沖繩二段料理 (荷里活廣場)

Open Now

Now Closed

沖繩特盛二人定食 $238先來個沖繩天婦羅拼盤，有兩條沖繩紫薯春卷，四隻雞軟骨餃子以及四件洋蔥圈。個餃子同春卷都唔夠脆口，只係一般。主食有烏冬及炊飯日本産天椒鰹魚牛肉壽喜燒湯烏冬天椒唔辣既，壽喜燒都偏淡味，但都算多料，正正常常咁。櫻花蝦蝦湯鍋燒芝士炊飯幾香櫻花蝦味，個芝士炊飯好似意大利飯咁，味道唔錯，不過無咩料。牛油蜜糖芥末鍋燒黑椒炸雞 炸雞幾重黑椒味，加個蜜糖芥末醬幾有趣。但我覺得最有趣係三個主食都有粟米粒，好百搭！（笑）甜品有兩個花之雪糕冬甩，可說是店舖招牌，二人餐無得揀就係海鹽焦糖冬甩，冬甩微熱，重海鹽味，配焦糖醬味道好豐富，加埋雪糕更加正。兩杯餐飲選了黑糖菊花茶及黑糖檸檬茶，以黑糖代替糖水，飲落唔係好大分別。總括來說呢個二人餐係好豐富，份量亦算多，食物名夠晒長但整體食物質素只是還好，唯獨個冬甩堅係幾好食既。

每次經過荷廣都見呢間野好多人排隊🧐曾經有一次行過見佢有冬甩賣幾吸引咁忍唔住買左黎食🤭丫 都唔錯幾好食😋所以今次就的起心肝係度等位 等左半個鐘有多睇住佢門口車仔既冬甩都清晒 我好擔心自己冇冬甩食😂不過店員話堂食跟餐既預左份量 不過車仔就唔再出嚕🙈所以如果經過都可以試吓佢地既冬甩 係唔錯既👍🏼 今晚係食晚餐 見到佢餐牌都好多野選擇🤔亦都有唔同既餐set去配合返大家🤪我地揀咗各自一個一人餐 有鍋物燒 有鍋燒飯麵 有甜品餐飲😲成個餐真係好抵食 又飽肚🤭-🔸牛油蜜糖芥末鍋燒黑豚炸雞🔸蜜糖芥末鍋煮豚肉 炸雞睇落都已經over咗金黃色 變咗深啡色🍗所以食落都覺得有少少 ‘鞋鞋’ 地🤔粉既厚度都尚算可以接受既味道就有嫁喇 因為始終都係淋醬係面不過個火喉方面就真係要教一教🤨 至於鍋煮豚肉都唔算係啲咩特別既菜式😌份量多既 味道都係不過不失 主要都係靠個蜜糖芥末汁吊味😆菜同豚肉既比較都平均 當係一個普通餸菜係ok既🐖-🔸芝士濃蝦鍋燒炊飯🔸櫻花蝦濃蝦湯烏冬 炊飯入面有好多櫻芝蝦做配料 仲有啲野菜🦐🥬蝦湯都算濃郁 亦唔會特別咸 配返櫻花蝦既香味唔錯🤤芝士襯熱既時候就要先撈勻佢 咁先可以痴到粒粒飯都有😬呢個配搭都

今晚搵食攻略 日式餐加甜品二重鍋定食 即係一個飯一個係餸 包飲品和甜品一件牛肉粉絲配炒飯 芝士香舌配番茄肉醬炒飯 海鹽冬甩甜品日式醬汁煮牛肉加粉絲 本身鍋底淺感覺會好似好多料,但食落真係幾足既食到好多牛肉片同吸湯既粉絲條仲有野菜粟米粒 燒汁甜香牛肉片夠肉味不柴炒飯加了秋葵粒和芝士汁,拌勻食口感豐富又芝味濃香煎牛舌片加了芝士汁,食落特別香,牛舌片薄脆口感香口帶油香炒飯粒粒爽身加埋肉醬拌勻食味道夠豐富甜品冬甩圈一個加雪糕 口感煙韌Q勁,焦糖汁濃甜味道特別好食鑽石山龍蟠街3號荷里活廣場1樓182號舖評分8/10消費$150

黎到鑽石山廣場，附近冇咩野好食，經過見到有一間好日本feel嘅餐廳就去試一試。呢間原來係各地都有分店，包括荃灣同油塘。93蚊一個套餐，包野食同甜品，算係性價比高嘅餐廳。入座冇耐就見到餐廳開始多人同要排幾耐隊。定食由A+B＋C＋D各選一而組成，款式都算多，主要以一份鍋燒肉類，一份炒飯／鍋燒烏冬，一份甜品同一杯飲品組成。今次就叫咗兩個lunch set，包括牛油蜜糖芥末鍋燒炸雞＋壽喜燒湯鍋烏冬同蜜糖芥末鍋煮豚肉＋櫻花蝦濃蝦湯烏冬。份量非常之充足，個人大推櫻花蝦濃湯烏冬同蜜糖芥末鍋煮豚肉，濃濃嘅櫻花蝦湯底滲透入烏冬入面，每條烏冬都掛有濃濃嘅蝦味。而蜜糖芥末鍋煮豚肉調味調得幾好，甜甜的，幾特別。最後仲有個壓軸出場的甜品，係咁多樣野食中最好味的，甜甜煙韌的donnut，配著慢慢溶化的海鹽雪糕，一甜一鹹，一冷一熱，配合得恰到好處。

在門口等位等了一小時，然後突然說過了號數，還態度奇差的跟我說不要行開，事實是完全沒行開過，被無理對待真的很過份食物質素一般，其他職員可接受但門口那個真的接受不了

見荷里活竟然有間咁抵食嘅日式餐廳，仲要係黃店，梗係要來試吓啦！呢間其實係一間BAKERY嚟嘅，主打就係買冬甩（波堤），但見佢啲餐都幾好食，就試咗佢個二重鍋定食。二重鍋分別可以嗌一個餸，同埋一個飯，再送一杯嘢飲同一個冬甩！一共都係$78 +1！係非常之抵食嘅！我同屋企人一共嗌左三個set，睇吓好唔好食啦！A 餸鍋：黑椒煮美國牛肉，黑椒煮雞扒，照燒鍋煮雞扒點解我會將三個餸放埋一齊講？因為我完全覺得三個鍋冇分別！除咗係雞同牛嘅分別之外，基本上其他所有嘢都係一模一樣，唯獨係黑椒雞扒就多咗少少黑椒味，同埋有啲辣，除此之外都睇唔到任何分別。啲雞肉係非常滑嘅，但啲牛就真係有啲韌，味道方面我覺得係麻麻地。B1. 蕃茄芝士鍋燒炊飯真係超多超多超多超多芝士，芝士嘅愛好者必須嗌呢一個。每一啖都食到濃濃嘅芝士，芝士拉絲亦都非常勁，正因如此，呢一個鍋飯非常之膩！其實就咁食一個都夠飽B3 芝士野菜泡菜蕃茄鍋燒炒飯呢個完全唔係炒飯黎！同樣都係超多芝士，份量同上面嗰個蕃茄芝士鍋差唔多，味道就係多咗陣泡菜嘅辣味，同埋酸味，疑犯嘅質感都係同上面嘅炊飯差唔多，都係超膩！鍾意食比較韓式嘅人都可以一試，芝士同埋泡菜嘅組合係冇得

上次老公已經想食呢間，但太多人等，所以冇食到，但點知今次都係，所以最後都照等。先地每人叫左個一人定食，有一個主食，一個飯，有飲品，仲要有埋甜品，先覺得個芝士蕃茄飯不錯，雖然佢有芝士，但一啲都不漏，個甜品都好好食，埋單兩個人都只係$205，抵食👍🏻👍🏻下次可以再食過。

見佢有自己鍾意食既味海鹽焦糖味冬甩，我就買左兩個外賣試下，$30 兩個，一個海鹽焦糖味，另一個係紫薯味，海鹽焦糖味完全冇海鹽焦糖味，成個冬甩好油，同少少甜味，完全唔香，紫薯味有好少既紫薯味，唔強烈，又係好油，好失望。

超抵食又高質的日式餐廳👍🏻👍🏻😋晚市也是便宜$93 自選一款餸+飯/麵+甜品+飲品.分量很多很大，如果不是太肚餓，2個人share也是可以😌💠柚子鍋燒咕嚕雞 🍗雞肉分量好多，炸得香脆而且嫩滑😍柚子味好香，不過因為不是淋在雞上面，所以不太入味.💠超蕃茄濃度8湯烏冬鍋 🍅🥘湯底超香濃，應該加了咖喱醬作調味，所以超濃味😍入面有大大塊蕃茄和日本魚糕🍥好食好食！😋💠海鹽焦糖冬甩雪糕 🍦🍩超超超好食的冬甩，普通冬甩也是偏甜，但這個不會😚雪糕像冰，入口即溶，配合紫薯和焦糖醬食，配搭很好👍🏻👍🏻👍🏻👍🏻🔹菊花茶 𝘾𝙝𝙧𝙮𝙨𝙖𝙣𝙩𝙝𝙚𝙢𝙪𝙢 𝙏𝙚𝙖 

我上次光顧日本沖繩菜餐廳「Antoshimo Cafe & Bakery」，位於「荷里活廣場」一樓的分店，是還在使用以前手提電話「開飯喇」戶口的時候，當時我只是享用了一般下午茶茶餐而已。後來我在「油塘」商場「大本型」裡面，光顧過「Antoshimo Cafe & Bakery」在「油塘」的分店，終於嚐試過「Antoshimo Cafe & Bakery」裡面的招牌「沖繩菜」甜品，麵包「冬甩」加上雪糕的「海鹽焦糖冬甩」。另一方面，我在光顧過「油塘」分店「Antoshimo Cafe & Bakery」之後，我開發發現「Antoshimo Cafe & Bakery」擁有濃厚「沖繩」風味，加入濃味「黑糖」糖漿的「黑糖檸檬茶」飲品。我試飲過「Antoshimo Cafe & Bakery」製造的凍「黑糖檸檬茶」飲品之後，發現原來位於太平洋的「日本」島嶼城市「沖繩」，才是其中一個盛產「黑糖」的地方。我曾經嚐試試飲過「Antoshimo Cafe & Bakery」，另外加入「黑糖」糖漿作為主要調味料的冰凍飲品「黑糖檸檬茶」跟「黑糖檸檬水」，「黑糖」糖漿裡面的甜味，比其他糖漿的甜味也都更加濃厚。

當我去到想買下午茶買外賣時，我問員工可以外賣嗎？她說可以，於是買了，等了10分鐘，d員工不停望住我話唔可以外賣，感其實關我咩事？之後有位員工話提提我，下午茶無外賣，員工攪錯，今次就算，下？感關我咩事？係你地問題。ok！唔會再幫襯，多謝！真的無下一次lo

One of my favorite restaurants! Their sets are of great value. You can choose one hotpot dish, one hotpot main, a drink and a dessert at the price of $93. For the first set, we chose honey mustard pork and super creamy tomato soup udon. The honey mustard pork was a bit of a disappointment, as the mustard was barely there. However, the cabbage under the pork tasted really flavorful and delicious. The super creamy tomato soup udon was marked with 2 chilis on the menu, however, it was not spicy, so

呢間掛住沖繩特色的餐廳，其實有幾間分店，但比我發現其實間間的餐牌都有D唔同，但食它的目的無非都係為左食它個冬甩！因為真係好好食！今日食鑽石山呢間，嗌咗個二重鍋定食，其實幾豐富，$78 可以揀一個主食+一個飯/粉+送一個甜品雪糕冬甩+飲品，滿足哂鍾意嗌到成枱野食的我。牛油蜜糖炸雞都幾香囗，甜甜地幾開胃，配蕃茄鍋燒炊飯唔錯。友人揀的肥午壽喜燒都唔錯，味醂味夠，配的蝦湯烏湯又幾好食。最後當然要讚下個冬甩，食咗咁多次，質地都一樣咁正！配雪糕食一流。

【 超夠飽的下午茶 】去咗鑽石山荷里活廣場行街，嗰度啲新年主題裝飾已經佈置好，今年係Pegga Pig做主題，見到仲有碰碰車俾小朋友玩，幾特別，遲d可以帶仔仔過嚟影相。下午茶時間我去左Antoshimo Café & Bakery食野，點了一份下午茶套餐，店舖係採用手機落單，好似感覺上比較乾淨衛生，減少人手接觸。下午茶套餐有芝士蕃茄鍋燒炊飯，天婦羅小食叫咗洋蔥圈，總共有四個，餐飲叫咗杯黑糖凍菊花茶，另外仲叫咗兩個甜甜圈做甜品，口味係牛奶黃豆和黑白朱古力。甜甜圈上的朱古力好好味，造型都好有趣。

個冬甩我會推薦黑白朱古力口味。個黑白朱古力醬都OK多。食落口會真係食到有朱古力醬隻味。上面個綿花糖仔可以增加少少口感。不過個冬甩入面望落有少少油。整體都好食既。同埋呢隻口味我買個陣已經係最後一個。個阿華田味冬甩就吾夠味既。🙈食落口係食吾到阿華田味，係連少少都無。所以吾推薦。不過佢個冬甩入面吾會太油。兩款冬甩個口感都係有咬口既，都幾緊實。入面係吾會有餡料既。🧐而佢地主要味道係靠上面個朱古力公仔。個朱古力都好食既，吾會係好假既朱古力味。建議咬一啖冬甩再咬一啖朱古力咁食。價錢$30 兩個其實有少貴。吾建議買阿華田味冬甩，除非上面再有更多阿華田粉。