秋田鐵板燒刺身專門店

Open Now

Now Closed

 因睇左些負評, 抱住戰竸的心情食這個生日LUNCH,但喜出望外, 兩個人去, 叫了兩個$288餐,  全部也好好食. 睇得出司傅有心機煮.  食材也新鮮. 炒飯雖然冇公仔, 但炒飯都係食落肚, 公仔畫得靚唔靚巳經係其次, 廚師是廚師, 不是晝家. 薄牛燒同牛小排比較, 我比較鍾意牛小排 (5成熟)😊😊也好好食

今日突然想食日本野，於是去秋田食個lunch。無book位通常無位ga，不過今日好好彩walk in都有位。睇見隔離枱個壽喜燒好大鑊，於是我都叫返個！先有個沙律做前菜，仲有個蒸蛋勁好食！主角牛肉壽喜燒好大鑊，熱辣辣幾好食，不過牛肉就少左d，得3片，如果大食ge就會覺得唔夠食啦。最後可以要餐飲or雪糕，我叫左雪糕，有芝麻同綠茶揀，我揀左芝麻，芝麻味幾好味，唔錯以呢個價錢黎講，係正常ge，如果牛肉可以比又幾片，就性價比滿分啦p. s. lunch time好多唔同層ge人都搭,要等一段時間

今日同同事慶祝生日, 壽星揀咗秋田食lunch，記得醒目book咗位先呀！我哋lunch time 上去，咁啱同lift嘅都係去秋田，可想而知如果冇book位就要等好耐啦侍應好快就安排座位，環境係寬敞舒適嘅每一台都有一點距離，傾偈都唔怕嘈到人。我哋都叫左套餐，可以喺幾款食物裏面揀兩款，我揀咗大蝦同和牛，好快就上咗前菜- 魚子醬蒸蛋啦！成個餐有一碗蟹子魚子炒飯、炒菜、主菜和牛粒同大蝦，每樣都好高質素，比起平時嘅日式餐廳好食一百倍🤣🤣最後仲有雪糕添！特別日子黎秋田真係好好呀！滿意得令人好期待下次嘅來臨

假期和家人及小朋友打算幫襯大眾化鐵板燒小朋友有魚類敏感想告訴女侍應可否煮熟上或最後先燒銀雪魚女侍應不屑地說： 我哋沒有爐在廚房不可以燒定我哋問可否最後先燒銀雪魚，她說做唔到因為驚搭枱用嘅食客會嗌魚（當時根本冇人搭枱）佢要求我哋即刻嗌同埋食快啲總括所有員工趕住收工嘅態度很惡劣完全不建議大家幫襯最後嬲嬲地去咗灣仔令一間貴一倍嘅鐵板燒

較早前未放寬晚市堂食，唯有中午同媽咪去食個團年午飯。大家都知道鐵板燒平均每位都要500至$800一位。真係冇諗過呢間餐廳咁抵食。而且套餐有好多選擇，豐儉由人。同媽咪食團年飯梗係要食豪啲，我哋就點左個龍蝦鮑魚套餐。我哋揀咗坐係廚師前面座位，可以睇住廚師廚師煮俾你食! 新鮮龍蝦兩食- 廚師首先將龍蝦去殼，留頭及殻去煮湯，龍蝦肉鐵板燒。三文魚子蒸蛋 - 蒸蛋超滑，魚子鮮味。原隻鮑魚切件鐵板燒，爽口彈牙。另外一個套餐，我就encore 加左件鵝肝多士。太耐冇食鵝肝啦！鵝肝個邊香脆內裡口感嫩滑。呢個真係好味又唔油膩。之後，我就㨂左小牛排，媽咪就揀左和牛薄燒卷。唔記得左影相。呢個小牛排口感有啲韌有根，如果係其他部份會好啲。呢個係佢地嘅招牌秋田特式炒飯，炒飯香口粒粒分明。加埋樱花蝦唔錯！個廚師好用心機炒👍🏻最後配埋呢個新鮮整嘅叮噹豆沙燒餅，完滿啱啱好。今次午飯整體好味，除咗個小牛排比較韌難咬，其他全部我哋好滿意！下次返去試吓其他套餐先！😋😋

秋田從來都唔會令人失望，今次都一樣，疫情下無得堂食晚餐，改食午餐太太生日鐵板燒。 點左二人前午餐鐵板燒，有松露蒸蛋，活伊勢龍蝦兩尾，伊勢鮮活帶子，法式香煎鵝肝，炒雜菜，和牛炒飯，甜品。 鐵板燒通常都好多油，但今次個廚師油量適中，味道重合哂我口味，食物份量唔好以為好少，但食到中段都飽飽地。 之前食開晚餐，廚師重會表演下手勢，拋蛋，炒飯砌公仔咁，但疫情關係，無哂呢d表演，可能趕多枱客啦。 呢個完全理解，唯有等到疫情無咁嚴重，再返黎食啦

之前曾經係尖沙咀分店食過兩次，廚師有禮貌，都幾好服務，今次係灣仔分店食就出哂事，廚師趕住收工，未開始就同你講定會食快小小，平時煮個龍蝦會倒d酒起火，今次完全求其煮熟d嘢食就算數，快到主菜先食緊已經上甜品，如果趕住落場，係book位時係咪應該同客人講一聲，之後想叫兩杯凍檸茶可以話剩反一杯，成餐飯50分鐘內完成，食得鐵板燒都係想休閒d食，食個差唔好多千五蚊一餐飯，d服務不知所謂，唔會再幫襯。

從初中開始，BBQ是中秋節必吃的！原因已經無從考究！學生時代，會到郊野公園圍着火爐燒烤，工作後，升級吃日式鐵板燒！今年受COVID-19疫情影響，郊野公園燒烤場禁止使用，限聚令生效，只安排了和同事，２人吃迎月午餐。點了２份「桃」１人前套餐：#鮮三文魚籽蒸原殼蛋，賣相100分，味道也很好！#田園沙律#鮮活南非鮑魚，好好味！#鮮活伊勢龍蝦，本來是配冰鮮龍蝦，但當天缺貨，每人加45元(共90元)升級至鮮活龍蝦，好味！#脆蒜片美國牛小排，肉質很嫩，好吃！#龍蝦味噌湯#秋田特色炒飯#銅鑼燒#芝麻雪糕，非常喜歡！

訂枱13:30 兩位 去到都好full, walk-in估計要等，坐table因為打算既吃鐵板餐也訂don.. 點了$188鐵板選了銀鱈魚及帶子，嫌肉太少另加$68追加蝦！朋友選了C餐，甜蝦三文魚籽馬糞海膽吞拿魚腩蓉井，都是新鮮好味，飯份量適合！

相約友人12:30來午膳 點了極上秋田特選海幸井 因為叫了少飯 所以賣相與don不同（$268）及精選壽司配鰹魚湯烏冬 刺身肥美及新鮮 非常不錯 款式多！套餐配上沙律 麵鼓湯 蒸蛋 甜品雪糕或飲料 ！

最近因為疫情少了約朋友出來食飯，見現在放寬了限聚令至四人，咁啱朋友又放假，一於約出來食餐飯，咁難得至可以飯聚，當然唔可以求求其其食一餐啦！🥳🥳我叫了一個$188而朋友就叫了三個$198的一人餐，其實兩者最大分別是想唔想食牛，我呢日就想食海鮮多啲😋佢哋每道菜都煮到剛剛好，食材又夠新鮮，真係好好味🤤🤤咁開心當然另外叫了🍺🍺🍹🍹飲啦！睇佢個份量好似唔多，每樣一件，但如果你唔係超級大食，應該都會夠飽，仲要係有得同廚師交流，唔係淨係坐係度食食食，是日午餐食得相當開心。😂😂呢間餐廳我幾年前都嚟過食晚餐，當然價錢就不是午餐呢個咁抵食的錢碼啦！所以今次午餐以食鐵板燒來計，這個價錢真係物超所值，下次再放假都想再來食多次。💕😍😍實在抵擋不了的美味，在9月23號再次光顧今次更加令我要對這店舖的職員給予高度讚賞由於朋友好想來一試，但只可以在兩點後才趕到來，在訂位時已被通知Last order是兩點半，當天下著黃雨，我打算先來取位，來到時是一點九，還有45分鐘才到訂坐時間，平時一般食肆會叫我企埋一邊，但他們很好，對我說鐵板燒坐位暫時未有，不如先往店內坐下好過企在門口咁辛苦，之後就被安排了我坐在食刺身的坐位，等了

13:00 入座 點了$188 櫻 兩個餐 朋友點了鵝肝/銀鱈魚 ，我點了蝦/銀鱈魚 。先送上麻醬沙律 再來主菜 炒菜 味道不俗 還有面鼓湯、炒飯 紅豆銅鑼燒做甜品 可選熱飲/雪糕作結 吃完才發現沒有送上蒸蛋

一入到黎感覺舒適，服務員安排品錯我地點左鹿兒厚切餐前小食～中間個蟹膏玉子鮑魚處理得不錯～煎得剛剛好龍蝦🦞好鮮甜鵝肝多士很大件，不過生左小小，多士可以煎脆D第一次鹿兒島和牛～～同場有另一客人生日，大家都話用hellokitty做圖案～不過唔係咁似～炒飯還可以～最後甜品

疫情下一直未食開年飯😷老細話條Team呢段時間workload咁大可能都關事😂所以點都要食返餐轉下運💫老細點名去呢間就喺公司隔離果棟大廈鐵板燒一向價錢較貴，晏晝食價格相宜d.📍楓（$198）個set包左前菜2款、海鮮、肉類、炒飯、炒椰菜、湯同甜品2款前菜係胡麻醬沙律🥗同三文魚籽蒸蛋🐣海鮮方面草根姐姐就揀咗活帶子🐚帶子牛油味好香🧈，不過燒得有啲熟🤭而肉就揀咗蒜片牛小排切成粒嘅牛肉肥美又Juicy🐃食落好香好油潤生熟程度剛剛好肉質軟腍唔會韌😋👍🏻估唔到炒飯係約另一個亮點🍚加咗煙肉粒🥓、櫻花蝦🦐、蔥爐同珍珠米去炒食落超香之餘飯粒仲軟綿綿🥰完全冇Hea到你另外仲有一碟炒椰菜🥬同味噌湯🥣最後仲有紅豆蓉銅鑼燒同雪糕做甜品🍨全程服務唔錯有不斷幫你加茶更重要呢餐係老細請，食得更加開心啦🥰

假日午餐，之前預訂了bar 枱，第一次光顧，感到環境十分之整潔，裝修高級時尚，座位寬敞，走嘅時候衣服也不覺得有油煙味，侍應和廚師服務態度很好，最重要價錢合理。廚師在客人面前即時烹煑食物，材料新鮮，能夠近距離欣賞廚師烹調技術，一大視覺享受，食物烹煮的香味，非常之吸到味蕾。廚師很健談，主動與問客人吃的要求，對食材的介紹及預備的過程等等，看得出廚師的用心和對食物的堅持。廚師及後知道我在外國的好友當天生日，炒飯時造出心形效果，十分之有心思，我拍成照片及稍為加一些貼圖，WhatsApp給好友，好友驚喜萬分。一間十分值得Encore的高級餐廳