巷口炸雞專門店 (沙田圍) (Closed)

「屯馬開通真的很興奮....」 一條鐵路駁通新界與九龍，便利食客們到處去試新野。這次就去了屯馬線沿線的沙田圍站，位於該站附近的沙角商場/街市內的台式小店。雖然香港至今仍未通關，但幸好本地交通方便，讓食客們可在本港享受到濃濃的台灣風味。在這個小檔子旁，放了數張小椅，讓食客們可品嘗剛炸好的炸物，當中必試之選是雞件，皮脆肉嬾，又能帶來輕微飽肚感，絕對適合作餐與餐之間的補給品當然，其他炸物也是輕食之選，而且價格也較相宜，但仍不失台灣風味。

本身喺新城市廣場行街，突然之間好想食巷口炸雞，決定由新城市廣場行去沙田圍到食，路程唔算很遠，大約10至15分鐘就去到。鋪頭外設有一張長枱，約有4張凳，可以坐低慢慢享用。👍🏻👍🏻介紹返今次食嘅味同上一次都唔同，今次試咗塔香炸雞同咔拉薯條。塔香炸雞嘅味道我覺得有d似椒鹽味🤣雞件都算大件，炸粉亦都唔會太厚，肉質不會太硬。薯條我揀咗咔拉薯條，我都覺得味道有啲似椒鹽味😂😂薯條炸得香脆，每一條薯條均有味粉。

行開過嚟沙角邨搵朋友，上OpenRice睇吓有冇乜嘢啱食。跟住見到有間新鋪開咗喺沙角邨嘅街市小食街入邊。於是口痕點咗兩款台式點心試食：1. 甘梅地瓜條。地瓜就係我哋叫嘅蕃薯。蕃薯甜甜地軟綿綿，外面炸完脆脆地，加上酸酸甜甜嘅甘梅粉，有層次，好味！ 2. 骰子百頁。就係炸豆腐薄片。炸完每粒脹卜卜，脆脆地，加埋蒜蓉醬，都幾好食。不過我個人口味就覺得就咁食，唔加醬汁可能會更啱我口味。食晒先發現忘記咗影相📸️！下次再試吓其他食物。