杏甜品 (新都會廣場)

Open Now

Now Closed

我喺呢度嘅常客，而朋友係第一次嚟到呢度食。當日下午5:00喺飯前先食一個甜品，所以完全唔使等位，落單亦都係自助喺手機上面俾錢就可以了，非常方便。我叫咗我最喜歡嘅龍眼冰，同行嘅朋友點咗芒果雙皮奶同埋話佢好少會食龍眼味嘅甜品。但係兩個甜品到齊之後，朋友反而覺得龍眼冰更加出色，仲話從來都未食過咁清新同埋濃味嘅龍眼甜品。呢個甜品真係我夏天嘅至愛，但係冬天嘅時候我都會成日忍唔住，就算挨住凍都要嚟食。食得出真係用新鮮嘅龍眼同埋用咗好多材料。另外芒果雙皮奶係我第一次食，同樣係新鮮芒果甜味，雙皮奶嘅濃度十足，非常滿足🎉

最近假期多 個人開始愈嚟愈懶但又會成日口痕想食嘢今晚我又夜晚晚想食宵夜唯有揀個感覺上健康小小嘅糖水啦到底呢個假期我會肥幾多呀── ✦── ✦ ── ✦ ── ✦ ──ʚ #椰皇雪燕燉雙皮奶 ɞ 開頭見到隻紙匙羹 都心諗大件事啦點食椰皇呀大佬 但餐廳都好細心細細個椰皇但幫你起哂側邊啲肉而且雪燕分量都算多 不過個雙皮奶就小左層皮 我會覺得佢係燉鮮奶多啲ʚ #香滑芝麻糊 (熱) ɞ 呢個我都唔識分到底係咪開粉沖個啲芝麻糊不過佢真係幾香幾滑 可以再幫襯佢── ✦── ✦ ── ✦ ── ✦ ──

原本今日食緊堂食但想外賣俾屋企人就諗住臨走先order以免甜品凍咗，途中已經聽到其收銀女職員對其他walk in客稱已經截咗單，但同時又入咗4位walk in客人，後來得知佢哋截單時間係22:15分，但我話要落單嘅時候係22:13分。我有嘗試喺qr code order但臨埋單見到顯示嘅係堂食我就冇喺手機埋單而係直接出去cashier話要外賣，但個女職員就同我講冇辦法落單因為已經截咗單，但同時佢幫緊啱啱walk in入嚟嘅4個客人落單。點解要差別待遇？未夠截單時間點解拒絕幫我落單但又幫其餘4位落單？我質問完個職員並要求揾負責人投訴，個職員仲要用極度輕佻嘅語氣同我講: 我唔知你講緊咩！你自己揾啦！ 請問呢啲係服務性行業應有嘅態度咩？再者我原本已經堂食緊，正常臨last order都會remind返客人仲有冇其他需要，但佢完全冇做到不特止仲要係我要求落單嘅時候拒絕我。請重視職員培訓問題

這間店的女職員服務態度非常差，完全沒有服務水準。在還有時間點單的情況下，她們也不會主動幫客人加單，服務水準有待檢討。這種態度實在讓人無法接受。如果有人考慮去這間店吃飯，請三思而後行。職員的態度極差，不僅令用餐體驗變得糟糕，更讓人不想再來第二次。我強烈建議大家不要到這間店用餐，以免失望。希望店家能重視顧客服務，提升員工的服務水平。這間餐廳的食物實在讓人失望。菜式的質量非常低，食材不新鮮，味道也很淡。還不如在家自己做飯。

同朋友各點左椰汁桃膠雪燕大芋圓，杏仁茶雙皮奶。前者同menu 相片有很大出入...啲料少得可憐，個雙皮奶本身隻碗都細，仲要裝得果1/3 滿。咁攪法，都幾難叫人再幫襯...慳成本都唔好咁肉酸。

同朋友飯後過黎食甜品，叫咗2款甜品。其中一款，椰汁桃膠大芋圓，點餐的圖片同實物嚴重不符，實物分量很少！椰汁死甜！另外一款椰子湯圓，味道也不好食，湯圓也很難食！座位好窄，整體感覺很差，冇下次 。

當日中午一點食甜品，門口女店員說門口點餐或入座掃QR code都可以。 因為未能成功用電話落，問女店員，店員說未成功下單（當時她正準備送餐）送完之後，我們再問點落單，她說未比錢，就行去收銀機。 完全冇諗過幫我，當時店只一位女客人食緊野和正準備落單的我們。

雙重芋圓桃膠木蓮凍，份量十分滿意，桃膠口感軟軟，涼粉的份量比較多，芋圓軟QQ的，整體甜道適中椰皇雪燕燉雙皮奶，香氣撲鼻的椰子味，非常香，雙皮奶的嫩滑口感，入口即化，配合一口雪燕，非常滿足，最後吃椰子肉抹茶湯圓抹茶味很濃郁，內裏的抹茶醬比想像中的更甜，吃多會膩食評環境 9/10味道 9/10服務 9/10衛生 9/10性價比 9.5/10人均消費$40-$70店名:Almond地址: 葵芳新都會477-478號舖電話：9602 8135

綠茶流心湯圓，一咬開真係有流心效果，味道方面特別，沒有綠茶的苦味，湯底係桂花味，出奇地非常夾，湯㘣有種芝士香濃綠茶味，期待榴槤味嘅湯圓。杏仁汁燉蛋白，很滑很重杏仁汁味，真的很好味🤤

這是暫時我在香港食到最好味的杏仁茶。今次我叫了杏仁茶燉雙皮奶，杏仁茶很好味，雙皮奶也很滑，再加兩粒抹茶湯丸，抹茶流心餡也夠多和濃味，喜歡他們採用清淡的桂花糖水。請留意，店內事先付款的，如果自己用QR code點食物，可直接在Apps用電子支付，如果用八達通付費用要到櫃面點食物及付款，這繳費方式指示不太清晰，不少人在用QR code網上點食品後，才發現如要到用八達通付款，需要到counter重新點食物。

呢間糖水舖標榜低糖素食，超級適合養生健康人士💯要注意鋪頭全QR Code落單之餘只收電子貨幣，稍有不便🫣🫣🫣🌼芝麻糊燉雙皮奶 （$42）懷舊系列之一，雙皮奶夠滑有奶味，芝麻糊香濃，甜度剛剛好👍🏼🌼 椰汁雙重芋圓膠木蓮凍 （$39）另外加咗青鑽（$8），非常有咬口，入口有爆珠感覺。成碗糖水份量十足且充滿椰汁香；桃膠有咬口，唔會煮到溶晒；芋圓都十分煙韌木蓮凍用野生木蓮籽製成，味道回甘。朋友第一次食木蓮凍，表示口感同味道都好似仙草🤭🌼 呂宋芒奶昔爽冰 （$49）沙冰口感綿密，食完透心涼😁配有呂宋芒果肉，加埋椰果同爆珠豐富口感

黎到葵芳，突然想食碗好睇又好食嘅甜品。竟然發現大商場入邊有間新店，主打多款養生甜品，例如燉蛋白、雪耳、雪燕等，仲有招牌杏仁茶。我當然要試吓冬天最愛椰皇系列，加埋椰汁雪燕相當滋補，下層係雙皮奶，香滑而且甜度適中，份量仲好滿，不錯👍🏻另一款係芋圓仙草再加湯圓，湯圓用桂花糖水浸住另上，細心位加分，芋圓煙靭有口感，而且非常足料，配上嫩滑仙草，豐富美味！ 特別要讚一讚環境裝修得靚靚，令到食物都特別好味，Like😋

濃郁的椰香和桃膠的嚼勁，同時伴隨著雪燕的滋味和雙皮奶的柔滑口感，感覺好滋補。材料豐富，椰子肉的鮮甜和軟嫩質地能夠為這道甜品增添更多層次的口感享受。#香港 #杏甜品 #新都會廣場 #甜品 #椰皇椰汁桃膠雪燕燉雙皮奶

第一次幫襯葵芳杏新店，枱面上有Q R code 下單，scan 完後，我和朋友便選擇食物，在發出時，頁面要求即時付款，並且要求輸入個人電話號碼… 因此，我和朋友便問職員，是否一定要這樣下單？但那個女職員態度惡劣-敷衍地只答了一句說話！而我們也不知道她說什麼！最後是另一位男職員從廚房出來指引，叫我們到收銀下單，我們才驚訝發現可以不用QR code！而收銀便是那位女職員！其實之前也幫襯過杏的其他分店，對杏的甜品味道沒有質疑，但這次的光顧經歷，實在讓我卻步，希望杏的高層可以重新教育一下員工，提升服務質素

幫襯過幾次，個椰子雙皮奶好好味。不過今次叫唔知點解好似有少少酸。 不過只係食過雙皮奶都ok。落order 果個女仔好冇禮貌， 好似唔想做你生意咁， 成程黑口黑面。到攞外賣，啲野食放左係收銀隔離，佢又唔叫號碼，佢自己人又走左去隔離間店。咁我咪問佢係唔係攞得，佢好串咁叫我自己攞。唔洗對號碼？其他人攞錯咁點？果陣又唔係得我一個等外賣。過一排先會再幫襯，我去食過甜品， 唔洗黑我面，又唔係就收工先去，間店又唔係超級忙。