亞潘泰國菜

Open Now

Now Closed

午餐想試新野點知.....泰式肉碎煎蛋飯最重要係咩？炒肉碎既香葉味！我只食到咸同辣味！仲要加左d 洋蔥紅辣！衰過三餸飯，同相片完全唔同！中伏！最後午餐中最貴既一樣$58！點值得？

幾驚喜，幾好食，+$5轉冬陰功湯底，幾清甜而又有香茅味，比較薄身嘅冬陰功，幾得意，唔會好油膩好fat好結身，不過無乜椰香味，清清的冬陰功。河粉幾滑，又唔會好快索哂啲汁。

位於和宜合道的亞潘泰國菜由地道泰國人打理，營業時間係中午十二時至下午三時半，之後落場，至晚上六時再營業。平日同埋周未都會提供午市套餐，供應時間由中午12時至下午3點半。午餐有飯餐同麵餐，可選擇嫰滑的海南雞飯或者波蘿雞粒炒飯，雞肉嫰滑配上菠蘿雜粒，食得好清爽，麵餐有泰式豬頸肉湯河，泰式豬排湯河，轉冬蔭公湯要額外加五蚊，連埋一杯特飲，可以揀咸檸七，椰汁冰，或青檸梳打，就算普通既柚子蜜等等都不用額外收費。真得好抵食一個餐$5幾蚊又不用加一

好日都唔經葵興，咁岩因為驗車，去開打磚坪街，所以就搵下附近有咩野食，咁就執倒寶去左亞潘泰國菜啦🥹🥹🥹佢舖頭嘅門面唔算特別光鮮，亦都唔算話好近的地鐵站，附近有冇咩大型商場。不過勝在價錢夠晒親民，份量足！啱晒喺附近打工或者住喺附近嘅街坊去食！我點左：👍🏽明爐青檸汁蒸烏頭大大條又有啲粉絲，都幾開胃！👍🏽香蒜炒椰菜苗好香好好味👍🏽炸皮蛋好香好好味，一定要食，個皮蛋係留心㗎😍😍😍😍👍🏽山菜包唔食得辣嘅幾多走辣，佢啲辣都真係幾勁，我食完之後屙屎個pat pat都有啲痛🙈🙈🙈🙈

#chuchu食在葵涌📍 亞潘泰國菜呢間🐷同🐷爸🐷媽去親石籬睇戲都會食，真係內外都係泰國人，不過落單嗰個識講廣東話的！小區小店就一定唔係好fancy，睇個鋪面真係其貌不揚，細細間而且裝修都好平凡，但佢嘅野食好正宗好好味又抵食！雖然位置唔係附近嘅人有啲偏僻，但係必須入 #chuchu推介 食完去隔離睇埋戲，正！—————————————————————❣️泰式蝦膠炸皮蛋 $72🐷爸次次都想嗌，但有時唔餓就唔會叫，因為佢一碟有8舊，雖然係一粒皮蛋包住蝦膠去炸，但都好多！不過好好食！好彈牙！.❣️泰式燒牛仔骨 $78嗰日冇曬豬頸肉，侍應介紹呢個，第一次食，都唔差，唔算難咬！.❣️泰式香茅炸雞翼 $52呢個好好好食，意想不到的好食！炸得好香口，醃得好食，加埋泰式辣醬！.❣️泰式雞絲湯河 $xx唔知幾多錢，因為得lunch menu有，嗰日🐷好想食濕嘅嘢就問下，點知話有！雞絲份量幾多，雖然清湯，但係都好香！蘿蔔超級超級甜同淋，好想再食😚.❣️ 泰式蟹肉炒粉絲 $58呢個🐷最愛，真係好多蟹肉的，不過成碟就唔會話好有蟹味嘅，但好味囉！.❣️泰式馬拉盞通菜 $55炒通菜食鑊氣，呢度夠曬鑊氣，味道鹹鮮，勁惹味，通菜

第一次到，估唔到香港都食到好似起Thailand 食到泰式菜，正呀喂！D菜抄到好有鑊氣呀！環境雖然簡單，但簡單自然美有Thailand 風格！當去左一次Thailand trip

好好食，隨便叫麵好好食，見到有位就唔好諗入去啦，好爆。炒通菜食鑊氣，呢度夠哂鑊氣，味道鹹鮮，勁惹味。生菜包嘅豬肉碎份量勁多，又夠juicy泰式金邊粉一點麵不油膩，好好食，每條都好夠味，唔會痴埋一堆。兩個人叫3個餸都食唔哂。

在葵興工作已經有七個月了，可是「好」餐廳真的不多，暫時只有這間小店在食物味道方面值得再去。這是我第二次光顧，但一起吃的伙伴已經是不同了。短短七個月，公司走了10多位同事，混得熟也很難。第一次是吃餐廳的海南雞飯，這個是店中其中一個主打美食，油飯粒粒光亮，不用配上雞肉和醬汁，也可以吃下一整碗飯。雞肉鮮味肉質嫩滑。而令我驚喜的是他們的泰式奶茶，小豆丁是第一次喝到這種濃郁茶香和煉奶的甜。😅另一款吸引我再次光顧的是炒金邊粉。個人很少吃炒粉麵，很怕吃到油膩的食物。只是同枱的同事說很好吃，我也被麵條顏色，外觀和香氣吸引。 還記得店員送上泰式雞肉金邊粉時，是新鮮熱辣，有炒的鍋氣，麵條甜甜也開胃，是值得再吃的啊！😌

又係葵興睇下有咩食！見到間好似好正宗嘅泰菜，最近又成日睇泰劇就去試下！原來係泰國人開，難怪成間鋪嘅佈局都好泰味！其實唔顯眼好細一間。中午時間好多人食！但味道真係好泰呀！！！完全係去左曼谷咁嘅味！去食泰菜緊係要飲泰奶！好懷念嘅味道～

呢間亞潘泰國菜，睇個鋪面真係其貌不揚，細細間而且裝修都好平凡，好實在，真係似泰國典型餐廳。味道估唔到相當有驚喜，見到未夠7點都差唔多坐滿曬，好多街坊都有幫襯。叫左一客蒜蓉包，佢有6件，真係勁香口，新鮮烘起，咬落聽到格格聲，好脆。另外，叫左個青咖哩牛肉都唔錯。首先，牛肉份量都唔少，算足料。而且青咖喱既特色就係唔太辣，而且食得椰香味，相信配薄餅會更加正。佢既椰汁冰相當令人驚艷，滿滿椰奶味之餘，飲得出唔係好稀，溝好多水個隻，所以真係好有驚喜，性價比好高。

食泰國嘢多數去啲泰國人開嘅一定夠哂地道同好食啲😌葵涌依頭有一間親民價既泰國餐廳，裝修平民但係食物質素唔差！性價比高👍➖佢哋嘅Lunch Menu好多選擇! 重點係❗️加$2❗️就已經可以飲到一杯凍泰式奶茶🤤（不過略為甜左啲）🥢泰式雞肉炒金邊粉$48碟嘢同杯奶茶一樣咁橙色😂 確實係幾好味同夠飽！不過唔小心撈埋側邊啲辣椒碎⋯唔食得辣嘅我表示好很辣🥵➖🍚泰式香葉辣椒炒肉碎配白飯$48肉碎炒得好香，送飯都好正！😋

呢間食過幾次，佢個炒椰菜苗真係好食，必點😋😋，我今次就叫左個豬頸肉炒，性價比高過就咁炒既椰菜苗👍🏻，我食咁多間炒椰菜苗，都係呢間最好食，每次去都會食😂柚子沙律好大碟，味道岩岩好，唔會太酸，太甜，加埋生菜，花生落去食，同埋少少辣，好開胃，食主菜前必點既頭盤😋😋再叫多個黃咖喱雞，同蒜蓉包，個咖喱都唔錯，但如果可以濃味，咖哩味再重啲就好好多，發覺蒜蓉包係點唔哂d咖喱汁，所以再叫多個飯😂😂大家如果黎食，一定要叫椰菜苗，同埋呢間小店唔洗加一，價錢相宜👍🏻👍🏻

住葵涌附近的朋友帶我來這家泰國菜小店晚餐，小店位於寶星中心內，她說這家是泰國人主理的，開了一段時間，差不多有20年多年這是亞潘泰國菜的門面。我點了一個泰式炒金邊粉 Phat Thai看起來都挺足料，有蝦丶炒蛋丶青口丶芽菜丶蔥等等。金邊粉酸酸甜甜，不過比較淡口味，蝦夠彈牙，青口都挺大粒，而在旁邊還有檸檬，辣椒粒，蒜蓉等等調味料，賣相像在泰國吃到的金邊粉，可再自行調節適合自已的口味。芒果沙冰清涼解渴。金邊粉近照，蝦在粉入面。泰式海鮮冬蔭功湯河湯河味道不辣，這個有點像迎合香港人口味，但我想吃辣一點湯底不知道為什麼有點重花生味，不過這湯河挺足料，有魷魚丶蟹柳丶蝦丶蜆肉仔丶芽菜等等，如果湯底辣點就更好。

早排去完泰國旅行，特別掛住泰國菜，所以同屋企人一齊去食泰國菜。呢間舖頭雖然細細地，裝修亦好似普通茶記咁，但食物嘅質素好好，亦都似係泰國人打理，嘢食都比較正宗。呢個泰式炒麵好足料，好似張圖咁見到有炒蛋、蝦仁、芽菜同蔥。味道偏甜酸辣，加左檸檬汁之後個酸味會更加強烈。好似普通泰式炒麵咁，啲麵條會比較淋淋囉囉，一個人食應該好飽。我特別欣賞佢炒熟左啲芽菜，因為有啲泰國人會擺啲生芽菜喺泰式炒麵隔離，食落去都幾唔夾同埋有草青味。當然每個人對食嘢嘅感覺係唔同，我比較鍾意熟嘅芽菜。第二樣叫左我最鍾意嘅木瓜沙律。呢個沙律佢整得都幾辣，建議唔食得辣嘅人唔好叫呢個。就算平時好食得辣嘅人，都記住同佢講小辣。呢次我係冇嗌小辣，食到噴火。但係木瓜沙律嘅口感好好，同花生、番茄仔、少少生菜夾埋一齊，食落去好清爽，亦有飽肚感，同時又幾健康。

陪人食lunch佢就介紹左呢間平民泰國菜🤤🍴泰式海南雞飯($48)雞肉好嫩滑好食😋但個人唔太好油飯所以轉左白飯~海南雞配上佢附嘅汁甜甜辣辣咁好夾❤️而且份量一啲都唔孤寒~雞同飯都比好多~❤️🍴泰式炸蝦餅($13/1件)個人本身好鍾意食泰式蝦餅所以見到就叫左兩舊黎試下~❤️上枱時已經剪開左一半但都仲好大舊🤤可以見到佢好厚肉❤️咬落口勁脆好香口蝦味都好濃👍🏻👍🏻🍴泰式雞翼湯米粉配喇沙湯($50)喇沙湯底本身夠香濃配上米粉索曬啲湯好好味~❤️