味千拉麵

Open Now

Now Closed

行街見到這個位置開了味千拉麵, 想著已經約10年沒有食過了, 便進去回味一下吧還記得小時候的味千拉麵就只有日式拉麵, 現在餐牌上多了很多選擇!!這個酸辣湯烏冬鍋是有驚喜的, 酸辣湯是酸菜魚湯底的味道, 配上日式牛肉&豆腐, 挺有新鮮感的這款招牌拉麵味道不過不失, 但勝在價錢便宜,我認為我吃的是「兒時回憶」呢!總括而言, 以前的味千拉麵主打拉麵, 現在除了拉麵, 更有火鍋、丼、炒飯、蛋包飯等, 為我們食客提供了更多選擇, 值得一試

第一次寫食評，忍冇可忍。由開業至今，已幫襯很多次。食品好。一直貴公司的服務和質素都好好。但某一男店員，服務態度非常惡劣。面容和態度語氣非常差。就在6月12號下午接待時的語氣態度，無法容忍了。唔講以為同佢有仇。已經容忍很多次。但沒有改善，不會再光顧了。

無啦啦發現變左間味千拉麵，咁就去食啦。入到去自助點餐都幾唔錯，地方乾淨，送餐快，員工又有善。滑蛋豬扒丼雞扒炸得唔乾，香脆可口，湯唔係麵豉湯（有啲意外），滑蛋我要全熟，加上洋蔥好好餸飯。東坡肉飯肉炆到又淋又入味，飯又多汁，老公嫌飯唔夠多，所以搶走我啲飯。

喺旺角中心見到呢間味千拉麵新開，真係好耐冇食了，仲記得以前細個成日食，覺得性價比高，又平又好食。今次叫了一個牛肉蕃茄湯拉麵坦白講，我覺得冇之前咁好食，首先份量我覺得好少，女士食完一個面都唔係太夠飽，加上肥牛都係得好少。話晒都成70元一個拉麵，我覺得可以咁樣可以再多啲。湯底其實係唔錯嘅。另外因為太鍾意食蔥😂加咗$8要一碟蔥，配落去湯底度好好味總結而言，我覺得味千拉麵係香港屹立咗咁耐，真係要俾返有質素客人，客人先唔會遺忘，會繼續光顧👍🏼

今朝十点幾揸住張3蚊優惠券嚟旺中味千拉麵食早餐， 餐種有日式， 西式和拉麵套餐任你揀。 我叫咗個蕃茄豚片煎蛋拉麵和即磨熱咖啡 ，店員好快就送上食物， 賣相精緻， 食慾大增。拉麵爽口好味， 啜一聲就食曬， 跟住食埋隻蛋， 再把配菜粟米連蕃茄湯成碗飲哂， 茄物濃鬱好味， 飲完仲想再飲 ，其他快餐店嘅蕃茄湯拍馬都追唔上。 加上座位舒適， 空間感大， 店員和藹， 食完玩下手機順便寫埋食評都冇人趨你走。 原價38蚊嘅早餐扣減三蚊優惠，35蚊就搞掂，性價比高， 簡直係人生享受 ！

味千拉麵真係好耐冇食，以前多分店個陣食得多啲，呢次甘岩開左係我返工附近，所以lunch 個陣去左食，有午餐lunch set,都幾低食。另外叫咗炸雞都好食，外面食唔到既味

今日去呢間新店食拉麵， 店舖裝修新穎， 坐得舒服，食得舒適。職員親切有禮，我叫咗碗職人叉燒拉麵，好快就送上。賣相好靚， 湯熱香濃， 叉燒軟滑， 溫泉蛋靚，麵質爽口， 食完回甘，連湯都飲曬， 拍得住百幾蚊一碗嘅拉麵， 食完想再食。餐牌仲有好多美食， 好似五花溫泉蛋丼、 壽喜牛肉溫泉蛋丼、 麻辣牛舌拉麵、 最啱素食者嘅野菌醬油湯拉麵、 小朋友嘅飛機或砵砵車兒童餐。 仲有小食柚子蜂蜜手羽、 唐揚炸雞、 吉列蝦餅， 各適其適， 非常好食，梗有一款啱大人或小朋友食。