沖繩二段料理 (Megabox)

Open Now

Now Closed

日本風味Antoshimo Cafe & Bakery 今日又帶仔仔黎Megabox E3club玩波波池放電喇！玩完一輪更係要食好野啦！哥哥今次話想食薯條！我又想食烏冬！咁就食充滿日本風味既Antoshimo Cafe & Bakery啦！我地叫左個壽喜燒烏冬加冬甩拼盤、加多個$12餐飲！一共$80！大約五分鐘就出餐lu！快、靚、正！個餐飲玄米茶，佢俾左個紙杯熱水！我地自己用玄米茶茶包開茶！個冬甩拼盤有黑糖蜜甘薯條加餃子加原味海鹽焦糖冬甩！黑糖蜜甘薯條真係超級好味！我自己都食到停唔到口！甘甘甜甜！又夠脆口！兩隻煎餃子煎到好香口！配埋d酸酸甜甜既醬汁非常惹味！原味海鹽焦糖冬甩！食落好鬆軟香甜！哥哥都讚不絕口！仲有仲有！個壽喜燒烏冬真係好大碗！有埋魚蛋、粟米、蔥花配料！烏冬非常彈牙！湯底又夠入味！正正！總括：餐廳係food court入面！環境寬敞！唔洗等位！食物品質一流！真係好有日本風味！出餐非常快！我會再來的！

今日lunch去左食一間沖繩餐廳，主打一鍋鍋嘅燴飯或烏冬🍥 今次叫左牛肉壽喜燒讚岐烏冬配沖繩蒸餃子🥟 ($58)佢分開兩個蒸鍋上，好特別因爲食日本菜會用中式嘅器皿😆😆跟餐配玄米茶或者水蜜桃茶！牛肉烏冬個湯底係牛肉湯，唔會太鹹，不過啲烏冬淋左少少😪佢d牛肉份量可以再多d嘅我覺得😆 然後到個蒸餃子，佢面頭有小小佢地自配嘅醬，我食落覺得似辣味嘅芝麻醬👍🏻👍🏻👍🏻餃子係長條型，入面有椰菜同豬肉，依個好好味，仲要係有四大條添😘

今次其實係我第二次食呢間野，上次食朗豪坊果間既下午茶，今次食megabox，至於點解食多次，5係食過番尋味，純粹失憶症發作。 講番正題，呢間野主打係食"沖繩二段旨鍋"（詳細咩黎我5知，總之係菜色名）;餐牌有烏冬或飯揀，今次我係食佢個飯餐的（餐名睇相）。野食一黎，有個蒸籠同一個木架隔熱既鍋，蒸籠裝餸，鍋裝飯，有煙出，望落賣相唔差。食物方面，首先講飯，個鍋（定叫炊）都夠熱，算溶到少少芝士；我係食芝士蕃茄湯，所以飯係浸住蕃茄湯（廢話），而溶左既芝士就喺飯上面，混好湯同飯後，食既時候都有少少少少拉絲；可是，蕃茄湯我嫌佢太少蕃茄味，味道偏淡，所以即使食到最尾，飯吸哂湯後，味道都係無咩蕃茄味，有點失望。然後到個餸，餸有豬柳片配芥末醬、少量菇、芽菜及南瓜，份量都算幾好；芥末醬豬肉無蒸過火，算嫩，所以正常無野好講；菇係正常但太少量；芽菜夠爽啦但無腥味；南瓜就硬左d（吸完湯都係硬，真係硬）。總括黎講，個餸清淡得黎味道都不差。結論係，分開評，個湯蕃茄味要濃番d先會好食，而蒸籠裝既餸賣相幾好食落還好；兩者結合評，淡+淡= 淡，不太合我口味。有意識下會5會食第二次，會既，不過一定係下午茶去食，平約$20丫大佬

又被男友人帶黎睇戲，本身係食ikea，但多人到嘔，都係上返黎食food court。我地揀左呢間食烏冬，原來下午茶仲未截，拿拿聲叫左先。我叫左壽喜燒湯魚烏冬，個湯好甜，份量同午餐一樣，啲魚我以為係魚蛋，原來係魚柳，不過麻麻地好食，而烏冬都幾彈牙，唔冧，跟餐有熱檸水，好特別佢係用黑糖，落完之後成杯野會變左檸茶咁樣，味道唔錯。由於男友人好肚餓，佢叫左好多野食，仲嫌下午茶少直接叫左午餐，貴好多囉。佢叫左牛肉壽喜燒湯烏冬，試左跟餐嘅沖繩蒸餃子，入面嘅肉好粉，一般般。佢仲加左流心蛋豬柳，試左半舊覺得還可以，係炸得幾香，但入面都係粉粉地咁，佢覺得好好味仲叫多份。食完哂佢仲未飽，再加沖繩辣豆醬餃子，新鮮煎出黎好脆！

好耐冇去mega box,既然去到就順便係度食埋飯先走。係food court食野仲可以睇埋冰上曲棍球比賽（咁岩遇正比賽）。睇左幾間食店，覺得呢間既野食比較特別，於是就揀左呢間。排隊點完餐後就會有人送餐。我地點左沖繩二段定食旨鍋，分上下兩段，上下兩段自由選擇。我地揀左以下兩sets:是蒸的，感覺幾健康😊。牛肉+菇係我既至愛，雖然有啲清淡，但有牛肉味😂。而烏東望落去好似幾濃味，但食落都幾淡。至於黑糖檸茶唔會好似茶餐廳咁甜，唔使叫少甜都得，岩我。呢個組合岩食清淡的朋友。椰子飯色香味俱全，燒賣就比較普通，冇咩特別。至於小食拼盤，雞翼既醬比較特別。雖然叫辣豆醬雞翼，但真的冇咩辣，有啲似腐乳醬。而餃子既皮都算脆。最值得推介既係黑糖蜜蕃薯條,無錯，係蕃薯條，唔係薯條🍟。好甜既蕃薯味, 好好味。本來生緊暗瘡，諗住減食熱氣野既我都忍唔住係咁食😜。

行完山落返鑽石山喺荷里活廣場揾下有咩好食，朋友推介呢間日本cafe所以決定一試。我哋去到嘅時間咁啱轉咗下午茶menu，選擇都幾多! 小食拼盤到烏冬配薯條都有。order咗一個壽喜燒湯魚烏冬，套餐連飲品，行到熱辣辣梗係點凍蜜桃茶。湯底味道濃，但係唔重味精，食完唔涸喉👍🏻 份量對女仔黎講啱啱好，當然話晒係下午茶都唔可以要求太多~

坊間少有沖繩菜色食到！！除非親身飛去沖繩食啦！！前幾日去左Mega Box, 見到有沖繩菜食！！Autoshimo Cafe & Bakery!! 個名有D長！！試下先！！好有新鮮感！！坐低我叫左個日式流心蛋豬扒烏東加蜜桃茶！！男友人則叫了個日式餃子烏東加蜜桃茶！！我覺得流心蛋豬扒呢個组合都幾特別！通常最多都係芝士豬扒嘅組合！！流心蛋都幾流心！！加埋豬扒食剛剛好！烏東都算彈口！！蜜桃茶就一般！！日式餃子就無乜驚喜！！不過餃子面頭嘅汁就幾有芝士味！！

When I wonder around megabox i found this restaurant. Many people outside the ice skiing are eating this. That’s why I try. The noodles are 稻庭烏東 and surprisingly good. The dumplings are normal and the desert is interesting. Hot donut with ice cream. Will definitely try again

沖繩上蒸下煮之芝士炊飯定食俾佢既餐牌吸引住, 呢度有炊飯SET OR鳥冬SET而我就簡左食炊飯有四樣唔同的炊飯SET,  1) 豚梅肉 2)岩鹽雞 3)燒魚柳 4)野菜豆腐前菜+主菜+餐飲都係$48, 免加一大約10分鐘就上餐, 都算快但賣相同圖片的餐牌有落差,下層係坎飯, 只係微暖, 加入芝士落飯度唔會溶胡麻醬的豆腐算滑,  NORMAL微辣蕃茄炊飯, 唔夠蕃茄味, 唔夠突出主菜的岩鹽雞, 唔夠滑, 蔬菜,紅蘿蔔, 菇 都好清, 因係蒸的關係飯的份量算少, 反而烏冬SET份量較多餐飲係蜜桃茶, 味道恰到好處, 唔洗加錢, 為一取勝的地方

幾個月之前去完沖繩,好掛住沖繩既味道其實呢間野都食起碼第3次喇咁啱今次仲唔駛等位添睇完D餐牌,今次叫一個餐啦仲有甜品個餐未到,個職員無啦啦走過黎比番錢我,原來佢話張單打多左個冬甩價錢,好好咁過黎解釋同比番錢,值得一讚~~今次叫左個沖繩蒸餃子配牛肉壽喜燒湯烏冬,仲有個海鹽焦糠糖冬甩新地,飲蜜桃紅茶~~叫完比左個號碼牌,坐低等人送黎就得喇,甜品可以食完先去拎~~等左一陣,個餐送到個餃子出奇地好食,裡面原來仲有軟骨架喎,味道幾好食,個皮都好軟~~牛肉壽喜燒湯烏冬,睇落以為好淡,但其實好夠味架喎,牛肉都唔算少,肉質唔錯,烏冬吸收晒個壽喜燒湯底,好夠味~~蜜桃紅茶,好清甜幾好食完去攞個甜品啦~~海鹽焦糖冬甩新地~~雪糕有幾個味可以揀,我揀左朱古力味,等左陣,個甜品可以攞走啦~都擺放得幾好,幾吸引,可以呃下LIKE添~~但個雪糕太硬,未溶,咁食住個冬甩先~個冬甩真係好好食,好軟熟,唔會硬左~~再加上有淡淡海鹽味,加上焦糖醬,同個冬甩都幾夾個朱古力雪糕,朱古力味極濃,唔係普通既雪糕,味道幾好~~係香港都比較少有沖繩特色既食店,可以一去再去~~

呢間野睇落幾有趣，上面菜下面飯。試試佢！睇餐牌就幾吸引，兩個人一個豬一個雞。一上到黎，唔係話好差，但同圖片差左dd啦。呢個set黎既，有飲品有個凍豆腐加主菜，都算係咁啦。菜類都幾多，可惜冇乜汁比較乾身。個雞都睇得出，幾乾身下，好處係唔肥，個人喜歡唔肥既雞，少少鞋在所難免。呢個豚肉睇落係唔錯既，同圖片既出入係比較少既，唔好以為好似好多汁咁，其實唔係好夠用，個人口味比較清淡，咁就免免強強夠味。總括來說，正常出品，好玩多過好食。唔係貴既，個人來講，試一試可以，但不會番食。

Lunch 食個包後同朋友行戶外市集後，再行呢個大型商場，睇傢俬，飾物，睇衫，買零食，一行就行左成幾個鐘，行到腳步浮浮，個人散散地，又要食野充充電，但又唔想食好味但熱氣既下午茶，行左十幾間比我搵到間日式蒸飯48蚊既下午茶。真係未食過，之前以為呢間只係賣包。睇左一輪叫左個魚同豚肉分黎食，我覺得魚好味D, 芝士一碟仔自己加多加小都得，南瓜加芝士加魚。好味同自我感覺健康D,不過有芝士又點會健身呀...

喺mega box睇完戲就去附近睇睇有咩好食，無意中發現呢間店唔止食甜品，原來係仲有飯食架，舖面細細，所以好易睇漏眼，之前路過幾次都留意唔到，差啲就錯過佢既美食！細心研究佢設計得好精美既餐牌，原來都幾多選擇，佢主打蒸品同烏冬鍋，仲特別強調係來自沖繩的料理，果然係間正宗日本食店。另外，幾欣賞店員服務態度殷勤，而且好快有得食，雖然算係快餐，但製作一點都不馬虎，食物質素佳！點左蒸餃子+壽喜燒牛肉烏冬鍋，呢個食法同設計好創新，出面未見過，籠餃子放喺烏冬鍋上蒸住，好聰明！個烏冬鍋湯底夠濃，麵質彈牙！牛肉好正，大大塊！蒸餃子上的沖繩名產特製醬汁好特別，出奇地同餃子好夾！好味！

路過見到佢地有即整的炊飯，好想試下。但基於時間有限(得45分鐘時間，之後要上樓上睇戲><)，好快就放棄左個念頭，哈哈哈。打算改食甜品: 沖繩海鹽焦糖冬甩新地，點知無得賣最終唯有買二個脆包試試啦。本身覺得應該都係整定，同平時麵包店一樣，無乜期待。。點知原來佢地係即叫即整。新鮮熱辣脆卜卜的。沖繩黑糖吉士脆包*$18*:外表新鮮所以真係好脆，但吉士就真係普通，無乜驚喜。紅豆麻糬脆包*$18*: (<原來叫京都抹茶紅豆脆包，但佢話無哂，建議我換左尼款)開頭一咬淨係得紅豆，以為被玩了。但再食就發現麻糬在另一邊。脆卜卜外表加上軟綿綿麻糬，口感很特別。值得一試。

這間餐廳趴B早在Mikiki食過，但上蒸下煮的二段定食就唔係間間有，所以趴B今次就來到Megabox分店嚐嚐！🍼 原來餐廳而家做緊Promotion，晚餐同午餐係一樣價錢，都係$48！！🍼而趴B就選擇了蜜糖芥末豚梅肉炊飯！配微辣豬骨蕃茄炊飯～～重有木魚冷頭腐同芝士！（芝士係無限追加架！）🍼芝士重有兩款選擇！重會放喺到比你仼拎！🍼 凍蜜桃紅茶！同加咗海鹽焦糖雪糕donuts 😍😍（加18蚊）🍼您只需要拎號碼牌找位子，稍後就會有專人送餐，非常貼心。而甜品都可以後拎。🍼蜜糖芥末豚梅肉炊飯：趴B覺得椰菜加蜜糖芥末有啲唔夾，但醬汁配豚梅肉就好夾！可能因為蒸耐咗，豚梅肉有啲乾身。不過整體係不錯🍼 先講微辣豬骨蕃茄炊飯的食法，要先將芝士加入，再作搞拌，記得可以無限追加架！加埋好好食架！🍼 而炊飯就有少少辣味幾惹味！蕃茄味都幾濃，但就無豬骨食的😂飯都得好少⋯⋯所以只適合細食的朋友xD🍼 重頭甜品來了！趴B最愛就係這裡的甜品 - 海鹽焦糖雪糕donuts 😍😍（加18蚊）🍼因為佢係新鮮整的，所以要等十分鐘到。🍼介紹下個甜品先，個donuts好熱好脆，而雪糕撈埋熱辣辣的海鹽焦糖醬及donuts！咸