Video
10-min walk from Exit D, Kwai Hing MTR Station
continue reading
Telephone
26179997
Opening Hours
Today
11:00 - 22:00
Mon - Sun
11:00 - 22:00
*Last order: 21:30
Above information is for reference only. Please check details with the restaurant.
喺屋邨商場有間印巴咖喱餐廳實屬罕見、一直都唔夠膽試因為資料唔太多、完全冇主menu 資料、大多數都係lunch啲普通咖喱睇相令人卻步。但原來午餐都有一系列advanced curry, 其中有Chicken Biryani 算係一款適合做第一次試嘅菜。結果比想像中好！原來呢度係有主menu、正宗印度咖喱款色絕唔欠奉、從此就開始encore 。呢條邨位置頗隔涉、都係街坊多、店夠寬敞、人流氣氛感覺良好。巴基斯坦老闆（？）100% 廣東話OK！【 Chicken Biryani 】睇老闆廚師心情、竟然會玩下變樣、隻蛋可能會用蛋包飯形式登場。【 Saagwala Chicken 】菠菜雞咖喱絕唔遜色、同出面好多印度餐廳不相伯仲、算有啲估唔到。Naan 就弱啲、又唔係好夠喉咁、但午餐價係包埋naan所以係冇得投訴嘅。呢間其一賣點可能係啲甜品、註明「爸爸自制」話係巴基斯坦雪糕。亦有【熱情孖寶】etc.【 Masala Ice-cream 】原來係雪糕加咗Masala香料味、第一次食。入面仲加咗果仁。原味清淡恰當、另有一款係用玫瑰花蜜款做topping。
continue reading
看了食評，抱著希望嘗試正宗印度餐，坐了半小時綠色小巴到這個商場餐廳點了個咖喱雞餐，結果期望與實際落差甚大，個人觀感，就連附近的大快活差不多價錢的咖喱雞都要比佢好，先不說咖喱雞分量有幾少，味道與重慶大廈的印度餐廳相比，相差甚遠，俾人的感覺就是將貨就價，唯一可取的是，燒餅的分量夠多，亦夠熱，服務態度亦算良好，這種體驗一次就足夠了。
continue reading
今日心血來潮，決定嚟一場味覺探險🧭。点了份瑪莎拉燒雞同咖哩薯仔燴蝦，可以講得上係味道駕馭得宜，唔係普通嘅水準。話說佢個瑪莎拉雞，肉質滑嫩，有種香噴噴嘅炭香味，每一啖咬落去既有咬口又唔會太乾，啖啖肉的感覺真係過癮到爆！而嗰個咖哩薯仔呢，講真，係我食過最惹味嘅一次，香滑嘅薯仔爛到出神入化，湊埋啖啖咖哩汁嘅蝦仁，卡滋卡滋，真係夠晒彈牙！當然，點可以少得佢個招牌Naan啦，腍到化，熱辣辣嘅蒜味輕輕一撲鼻，沾上那醇厚嘅咖哩，完美！至於芒果乳酪呢，就有啲驚喜，一點點酸酸甜甜，清新完結這場南亞美食之旅，喺這種炎炎夏日中，真係解渴又解膩🍮。實話實講，小店雖然不起眼，但佢個“物超所值”嘅平民美食，絕對係隱藏嘅美食寶藏！落區要留意吓，搵食寶兜住轉，支持下地道小店，仲可以捧個肚回家！🍴✨🏠
continue reading
【葵青區】【Ali 爸爸餐廳】之前走咗上嚟葵盛東搵嘢食，咁我自己就食咗碗麵先走，其實我仲買咗啲零食走。不過我想講嘅唔係物質上有啲咩拎走咗，而係想講我喺度發現咗一間巴基斯坦菜嘅餐廳，佢好似印度菜咁，都係食嗰啲差唔多嘅嘢。發現新大陸第一時間就梗係話畀朋友知，佢都大感興趣，於是過幾日就真係走咗去食。首先一人叫一個「優惠套餐」share 食，一個係 $90 嘅「咖喱羊燴薯仔」配「白飯」，一個係 $75 嘅「腰果醬燴雞」配「芝士烤餅」。前者略嫌平庸，白飯亦都唔係印度飯。後者幾有驚喜，腰果醬香濃之餘，雞亦都整得幾好。加上烤餅都好厚實，加入芝士之後口感更綿密，而且仲做到港女至愛嘅「拉絲」效果。如果有下次，我估我會再叫返呢個烤餅嚟食。之後見到啲「廚師秋冬推介」都幾抵食，幾方便我哋呢啲乜都想試吓嘅顧客。我哋要兩件「鐵板燒烤龍脷魚柳」，今次加「洋葱烤餅」，價錢 $55。個魚柳燒到外面少少脆，裡面就好嫩滑，功架十足，係真係得喎。反而個烤餅配洋葱就略嫌爭咁啲味，洋葱係夠，只係之前嗰塊芝士太邪惡，冇計。另外又叫咗份都係兩件嘅「鐵板串燒烤雞柳」，今次唔加嘢就 $35，佢哋整嘅雞我覺得都係幾好食，唔同我哋平時食開咁，但都係好正。之後係甜品，$35 嘅「印式雪糕」（Malai Kulfi）口感幾特別幾爽口，唔同我哋食開得鋪滑嘅雪糕，仲有啲花香味，得意。另外就係 $40 嘅「甜奶球」（Ras Malai），用花奶、煉奶之類浸住啲光酥粒之類嘅嘢，幾甜，幾好食。餐飯最後 $326 埋單，特色菜嚟講係唔錯嘅價錢。見到門口有啲小朋友嘅畫作，背後搵返資料原來都係一個溫馨嘅故事，有興趣可以上網搵吓，我唔喺度交代喇。不過個報導講嘅「招牌菜」係菠菜牛腩、串燒雞、印度奶茶，大家都可以一試。。。（地址：葵涌葵盛圍63號葵盛東商場地下8號舖）#1amfoodie #foodie #hkfoodie #thatfoodiething #hkfood #food #1ambackup #1am0660 #tasty #globaleats #tastyfood #dessert #foodpics #followforfollowback #love #eat #1am葵青區 #葵芳 #Ali爸爸餐廳 #葵盛東商場 #咖喱羊燴薯仔 #腰果醬燴雞 #芝士烤餅 #鐵板燒烤龍脷魚柳 #洋葱烤餅 #鐵板串燒烤雞柳 #印式雪糕 #MalaiKulfi #甜奶球 #RasMalai
continue reading
咖喱鷄燜薯仔 $44Chicken Curry With Potato咖喱羊肉燜薯仔 $55Lamb Curry With Potato印度薄餅Naan 🫓烤得唔錯，好煙韌！雜菜咖喱角係咪指要自己蘸咖喱汁🤣？因為入面得雜菜。咖喱唔算好香，雞肉一般、羊肉夠嫩而且唔羶。飲品Drinks: 芒果乳酸Mango Lassi +$15 乳酸味足夠，芒果味就….Masala Tea +$8唔算好香，比較淡！無糖百事可樂Pepsi +$0
continue reading