥰🍯柚子蜜糖雞翼炒年糕 $98呢個最好味，柚子酸酸地，再加埋小小辣，個汁好正，加埋有好多年糕同雞翼，呢個一定要食呀🧀芝士海鮮菜餅 $78餅底好薄好脆，配埋芝士好好味呀🥠炸紫菜卷 $38每次食韓國野都好鍾意食，入面有一條條粉絲，出面炸到脆卜卜🍞熔岩芝士炸雞麵包 $188份量超大，超多芝士，除左芝士包仲有好多炸雞同脆片，芝士包真係拉到絲，呢個要多人share，唔係會食唔哂味道 | ❤️❤️❤️❤️抵食 |❤️❤️❤️❤️❤️環境 | ❤️❤️❤️❤️服務 | ❤️❤️❤️❤️推薦 | ❤️❤️❤️❤️5個❤️為滿分