土耳其風格 (Closed)

土耳其羊肉卷🥕羊肉卷$55卷餅卷好烤好既羊肉，羊肉用左土耳其既醬汁去烤好惹味，加上羊肉烤得剛好好juice 又不會鞋口又不會羶，再配上生菜、沙律醬，加上勁多汁，材料豐富，食完好滿足！======詳情======土耳其風格天水圍天湖路1號嘉湖新北江商場1樓F9A號舖================

外賣見到土耳其餐廳 梗係要試下😋😋異地烤羊肉卷餅（$58）薄薄既餅皮軟糯煙韌🤏 夾上烤好既羊肉 唔會羶 很惹味👍 加上生菜 沙律醬 味道好清新🤗浮雲沙律（$30）生菜同肉份量不少 薄荷醬加沙律醬味道清新😋 但生洋蔥略嫌太多 味道太辣了 但都算幾抵食😊燒雞皇（$54）大大隻雞槌 仲有雞件 份量十足 味道濃郁惹味 反叮之後 雞肉唔乾 有驚喜👏

行街見到有土耳其菜已經好想試但得少數族裔幫襯，冇咩香港人終於今日走左去試本身諗住叫個下午茶漢堡點知老闆話得番卷，變左去試烤雞卷等左幾分鐘已經有得攞去到攞既時候，老闆拆左盒檸檬茶放入袋話請我飲係超好人既老闆講番個雞卷，兩件加埋好大份真係要好肚餓先食得曬裏面夾左好多菜同肉，感覺飲食好均衡同埋個雞唔鞋，一路食都有好多肉汁

上星期剛從土耳其回來，便上試下異國料理與本地味道有何差異？:！原來到土耳其餐廳，來到原來發現餐廳店主是巴基斯坦人相當熱情❤️，極度推薦圖1叫了一個燒羊肉卷餅，添加了大量配料，芝士雞肉牛肉羊肉，羊騷味不重、烤肉肉質乾度刚好。！

同朋友傾開計 之前係OpenRice見到 想搵呢一間野 但搵唔到 🥺 點知朋友知道係邊頭 帶我去 去到就諗住食個輕食 雞卷 chicken kebab朋友想食個燒雞脾 問一問價錢話$25 嘩 有d貴 無叫到 🥱就叫條雞卷啦～下午茶時間$40 （原本$45）都OK嘅～正常一條 切開咗 方便食 返到屋企先試吓先～ 試過食尖沙咀連鎖店嘅kebab 餅皮比較厚 呢間比較薄 所以食完半條都唔會話超飽嘅 不過雞肉當然都唔會太多 醬料各方面都正常但唯一做得不太好嘅就係佢包得唔夠緊 鬆鬆地😣

係由少數族裔人士經營打理👍🏻👍🏻多多支持叫咗兩樣食物，整體來講都幾滿意會有下一次幫襯😻羊肉土耳其卷，一份會有兩卷，一個成年人淨係食一卷都已經夠晒飽。超級滿足👍🏻👏🏻有好多汁好Juice，可以自由調節辣度。仲有飯可以簡。不過呢個都已經成$50有啲貴，但係除翻開兩個人食，價錢都OK。叫咗炸雞薯條，但係佢另外送咗啲青瓜沙律俾我哋，搭埋左一齊成件事比較混亂😅搞到啲薯條同炸雞都唔脆。啲炸雞有d鹹，同我想像嘅炸雞外表有啲唔同，應該係烤雞黎

之前由天盛搬到嚟新北江,開咗幾個月,諗住好耐無食過,晏就就去食下啦.menu同之前都係一樣,照嗌番就得,咁我就嗌咗個牛肉卷餅,食物就保持番之前嘅水準啦,不過就無找錢我,希望會注意番