阿里山 (渣菲大廈)

Open Now

Now Closed

源自台灣的古早味蛋糕近年在本港掀起熱潮，專門店愈開愈多，備受愛好者追捧，筆者當然也不例外。早前去銅鑼灣做嘢，路經景隆街，見到小巴站對面新開咗間「阿里山」台灣古早味蛋糕店。睇咗門口嘅價錢牌，口味非常之多，既有傳統、亦有新派，款款都好吸引，身為古早蛋糕嘅粉絲，當然唔可以錯過，一於買番個返屋企做下午茶。蛋糕有兩個 Size，分小盒同大盒，揀咗個細盒裝嘅日本柚子蜂蜜 ($60)，連個蛋糕盒都與別不同，小巧精緻。聽店員講，個蛋糕係用日本直送嘅真柚子皮同台灣龍眼蜜炮製，面頭的柚子皮下得非常慷慨，一打開個盒就已經聞陣陣清新的柚子香氣。件蛋糕的水準真係唔錯，糕身濕潤鬆軟，充滿濃厚蛋香，柚子皮入口時有獨特的香味，一點也不苦澀，反而帶點甘甜微酸，好似食緊蜜餞一樣，口感一流。有人已經即時吩咐我下次經過，一定要買多幾款口味返嚟俾佢試。

銅鑼灣新開店不久，路過被熱情的店員拉了進店🤣她說柚子古早蛋糕是她們的招牌，請我吃了一小塊，又不錯啊；之後又熱情地告知我有金茶王奶茶賣，最終還是把持不住買了回家早餐了🤣金茶王奶茶～是雙料冠軍的陳子平奶茶王出品的，茶味濃郁，喝起來有茶香，茶味較奶味重一點，而甜味是剛剛好的～古早原味蛋糕～很香雞蛋味，聽店員說，是用了足足75隻雞蛋整一盤蛋糕的，而且是用植物油，不是奶油～朱古力味古早蛋糕～朱古力味濃郁！如果熱食，底部的朱古力，還有一點點流心的效果，中間朱古力海棉蛋糕，頂層就有朱古力粒，加強了口感～

今日路經銅鑼灣見到呢間蛋糕店好多人，遠處已經聞到好香蛋糕味。原來係近期大熱嘅古早味蛋糕。見到朱古力味剛出爐，面層佈滿朱古力碎，一於試一試。拎到返屋企依然暖笠笠，蛋糕口感好鬆軟，朱古力味夠濃郁，小朋友勁like。我自己喜歡原味，好香蛋味...食過咁多間，呢間蛋糕質數最好，真心好食😋見到有陳子平出品嘅奶茶🧋，忍唔住要試下，wow...超香滑，飲得返以前細個時飲嘅奶茶嘅味道😍鍾意飲奶茶嘅，一定要試。

一股新鮮出爐蛋糕香氣真係經過都一定聞到，吸引咗唔少人探頭入嚟睇睇🧐原來銅鑼灣店啱啱四月開幕，遲吓會有飲品賣，暫時飲品可以買到金茶王陳子平師傅嘅樽仔奶茶「師父靚茶」，入口香濃醇滑😋👍🏻古早蛋糕有兩種size出售，價錢因應唔同口味唔同，有好多款口味揀😍今日新鮮出爐有兩款：🍫 濃郁朱古力 $50（細件）🧀 四重芝士 $50（細件）口感好鬆軟☁️ 好軟綿綿嘅口感食多幾件都唔會膩💁🏼‍♀️香濃朱古力味好吸引，蛋糕面好似雲石紋一樣好靚，仲有粒粒朱古力，中間又會食到流心朱古力，頓時口感層次豐富咗，用上黑朱古力亦唔會好甜👍🏻四重芝士上面鋪滿芝士粉，每啖除咗充滿蛋香仲好香芝士味，🔪落去仲有流心效果，芝士有嘅鹹香味真係每人忍唔住食完一件又一件👅新鮮出爐蛋糕應該好快就食哂，建議盡快享用，室溫存放一日，之後就要冷藏及存放三日✔️

唔知打從幾時開始，香港周圍都開滿古早味蛋糕店，成日經過都聞到好香既蛋糕味，又大排長龍。銅鑼灣景隆街呢度原來新開左間阿里山，裝修企企理理。阿里山主打古早味蛋糕，有多達15種口味供選擇，當中有唔少特別口味。今日早左d黎到，得三款蛋糕可以揀。蛋糕有得揀大或者細件，第一次黎，我決定揀兩件細試試。我呢個朱古力迷決定捨棄原味而試吓兩款唔同嘅朱古力味。蛋糕先用牛油紙包好，再放入紙盒。包裝有大盒有細盒。蛋糕室溫可存放一日，第二日先放雪櫃，冷藏存放三日。即時食哂佢最好！返到屋企自己切成薄片享用。濃郁朱古力 $50先試濃郁朱古力。朱古力味濃郁得黎唔會太膩，半溶朱古力粒唔少。蛋糕質地鬆軟，冇嘉頓雪芳蛋糕咁實。之後試西班牙橙粒朱古力。西班牙橙粒朱古力 $60呢個仲正，因為喺朱古力味入面仲有適量嘅香橙味，好香！建議唔好慳呢十蚊升級叫呢款好食d。奶茶原來係同香港金茶王大賽得獎師傅合作製作，買任何蛋糕加$20可要一支師父靚茶 。我試飲左，的確係茶香奶滑唔過甜。今日試過台灣古早味蛋糕，心滿意足。