亞潘泰國菜

Open Now

Now Closed

如果想吃泰國菜，必定會來到葵星寶星一帶，短短五分鐘路程之間已有三家餐廳可選 平日用膳時間比較遲，但我們一般會為了泰國菜而早點出發，否則餐廳就落場休息了 亞潘泰國菜的午市營業時間相對地長一點，三點半左右，如果晚動身就會直接來這邊 菠蘿雞粒炒飯　$48用的顯然並非雞粒，而是長條紥實，肉味更突出的雞肉條 菠蘿粒少，但因為偏酸，少一點反而比較好入口，當然，與腰果及肉鬆同食更滋味 至於飯底壓形後未有粉爛，每口都有些少香料香氣，不會油淋淋，正路出品 泰式雞肉炒金邊粉　$48雞柳瘦腍多件，蛋皮傳香，又有芽菜及炸蔥等配料伴襯夠足料 金邊粉條條均勻上色，入味又煙韌彈牙，可是油多，趁熱吃還沒有那麼明顯 酸甜兼備，調味恰到好處，嗜辣人士可試試加拌辣椒乾，我僅是剛好碰到已經要灌水了 眼前橙紅一大碗的喇沙雞絲湯粉　$45濃味又刺激，湯底比平日吃到的喇沙更為稠厚 雞絲量不少又頗大件，不過太容易吸湯，重口味多吃易膩，估計配海鮮會較佳 整體感覺較似沙嗲濃湯拌粉，如果湯底稀身溫和少許會更易為人接受

餐廳定位： 白領，遊客， 學生，情侶，街坊，泰式美食狂熱者賣點：還算地道正宗，地域優勢價錢：市價食用方式：外賣，堂食Wifi：無上菜速度：十分鐘左右奉送：水，餐具裝修：裡面比較窄，但乾淨燈光：柔和噪音：一般，開電視，可以接受溫度：適中 ，有冷氣服務質素：服務員充足，勞累點菜:菜式：新年前比較好吃，現在的分量少了，有點偷工減料過敏原：蝦子，花生，蔥，洋蔥，蠔，辣椒等等。備註:老闆新年聖誕等會放自己長假，兩個星期不等謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

平時都係食開喇沙河粉或者檬粉，今次決定試左泰式海鮮冬陰公湯河，$50，連野飲。佢嘅冬陰公湯底唔係好辣，飲落都OK，香料味幾重，酸酸甜甜。而河粉嘅質感腍而彈牙，唔會黐埋一舊。不過我❗️個人❗️覺得冬陰公都係適合飲，但配湯麵就唔太夾。佢嘅配料都豐富，有多粒蜆肉、彈牙魷魚🦑、蟹柳半條，同埋蝦仁，我最鍾意佢有好多芽菜，清爽鮮甜。😝😝令我有驚喜嘅係佢嘅泰式奶茶， 叫咗凍飲少甜少冰。佢嘅茶香勝過奶香，顏色係橘紅色，冰冰涼涼，好爽口！下次都一定會飲！🥰😚

#泰式雞絲湯河 (lunch包飲品$41 凍飲+$2)雞絲份量幾多 雖然叫咗清湯 但係都好香 嫌唔夠味嘅可以問老闆娘攞醋 落少少就好夠味😋如果鐘意重口味嘅朋友 可以+$6轉冬蔭公或者喇沙湯底🤤唔鐘意河粉嘅朋友可以轉金邊粉/米粉/米線🤓評分:7/10

LUNCH HOUR都幾多客人, 一行2人等左一陣位.真係泰國人打理, 佢地任程都係講泰文, 同客人先講廣東話.泰式海鮮喇沙湯河 - 色水夠曬, 內有蝦, 魷魚, 蜆仔, 豆腐卜, 蟹柳, 湯底不湯, 香味就好夠.蝦十分爽口的, 蜆仔十分多, 豆腐卜仲可以吸收曬D味.泰式雞肉炒金邊粉 - 用茄醬炒出來的, 味道帶酸, 好開胃, 配料有雞柳, 豆腐卜, 蛋絲等等, 雞柳好嫩, 大大碟幾抵食.LUNCH SET仲可以配椰汁冰, 雖然有好多冰, 不過都幾甜, 但可以唔駛加錢配都幾好.店員個個都好有禮貌好NICE, 值得再來.

最鐘意食辣野嘅我，一定會成日揾冬蔭功食啦。繼上次嘅冬蔭爺爺後我又揾到間係葵涌嘅泰國菜。呢間店嘅樓面都係泰國人，感覺好正宗。下午茶時間都係食午餐，我就叫左豬頸肉冬蔭功湯金邊粉，配凁咖啡。湯粉到左，一睇都流晒口水，不過都要試左先知攪下d粉真係好多，我怕索晒d湯所以拎多個碗分左d粉出𠼝。最後飲晒碗湯d粉係食唔哂，因為真係好多。個湯係正！不過唔太辣，對我𠼝講辣d仲正！最後忘記影嘅咖啡都好濃咖啡味，主要係唔太甜。呢間店我有時間一定會再試佢的木瓜沙律同生蝦！

昨晚同朋友去左呢間亞潘食泰國菜，叫左炒河粉、炸蝦餅同埋炒雜菜。份量唔算多但係樣樣野都好食！之前叫過海南雞（不過唔記得影）海南雞好滑，而且醬汁都是正宗泰國嘅汁！炒河粉亦都係推介，佢個種河粉係正宗泰國嘅河粉，亦都炒得好香，呢間泰國餐廳同九龍城果d有得輝