秋田鐵板燒刺身專門店

Open Now

Now Closed

家庭聚會又一好地方。服務不錯價錢又抵，食物新鮮好味。一行二十多人，一區的鐵板燒吧枱坐無虛席，還要誇過第二區。實在熱閙。先來田園沙律清清喉嚨，即時醒胃。賣相嬌小可愛的原売蒸蛋，熱呼呼的傳來香氣，原來是三文魚籽的鹹香。蒸蛋尚算滑溜，滋味！師傅己準備就緒，拿起工具，一隻隻鮑魚放在鐵板上，鐵板熱度另鮑魚起舞了，還活著的太新鮮了。肉質軟腍容易嚼著，鮮甜美味。跟著是帶子，手掌之大，少許的調味提鮮，己夠入味。非常軟熟。和牛選揀了脆蒜片青蔥和牛薄燒，只兩三下手勢，半熟的和牛卷已在口腔內嘴嚼，半熟度恰到好處，牛脂香味濃厚，配上大量青蔥和炸蒜片，惹味！等待炒飯的時候，大蜆味噌湯先上場。湯底鹹度剛好。大蜆鮮甜，質素高。炒飯配料不少，好豐富。炒得乾身，粒粒飽滿金黃，一啖一啖，絕冇油膩感，滿足。餐後可選雪糕或飲品，甜品控的我，當然雪糕啦！最後燒叮噹紅豆餅，每件大小均一、好可愛喔。用來伴雪糕，一冷一熱有驚喜。

上星期BOOK位  準時1點入座 唔洗等我自選鵝肝配和牛薄燒同事選大虎蝦配美國牛小排坐低無耐 侍應遞上大蜆麵噌湯及田園沙律沙律的醋味 甜甜酸酸很醒胃廚師在鐵枝燒枱上忙著住海鮮其中有一個用獲蓋遮住 原來是鮮三文魚子原殼蒸蛋蛋很滑 鮮三文魚子很鮮甜戲肉---鵝肝外脆內軟 配麵包索去油膩感每一啖都好滿足、好享受脆蒜片和牛薄燒 和牛好味 但個脆蒜片有點苦同事的脆蒜片牛小排也遇上同樣問題牛很好食 但脆蒜片也是苦的同事說蝦很淡 但配上預先擺放的調料醬就很好食炒飯加好多好多櫻花蝦(心心眼)令你每啖飯都充滿著櫻花蝦炒野菜也很好味最後 師傅也即場整紅豆餡餅先整兩塊pancake 再炒香紅豆組合變成 豆沙餅再配order綠茶雪糕(可選雲呢拿/芝麻)一口豆沙餅 一口雪糕真是滋味，捧著肚離開

昨天星期日是每月家庭聚會的日子，我們為數24人訂了下午1點鐘在秋田鐵板燒食肆聚餐，由於人數衆多，要分兩張枱，我們選了$268的鐵板餐，食物相當豐富，前菜有鮮三文魚籽蒸原殼蛋、田園沙律、鮮活原隻南非鮑魚、北海道鮮活帶子、和牛脆蒜片青蔥薄燒卷、大蜆味噌湯、秋田特式炒飯、炒野菜、紅豆班戟和芝麻雪糕，材料新鮮，師傅巧手的烹調，尤以鮮活鮑魚、北海道帶子及和牛薄燒卷，都是精彩菜式，一大班人嘻嘻哈哈，享受豐富滿足的一頓午餐。

為慶祝新同事到來，所以我地就揀左食呢間幾好坐又好味道嘅鐵板燒啦😺 Lunch set有蛋、湯、主食、炒飯、菜、甜品同飲品嘅🙃價格由170幾到300幾都有😀😀 先食個魚子蛋，好滑又唔會過熟！配上粒粒魚子鮮味十足(^^) 鵝肝多士好肥好正！銀雪魚好嫩滑，燒得巧香❤️❤️ 炒飯粒粒分明又飽滿！:-D 野菜就小小苦，不過都香口嘅☝🏻☝🏻 最後新加嘅銅鑼燒即整架，好好食，熱辣辣！紅豆超豐富⭐️⭐️ #2018秋

It’s the first time for me to see the staff using detergent to clean the hot pans while customers are still eating though it’s almost the time to close the restaurant, it is just totally unacceptable and ridiculous, the worst restaurant ever

我地book左6點半, 準時到, 廚師around 7點先到, 但仲完全未準備好, around 7點15分先開始整第一菜 - 蒸旦, 一路整, 一路話我地咁早黎, 好多野未準備好, 好多怨言.                  佢一個廚師負責招呼3枱客共7個人.                      一黎到, 就不停同其中一枱客吹水, 完全莫視另外兩枱客, 最大問題係佢無帶mask, 口水四噴, 完全不顧衛生.                 呢餐飯食左around 兩個鐘, 就足足吹左兩個鐘, 另外兩枱客就俾佢莫視左兩鐘.                   鐵板燒 最尾炒飯係可以整公仔圖案, 當天係我個仔生日, 佢捉議整一7粒龍珠, 個廚師又覺得好難整, 如果整, 要浪費好多時間, 最後整左佢覺得易整木圖案.                                  到最後整甜品, PANCAKE, 又再一次講我地太早黎, 未準備好.               一餐飯 每位7 - 900元, 仲要受廚師氣AND 莫視.                呢一餐, 我相信

Happy Friday 緊系要食好啲！由中環黎左灣仔食好野QRE Plaza一到晏就時間就要排大隊😓前菜有沙律，蒸蛋，我同朋友嗌左北寄貝同和牛卷，食完有麵豉湯飲，仲有樓花蝦炒飯！鐵板師父果日心情靚，整左甜品豆沙餅俾我地食最後最後，有得揀餐飲/雪糕。食到好飽咁返公司做野😝

要留心價錢☺️☺️禮拜四晚收工後同朋友上去食飯，本身見佢門咩餐牌價錢寫二人餐，$7xx，入到去先發現原來係$7xx一位，不過我認係我眼大無睇到，但預估消費貴左一倍😂😂人生第一次驚喜😝😝因為我地收工後就去，算早入座，入到去間餐廳無客，得我地兩個，店員安排我地坐其中一個鐵板燒枱，本身以為慢慢會好熱鬧，即係同枱會有其他客，師傅又不斷燒咁，點知最驚喜既係原來今晚得我地兩個客，即變相包場😇😇咁鐵板燒又有個師傅專登服務你，直頭upgrade左成個感覺。當晚意外地有極佳氣氛咁同朋友傾左晚計😏😏

想食鐵板燒，又唔想自己動手，可以來秋田。環境舒適，服務亦好！簡簡單單，我和友人揀了「櫻」！我選虎蝦+銀雪魚朋友選虎蝦+鵝肝先來個沙律，好新鮮，好味道！開始即場煮食，有蒸蛋🥚同步進行剝蝦殼及去腸，師傅手勢純熟，很快手！蒸蛋很滑溜👍🏻我地一面品嚐蒸蛋，師傅繼續烹調主菜銀雪魚🐟鵝肝虎蝦🍤及湯🍵炒飯🍚及雜菜🥦最後餐飲或雪糕🍨，二選一。雪糕有芝麻或者綠茶味，真係好飽，好滿足！晚餐價錢貴好多，午餐真係好抵食！

我喺灣仔街坊以前久唔久都會上去食鐵板燒, 佢愈做愈差, 零服務外,十分鐘食完一個套餐, 同茶餐廳差唔多!冇回頭!其實佢哋食物質素唔錯只係畀班員工累死..............................

一家五口和爸爸慶祝生日。之前在尖沙咀諾士佛台秋田食過，覺得都不錯，再加上炒飯砌字這個gimmick，希望為爸爸和家人帶來驚喜及愉快的記憶。我們星期五晚上去，人不多，我們一家五口和另外一對情侶共用一個鐵板，環境算舒適。我們叫了約＄600一位的秋田鐵板燒餐。有龍蝦，銀鱈魚，牛排，分量相當充足，食完真是飽到一個點，炒飯亦要打包回家吃。以份量來說，這個餐真是非常抵食。首先我要稱讚我們的師傅，他看來相當年輕，非常有禮貌和親切，一直和我們談笑，我們一家都吃得很開心。不過在食烹調方面，可能我們家人比較要求食物要熟，少鹽少油，這點始終都找不到一個理想的平衡。整體感覺是太油，和偏鹹，回到家大家都有食濟的感覺。不過始終師傅由頭到尾都和我們保持溝通，這點我們是很讚賞的。問題出在一位女服務員。她由一開始已經黑口黑面，非常不幸地，她兩次在收拾時將食物及碗碟打翻，其中一次更把熱湯淋在我們其中一人的腿上！另一次就將全部收回的碗碟全部掉在地上，令人嘆為觀止。師傅和其他店員看在眼裏，他們都有賠不是，說她是比較論盡，亦免了我們加一。雖然這位服務員沒有太影響我們的心情，但是總結來說，我就覺得這一家秋田試過一次就夠。

早幾天預約已經沒有鐵板燒座位了，得坐刺身bar，也好，不用一身油煙味。不過上次來坐鐵板燒前面看著師傅煮食也很有趣。叫了一個楓，一個桃套餐。（沒記錯的話...反正都是168的套餐）沙律吃了大半才拍的照，本來是滿碗的。就，一般好吃的，酸酸的前菜沙律，沒什麼好說的。日式蒸蛋很熱很滑，裡面沒什麼料，但配著三文魚子吃也不錯。鵝肝燒得頗香口，但麵包吸了油並不脆。選了燒鱈魚，也燒得頗香甜，實物非常小的一塊看著有點尷尬。另一個套餐選了虎蝦，尚算彈牙。牛柳粒不會硬，但有咬口。蒜片很香，但比較硬不夠脆。雖然主菜份量不多，但一大碗櫻花蝦炒飯絕對夠塞飽你。飯炒得很乾身，櫻花蝦也很多味道很足夠。吃完飯有點飽了還有一大碟炒雜菜，帶點日式醬油香的普通炒菜。最後可以選要飲品還是要雪糕。冰冰的有幾個味道可選。灣仔的午餐以這個價錢這個質量來說CP值算很好了，吃得飽味道也不錯，其他服務方面的沒什麼出彩但也挑不出刺來。是家會反覆來的餐廳。

30/11/17 Lunch與朋友中午飯聚相約灣仔鐵板燒，QRE依一間當日全院滿座。三個鐵板間格，每個約有十個座位通通坐滿人，可以強烈感受到灣仔中午搵食真唔容易。中午set lunch menu單人既約有三，四个；二人前就二，三個選擇。 價錢就響$168至到$700之內。食物與師傅手藝水平屬於中等( 唔差亦唔突出)，份量係會食得飽。 雖然坐得有点迫夾但以鐵板燒嚟講價錢合乎等值，所以做到全院滿座係合理嘅。如果可以的話，希望餐飲杯咖啡能夠係日式咖啡。咁樣“日式”鐵板燒感覺會強烈一啲。響合和區如想食鐵板燒，此處可以一試。

We chose the dinner set which was close to 600 plus per person. The set looks promising on paper but was a total let down in reality. Mediocre quality and definitely not worth the dime. Spend your money elsewhere.

上星期三晚上，多謝Carven一早就訂咗枱，等我工作忙完後去灣仔會合佢。這𥚃午餐的鐵板燒已經嘗試過數次，晚餐確是首次。🤔坐低後，當然一如以往等待師傅將食材逐樣逐樣烹調給我們享用👏🏻待應將上圖☝🏻六碟前菜先放下，然後我哋慢慢食，慢慢睇師傳表演。菜式我就不多介紹了，附上照片大家可以睇睇。不得不講師父烹煮此龍蝦時，將酒倒落去蝦頭和蝦身，好大🔥，精彩👏🏻最後值得一提嘅趣事😘師傅問我想整咩公仔，我話我都唔知呀🤔跟住我話不如你整隻蠍子啦，師傅望住我，個樣好無奈，我好似俾咗一個難題佢，我話唔緊要啦，你鍾意整咩就整咩啦，佢話好啦。結果隔咗一陣間，佢就入嚟攞住部電話俾我睇，佢話我就整呢隻蠍子俾你啦，我好開心咁話好呀😍結果師傅就好比心機咁整左隻蠍子俾我。最後師傅都忍唔住手要幫隻蠍子影張相，佢話從來都冇試過整過蠍子俾人囉🤣多謝師父咁有心機，好有heart, 好開心😊