阿里山鐵路便當

Open Now

Now Closed

4點幾肚餓落樓下搵個tea食周圍的餐廳食過哂，又唔想食咁貴就過黎呢間試下餐廳位置在青衣翠怡商場停車場出口個邊自己本身都好鍾意食台灣野，尤其對杯奶茶熱愛萬分入到餐廳，唔洗排隊入座率約3份一，卡位滿座裝修有心思的，二人一枱的措施實施情況如圖好喇，坐低叫左個下午茶餐一款主食，三款小食，一杯野飲熱飲送的，凍飲加$3 叫左個小滷肉飯，配鹽酥雞，小香腸及花枝丸飲凍奶茶本身以為下午茶碗飯份量會好少但黎到都有一碗飯多d, d 滷肉同汁都夠送飯的雞同花枝丸有兩舊，腸有一條雞呢……我諗應該係炸定放左在廚房一陣暖的，但已經唔太脆炸粉都幾多下，食落粉粉地……花枝丸就睇來貨架姐，淨炸都唔好食就……所以呢粒野ok的台灣腸好食的，脆皮，唔會好咸，有甜味但係個滷肉飯呢，大家食滷肉要睇清楚可能有仲有毛在皮度有人會唔介意的，但我見到就會唔食個部份至於杯奶茶呢，就有d水~ 唔好飲😂總呢，食物質素中規中矩啦我食得飽就算了~但佢下午茶仲有d 蛋餅，牛角酥個d 可以下次再試，但奶茶就免了🤗

一心柯打蚵仔煎外賣買家嘆，點知未食已覺揾笨，首先得幾粒蚵仔，然後翻轉個底見到全部係薯粉底，一層清晰見到嘅薯粉底，餸料只係放响面煎熟就算，餐牌寫明加$3有茉香綠茶，點知個職員突然話外賣要加$10，然後外賣盒又加$2，當然到食蚵仔煎時勁難食，成塊野淡而無味，一定吾食有下次😡😡

此店真心講真係冇乜得！因為珍珠奶茶唔得，所以冇再叫，茶冇茶味稀到死，似奶水，珍珠超硬，明顯唔新鮮。仲有佢嘅排骨便當，排骨炸到燶哂，連埋D炸粉，都係薄EE, 厚度0.5cm,比豬肉紙厚小小。唯一可讚係牛肉麵，有水準。所以奉勸大家嚟呢度，只食牛肉麵好啦！

究竟茶水有無試過味先拎杯咖啡/怨央出黎？雖然我飲晒係唔想唗野但真係淡而無味都好意思拎出黎？土司正常花支丸正常，雖然無醬附上但都唔夠杯野飲咁驚嚇希望老闆會睇到唔係真係怕你做唔住

被稱為美食沙漠既青衣，大部分食肆以大集團佔有大家樂大快活等而位於近青衣工廠區附近有一間台灣食店，主打大眾台灣食物，牛肉麵鹽酥雞等今次途經附近，時間尚早就試一試早餐。 價錢亦算合理約34至40左右。 除了為了配合港人口味，提供雪茶肉絲沙嗲牛肉外，亦有台式抄米及蛋餅今次叫左雪菜肉絲，份量足夠，最特別係米粉，比較透明與一般既不同。比較彈牙。另外飲品亦有台灣飲品，咖啡頗特別，有些少炭燒既感覺。整體算是不錯，可以嘗試

食物質素佳，下午茶便宜抵食。但最重要是員工的態度一流，有禮貌又helpful，值得推薦！青衣區內少見的特色餐廳，店內以火車便當為主題，感覺很舒服，個人超喜歡這種小店。推薦擔擔麵同埋花枝丸另外今日去食下午茶發生了點小插曲，不小心打翻了一杯飲料，弄髒了地板，但有兩名員工第一時間替我們處理及安排更換座位，不單沒計較增加了他們的工作量，而且第一時間對顧客表現出關心並盡一切可能提供協助，這種街坊小店的人情味大大加分。決定把這間店例為小弟的飯堂之一

下午茶時間餐廳一半都坐唔滿上一個叫外賣嘅晨早拎左見住我果份攤左喺出餐位都冇人理期間有三個人望過張單都唔肯pack以為未出齊啦原來又唔係等多超過五分鐘先有人pack返到去打開先見倒比錯晒麻醬拌麵變滷肉飯花枝丸變菜！真係出色！ 有相為證🙄唔怪得幾個人望完都唔pack!唔啱就唔好隔硬出啦！一啲都唔老實同不負責任當時亦都唔忙侍應都唔係分身乏術動作慢 態度差如果冇嘅同客出聲改咪得囉浪費我時間！奉勸大家諗下係咪要幫襯呢間野！

之前試過晚餐外賣回家，份量都幾少，滷肉飯個汁好似用左好多粉開咁，味道偏甜，好怪。燒雞味道正宗，份量少，伴菜淡到無咩味道。總括唔好食之餘，成個感覺都唔台式唔知自己食左啲咩。第二次，諗住比個機會食個早餐，應該可以正常吧，已經專登唔叫台式早餐，叫港式的。😰😰😰一個粉加炒蛋厚多士/台式厚多士，以為放棄炒蛋要台式厚多士塊多士應該會大啲啦，點知同跟炒蛋果塊多士原來係一樣咁大，點奶油，又比耶子味我（當時全場一啲都唔忙，只得1，2枱客）到碗米粉，我真係從未食過一碗煮得咁林既米粉⋯⋯杯台式飲品+$3再+$4，不過不失，但冰一開始溶就變得好淡。

本來諗住食早餐，點知變咗食午餐，哩間食台灣嘢唔錯！叫咗幾樣嘢，樣樣都好食！我冇食開台灣嘢，味道較偏甜唔知係咪正宗！本人唔好甜但都可接受。叫咗兩碗麵， 麵質彈牙，份量睇落較少，但食完都夠飽。小食份量偏少但都好食， 奶茶雖然淡但唔係好甜我鐘意。兩個人食以價錢來計性價比超值！鐘意食台灣嘢嘅朋友可以來試下！p.s因為太肚餓唔記得影嘢食相

新開諗住試吓，夜晚8:30來到都要排隊等位，心諗有無咁好食吖。原本諗住食阿里山燒雞腿便當，點知燒雞腿賣晒唯有叫香煎沙朗滷肉便當，醬燒豬軟骨肉燥乾拌麵，滷水小食拼盤。落咗單侍應口頭覆一次，點知另一個人打單，又叫我哋再對多次張單啱唔啱點解要客核對入單有無錯？可能係我期望太高，便當份量比想像中少塊牛扒太細，所以睇落好少，食落好韌好鞋，飯太淋太軟。滷水小食拼盤，雞翼無乜滷水味，而且好淺色，豬耳有3條，好韌，雞蛋普通正常。醬燒豬軟骨肉燥乾拌麵，唔知點解俾錯公仔麵我不過佢新開就算，後來先發覺原本麵唔係用公仔麵，除非寫單時揀公仔麵當佢新開亂晒龍，又唔想浪費食物，無叫佢換...豬軟骨正常味道。最後俾錢好有問題，3個客排隊等俾錢，但無一個樓面既人肯收，等咗好耐廚房終於有人出來收錢，仲要無帶口罩，用衫領遮住個咀就算好唔衛生。整體來講有點失望，新開運作上未完全流暢，餐牌圖片太細又少，唔知食物係點樣，所以仲有好大改善空間。

尼間店新開張，裝修好有特色，我又見午市及晚市都坐滿客人，所以我就去試一試。可惜與我的期望有落差。由於我怕太多人堂食，我點了外賣午餐M即醬燒豬軟骨肉燥乾拌麵＋熱檸茶($64)。我另外再加$15有份涼拌青瓜。再加2元外賣盒，共銀81元。結果，食物味道好一般而份量太少，男士食一定唔夠飽了。而我加$ 15的那份涼拌青瓜就太小家了，只有6小片青瓜（如圖），味道亦太咸，不好吃。總結， 挺失望，以＄81買的午餐不值，不會有下次了。

滿心歡喜期待等佢開業，沒有期望就唔會失望🙄唔明點解係青衣無間正常既餐廳！肉燥飯d肉燥可以小到呢.............................排骨就薄到呢..............................重點係唔好食..唯一叫香芋奶茶最正常味道🙈🙈食完呢個晚餐要再去食其他野！仲衰過翠怡商場間台灣餐廳！！我見隔離枱等上菜等左成粒鐘，等候時間長！我見其他枱晚餐小菜份量偏小！

自己成日都係青衣碼頭翠怡商場呢頭出沒，認真講食肆真係寥寥可數，有一日經過一期時發現放晒花牌，咪行多幾步發現新開左間台灣店”阿里山鐵路便當”，基於又好奇又餵食既心態就自己一個黎試下。咁我就接近6點去惠顧，當時店舖無乜客人，所以很快就被接待了，目測有七張卡位，而卡位頂會有扶手（ 好似答緊車咁）餐牌就會係係牆邊，用筒裝住d紙自己畫揀左一陣，其實初初係門口時我就係到睇果塊A1 board 既餐牌，見到有d 小菜類（應該係會因應時段放不同的）而對我黎講好多都岩食，不過如果對於係想食台灣野，我又覺得好似唔岩口味門口餐牌： 寫住台風熱炒 ，但係就有京葱爆牛肉，鎮江骨，等等這些中式菜（感覺是迎合附近居民口味，或者用台灣方法炒，對這我不作任何評論，因為沒有試過），個人感想係要有滷肉先叫係品嘗到台灣風味。雖然係門口睇唔岩餐牌，不過都係決定入去，咁就係到揀野食，就試下店舖推介既便當“阿里山燒雞腿便當”賣相比我有驚喜，睇落第一眼係幾有特色，而滷肉方面夠平淡，唔會太咸，感覺類似台灣食到既。 簡簡單單 小量菜，粟米倒晒落個飯到食唔錯唔錯。雞腿方面配答醬汁，簡單得黎，有夠特別，可以講係靠醬汁配答，所以味道也不錯。便