無休館 (Closed)

11 November 2006 (Sat) - 飲嘢行街行到攰，一定要坐低飲杯嘢，突然諗起呢度，即刻入黎坐坐，隻腳當堂鬆晒！我飲咗杯西柚汁，姐姐飲咗西瓜汁，未來姐夫飲咗熱朱古力，不過我真係不能因一杯飲品而給予呢間嘢任何評價，實在太片面，但係我想講佢張梳化好睇唔好坐，睇似好舒服，實質既重又背直，令人唔會有想坐好耐既感覺．．．．too bad~~

星期五晚冇嘢做,又係我地呢班為食鬼出去搵嘢食嘅時候.我好耐都冇去過翡翠明珠,所以咪睇吓有啲咩嘢食.環境: 普通啦.好似快餐店,坐落原來又唔係.睇嚟佢啲定位唔係咁清晰味道: 好彩啲嘢都幾好食.我叫咗個白湯同煙三文魚意粉,阿K就叫咗紅湯同豬扒意粉.意粉一般,反而要提吓個湯.白湯湯底好厚好棉,應該落咗啲薯粉.紅湯酸辣度適中.平時嗰啲飲咗會口渴,今次一啲都冇.服務:都係普普通通.不過終好過有彈冇讚.抵食:食咗一百五十幾,唔係話特別抵食.衛生:都可以,但同其他商户共用洗手間,唔方便.

打波過後, 遊返黎銅鑼灣吃晚飯.朋友話呢間都幾好食, 一伙兒便上來.格局都是一般年青人聚腳地, 幾光猛.食物都幾多選擇, 中西式都有.鮮茄雜菌長通粉, 一貫港式意粉水準, 雜菌幾新鮮, 同埋幾多下.長通粉還有韌勁但都是那種港式的感覺.反而果杯點紅(士多啤梨+橙+蜂蜜), 味道唔錯.普通貨仔幾十蚊有交易, 都算okay.後記:逛完商場後發生一些不高興的事, 我想主角都要為當事人哭著回家道歉了吧...

佢地有Set dinner...本人就覺得係個度....既set dinner 都要$100左右唔多值, 於是散叫..叫左三樣野同男朋友share又有叫橙汁紙包骨...今次好好食....因為有好多橙汁...好香...蒜香牛柳就ok啦個蕃茄乾什菌炒意粉....甜甜地好開胃我自己叫左西芹汁....佢叫左士多啤梨,橙汁加蜂蜜....都幾好飲

朱古力軟心蛋糕- 係好食....個買相亦吸引....焗西米蓮蓉布甸- 我覺得這款比較合我心水...因為無咁甜...蜂蜜水果茶- lee個超正.....唔太甜....好清整體其實ok....不過我覺得價錢實在太貴啦.....

都係叫左茶餐...又係叫左雞肉什果沙律...但係叫多左個橙香紙包骨....有三件,用錫紙包住...又軟骨...好好食呀不過個地下有d油咁

行到要坐下...個鮮果沙侓都好食....飲左黑芝麻奶茶....見到劉心悠....幾靚

(28/1/06) 五點半同男友來食下午茶。單叫的有新年新出品之一的,薑汁桂花豆漿湯圓,o係報紙睇好靚,有玫瑰花家o麻,無啦~豆漿仲無桂花味,桂花只係煲熱豆漿後"沈"上,四粒湯圓好大粒,花生餡,又無薑味,太失望喇!厚多士,可揀奶醬,奶油,奶占。多士為左無"倒汗水",用塊網,隔住同碟接觸,欣賞,而奶占好多,令到好甜。見隔離台係士多啤梨醬,好D ar!credit card優惠,送果汁,揀奇異果汁,好100%喎,齋哎要$22架。茶餐是,菠蘿沙o爹炒烏東,要等好耐。烏東都無炒過,其實係沙o爹撈烏東,咁點解要等咁耐呀,咁整無咁油o羅。熱奶茶唔滑,味道ok。

24/12 我叫左個下午茶,好似係海鮮炒意, $48, 完全冇諗過$48 咁"大碟"law....又唔好食....跟住留左係個度食dinner, 因為出面都唔慌有位, 4 度菜食左2個鐘, 每度菜都要等幾個字,仲要係我最早到最早落order 反而人地上左菜我都未有......太過份啦....每次都要個客催先跟下....仲有再等先有得食......

The services is poor. the waiter/waitress was not very attentive. on many occasions, we weren't given what were have asked for. besides the Henan chicken with rice(which actually tastes quite good), all the rest of the food we ordered are below standard. the souffle we ordered was not full cooked and the inside was still "runny" when it was served to us the 1st time. we have to return it and the 2nd one we got was over cooked and burned.we spent around $80 per person but with this kind of

我去過幾次，幾次感覺都好好喎個瑪仔拿玻侖同紅豆春卷真係冇得頂，好食到震！特別係瑪仔拿玻侖，瑪仔、生果、吉士醬配搭得好好尤其個瑪仔，冇諗過可以咁正因為我本身唔係太鍾意食瑪仔既，試既時候都係諗住姑且一試既態度，但真係好正，取代拿玻侖餅既瑪仔有一種類似蜜糖既甜味，而且比較腍，咬落去質感好好，兼且吉士醬好軟滑，生果既鮮味又可中和番瑪仔既甜，一句講晒真係得！至於個紅豆春卷，外層脆卜卜咁，唔錯，裏面既餡又夠味，在我食過既西式春卷中算得上係好上乘服務唔算特別好，但又唔算特別差，OK咁啦，冇乜太大印象

(12/11/05)同上等朋友廌行。雖然睇過食評哭多過笑,但有時見雜誌介紹有新野,都想試。滿$100,credit card優惠送一個小食,糯米餃子,幾得意噃,好軟糯的像茶果多d。吞拿魚芹菜三文治,o車!邊係芹菜呀,咪又係生菜,無特別,被騙添!合桃酥玉桂蘋果批,熱辣辣,點埋個吉士醬,好match,不過食到最後,覺甜喇。飲野,朋友要個"點綠"(青蘋果,西芹,蜂蜜)佢話酸一點。我要杯黑芝麻奶茶,很欣賞佢用個小壺裝住,保保溫。個奶茶好好味呀!很香芝麻味,又唔甜,係多奶左少少。坐都幾好坐,係野食&野飲都要等好耐o羅。

之前已經在此睇過"Anytime" 嘅 "好評",對此食店某程度上已有些介心，有得選擇嘅情況下盡量都避免吧！上星期某一天跟幾個朋友係JP看完戲已十點多，因為當時選擇不多，結果得我一個反對嘅情況下光顧........唉！朋友所點嘅"美食"我已不想多說，本人點了'海南雞飯' + '凍蘋果茶'.完全完全令人失望,湯非常非常鹹，鹽平都唔好落咁多啩；個味飯鹹已經預左喇，最慘係硬到似隔夜飯再放入微波爐番叮多次般，食到胃痛吧；最後雞，雞味已經唔好再期望吧！雖然本人當時很肚餓，但結果我只食了三成吧了!至於個凍蘋果茶，沒有驚亦沒有喜！最後服務方面，我的遭遇，相信跟一些在此留言嘅食評朋友一樣，無論要求杯水、落單、追久久不來的菜、結帳.......都起碼要示意大叫兩次or以上，服務員先有可能招呼吧！下次參考完大家的食評後，一定要再堅持己見吧！

同大食朋友兼同事食完日本菜,一班女仔都覺得唔夠喉,再周圍揾甜品食。星期六周圍都咁多人,走到上去見西式甜品都幾多選擇,一於入去試。五個女仔點了芝麻焗西米布甸、朱古力疏乎厘、tiramisu、兩客焗朱古力軟心布甸。芝麻西米布甸外觀不錯,表面有少少芝麻醬,焗得很熱很燙口,又香又滑,不錯。表面無車品品的咁香脆,不過也算幾好了。朱古力疏乎厘脹卜卜,但很快塔下,我們以極速一人一啖幹掉了。Tiramisu幾香架啡味,cheese亦幾輕,不會太腻。焗朱古力軟心布甸賣相佳,伴以雲呢拿雪糕。朱古力軟心少,只有少少漿流出,但蛋糕的朱古力很香濃,一眾也認為不錯。食完都幾飽,很滿足呢!

諗住亞士厘道果間都ok，尋晚諗都唔諗就中0左入去.......一行三人，叫0左...肉眼扒set、糙米雞卷set X 2份；餐飽、餐湯、餐飲。餐湯+ 餐飽- 兩個羅宋、一個忌廉，不過不失。肉眼扒- 朋友食0左兩啖，放低晒刀叉，話好油食唔落...糙米雞卷- 細份到難以置信，好彩味道都ok，不過食完都好似無食咁！甜品- 我好耐未見/食過咁難食0既甜品（其實我無食...），本來∼如果佢係雪榚我都會食0既，點知原來只係一堆cream加Ｄ紅藥水糖漿，個樣都好得人驚0下，共餘兩個朋友食0左一啖，又係放低晒刀叉0既款...咁0既形勢，我緊係唔會食啦！！埋單$300幾，好唔抵。應該唔會再黎。*ＤWaiter好似打0左懵仔針，傻0下傻0下，乜都要講兩次先得，唔該可唔可以再培訓下先出0黎獻醜？！（去過果度食0野就知我無話錯佢0地係「獻醜」）