常聚 (Moved) New Location

呢幾條街最好食嘅茶餐廳早餐同常餐都超好食😘公仔麵同湯粉都好有水準晚餐和菜都好正，蒸水蛋超滑👍🏻👍🏻送飯一流百零蚊有條魚/雞 加兩個小菜同白飯真係幾好Super like !!! 比起隔離嗰啲連鎖茶餐廳或者其他嗰啲冰室好好多I don't usually post these kind of comments, but the staff and owner here are really nice and the place is clean. Breakfast and 常餐 is just fabulous, perfect meal for hungover👍🏻

每星期也會有一天到這餐廳吃午餐，好的東西也很想跟別人分享。初到這餐廳，是點了常餐A：瑞士雞翼撈公仔麵，已經印象深刻，想不到現在成為了我們的飯堂。今天，我點了午餐：星州炒米，因為這家店的炒粉麵類一向出色入味和較有鑊氣。可惜，今天的星州炒米味道較淡，不如以往的炒烏冬和干炒牛河出色。午餐還會配上例湯和飲品呢！我同事則點了常餐：蕃茄湯豬潤通粉，蕃茄湯濃郁，豬潤也爽口，加上常餐另有黑松露炒蛋和蒜蓉包，所以是挺豐富的！我另一同事則點了土魷蒸肉餅，肉餅較鬆軟，蒸的時間剛剛好，配上一大碟白飯，吃完是十分飽肚的。這家餐廳的常餐很有質素，午餐款式亦不少，所以才能一直成為我們的飯堂

論茶餐廳常餐，在九龍區我選澳牛，在新界我去樓下冰室，在港島東我推薦隆記茶室，在港島西我覺得此店較佳。在港島區，很多人會推薦華星，紅磡冰室……，我則獨愛此等無名小店。它比隆記茶室更狹小，真是單眼佬看老婆-一眼看完。在西營盤B2出口5分鐘步程內，在正街形成四大茶餐廳對立局面。主要是常餐好。在每日11:30至18:00供應。推薦B餐，香烤蒜蓉包與紅磡冰室難分高下，十分鬆軟，呈現微焦，蒜泥味適中，比西式做法濕潤，有麵包香味。黑松露忌廉鮮奶炒滑蛋則與老鳳冰室並駕齊驅，份量似更多，層層疊疊，熱騰香滑，而不會有太濕和滲汁，性價比高。黑松露聚在塔頂，好處是食客按喜好，分配入口黑松露與蛋比例。鮮茄濃湯通心粉極濃郁，水份不足五分之一，薯仔有3塊，軟腍入味。我選豬潤，有6片，薄薄的，熟程度拿捏得剛好。不選薑汁濃湯，因為始終維記以薑汁調味是獨步天下的。論鮮茄濃湯通心粉，對咸甜，濃稀各人品味不同，難言哪一間最好，此店總算是上等。奶茶有一般至偏高水準。麵包，炒蛋，湯粉，奶茶均高分，集中數店之長，十分難得。此常餐選擇多，還有其他選擇。常餐之外其他食品平平無奇，如下圖的焗葡國雞飯，雞味欠奉。下午茶小食如魚柳包較佳。

自從發現左常聚嘅番茄湯之後時不時朝早都會自動走去翻尋味我最常食嘅就系個番茄湯牛肉麵記得第一次黎果陣就叫左佢個番茄湯豬潤麵(豬潤呢度系招牌菜來的)但可能我自己本身麻麻地豬潤所以食左一次就無再叫， 但真心豬潤呢度系爽口無異味的 鍾意嘅值得一試講下佢個番茄湯 真心我食甘多間早餐店最正呢間吾結身吾會太一patpat但會食到好香又濃嘅番茄味d麵索曬d番茄湯汁 會令人一啖接一啖甘繼續食落去美中不足嘅系佢d牛肉always好難咬開每次食都總系有幾舊食吾到同一個set包炒蛋加蒜蓉包炒蛋一般但個蒜蓉包好好食 大塊得黎蒜蓉味又重每次食完之後都好滿足甘走

今日有點事來到西營盤，在辦妥事後，已經到了午餐時間，於是在附近看看有甚麼好吃。其實今日的午餐，可以簡單一點，可以去茶記吃飯都得。既然在茶記食個簡單午餐，就到常聚，是一個人坐下來吃午飯的地方。今次則只是點來午餐，餐湯為中式例湯，有紅蘿蔔等食材在內。雖然例湯並不是在下經常喝的湯，但是偶爾喝也無妨，而這例湯是普普通通吧，味道可以的。楊州炒飯是普通不過的碟頭飯，材料豐富，略有鑊氣，米飯還是粒粒分明，但又宋至於是鬆散，是茶餐廳應有的味道。點來熱奶茶餐飲，是正常不過，當中有茶香及茶味兼備，和有順滑的味覺，不落糖的，可喝到原有味道來。一個簡單午餐，無需太過複雜。

常聚好多家常小菜資素都吾錯！蝦仁炒蛋 雞煲果d 做得好出色配飯岩岩好可以叫4個餸 5個人食 加個飯就得仲配埋湯 好有大排檔味道 但其實係一間荼餐廳😅 小炒好似炆米粉都好味但哩間店對比西營盤其他店略續貴左小小

放聖誕假，好晏先起身，之後專誠去西營盤食間出名嘅台灣嘢，但太多人排隊，只好落山搵野食。雖然落左山之後有好多茶餐廳，但係好多茶餐廳都冇咩人，為免中伏，見到依間茶餐廳比較多人先敢入去。好少茶餐廳以豬潤作為其中一個下午茶既茶餐，所以試一試。我叫咗個蕃茄豬潤米粉，蕃茄湯嘅濃度係可以嘅，唔係濃亦都唔係太淡，但估唔到個豬潤有口感，肉質爽口又有豬膶味，米粉嘅份量都算多。反而我覺得配襯係個蒜蓉包同黑松露炒蛋。蒜蓉包感覺上擺咗一段時間，所以咬落去淋淋地又凍凍地。黑松露炒蛋初屬正常野，不過食食下覺得有點膩。我叫咗杯少甜少冰嘅凍奶茶，點知飲既係糖水，又好凍，飲唔曬，放低了。