安妮三文治

Open Now

Now Closed

油麻地地鐵站A1出口，行3分鐘就到，門面唔太起眼淨係開6am至12pm，好似台灣啲早餐店咁枱面好多款式三文治🥪一共16款配搭健康有沙律蛋蕃茄治；邪惡嘅有餐牛治▶️ 火腿蛋治 ($13)白麵包鬆軟🍞底面搽上厚厚一層牛油🧈食落香啲夾住兩片火腿，唔係得一片隻蛋係流心蛋，啱晒唔鍾意食熟蛋黃嘅我部份蛋黃已經流咗出嚟😗食落冇咁乾-食完成份都幾飽肚👍🏻除咗三文治，仲有好多港式小食，例如粉果、燒賣、腸粉等價錢好親民，平均$15左右值得支持嘅本土港式早餐店！

良心小店, 由一對老夫婦經營, 老闆十分親切。食物質素很不錯, 特別喜歡他們的三文治和燒賣, 專營早餐小食。由黎明時份營業至中午, 一般紅日休息, 價錢亦十分親民。好多時都會見人龍, 係區內良心抵食食肆。

我真係好鍾意食早餐㗎一日之計在於晨一日入邊最重要嗰餐就係早餐！所以我每一日都煩惱食咩早餐好有依種煩惱，都算係一種幸福😌然而，每日起身嘅飽肚感都唔同有時你會想食啲輕啲嘅嘢；有時你就會想食啲油淋淋嘅嘢，填補尋晚八個鐘嘅空虛感今日我就叫左一啲油淋淋，充滿飽肚感既餐慰藉自己肚皮😕呢個1號餐$16包3條腸粉，1粒牛肉，1粒粉果，4粒燒賣加埋$7有埋支凍咖啡總數先$23質素方面，腸粉都幾滑，當然就比唔上深水埗鴨寮街公廁對面嗰間合益泰。但就絕對好食過你係OK，鴻福堂，711買嘅千年腸粉。其實食腸粉最緊要最緊要最緊要，又咪係本身啲醬，甜醬辣醬麻醬豉油。當中最最最重要就係麻醬，亦都係因為合益泰既麻醬溝左特別配方（豬油？！）先至特別好食。呢間啲醬都算幾好食，同埋都俾得幾多醬下。燒賣粉果牛肉三樣都好正常，10幾蚊質素就冇得要求太多。粉果果既皮就比較厚，通常我唔會食啲皮。三文治我都食過，味道又真係正常。可以一次就食晒兩種三文治既口味，起碼冇咁悶。杯凍咖啡/奶茶用樽裝，又係正常味。糖水就另上，你鍾意少甜多甜走甜自己話事。老闆其實係兩公婆兩公婆夾手夾腳經營依間小店，返工一齊，收工又一齊，吵吵鬧鬧嘻嘻哈哈又一日，真

好耐冇試過可以同老公一齊返工今日咁啱我要去尖沙咀區聽講座所以可以同老公一齊食早餐點知搞到啲時間太趕老公話求其買份三文治邊行邊食算啦我本身都有啲啲失望點知老公話呢間嘅三文治好好食㗎令到我立時又雀躍起來🤪其實種類真係好多😱配搭又多我揀咗碎蛋番茄生菜三文治佢啲料入邊都真係唔少唔係求其炆兩下就算老公嗰份就係碎牛炒蛋三文治我嗰份只係需要$18老公嗰份只係貴兩蚊👍🏻$20雞有三文治仲包嘢飲係邊度搵佢個奶茶都好得個喎老公話其實係可以落糖漿不過我哋邊行邊飲呢就唔搞咁多嘢啦但係唔落糖漿無糖奶茶又幾好飲喎仲要感覺唔肥添👏🏻👏🏻

哩間早餐小店非常溫暖，尤其個價錢但份量同質素都肯定超過哂貴多好多嘅店鋪買過第一次之後，極力推介比同事。搞到我變咗外賣仔，特登由油麻地買五個餐攞返油塘，攞到返去都仲熱你睇下哩個三文治餐都只係18，單買三文治都係12，足料又大份，仲要好食喎