Amazing Bakery

Open Now

Now Closed

而家坊間買個蛋糕，閒閒地都二三百蚊Amazing 係酒店官網預訂只需二百蚊，而佢哋嘅質素同賣相嚟講，都算係value for money呢個月訂咗兩個蛋糕， 第一個係松露朱古力蛋糕。呢個賣相一流，蛋糕面上有朱古力雕花圖案，另有舖咗金箔嘅松露朱古力。蛋糕嘅朱古力cream 朱古力味好濃反之，第二個芒果香蘭葉千層蛋糕就失色好多。相信由於儲存問題，兩個蛋糕整好之後都就咁係無入盒嘅情況，就咁放入非蛋糕雪櫃（眼見職員就咁將蛋糕由普通雪櫃拎出嚟）黑松露蛋糕某一些位置係濕濕地，似係有倒汗水整濕咗。而千層蛋糕嘅pancake皮直程係雪到乾硬晒，好似咬紙一樣其實蛋糕質量本身應該唔錯，但係因為存放不善而影響質量，管理層就應該正視問題

今天母親節第一次同酒店訂蛋糕 ,居然俾我發現到有我至愛嘅拿破崙 蛋糕,所以决定訂了個用士多啤梨生果做題材的蛋糕 。呢個 士多啤黎蛋糕賣相非常精美,大約都有十幾粒士多啤梨 及有少量 藍莓及紅莓做裝飾,合共有兩層酥皮 用吉士酱分隔着,大约都有一磅重, 非常適合小家庭作飯後甜品。酥皮雖然有生果鋪上但依然保持鬆脆 ,而吉士酱口感幼滑,不會有甜漏的感覺🥰

每日只有1:30 3:00 6:00 三段時間有蛋糕出爐，而且有唔同口味例如原味、朱古力、雙重芝士、芒果、榴槤、斑蘭，但每日口味唔同，建議大家可以預先打電話去問一問😋.👓原味古早味蛋糕 $68怕去到先買會無哂，所以係早咗去落訂買咗先，再係6點出爐後就去拎，所以蛋糕拎上手係熱辣辣嘅🤤一打開個盒聞到陣陣蛋糕香，但size比出面細大慨1/3，摸落去蛋糕尚算軟，但食落略厭唔夠濕潤鬆軟，而且食第一啖嘅感覺係好甜食多幾啖都有蛋香味但唔濃，而且蛋糕面層有點乾🤔雪凍咗之後食反而口感綿密咗，但外層係更乾評分：6/10總括黎講cp值唔高，比出面嘅古早味蛋糕店價錢貴少少但size比較細，而且質素唔係好高，畢竟出爐次數得3次咁少。

話說尋日同朋友慶祝生日，經過朋友介紹就去呢間餅店睇下，因為夜晚仲要食放題，所以就揀咗一個細細個嘅蛋糕，店員都好有耐性，雖然買咁細既蛋糕，都送咗一個生日快樂嘅牌俾我啲蛋糕全部都好靚，我哋買咗呢一個有高貴大方，仲好好食添啊，我個朋友都話好特別，又唔會太甜

轉眼間, 城景國際已經開業十周年了. 還記得年前在這邊彈琴的日子, 一切, 是這裡近那麼遠了, 自然我也對這裡特別有感情. 說回城景國際為了慶祝十周年, 旗下的樂雅軒中菜廳, Amazing泰式餐廳, 以及City Cafe也分別推出了不同的餐飲盛宴. 城景國際十周年蛋糕 $48: 8分, 在Amazing Bakery供應的, 有城景國際十周年蛋糕. 蛋糕外層貼上插畫師慧惠的畫作, 這個角度看油麻地, 又挺有特色. 十周年蛋糕, 面層有不少雜果, 蛋糕層次感不俗, 四色蛋糕分別是沖繩紫薯, 紅絲絨, 宇治抹茶, 以及雲尼拿, 蛋糕質感鬆軟, 令人一次過吃到四種不同的味道, 真好.