沖繩二段料理 (Megabox)

Open Now

Now Closed

見到餐牌的二人餐好豐富咁,每人$150都唔使,所以就入左去試下沖繩芝士火鍋拼盤前菜小食的薯條和炸雞,不過不失,不夠脆和熱,但麻醬豆腐就很好, 麻醬非常多! 芝士火鍋細細個,芝士味不濃,但拉絲效果很厲害!拉極都不斷,連旁邊的兩母女都話想試下! 炸包是這裹的賣點之一, 有幾種味道選擇, 其實款款都吸引主菜然後就是主菜了. 蒸籠上的肉很鮮, 很欣賞它有很多菜和南瓜, 很健康! 出面很少有這麼多菜的餐呀再打開入面原來是浸在湯裹的飯, 攪拌一下, 湯的精華和香氣都比飯吸了, 不是出面其他的湯飯. 如果想遲一點先食,可以把蓋子合上,很保溫!甜品最後就是甜品了, 雪糕下是像前菜炸包的質地, 這個配搭很新鮮, 一冷一熱, 再加上我最愛的焦糖醬, 一流! 總括而言,這個二人餐好抵食,不過份量較多,其實三個女仔SHARE都得!

星期日晚嚟到Mega Box去咗溜冰場嗰層睇下有咩好食, 見到Antoshimo嘅上蒸下煮二段定食好有趣咁就即刻排隊order啦! Order完就去搵位等食物送過嚟, 一邊食一邊睇Ice Hockey! 首先嚟嘅係沖繩芝士火鍋拼盤, 有炸雞、薯條、豆腐、脆包.薯條同炸雞炸得太油, 不過見住啲薯條點落呢個迷你芝士火鍋度, 拉到長長嘅芝士絲夠哂玩味!脆包我就揀咗沖繩紅芋脆包, 紅芋同脆包嘅味道都幾夾, 又係略嫌外層炸得好啲油.終於主菜上場啦~  先嚟明太子忌廉燒魚柳湯烏冬, 少少嘅明太子配淡淡忌廉香嘅烏冬.  忌廉+燒魚柳呢兩樣令我食食下覺得有啲濟, 可能係小食拼盤已經有啲油.另一個主菜係岩鹽泡菜蒸雞蕃茄芝士炊飯, 望落已經好吸引.首先有個牌教你點食鍋燒炊飯~ 壓碎啲飯, 然後加芝士撈埋一齊... 玩完一輪開始食啦!! 可能有蕃茄、泡菜呢啲酸酸辣辣吊味冇咁漏, 呢個飯係最好食!! 炊飯加埋芝士好正, 下次再嚟可以encore呢個. 食完一輪小食、飯烏冬之後已經飽飽地, 最後仲有2個甜品 - 沖繩海鹽焦糖冬甩新地, 呢個甜品味道有啲複雜!! 有好甜嘅焦糖醬, 但又有啲鹹鹹地嘅海鹽, 跟住硬硬

中午去到Mega Box 買東西，先去L10的food court 食嘢。眼見好多人食蒸籠的嘢，好似好新奇，所以決定一試。叫左漢堡豆腐雜菜黑咖哩烏冬$78(連一杯熱茶)。其實真的有點貴。上層蒸籠，這個漢堡很細塊，而且蒸的食法很濕很軟爛。其他豆腐雜菜也沒有特別味道，其實也是全部放入咖哩烏冬到食才有味道，唔明點解要分開放。烏冬滑，但可能是咖哩汁洁，有點黏底，有一兩條烏冬有燶味。整體覺得以這價格偏貴，就是有點新卓頭，但是有多此一舉，食起來返而更麻煩。

行完mega box 都不知食咩好，喺food count行左個圈， 揾位既時候見到好多人都食梗呢個蒸籠⋯覺得幾吸引，所以決定食呢間。。 我地叫左漢堡排野菜豆腐黑咖哩烏冬同豚肉炊飯...（對於男人黎講，呢個飯係不夠佢食⋯哈哈）配杯熱茶~茶包黎~好過成日飲凍野麻前菜有豆腐加芝麻醬～（我見到其他分店會有海葡萄架，但我地二碟都無既？）蒸籠上既配菜都係好清淡，漢堡扒好厚身~我全部倒曬落咖哩到食～ 黑咖哩味好濃，好入味烏冬好煙un~ 份量多~

點了岩鹽雞配壽喜燒湯烏冬及豚梅肉配芥末醬蕃茄芝士炊飯。雖然身處Food Court，但這間有送餐服務，點餐後只需坐著等便可。前菜麻醬冷豆腐，好吃。岩鹽雞配壽喜燒湯烏冬，賣相不吸引，實情也不算好吃也不難吃。岩鹽雞有如普通蒸雞，沒特別，也吃不到岩鹽味。湯烏雖沒配料，但湯底好，加上烏冬質素好，所以還不錯。如果加多些少配料，相信會更好。前菜同樣為麻醬冷豆腐，好吃。豚梅肉配芥末醬蕃茄芝士炊飯，先把芝士炊飯混合搞伴，搞伴至芝士可拉絲便可。芥末醬配豚梅肉非常好，甜甜的芥末醬，加上雖然薄薄但非常有咬口的豚肉，確實比岩鹽雞好吃數倍。而且蕃茄芝士炊飯非常好吃，非常好吃，真的非常好吃，重點所以說三次。下次再來一定只會選擇有蕃茄芝士炊飲的套餐，先吃烏冬後吃炊飲，兩者既質素，相差太遠。如果我只叫烏冬大概會不再回頭，相反現在還有點想吃炊飯。

Mega box 對住冰場嘅food court之前都食過唔少次, 全部都試過晒, 只有呢間新嘢好似開咗幾個月咋喎, 今次去試一試佢.之前路過此地, 都見到唔少人食呢間, 有個鍋做底上面放個蒸籠, 分開咗D餸, 又幾好玩喎, 而且選擇嘅種類都唔太少, 所以吸引到咁多人食囉.喺menu中睇中咗U14 漢堡扒野菜豆腐黑咖哩湯烏冬($78)日本咖哩一向都唔辣, 仲甜甜地, 烏冬有"趙" 口唔會冧, GOOD, 漢堡扒略為細塊咗,因為係蒸出來嘅味道會淡D, 豆腐OK滑的, 還有一些菇, 椰菜, 南瓜...等都係淡口味的, 加喺咖哩一齊食就OK喇.每套還有冷豆腐配一條海葡萄, 有番沖繩嘅特式.下面嘅我fd 食嘅, 可以睇清楚一set嘅餐所包嘅內容.另外單點咗個甜品, 京都抺茶紅豆脆包($20), 有點似食緊冬甩, 味道唔太甜, 但有點油膩, 未食過嘅都可以一試.

好特別，好特別，好特別！好味，好味，好味！繼續重要事情說三次二人行，叫左個二人餐C！勝在咩都有，唔洗諗諗諗，揀揀揀！老公話要B既，不過本小姐想食壽喜燒，結果？仲洗講即呵呵～～拼盤首先着落～～長輩成日話唔可以玩食物，但係個人覺得芝士係要玩住食先開心既！份雞同個包既脆面一粒粒，口感幾特別，脆口得黎唔刮口！雞同薯條都有粘到芝士黎食，拉啊～拉啊～拉啊～一斷個下超好彈力有人仲彈到痴住塊面禁好玩，普通野都食到唔普通啦不過上漏左豆腐，要問佢羅返！個面個兩條叫“海葡萄”既物體，係搞笑既唔洗驚，無咩味，豆腐就個好似煎堆禁既包！！！唔識形容，總之一定要試主食～飯同烏冬 着陸～～一落黎，有上下層，我講左句：禁特別既？點食架？個上菜阿姨真係認真禁答左我，撈埋食又得，分開食又得最後我地試完，覺得撈埋好食啲！成份主食，每一樣野啲味都好夾，個味唔濃唔淡得黎，係清甜最重要係蒸出黎，對成日局住要出街食既我地黎講，真係………好感動個飯又有芝士撈，個衰佬又係度拉拉拉我個烏冬超級滑嘟嘟啊之後換轉黎食兩樣都個餐跟野飲，兩杯都要左玄米茶，清香可口！！甜品！！！海鹽焦糖冬甩新地！甜品係食完所有野之後，自己叫佢上既！好安排！！係我埋

今日做完野, 然後去mega box搵食, 行到溜冰場個層, 見到呢間未食過, 睇圖好似幾吸引, 就點左個大蝦海鮮炊飯, 包飲品, 我選左蜜桃紅茶。一Set 野好靚! 蒸籠盛滿豐富海鮮, 有1隻大蝦, 2隻青口, 2件魚柳, 1條蟹柳, 南瓜及菇同菜。不過係凍既, 到時撈落D飯到食。前菜有麻醬豆腐, 同一碟芝士條。杯蜜桃紅茶好冰凍好好飲. 青口帶有海水鹽味, 蝦也煮得很入味, 魚柳嫩滑, 南瓜爽甜。個飯仲有幾個湯底選, 有豬骨味, 蕃茄味, 辣豬骨蕃茄味, 我就選左辣豬骨蕃茄味, 味道幾香濃, 但一D都唔辣,方型飯幾特別, 將飯同湯攪混吃。然後把芝士條, 所有海鮮同菜撈埋一齊, 芝士溶化後, 變成絲狀, 好靚!仲好好味。

本身想食以前間咖哩店，上到去先知已經變咗做呢間沖繩料理。年幾以前食過Mikiki嗰間，啲包係真係好食嘅，但熟食有待改善。而今次食完，都係覺得有待改善。嗌咗個 漢堡扒野菜豆腐明太子忌廉湯烏冬，太好了有埋送餐服務。蒸嘅漢堡扒很少見，其實有少少似蒸肉餅，加咗少少海鹽吊味，簡單得嚟唔錯。但整體嚟講份量有點少。下層係明太子忌廉烏冬，明太子唔多。其實唔係好明呢個上蒸下煮有咩意思，冇咩gimmick與其話特別，其實係咪只係方便咗廚房？對客人嚟講好似只係佔位置。其實我鍾意食佢地啲包的，不如集中多啲喺做包方面仲好啦。

睇完戲都成9點幾，其他餐廳都試過晒，係未試過呢間叫做”新開” 的沖繩菜。睇完menu最後揀左特別的二段定食。個set除左有6款主菜之外，仲可以揀返個炊飯湯底，我揀左大蝦海鮮拼壽喜燒炊飯(蔬菜雞湯底)，男人就揀左蜜糖芥末漢堡扒拼微辣蕃茄炊飯。可能已經冇乜人，上菜時間都好快，等左5-10分鐘已經有。一黎就見到個蒸籠熱辣辣出晒煙，二話不說跟返張卡仔既指示話拎起個蒸籠張d芝士倒晒入個炊飯度做返個拉絲既效果。試左個炊飯，其實應該算係湯飯(?)，兩個飯既湯底味道非常濃郁，d飯索晒湯既精華，齋食飯其實都好夠味！而d餸個份量都剛剛好，大蝦海鮮入面有魚有蠔同蟹柳，另外有椰菜同菇，非常健康。而蜜糖芥末漢堡扒就唔係好食到蜜糖芥末味，同一般食開既漢堡扒差唔多。但整體個炊飯都幾特別，值得推介。

上班時間在Megabox揾食，發現開了間新食店!都市人開始講求健康，“食”絶對是重要的一環，這店正正打響其號 “蒸” ，加上潮流興，因此吸引了不少食客。價格在九龍灣來説不算貴 ，當然要試下啦！岩鹽蒸烏冬~豚梅肉蒸烏冬定食$52定食包含蒸豚梅肉烏冬、胡麻醬豆腐、唐辛子芝寶炸雞、柚子醬汁及玄米茶。眼看真實和廣告相比份量有點距離，夠飽嗎？但食物連蒸籠一起奉上，感覺非常別緻和能保持熱騰騰的感覺。豚梅肉蒸烏~烏冬不算特別彈牙，豚梅肉質淋身，帶淡淡肉味，上面放了蝦肉色好似幼肉絲，和酸味醬汁混合，增加了一點胃口!蒸籠放了一張類似牛油紙在籠底，蒸籠中心熱力十足，但旁邊相對熱力下降，因此意圖撈勻烏冬，將熱力分散一下。因蒸的過程中出現水份，當我撈烏冬是不小心弄破了底部的紙，當吃烏冬時也不知不覺地連紙也一起吃了。胡麻醬豆腐~豆腐好滑，豆味一般，配了芝麻醬，香濃的芝麻味，不會過咸，味道剛好。唐辛子芝寶炸雞~外皮鬆脆，七味粉味非常特出，肉質嫰口不乾身。柚子醬汁~我以為是麵豉湯，麵豉味濃，感覺足料，味道咸了一些 ，但一點柚子味都沒有。配熱玄米茶，只是茶包，也不是特別香濃。嘆完杯茶，對我來說已經有7分飽，也是健康份