Anyhow Bar & Restaurant (Closed)

之前同朋友食過一次、食完果次好好食想再黎、今次就帶麻麻地食西餐嘅男朋友黎。最推介係黑松露薯條、為佢而黎，每條薯條都充滿黑松露味、份量又多、好正100分今次試左黑松露卡邦尼意粉，意粉硬度剛剛好，口感唔錯，味道正、亦都推薦！！而牛就ok,無咩特別。總結：男朋友竟然好滿意呢餐。

Anyhow係我同男朋友食過覺得最好味既西餐🥺💛希望大家多多幫襯😆前前後後食左三次 呢三樣都好值得介紹！1️⃣澳洲150天穀飼純種黑安格斯肋眼牛扒我同男朋友都好鐘意食西餐既時候嗌扒😋太貴既我地唔捨得食 而係呢度就有CP值高既rib eye😛嗌左七成 好juicy又重牛味🤩之前都有試過西冷因為職員會介紹當日邊款牛靚啲 都好好食😆2️⃣香草慢烤加拿大豬鞍呢個真係非常驚喜！好少會嗌豬鞍 但第一次黎既時候聽到職員同啲熟客講話豬鞍係必食 個火候控制得好好！個豬鞍超嫩 比牛更juicy🥺3️⃣黑松露忌廉芝士焗薯條但我同男朋友最鐘意都係呢個焗薯條！🤤黎親都有必叫！！一上枱已經聞到超香既黑松露味！份量超多但忌廉芝士幾乎可以佈滿每一條🤤🤤每次食完都勁滿足！😍希望可以保持水準😆

星期二同朋友嚟咗呢間慶祝，限聚令下，餐廳人流不多，店內環境也尚算舒適，唯一暗咗小小，如果台頭有點燭光會容易睇清楚啲嗰menu嘅。首先叫咗個出名牛扒試吓，五成熟剛剛好，果然係招牌菜式，非常好味😋另外又叫咗巴馬火腿芝士三文治牛油味香濃，仲有一碟星級贈送海膽刺身小食，海膽底部加咗一片好似醃製過嘅青瓜片，食落去有清新感也滿足朋友食海膽嘅慾望。而餐廳內嘅幾位靚仔哥哥服務態度也非常好，老闆年輕親切。大家嚟到大埔真係要支持下。😍

翠怡對餐廳來說，可以稱得上臥虎藏龍，少一點實力都站不住腳的地方Anyhow 其中一間以❤製造，有堅持的小店地方小小，滿滿人情。受疫情影響，有一段時間要呆在家中，再次回到掛念地方，當然要點選記掛的美食紋甲魷魚刺身加拿大海膽，鮮甜美味，加一杯🥂，絕配也😍法國踏入"R"月份，生蠔就變得肥美，滑滑的口感，絲絲海水味半熟香煎帶子配上魚子醬，魚子醬提升原本偏淡帶子，軟滑鮮嫩。蒜香白酒煮花甲，今晚換上鑽石蛤，濃郁醬汁，加上大大隻的鑽石蛤，十分滿足

見網友介紹今晚就去挑戰下，一入去環境氣氛唔錯，我問可否轉位？女職員即刻轉比我並送上一杯溫水👍🏻👍🏻👍🏻每一道菜都好平均簡單如前菜沙律多士都好好蒜蓉多士熱又脆👍🏻海膽魷魚堅好食😋帶子黑松露忌廉意大利飯👍🏻👍🏻

今日食左一個好豐富既晚餐，慶祝另一位朋友生日。店員好好一黎到就推介左呢到既王牌忌廉蒜香花甲配蒜蓉包，花甲隻隻都好肥美鮮甜，湯汁完全唔油膩，再將蒜蓉包點上湯汁，呢個配搭令人好驚喜，我地一行五人都忍唔住豎起手指公真係好好好味呀！然後店員為我地送上黑松露芝士焗薯條，未食已經聞到好香嘅黑松露味，每條薯條都平均地沾上黑松露同芝士，就連我唔係好食芝士既都忍唔住食完一條友一條。跟住，我地仲叫左一份煙三文魚忌廉意粉，一份牛扒同一份黑毛豬肋條。煙三文魚意粉則有點油膩，食唔到有d咩特別。七成熟牛扒就還可以，油脂分布平均，隔離仲有個沙律醬小焗薯，咁樣嘅配搭都幾新奇。至於豬肋條，我地以為係原條上，點知係切好曬一粒粒，方便你進食，係個好貼心既服務，但味道方面就平平凡凡。

最近因為疫症都冇乜點出外面食，加上新春期間，冇咩餐廳開門。我同家人就決定近近地係大埔搵間餐廳，於是就揀左依間Anyhow。雖然環境裝修都好靚、好homey，但始終位置唔算便利，希望依家小店都可以繼續堅持落去！同屋企人食西餐，通常都叫左啲starters先。原本叫左個花甲，但係賣晒，所以得番青口，不過照殺。我本身就幾鐘意食青口，覺得最緊要就係個sauce，依個真係不得了，食到都有幾濃嘅芝士味，配埋個丹麥酥（十分推介）真係不得了！不過青口煮耐左小小，我比較鐘意嗰個剛剛熟嘅質感。我哋仲叫左個toast，裏面有ham cheese 黑松露 芝麻葉等，不算係好特別，不過配起黎個味道都唔錯。芝士都處於半融狀態，有拉芝！黑松露芝士焗薯條就真係唔錯，out of my expectation係個sauce有啲似卡邦尼加黑松露，所以都唔會輸。個人好鍾意佢個汁好多，令薯條索晒啲汁，變成外脆內爆汁，正！依到嘅pasta我都覺得唔錯，我哋total叫左兩個Spagetti加個Risotto，依到個汁都整得好好味，另外一提個大蝦好新鮮（仲有膏添）！不過⋯⋯肉類就麻麻地，包括個水牛城雞翼同埋Barbecue Po

之前都有食開呢間餐廳，覺得食物ok 又坐得舒服今次係同幾個好多年無見既中學同學聚會，諗左好耐食咩好，咁一個同學要求最緊要坐得舒服同埋不限時間，咁我就提出去呢間，咁就上Openrice 訂枱。我都有一排冇去，佢多左個set dinner menu，我地散叫左幾款不同食物，叫左一支紅酒🍷，我覺得今次的食品超好食。個豬鞍真係超級有水準，好食到不得了個花甲又係另一超水準之作，配埋多士點個汁沙律個醬汁好味呢個豬鞍好好食，熟到啱啱好，啲肉好腍

朋友之前向我推介過這家餐廳的slow cook食物於是帶老公來試試店面小小的，座位不多來之前在openrice預訂了座位，所以不用等位～雖然朋友推介slow cook，但我們還是揀選了其他菜式試試點了份黑松露忌廉芝士焗薯條，所以也點了兩杯生啤配薯條還有香草蒜蓉牛油焗巴西龍蝦尾以及在special offer menu選了加拿大海膽溫泉蛋忌廉意大利飯黑松露忌廉芝士焗薯條，即時焗起，熱騰騰的上桌焗得夠金黃，加上松露醬及香草碎，賣相討好！薯條份量算大份，濃郁的芝士，與松露醬拌勻，香氣撲鼻薯條夠脆身，惹味的，很好吃香草蒜蓉牛油焗巴西龍蝦尾巴西龍蝦尾雖然較短，但較闊身，啖啖肉！龍蝦肉質夠爽口鮮甜，配淡淡的蒜蓉牛油香，正！配菜也花了點心思，有焗原隻燈籠椒，還有炸肉餅～～自己過往試的西餐都沒試過焗燈籠椒，都是甜甜的，質感較為軟身，都幾好食～加拿大海膽溫泉蛋忌廉意大利飯雖然做特價，但完全是物超所值！海膽份量多之餘，還要是完整的大大片的海膽～～味道還要十分鮮甜，不會腥溫泉蛋夠流心！！意大利飯夠creamy，味道卻不會好漏～雖然飯量較少，但以$88這個價錢，吃到美味的海膽就已很滿足～～！！店員服務態度不錯

有一晚，我同朋友想搵個安靜嘅地方食晚飯傾下計，而咁啱我嘅朋友最鍾意食西餐，於是我就帶佢去呢間位於太和翠怡角落的Anyhow。上次同屋企人黎，已經印象好難忘，因為服務非常好，而且食物質素亦都喺大埔來講算係高質。尤其最好食嘅係佢跟餐嘅多士，同埋㗎$80有一個客海膽飯，非常好味。今次我同朋友就試咗鵝肝多士，同埋沙律🥗，亦都非常好味，拍得住尖沙咀嘅某啲高質西餐廳。我亦都好欣賞呢度嘅柚子茶，而我的朋友就最鍾意飲桃味嘅麒麟啤酒🍻下次一定會再嚟！

其實1月時第一次黎呢間餐廳，當時係同朋友黎食生日飯，已經覺得好好味，每一道菜我地都食到😋😋食完後諗住番屋企寫下食評讚好一下支持小店，不過我懶最終當然係冇寫到啦😅事隔差唔多半年，琴晚再同朋友去食，食物水準依舊咁好，平日星期二晚都滿座，心諗好彩有訂位姐～～今次終於「的」起心肝寫一生第一次OpenRice食評，所以唔會有好靚ge字眼唔會寫得好好，只會有我ge食後感☺️☺️入正題講講d食物啦⬇️琴晚4個人食，唔係好記得d食物ge全名，只記得叫左兩個餐～～>大蝦鮮茄意粉、帶子黑松露意大利飯，加錢轉餐包一碗牛尾湯、一片超好味ge包、一杯飲品。另外再叫左個蜜糖牛油雞翼、Anyhow Combo、仲有叫左兩隻生蠔🔼大蝦鮮茄意粉 隻蝦好肥美，仲要有膏添，要讚下個鮮茄意粉，平時出面d西餐廳ge鮮茄意粉多數用茄膏茄汁同少少蕃茄肉煮，但呢度個意粉唔知佢用左d咩野黎煮，眼見有紅椒黃椒碎同蕃茄肉，應該冇落茄膏果d，食落好fresh得黎帶超級輕微ge辣，我地4個食左第一啖不其然對望，講左句個意粉唔錯有驚喜🤣🤣調味唔錯👍🏻🔼帶子黑松露意大利飯 帶子煎到剛好，唔會係好鞋ge口感👍🏻 正宗ge意

呢間野好隱蔽，但都比我地搵到去食～啲野食唔錯 啲員工都好nice 仲會問意見改進。好有heart溫泉蛋海膽risotto - 個溫泉蛋整得好靚一吉就流晒啲蛋漿出黎😚個海膽仲要好新鮮 同啲飯一齊食個海膽味都好出！唔錯唔錯！個飯好creamy帶子伴黑松露忌廉芝士意大利粉 - 啲黑松露味好重呀！唔會好慳咁比少少！啲菇好爽口好好食， 不過就油左少少香脆芝士焗蠔 - 好食好食！啲芝士好香！蠔唔會好腥！值得再食西冷扒 - 好juicy 好食 點鹽食好味呀！個薯蓉都整得好好食～今次好滿意食得會再encore!

今晚約左朋友，朋友最鐘意捐窿捐啦，今次搵到依間小店，依到得幾張枱，地方唔太大，但亦唔算坐得太迫，餐廳暗暗，氣氛唔錯！煙三文魚凱撒花律沙律菜好Fresh, 搭埋咸咸既煙三文魚，讚👍🏻黑松露忌廉芝士焗薯條好濃既黑松露醬吖🤤 好多芝士，好大碟，雖然好邪惡，不過啱晒我地一邊吹水一邊慢慢食，推介！香煎大虎蝦伴雜菌龍蝦汁意大利飯兩隻大大大虎蝦煎得剛剛好，我同朋友一人一隻唔洗爭 😝個意大利飯軟硬適中，而且加左雜菌，好香味😍

大埔一直有唔少特色嘅隱世餐廳，今次朋友搵左呢一間黎試。我覺得無論服務質素同埋食品都做得幾好。所以同大家推介下呢間餐廳。呢個係帶子risotto，個意大利飯整到好creamy，個汁配埋意大利飯一齊食好好味。因為加埋松露醬嘅關係，所以個飯食落充滿松露嘅香氣。而且帶子選料新鮮，好快就俾我哋一班朋友清晒👍呢個海鮮意大利粉都不錯，個蝦一樣食落好彈牙好新鮮。意粉亦都冇煮到太硬或者太淋。唯一美中不足嘅係佢個汁比較酸，餐廳可以放少啲蕃茄啦。 主菜我哋仲叫咗呢個烤羊架，半架上面鋪上左滿滿嘅香草去劈走羊架嘅羶味。所以平時小食羊嘅我都食咗少少，配埋紅酒一齊食都幾正☝️仲值得一讚嘅係呢個餐廳嘅服務好好，值得一讚呀❤️

約了幾個個姊妹聚會，網上搵呢間餐廳。雖然餐廳地方唔大，但唔算太迫，枱之間有距離，講得太大聲都唔怕。環境唔迫又唔太嘈，可以舒舒服服地傾計。當我地食完，出面有客人拎位，職員都無特別催我地埋單，適合與幾個朋友聚埋傾計，環境無得彈。至於食物方面，味道唔錯，特別係小食。叫左兩個小食，水牛城雞翼夠入味，不算太辣，岩我食得少少辣既人。Anyhow Combo有四種不同小食，價錢幾抵食！炸得夠香口，芝士味夠濃！炸蠔食落都有少少蠔味，唔會縮水同乾。