阿里山 (渣菲大廈)

Open Now

Now Closed

.#哈比四圍食 #因為大少好鍾意食蛋糕同埋麵包呢一類嘅嘢食，所以成日行過人哋啲蛋糕舖聞到好香佢就會忍唔住買🙈今次我哋喺銅鑼灣行街佢又買咗兩盒蛋糕😅佢話呢間幾特別，有榴槤味可以揀，平時好少見到有榴槤味嘅蛋糕所以佢就忍唔住買來試吓，仲要新鮮熱辣辣啱啱焗起，超級香🥰🤩D24果肉榴連 $60 ，呢陣香味就不得了，蛋糕仲好軟熟除咗好重榴槤味仲有好香嘅蛋味😋另外我就揀咗個四重芝士味，有Parmesan Cheese、Cheddar Cheese、Mozzarella Cheese、Cheese Powder，超級香濃嘅芝士味，口感又豐富又軟熟🥰.➡ 阿里山 (銅鑼灣)銅鑼灣景隆街6號渣菲大廈地下AB號舖

銅鑼灣近排開咗一間叫阿里山嘅古早蛋糕店，地理位置十分方便，只係喺sogo後面地鐵站行過去唔需要五分鐘就已經到，近排香港好興食古早蛋糕，不過有咁多味道選擇嘅古早蛋糕店真係好少見，阿里山呢一間古早蛋糕店嘅蛋糕款式十分齊全，最surprise係仲有特別口味，例如榴槤味，香芋味呢啲，不過今次我就想試佢嘅芝麻味，佢嘅芝麻味每日會做兩底，係全店最好賣嘅味道之一。 芝麻味蛋糕上面鋪滿住好多芝麻粒，食落去有好香濃嘅芝麻味， 蛋糕鬆軟，而且十分大件，基本上一件可以切到六至八塊， 味道唔錯, 而且價錢只係六十幾蚊, 真係超值。 鋪頭仲有奶茶賣佢嘅奶茶係師傅靚茶， 單埋要25蚊但係買蛋糕再買奶茶只係需要20蚊就可以，十分抵飲， 另外鋪頭遲啲好似都會推出千層蛋糕，十分期待。

今日路過呢間阿里山古早味蛋糕，望落有啲吸引，大大間，好似幾乾淨企理咁。想買，但今晚約咗朋友食飯，驚買太多會夜晚食唔落飯，就少少哋咁買半個，當食個Tea。雖然買半個比起買原個會相對冇咁抵買，但好過食唔晒，浪費嘢食啊。日本柚子蜂蜜（半個）$60呢間古早味蛋糕價錢唔算特別抵，但一分錢一分貨，用咗日本柚子蜂蜜，成本當然貴啲。呢款嘅蜂蜜味比較重，所以會相對甜少少，但都算係甜得自然。蛋糕食落幾濕潤，有彈性。表面佈滿柚子嘅外皮，柚子味濃，鍾意食柚子就啱晒啦。買蛋糕加$20可以有支冠軍師傅整嘅奶茶，不過如果食蛋糕再加埋奶茶有啲邪惡，我都係下次先加啦。臨走前發現呢度仲有千層蛋糕同撻賣，有機會再試。

古早味蛋糕都興咗一排，但都未食過🤣🤣🤦🏻‍♀️今次見到sogo後面開咗間新古早味蛋糕🧁決定試一試佢！.見到蛋糕口味都有幾多，不過就唔係每一日都有曬咁多種味！我去當日就有7種口味，有幾款都幾吸引。佢特別嘅係有唔同size揀，唔洗驚一舊會太大食唔曬，我今次都係揀咗要細size試一試先🤣濃郁朱古力 （細）$50佢面頭有啲朱古力粒，老闆話佢中間重有啲流心朱古力🍫！成個蛋糕質感都幾鬆軟，味道唔會係好甜個啲，偏向健康感覺！我食嘅時候冇特登整番熱佢，所以冇流心嘅效果，不過都食到中間有軟心朱古力🍫😋😋個啲位朱古力味會再濃啲，口感味道都會更上一層！細size唔係太大舊，2-3個人share岩岩好！見佢舖頭除咗有古早蛋糕之外，重有啲檸檬撻同朱古力撻，賣相都幾靚仔。佢重有個雪櫃有凍奶茶賣，重要好似係金茶王冠軍出品，不過我今次冇試到，大家有興趣可以試下🤣

呢間係銅鑼灣新開幕，方便我呢啲都市人，仲有間分店係紅磡今次買左個大size嘅古早蛋糕～朱古力味$80食過咁多間古早味蛋糕，呢間最推介👍🏻👍🏻表面啲朱古力拉花拉得好靚，仲有好多朱古力粒🍫個古早味蛋糕好有蛋香味，而且非常鬆軟，好軟密，唔會太空氣感自己切可以分到10舊，唔係細細舊咁！所以買大size超抵食，常溫可放1天，冷藏可放3天我第2日就食晒，食前可入微波爐或氣炸鍋整熱熱熱地啲朱古力好流心，氣炸表面會脆脆地成達朱古力入蛋糕內，好足料好抵食！P.S::: 佢仲有自家咖啡可以加配，食個蛋糕飲杯咖啡好chill☕️另外仲有師父靚茶可加配，咁出名都要試埋！

۵ ❥ ALISAN BAKERY⋆ ۵✑ ✑四重芝士古早味蛋糕（大）$⑀➴ 阿里山台灣古早味蛋糕每日新鮮出爐店內自家製😻😻剛出爐聞到新鮮蛋糕香 真係忍唔住買一份四重芝士 $85表面灑上芝士粉 內餡有流心芝士蛋糕好軟綿綿而且濕潤濃濃蛋香阿里山多達15種口味供選擇 特別推介香港金茶王大賽得獎師傅合作製作嘅奶茶 已有多款台式飲品買任何蛋糕加$20就可以換購好香滑！/✿. 𝚈𝚞𝚖：𝟰/𝟻𝚁𝚎𝚟𝚒𝚜𝚒𝚝﹕𝟰/𝟻𝙿𝚛𝚒𝚌𝚎﹕ $100/𝗵𝗲𝗮𝗱˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 阿里山 (銅鑼灣)銅鑼灣景隆街6號渣菲大廈地下AB號舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

阿里山係銅鑼灣開左新店去試試🙂店主話驚大件裝d人食唔曬，所以特別整左細件裝for客人購買，好的式精緻，細細件，同我隻小蒼鼠bb芝芝差唔多咁既size😍如果一個人諗住自己食下輕食下午茶，買番件cake，買細件裝就啱la，夠曬細件輕盈🥰細件裝只係50蚊za，係咪好抵呢😬小明為食餐單: 椰香紫薯🍰 $50(細件)表面有絲絲椰絲，好香，入面係香滑紫薯，微甜帶有紫薯香，仲有一粒粒紫薯肉夾係中間，食落健康又好味😋

呢幾日行過銅鑼灣SOGO 附近，總係聞到好香，好香既蛋糕味！原來係阿里山台灣古早味蛋糕在銅鑼灣開舖🥳🥳最後都忍唔住手，買左幾隻味嚟試吓😚😚每個味都好想試😋😋濃郁朱古力表面既朱古力粒粒，同入面既朱古力蛋糕好夾，入口有兩，三種朱古力感覺，好有層次感😘😘日本柚子蜂蜜表面有一粒粒既柚子，連埋蛋糕一齊食，好有口感，好有新鮮感！有一層層既蛋糕蜂蜜蛋糕😙😙椰香紫薯表面有椰子碎夾埋中間既紫薯蛋糕，好好味😋我愛紫薯🥰🥰四重芝士表面已有芝士粒，加埋芝士蛋糕，成件事情都好芝士..成個蛋糕個口感都變成芝士幾重奏😝每個蛋糕都好鬆軟，好厚低，仲好香既蛋糕味，點先做到呢個效果呢？每舊蛋糕原來最基本要用60-70 隻雞蛋做出嚟既蛋糕先會咁好食，咁鬆軟，咁香😍😍😍而家買任何蛋糕，加$20 就可以換到奶茶😊

今日落極大雨，中午時間專登用半個鐘走過來買古早味蛋糕🧁~聽講呢間唔錯！！ 一於試下先~呢度嘅蛋糕有好多口味揀，足足有成十幾款啊！有芝士味、肉鬆味、仲有特別嘅榴槤味…真係實有一款啱你呀 kekeke ~因為剩係買咗盒迷你細盒裝！！拎到返公司同事都好想食~不過細細盒就唔分俾佢哋喇 如果自己會唔夠食 哈哈😄呢個細盒裝對我黎講一個人食就啱啱好！！中午當lunch or 早餐加杯咖啡/牛奶🥛👍🏻今次試咗濃郁朱古力味~呢個朱古力係偏苦🤤🤤 入口蛋香味濃！！而蛋糕質感十分綿密，入口不會甜膩~舖頭仲有樽裝奶茶！！ 店員用杯仔俾我哋試咗一細啖~印象中都唔錯既~ 大家經過得閒嘅話可以去試吓！

超鍾意阿里山既古早蛋糕🍰真係相當出色，口味眾多，而家仲有咖啡☕️，自家樽仔奶茶🧋，和梳打飲品🍹🧊，真係啱晒夏天😋❤️👍🏻📌 新品🎉：椰香紫薯🍠（$50小/ $70大）蛋糕用椰奶製作，中間有粒粒紫薯，蛋糕外層是金黃色的椰絲包圍着，口感脆脆地，椰子味香濃🥥👍🏻 紫薯蛋糕🍠🍰 味道濃郁，口感豐富‼️📍濃郁朱古力🍫 （$50小/ $70大）真材實料，蛋糕中間有流心朱古力，香氣撲鼻，蛋糕非常柔潤鬆軟😋，綿密濕潤 👍🏻，特濃朱古力，蛋味香濃😋 低糖健康不太甜‼️📌熱情果梳打🍹🧊酸酸甜甜，冰爽清涼，啱晒夏天😍😋👍🏻👍🏻👍🏻✨好期待之後佢哋會推出的千層蛋糕😍🍰😋😋

< 阿里山 >📍 銅鑼灣前日經過銅鑼灣 見到之前喺黃埔食過嘅古早味蛋糕 見佢新鮮出爐就買咗兩舊返屋企😛💛阿里山原味道 細份 $40最貼心係而家可以揀細份 咁就可以試多幾隻味🤣 細份大約係全份嘅一半 都幾抵食 蛋糕好軟綿 而且蛋香係咁多間最濃😛 推介👍🏻👍🏻👍🏻🍯日本柚子蜂蜜 細份 $60 見到比較少見嘅柚子蜂蜜 佢有好多柚子皮 柚子味突出😆 加咗蜂蜜甜甜地 可以平衡返柚子皮嘅甘味😆 蛋糕冇原味咁鬆軟 但都好好味 下次再試其他味

古早蛋糕開到成行成市。。。。。。總有一間係左近~今日去開causeway bay嘆下午茶經過見到紅磡都有的<<阿里山>>古早蛋糕~所以就買左比le creuset 個sales試下😎cwb 個 sales 好好的🤭四重芝士Quadruple cheese🧀🧀🧀🧀🧀有分細件$50/大件$80可選擇，岩晒芝士控🧀🧀可以一次過品嚐唔同的cheese cake~令香濃芝士咬完口在口中再三回味下。。。。。。

古早蛋糕我吃得多，今次吃了兩款阿里山銅鑼灣店的蛋糕，吃出驚喜。⭐四重芝士 🧀 有parmesan cheese, cheddar cheese, mozzarella cheese 同cheese powder, 多重芝士味，口感實在太豐富，再加上蛋糕本身鬆軟，蛋味又濃，每一啖都是享受。⭐濃香黑芝麻🤤首先，我特別喜愛黑芝麻，養生之選，而且蛋糕有雲石花紋，如藝術品一樣，香味撲鼻，吃到黑芝麻及芝麻醬。原來這裏有陳師傅樽裝奶茶，下次一定要買來試試。

其實我個個星期都會出銅鑼灣行街， 有新鋪開張一定了逃唔過我法眼，阿里山係紅磡既分店口碑唔錯，一早已經bookmark左係我張list入邊，今次揀係銅鑼灣開新店，當然要試下佢！「古早味」其實係閩南語，意思係古老、傳統、懷舊嘅味道，阿里山創新既口味，配合舊有天然簡單做法，擦出唔少火花！🚩 阿里山原味道 （細件）＄40✣ 一件細size既蛋糕，用牛油紙包好，岩岩好塞滿左個紙盒，拎番屋企完冇變形！因為新鮮出爐既緣故，拎到番屋企仲有微暖，食落有好濃既蛋香，口感非常鬆軟👍🚩 香濃黑芝蔴 （細件）＄40✣ 蛋糕面畫左花，仲用左黑芝蔴鋪面，甜度適中，加埋黑芝蔴粒一齊食，成個口都充滿左濃濃嘅芝麻味！🚩 師父靚茶 ＄25✣ 凡買任何古早味蛋糕 ＋＄20，即可試香港金茶王既師父靚茶！

早兩日去銅鑼灣買嘢，買完嘢就去等小巴，見到小巴站對面開咗一間「阿里山古早味」蛋糕店，太好喇，我之前去過紅磡嗰間阿里山買過兩件蛋糕，覺得好正。今次當然要encore啦。買咗一件細濃郁朱古力蛋糕，加一杯百香果青檸梳打。喺我排隊買蛋糕途中，見到店員推出一底芝士肉鬆蛋糕，好香，可惜我唔鍾意食肉鬆，否則會買一件返屋企試下。我見到有一位男士因為剛剛出爐嘅香味，即時走入嚟買咗一件大嘅芝士肉鬆蛋糕，所以話香味真係好吸引人。濃郁朱古力蛋糕：好鬆軟，而且好香朱古力味，亦有蛋香，當作下午茶簡直一流。百香果青檸梳打： 係店內的新產品，百香果好正，青檸味的清新好適合炎熱天氣，好match