Andy's 烘焙坊 (Closed)

我第一次幫襯 <Andy's 烘焙坊> 是筲箕灣東大街分店，上年7月一星期的 Birthday Long Staycation，經過天后電器道，見到有間新店 <Andy's Coffee & Cake>！這間新店還設有堂食！ 比較其他 <Andy's 烘焙坊> 更多元化！ 早前，復活節 Easter staycation 再幫襯！供應：蛋糕、芝士蛋糕、飲品營業時間：10:00am~8:00pm每當我經過，望一望店子陳列的蛋糕款式，女店員都會以手勢招呼我入去！買蛋糕附有大膠刀一把，方便切開蛋糕！抹茶蛋糕 $60/ 個呈翠綠色，抹茶味算突出又清香，  質感綿密濕潤鬆軟，甜度適中！復活節 Easter staycation 再幫襯！日本柚子蛋糕 $40 / 半個夾雜少許柚子粒，口味清新，濕潤鬆軟！玄米茶蛋糕 $35 / 半個呈淺啡色，質感綿密，玄米茶口味輕微不突出！

呢款日式芝士蛋糕本身芝士味唔算特別濃... 冇歐美芝士蛋糕咁芝味濃郁... 但係幾有蛋香... 而且口感鬆軟綿滑... 整體上感覺唔錯!👍👍👍一個賣$85... 感覺都算合理... 所以已經回購過好幾次lu!😋😋😋

黃昏路過新餅店，受蛋糕香和簡約裝修風格吸引入內，直覺蛋糕可以一試。咁啱第二日有家人生日，詢問之下店員好細心教我隔日食可以放雪櫃，食之前再用焗爐番熱，於是我立馬揀咗個朱古力芝士蛋糕帶走。慶祝生日色彩口感可以再豐富啲，於是我買咗兩盒士多啤梨，切粒用果醬黐埋上去，加上生日牌同蠟燭完成。估唔到士多啤梨同朱古力蛋糕都幾夾，唔單止老人小朋友鍾意，連健康老公都話唔油膩，一陣間就俾人食哂，下次可以再試吓唔同嘅ideas ！