Allegretto (Closed)

食完飯同同事搵地方坐下, 就去飲我想試好耐的立體拉花咖啡, 本想揀貓貓但原來冇得自選公仔, 咖啡師拉出尼o既熊仔造型好得意而且仲簽埋名好細緻, 超乎我o既想像, 咖啡味香濃, 奶泡亦都o岩o岩好, 加上親民價格舒適的環境, 以後都會常來^^

Allegretto既立體拉花，謀殺不少菲林(或者話係記憶體），不少人黎都只係為左一杯立體拉花咖啡。反而我還是鍾愛平面拉花或普通咖啡。叫左一杯凍latte，熱咖啡 ，迷你泡芙同hazelnut chocolate  cake沒有立體拉花的華衣，咖啡依然可口，但咖啡香味不太突出。可以係尖沙咀找到一個可以休閒既地方，當真不錯。

同朋友去試下貓貓拉花，因為佢好鍾意貓貓但買兩杯只有一杯拉花，聽到都覺得幾過份想分開買，職員話會認得，都唔可以有第二杯有貓貓，咩道理？等左好耐，終於等到，但朋友仔好高興，所以就算.....好難下次再黎

今日放假 男朋友知我好中意貓貓 又中意咖啡 特別帶我黎試下3D拉花 聽講係random咁去拉唔同既公仔 第一杯既貓咪趴左係到男朋友見到覺得好得意 話再order一杯睇下會係咩公仔 點知黎到既 我覺得好感動好surprise有熊熊🐻 有豬🐽 有兔仔🐰仲特別寫上左字 男朋友話佢問過staff 佢地都話未必寫得到上去 不過都盡量試下 點知你地成功左 仲好靚好正😘 另外仲order左個blueberry muffin 同磨菇批 好香好好食 個muffin好鬆軟好多藍莓肉😜個磨菇批有翠玉瓜係入面個口感都好似磨菇一樣爽口😁今個meal experience我覺得好開心好特別 staff用心令我覺得好窩心💗

終於有空唻一試，試咗伯爵蛋糕(質地鬆軟，淡淡味道，不錯！)，榛子朱古力蛋糕(濃濃榛子味，偏甜，都不錯！)，Mocha(普通拉花，味道還可以)及Cappuccino(3D圖案一般，味道尚可)，整體尚可，但由於每小時限出12杯3D圖案咖啡，故就算多人惠顧都只可order一杯。

星期六的下午來到下午茶，cafe 已經坐滿9成点了特濃朱古力。嘩~入口太濃太杰了.甜到呢.像喝漿糊一樣。其實我很喜歡濃的朱古力，但這個太杰了。完全接受不了。如果杯子大多一点。texture會比較易接受啦。。口感也會比較好。另外蛋糕一般啦。味道是可以的。有伯爵茶味，只是不夠鬆軟~

很久以前便聽說尖沙咀有一間coffee shop有3D立體拉花咖啡，而且看到照片十分吸引便前來到訪。不過這裡有個規矩就是每枱只能點一杯立體拉花咖啡，而且圖案不能自訂，雖然有點可惜，但看到拉花的可愛圖案便立刻興趣到不得了。與友人欣賞了好久好久才捨得喝呢，味道不錯，而且咖啡店設有室外座位，環境清靜，適合與友人暢談的好地方。

上一次黎係下午茶時間，都幾多人。今次係午飯時間，人少啲，自然舒服啲，同埋RELAX啲。立體拉花咖啡係必點之選。CAPPUCCINO 都唔錯，可能我地影相影得耐，咖啡都放涼了。洋甘菊茶好香。隻水杯係雙層的，就算係熱飲都唔怕辣親手。肉碎長通粉鹹左啲，同埋啲通粉硬左啲，個汁太少，入口煙煙靱靱咁。白汁磨菇火腿意粉不過不失，相比長通粉的話，呢個意粉好味啲。

This is the main reason why I would not go again.I’ve literally just left the cafe feeling pretty annoyed with the service and the staffs’ attitude. My mum and I have been to this cafe before and today we brought a family friend along to try out their ‘3D coffee’. Basically, my mum went up to order first, the cafe only do 3D art on a medium size cappucino so that was what she ordered. Next one in line was our family friend, she said to the waitress at the till that ‘she wanted the same as what m

星期日下午2時多，人數不多，而且剛好有梳化位。可能地點都較偏僻...本打算每人order一杯立體咖啡，可惜每檯只可order一杯 ，朋友很失落，最後就讓了給她。 立體喵的確可愛。自己品嚐的普通版的泡沫咖啡，味道很一般。而且咖啡味道很淡。而甜品較突出。試過一次，未必會再光顧了。

咖啡味道是挺好的, 但基於以下原因, 我不會再來了.1. 服務態度不好點餐時跟店員說希望要3D拉花, 職員抱懷疑態度問: 你的朋友有沒有叫, 每台只限一杯. 我: 沒有呀. 然後我坐回去的時候還過來望我們是不是只叫了一杯...之前見到這裡有意粉, 所以問店員有沒有熱食Menu, 店員說所有食物都放在這裡了. 我再問是不是有意粉, 店員不高興的拋下一句: 今天沒有. 我心想, 今天沒有是甚麼意思...2. 3D拉花求其既然每台只限一杯, 每小時又限12杯, 拉花應該要有一定的質素, 今天的拉花給人很求其的感覺.3. CappuccinoCappuccino泡沫不夠多, 不夠挺身4. 熟食超級一般, 有些甚至覺得不好食

每日限做12杯由早上11：30開始供應，為一嚐這杯3D泡沫咖啡特登放假都要來品嚐，order了後坐在等一回，3D泡沫咖啡就已準備好，看著眼前這3隻可愛貓咪浮在充滿輕輕而豐厚的泡沫上感到無比的輕鬆，實在不捨得往口裡送，呷一口厚厚的泡沫往唇邊輕沾完全感到咖啡師那種用心的沖調，咖啡濃香和那輕澀的味道為一天打開了好的開始。

專登泥試依個3d拉花咖啡，好可愛呀，又唔貴，都係38蚊左右。坐出面可以望海，吹下風好舒服。但cappuccino味道其實一般，個人認為唔夠香濃，不過勝在外表拉分！一杯咖啡就可以係環境咁好既地方坐成日，值得一試。

公司同事介紹呢間限定的立體咖啡....所以就係某日既星期六同朋友high tea....當然立體coffee有時段出之餘, 仲要得指定一種coffee先可以飲到, 就係cuppuccino...由於我唔飲呢款咖啡, 所以只好選擇其他黎飲, 我朋友叫左杯latte, 我就叫左杯mocha...另外再叫左件cholocate cake同cholocte muffin之類既食物...好可惜, 佢既coffee一d都唔濃, 而且味道都比較淡, 唔了解佢用咩既coffee豆, 只知杯mocha味道可其淡口...一d cholocate同coffee味都冇, 真係唔知自己飲緊杯咩野...latte就唔洗講真係淡到連我朋友落左糖都覺得冇味...唔知係我地口味問題定點啦...感覺上starstucks好似仲比較濃味...都係個句啦...花巧還花巧, 味道都要有先得架...好睇唔好食, 都係冇意思吧~~~

放假，一個人悶悶地出咗去尖沙咀，突然想起Allegretto，就去飲杯立體拉花咖啡先。雖然係平日，但都幾full，個個都係為了個立體拉花。點了杯玉桂味咖啡，等了一陣，有得攞啦，今次拉了一隻Bear Bear熊，真係好鬼得意，好可愛，同熊仔影完寫真，就要幹掉佢，真係有啲唔捨得，味道和其他連鎖coffee shop差不多，玉桂味道主要來自灑在咖啡上的玉桂粉，味道不太出，只有少少玉桂香味，值得一讚是隨咖啡送一個杏仁味既甜餅，雖然味道不是好好，但比其它coffee shop細心體貼，三十多元一杯可愛咖啡，hea了一個鐘，超值了!