沖繩二段料理 (荷里活廣場)

Open Now

Now Closed

下午茶時間行街行到攰攰地，響鑽石山荷里活廣場想搵個地方坐吓，就發現咗一個幾抵嘅下午茶餐。呢間餐廳之前食過喺紅磡間舖，啲嘢食唔錯，不過最深印象嘅都係佢嘅冬甩，原來喺鑽石山都有分店。佢嘅下午茶定食有好多配搭，鹹嘅甜嘅都有。我就嗌咗2層冬甩雪糕乳酪布甸配海鹽焦糖冬甩雪糕。呢個餐計埋加一只係$65，就可以食到三件冬甩、兩球雪糕加多個乳酪布甸仲有杯嘢飲添，兩個人食都好飽。佢嘅冬甩夠煙韌，加上又鹹又甜嘅海鹽焦糖醬好惹味，乳酪布甸好滑又唔太甜，雪糕就正常發揮啦。餐廳唔算好多人，坐得好舒服。

之前喺油塘食過呢一間餐廳，印象OK，今次試下鑽石山分店。 食後感：主打滿足，食物偏甜，不過不失。 訂位/入座： 平日晚市六點半入座好好彩唔使等。 但我見已經要攞飛。 座位/環境： 我哋四個人入座，就有一個卡位。Ok寬敞嘅，但就絕對冇位擺自己嘢。 如果你有背囊或者手袋嘅話，放埋係櫈就會有少少迫啦。 其他二人或一人食客，就會坐喺一張大嘅枱然後有膠板擋住。 上菜： 手機落單。上菜都算幾快呀，不過有點甜品嘅話，記得要同店員講幾時要上。 （就算我手機冇揀後上甜品，佢都冇跟餐上。）食物：我就叫咗個自由配套餐，明太子烏冬加布甸，同埋一個冬甩嘅雪糕。 睇落果烏龍好似好大份，但實質果碗就好淺。畀定個心理準備，唔好期望好大份。 味道就係少少辣嘅明太子，唔係嗰種creamy嘅口味。烏冬就幾煙韌。 炸雞就唔錯，不過我唔睇理解布甸作用係乜，因為兩者唔太夾。 朋友就話布甸偏酸，但我都接受到嘅，因為雞同烏冬都有少少偏甜。 呢個應該唔會就係佢哋嘅配搭吧。 甜品方面，雪糕冇特別啦。但係冬甩食落係煙韌有飽足感，配埋個雪糕，一軟一韌一甜一咸就唔錯！ 買單：電子落單，但記得要去counter埋單。 四個人食咗差唔多五百蚊有加

週末去荷里活廣場食午餐，需要等幾張枱先入座。餐廳以手機落單，午餐自由配有主食、炸雞/鍋物、甜品及飲品，選擇幾多🤩 主食揀咗🍅特濃蕃茄烏冬鍋($106)及🐂肉味噌壽喜燒牛肉烏冬鍋($121)，食物以熱鍋盛載，味道正正常常，都唔錯小食揀咗🍮沖繩海鹽焦糖布甸雞，第一次食炸雞配布甸，將布甸放喺炸雞上一齊食，整體味道甜甜地，口感軟彈，炸雞微脆，味道出奇地夾，好有特色😆 另一款揀咗蜜糖芥末雞🐣見好多食評推介甜品，果然名不虛傳👍🏽 🍩沖繩海鹽焦糖雪糕冬甩口感煙韌，外層微暖，跟雪糕一齊食，帶嚟冷暖交融嘅體驗😋 餐飲有無糖烏龍茶

行經荷裡活廣場，見到門外告示嘅套餐幾吸引，便入去食自助下單，點了一個定食$82(堂食加一服務費，總數$90)叫咗黑糖檸檬醬油豚肉蒸飯，南蠻雞，無糖熱烏龍茶，沖繩海鹽焦糖雪糕冬甩無糖熱烏龍茶，茶味淡，但無糖飲到甜味🤔，等了一陣食物就來，賣相幾好！黑糖檸檬醬油豚肉蒸飯，飯夠熱，食落有點淋，豚肉得飯面上嘅幾塊😅，食到少許檸檬醬味，幾清新，味道唔錯👌南蠻雞炸雞食落熱辣辣，而且每件都加上酸酸地嘅沙律醬，食落幾開胃，炸得剛剛好，唔會太乾，食落外脆內軟，好食😋沖繩海鹽焦糖雪糕冬甩雪糕係雲呢拿味，冬甩係煙煙靭靭嘅口感，配上焦糖醬，都幾夾，幾好食👍整齊來講，環境唔錯，食物都幾好，份量都足，但食個午餐，接近一舊水，而且要自助下單，自己出門口埋單，要收加一服務🤔

進入餐廳隨即有筷子和匙浸在杯上和QR Code手機落單。點了一個定食：蜜糖芥末雞明太子櫻花蝦蒸飯+無糖熱烏龍茶追加 沖繩海鹽焦糖雪糕冬甩(+20)首先來了一杯飲品，温度足夠，但略嫌太濃。等了一段時間食物終於來了，賣相不錯！先吃蒸飯，太失望了，飯太淋可能焗了一段時間，但味道尚可；不過最驚喜的是炸雞，醬汁調得很好，味道適中，炸得剛剛好不會太乾，而且還有肉汁，吃到最後一舊還是外脆內軟的。最期待的甜品(後上)也來了，雪糕正常，冬甩比以前差了少許；焦糖醬和兩者都很配合。記得第一次在荃灣吃的時候是很好味很有驚喜，但現在沒有了*堂食加一服務費，外賣減💰10*付款方法：八達通、現金、信用卡

放工和友人飯聚，因為友人鍾情日式料理，所以選了這間餐廳用膳。定食套餐包括主食，小食及甜品各一份。食客可以自由配搭，而主食和的小食的選擇頗多，有三至四款蒸飯/炊飯和烏冬。小食則有數款炸雞或鍋燒料理可選。因為想食讚岐烏冬，所以點了明太子烏冬鍋。出於好奇，小食點了沖繩海鹽焦糖布甸雞。明太子烏冬鍋的烏冬麵條口感不錯，煙韌彈牙。明太子的味道不夠濃郁，但整體而言烏冬鍋算是可口。第一次品嘗炸雞配布甸，感覺沒有想像中好。布甸質感和味道均似乳酪，曾經嘗試一口炸雞一口布甸和炸雞及布甸一口吃下去的食法，但都覺得兩者並不是很匹配。雖然不是很難食，總之覺得d味同texture都唔多夾。偷吃了友人的蕃茄鍋和芥末炸雞，兩樣食物都比我選的好吃。興幸甜品選左沖繩海鹽焦糖冬甩配雪糕，同樣是沖繩海鹽焦糖，冬甩就好吃多了，為是次晚餐寫下美好的回憶。冬甩煙韌很好吃，難怪在等位時，見到不斷有人外賣冬甩啦。

今日約咗人三點半，三點鐘早到左，諗住有啲時間上去食啲嘢， 我知道半個鐘頭可能有啲急，不過食十分鐘我諗都夠食。點知我3點03分入單，到3點23分先至有嘢嚟，仲要係我催佢幾次佢先至有嘢嚟。佢個杯咖啡好似水，嗰啲烏冬好糊 中，嗰啲肉好鞋。完全唔明白點解會收咁貴，仲要成個場好多油煙味，葵湧廣場都可能好過佢。可能係我問題，我唔應該預半個鐘食，唔應該貪方便，唔應該見到佢個招牌同埋啲相就走入去，應該要做下功課先。我下次一定唔會，唔會係佢呢度食。

因為好想食佢個冬甩所以去咗呢間餐廳食lunch，叫咗自由配嗰個Set，佢都有幾多選擇，而我就揀咗以下呢個配搭: A. 櫻花蝦明太子蒸飯B. 黑糖檸檬雞C. 沖繩海鹽焦糖冬甩雪糕D. 凍咖啡(加HK$6)蒸飯啲飯偏淋，味道亦偏淡，本身以為明太子會好鹹。檸檬雞炸得幾脆，肉質都嫩滑同Juicy, 黑糖檸檬呢個配搭都幾新鮮，同份量都幾多。冬甩好出色，好有口感，又唔會太甜，配埋雪糕好夾。總結嚟講，甜品好食過主菜。主菜就不過不失，無咩特別。埋單我呢個餐要$104.5，性價比一般。而且杯咖啡都一般，唔太值得加錢，可以飲返其他免費跟餐嘅算。

去咗南蓮園池玩咗一日之後，影咗好多靚相，跟住就去荷裡活廣場，食返少少嘢補充體力。由於朝早已食了一個大早餐，所以實在食不下太多的東西，只想少少地食個下午茶，坐低飲下嘢食件蛋糕這樣。見到這間，早前看youtube的時候，看見有日本的youtuber介紹，佢哋啲冬甩非常好味。即刻入去試試。地方不大，雖然裝修有啲特別，但非常熱亦冇乜太多冷氣。見到他們店面，有不少冬甩，亦見youtuber介紹，所以我們都想試一試，可惜電話QR落單居然找不到冬甩選項，亦沒有任何下午茶或小點，或飲品之類可以選擇。只見到他們的二段料理。問待應他們說要找他們落單，全部都要問他們，非常麻煩。下單後他們又回來說，每人最低消費$80， 即係並不歡迎你入來食冬甩或者飲嘢，那為什麼一入店時，不說明最低消費？當時是大概近四點鐘我們叫了一個雙拼嘅冬甩連雪糕，另一個就係冬甩加雪榚，有麻糬煙韌嘅感覺，幾有趣嘅。亦有一塊類似朱古力的鬼面，打咭可愛，但我食唔落因為太硬亦冇乜味。飲品就係好普通嘅凍奶茶。見好多人食二段料理炸雞，可能真係無乜人好似我們這樣想要輕食。總括而言，一次經驗就夠，應該不會再回頭，因為服務質素，非常不好below aver

昨日我約左大學同學係大家返屋企既中轉站食飯，揀左依間沖繩料理。佢通常係一個飯配一個炸雞加甜品和飲品，百零蚊，算幾抵。我點左明太子烏冬，佢係撈既烏冬，好香濃既明太子，加上忌廉既烏冬，口感好滑。再配柚子醬炸雞，帶著柚子醬既炸雞酸酸甜甜，外脆肉唔鞋，一點都唔膩，唔錯！朋友既係壽喜燒牛肉湯烏冬，甜甜的壽喜燒烏冬最岩配牛肉，牛肉掛上壽喜燒汁更鮮甜。再配佢獨特既焦糖布甸炸雞，醮焦糖香加上微微既乳酸味布甸，每依度炸雞更帶多2份層次，減退炸雞既肥膩👍🏻今晚既重點黎勒！雪糕冬甩，佢依度既冬甩帶點煙靭、非常好口感，加上焦糖醬，超香！微熱既冬甩將冷凍既雪糕溶化，撈埋一齊食真係大好き🥰

芝士蕃茄炊飯+黑糖檸檬雞+沖繩海鹽焦糖冬甩雪糕+無糖烏龍茶: HK$105芝士和蕃茄是絕配的組合，尤其芝士熱融後變成拉絲芝士。就個人喜好來看，炊飯真的好吃。其次，甜的黑糖汁與炸雞一起吃，既甜又鹹的味道不錯。想轉換味道的話，可以加入檸檬汁。第三，冬甩既可以單純沾上海鹽焦糖醬汁吃，又可以與醬汁和雪糕一起吃。就個人角度來看，這是美味的甜品。如果想嘗試，可以於下午茶時段進食，會有一些較便宜價格的套餐。店舖收取10%的服務費。

食物好味多選擇，環境優美，已經唔係頭幾次食，可以話係老顧客最鐘意食佢地海鹽焦糖布甸炸雞加壽喜燒烏冬布甸口感絲滑，加上暖暖嘅烏冬加埋雪糕冬甩真係好甜，好好食，感覺幸福 附送嘅烏龍茶好清新個frd嘅明太子烏冬都幾特別

甜品才是重點的日本餐廳每個月至少吃一次但都是衝着甜品而去🍩沖繩海鹽焦糖冬甩這個甜品雖是隨餐附送但冬甩口感煙煙韌韌新鮮出爐的冬甩配上雲尼拿雪糕海鹽焦糖醬甜咸適中搭配起來非常融洽海鹽焦糖醬根本就是神來之筆把這甜品昇華到另一個層次總之超超超級好食十分推介因為太喜歡這個冬甩我幾乎每次都會加錢追加兩個冬甩👀大家留意👀外賣的冬甩因為不是即叫即造口感沒有那麼煙韌也沒有海鹽焦糖醬味道像普通麵包店的冬甩反觀，主食比較普通🐷大阪燒醬吉列豬扒吉列豬扒份量比較小勝在即叫即製上桌時很香脆搭配大阪燒醬味道不錯🍅蕃茄起司炊飯🧀️用新鮮蕃茄製成加上許多芝士每口飯都能做到芝士拉絲中意蕃茄和起司的朋友可以一試沖繩蒸飯🍚有香菇🍄甘筍🥕洋蔥🧅一起蒸味道清淡健康之選

沖繩二段定食 $79.0套餐定食人~鍋燒料理/烏冬/甜品/餐飲🟢蜜糖芥末黑椒雞，甜甜辣辣的，雞塊好juicy🟣配濃蕃茄湯烏冬+$19.0 大量蕃茄蓉，湯頭好清甜，配滑滑的烏冬， 超好味道🟠沖繩海鹽焦糖冬甩 海鹽焦糖醬冬甩配雲呢拿雪糕，鹹甜交雜，層次分明🥤配冰凍嘅烏龍茶，烏龍茶味香濃

今次嚟到鑽石山附近行咗成個荷里活廣場 覺得呢間餐廳嘅餐牌都幾特別 所以就試一試😍沖繩蒸飯連埋菇/甘筍/洋蔥一齊蒸 味道清淡 健康嘅選擇😂黑糖檸檬醬油豚肉蒸飯其實唔太食得出檸檬味 味道一般芝士蕃茄雞蕃茄芝士呢個配搭本人大愛 係拉到絲既芝士😋😋加埋炒洋蔥 令整個味道酸酸甜甜 好開胃撈飯一流南蠻雞炸雞件加上酸酸沙律醬幾開胃 上枱熱辣辣同脆 沖繩海鹽焦糖冬甩呢個甜品隨餐附送 冬甩口感軟糯 熱冬甩配雲尼拿味雪糕 好好食👍🏻👍🏻👍🏻 十分推介整體嚟講地理位置方便，性價比高套餐包埋甜品飲品都係$130內 個人認為幾抵食👍🏻👍🏻👍🏻