Video
Introduction
味千拉麵店始創於1968年，發源地日本九州的熊本。
continue reading
Additional Information
The bill be rounded to the nearest dollar
Opening Hours
Mon - Sun
11:30 - 23:00
Above information is for reference only. Please check details with the restaurant.
Signature Dishes
147 views
好多時經過都見倒門口好多人排隊，所以專登搵同事早少少黎攞定位試下係咪咁堅。嘩，點知原來係味精餐一頓。小弟雖然係敏感味精，但係通常都係面紅口乾身痕，真係好少會食完兩啖個頭同鼻已經想爆，重要立刻食西藥去解，嚇到個同事都震哂。唔食得味精既朋友真係唔好去試呀！同事早到，所以佢先叫左自己嗰份推介餐：HK$46 吉列豬扒拉麵 + 汔水：佢好平淡咁講左句：＂豬扒可以話係急涷過急涷＂。餐廳唔大，如果冇卡位或梳化櫈坐，真係好窄好唔舒服。當我坐好後，加單叫今個星期既特價餐時，姐姐仔態度超級惡劣地話因為我個friend叫左個推介餐，我就唔可以叫個特價餐wor!!!我O緊嘴既同時，好彩同事轉數快，話我地兩個分開單咪得囉，真係玩野，張d簡單事情複雜化。 特價餐之豚肉拉麵 + 蟹籽沙津 + 汔水：HK$45；沙津ok啦，但係個拉麵就出哂事。豚肉雖然薄，但係好嚡好硬好韌，劣！湯底超咸，試完第一啖，d味精重谷哂上頭。講真，我飲完啖湯唔舒服到連個麵本身係點都唔係好入倒腦。不過真係好對唔住，就算拉麵幾煙韌都冇用，如果唔可以連湯同配料食，都係嘥料。我地想走時，叫人埋單總共叫左三次先有人理，真係成餐lunch由頭谷到尾。連加一，五十蚊（都未計我粒藥）食碗谷氣味精麵，我一定唔會再做老親囉！
continue reading
早上到赤柱暢泳,下午非常的餓突然很想吃日式豬軟骨於是踏進了..好久不吃的:味千走進去便問問...豬定骨拉麵能+叉燒嗎?起初說是沒有的,但反來又說+$8可以於是豬定骨+叉燒的拉麵終於到了湯底依然是..味精的感覺!--麵太"林"了...唯一讚好的時店員的服務友人身體不適..店員主動的倒了杯熱水還親切慰問!服務態度5星!食物外型不錯,味道尚有更大的進步空間
continue reading
之前只試過超市的豬骨湯拉麵，這天看完兩點場去門市試吓。 原來這裡面積很細，四點幾只有幾個人客。下午茶有不少選擇，例如炒飯、炒麵和其他小食，餐牌上標明拉麵是半份的，果然很少麵！ 配菜不錯，芽菜、海帶、香蔥等都很新鮮，還有半隻鹵水蛋，凍飲不需加錢。
continue reading
這間店舖自從裝修完後，每次惠顧（大約相隔兩個月），都發現樓面最少有一位是新人。（裝修前不會出現此情形）我今次隔了最少三個月才惠顧，仲奇怪，樓面全部都變成新人，包括經理。我大約6時50分到達，一踏入門口，便聞到很強烈的剛剛清潔完廁所的味，坐下後依然聞到。我立刻叫個侍應來，我問她是否剛剛清潔完廁所，她話不是。我話好勁廁所味，她跟住無出聲行開了。（怎可能不出聲便行開了。）跟住個經理行過來，話會開大個冷氣，又問要不要轉枱。我和朋友跟住轉咗枱，經理叫我們坐了最近廚房的枱。當我一坐下，便估到個經理專登要我們坐那張枱。醒目的朋友已經估到啦。因為廚房有煮餸味，便會很快蓋過廁所味囉。食物：-味千拉麵：普通，無特別。豚肉拉麵：普通，無特別。手製餃子：十分油，師傅今次重手咗。我每一口都只是吃到油，吃不到餃子本身的味。粟米沙律：有太多水於底部。另外，沙律醬太少，都唔夠撈。服務：-1）最快送來的是兩碗麵，之後便是餃子。通常張枱如果多過1人，便會自動俾隻碟給你，以便可以share食。但我竟然要叫了兩次，才有人肯拿給我。2）通常都是最快送沙律來，但我們食完麵及餃子後，個沙律仍然未到。最後，催了兩次才到。3）通常個沙律會跟埋個匙來，但竟然無囉。申請會員咭時的服務：-1）當我們點了菜後，百般無聊下睇到做會員有優惠，便叫侍應拿份表格給我。當我交了表格及費用後，等了很久（等到我都唔記得未收到張會員咭），才有侍應拿張會員咭及優惠劵（包括20元現金劵、送一個小食、送一罐汽水）給我。2）跟住我問個侍應優惠劵是否一定要今天使用。她話20元現金劵可以今天使用，其他可以下次使用。（我是問：是否一定，不是問可否！）使用會員咭時的服務：-1）最後我叫埋單，經理過來，我問他可否用那張20元現金劵，但不用剛剛申請的會員咭（我想用朋友那張之前已續了會的咭）。他話不可以，一定要用新咭。跟住，我俾了20元現金劵及我剛剛申請的會員咭給他。不多久，他手持張20元現金劵過來，話要下次才能使用。原來張紙後面寫住申請當天不能使用。（我問了個侍應又問個經理，你們兩個都話用得，最後又話唔得。有無攪錯！）2）我話不用剛剛申請的會員咭去存積分，用另一張啦。個經理即刻無出聲行了開去。我問他是否已存積分，他都無答。跟住另一個侍應行過來，叫我俾錢及話已存積分。（個經理是什麼態度，唔出聲！）總之，這間店舖的服務態度十分差。另外，上至經理，下至侍應，乜都唔知，怎樣提供好的服務。我建議管理層應該好好訓練員工，及唔好再經常換人。
continue reading
日式拉麵店在港已開立了很多﹐各店都主打某一日本地區獨特的拉麵﹐別府, 函館 東京, 博多, 札幌, 北海道﹐九州…等等。所以各店都常常被食客作比較及下結論那家較正中﹐而這家連鎖日式拉麵店的質素側常常被批評為不太好。雖然如此﹐因這店最近推出了與他們一貫出品不同的山形大粟系列﹐而這系列還有四款不同款式﹐所以是晚來到試試他們新系列其中一款 -粟米湯燒豚肉拉麵粟米湯燒豚肉拉麵$ 42 –這粟米湯底與此店一貫較鹹及顏色較深的湯底及超市內甜甜的罐頭粟米湯有別。 這湯底味道顏色是白白的淡黃色﹐味道是淡淡的鹹味﹐很適合不太喜歡過鹹的朋友。豚肉份量大概有六片﹐每片都是厚切。雖然豚肉已浸在湯內﹐但還是熱熱﹐外脆內嫩，肉質很淋有肉汁及帶有很重很香的豚肉味道。過往已不少次來此店用膳亦覺得他們的質素不太好﹐但這次試過他們山形大粟系列覺得此店的新出品質素不錯。湯底已擺脫一路以來食客應為只是死實實的鹹味﹐豚肉亦燒得外脆內軟﹐如這系列款式能永久在餐牌內﹐應能挽回一些食客。是晚這粟米湯燒豚肉拉麵以這價錢得此質素有點驚喜﹐希望他們能保持下去。
continue reading