狎鷗亭居酒屋

Open Now

Now Closed

我地大概6點到達就唔洗預約排隊等位。餐廳由韓國人主理，食物都地道的，尤其不同款式的小吃前菜食物份量都頗大份，所以適合人多時去吃，不過價錢就有點貴，如果真的很喜歡食韓國菜都可以去一試的，食物味道都正宗！

一間由韓國人老闆親自擔任廚師的韓式餐廳。似乎老闆總是親自在廚房裡下廚。到目前為止，我吃過的所有食物都非常好吃，而且酒菜也是最棒的。A Korean restaurant where the owner, who is Korean, personally operates as the head chef. It seems like the owner is always cooking in the kitchen. All the food I've eaten so far has been incredibly delicious, and the side dishes are also excellent.

perfect place to come eat wether it be for small gatherings or a dinner date with someone! The food here stays true and authentic to korean cuisine and the staff is always the sweetest! I think everything here is reasonably priced and restaurant is located in a very convenient place too! not so far from the mtr. We have came to eaten here 3 times in total and this was my first time booking with open rice and everything went so smoothly! They even gave us free snacks!

訂位後無confirm booking要自己打去問，入座後先知要限時90分鐘，諗住「居酒屋」可以同朋友食住野傾下計，侍應都好似好趕時間要趕你走咁。有一個講廣東話既男侍應態度最惡劣，落單時我地叫左部隊鍋、醬油蟹（加飯）、燒牛肉、牛油鮑魚，過左好耐佢地都未上部隊鍋，我地又忍唔住問果位侍應話仲差個部隊鍋，果位侍應竟然發爛渣話「你地冇叫過部隊鍋喎！」我地答佢我地有叫部隊鍋（而且第一樣就叫）然後佢再反駁「我有問你地係咪叫左4樣野，而家咪黎左4樣野囉！」當時枱面只有醬油蟹（加飯）、燒牛肉、牛油鮑魚，原來個跟醬油蟹既飯係計一樣野…….但重點係估唔到佢竟然會咁大反應去反駁客人，無禮貌都算，其實你當我地加單咪解決囉，我地又冇話你錯，又唔介意等多陣，點解要第一下就即刻去怪責客人？另外我地訂位時已曾經致電問過係咪需要開瓶費，亦同意左$100一支冇問題，落單後示意該侍應想開支酒，請佢比個冰桶我地裝酒，佢好驚訝咁話「下，你地自己帶左酒黎牙！？我地要收開瓶費架喎！」我地繼續冷靜咁回應佢話我地已查詢過並知道要開瓶費，然後佢又好無禮貌咁話「你拎支酒出黎比我睇下先」我地答佢係一支香檳，佢堅持要我地拎出黎，拎左出黎比佢睇

經過尖沙咀，搵到間韓國菜就諗住試下，間野係諾士佛台附近一棟商廈1樓的。前菜非常出色：豆芽好入味，無草腥味。泡菜非常正宗，不過辣左少少（可能本人唔係太食得辣）魚乾：鹹鹹地甜甜地，送啤酒一流。另外叫咗個半半炸雞，好大份，外皮炸得很脆，配埋啲韓式甜酸醬，非常開胃。仲有叫石頭雜錦拌飯，佢哋會幫你撈埋，服務非常好。美味指數：😋😋😋😋環境指數：⭐️⭐️⭐️⭐️回頭指數：👍🏻👍🏻👍🏻👍🏻地址：狎鷗亭居酒屋 (尖沙咀)尖沙咀諾士佛臺9號冠福中心1樓

天氣涼涼地食韓國野都唔錯丫。炸雞就一定唔少得啦，酸甜辣味好開胃涼拌豬仔腳係必食嘅，肉腍皮軟連埋蔬菜絲一齊食，好正芝士辣炒年糕 拼炸雞 ，芝士係無限添加，喜歡 芝士嘅就唔會差過海鮮蔥餅就有點失望，普普通通的啦

之前一直都有人推薦呢間韓國人主理既韓國餐廳俾我，今日終於搵到機會了！餐廳位置都幾隱密，係諾士佛臺酒吧臨立既其中一個大廈入面既一樓，上到去發現都幾旺場，平日上到去都full晒。餐廳位置比較細，我地叫左幾樣野食要係咁移位先夠位放🤣🤣🤣，但係都算有氣氛，好熱鬧。 一坐低就送上幾款唔同既小菜， 小菜係正常發揮。 🔴 醬油蟹 (+ $58 叫埋拌飯)我本身真係好鍾意醬油蟹，去親食韓國野我就好想叫黎食，食之前店員會用蟹膏幫你拌飯，仲叫我地慢慢影相之後再過黎幫我地拌， 超正，拌飯溝左蟹殼上面既蟹膏再加埋隻生蛋，好鮮味，轉個頭就掃晒成個飯，有啲唔夠喉添呀，然後再食埋其他蟹，撈埋個汁真係好好食，如果隻蟹再肥美啲、多啲肉就更好。 🟠 鐵板雞肉炒年糕份量十足， 唔食辣既朋友要注意，算辣但好惹味，年糕有咬口，不過要讚下佢地個雞肉，本身我以為會好鞋口又好乾，點知都幾嫩，所以轉個頭都俾我地清晒🤣🤣🤣🟡 醬烤豚肉 呢度提供埋生菜俾我地包住食，味道都好濃，肉質比較鞋，而且食到最後有啲太咸(但係已經俾我地食晒d菜，無得中和返🤪)，不過勝在份量十足。

餐廳由韓國人主理，無論係食物、氣氛都充滿韓風😎韓式豬仔腳 ($338)：份量超多，適合3-4人食，豬腳仔肉質軟腍，滿滿嘅骨膠原，可以直接食或者包住生菜，再加少少附送嘅韓式麵豉醬一齊食會中和返豬仔腳嘅油膩感🤤不過真係好鬼飽，份量多到我哋要打包返屋企食🤣水冷麵 ($108)：麵質口感煙韌，有啲冰粒喺入面增加口感，味道酸酸哋幾開胃，夏天食一流😎我哋建議如果食韓燒嘅話，大家可以叫呢個冷麵食辣泡菜湯 ($108)：泡菜湯配白飯，湯入面有啲豬肉片同埋豆腐，味道就正正常常啦，愛辣人士會幾鍾意🌶️辣牛腸牛肚拼鍋 ($188)：唔知係牛腸清潔得唔乾淨定點，聞落臭臭哋食落都唔多新鮮🫢 唔建議試….真係臭到冤😵‍💫DraftMakgeolli ($120)：韓國新鮮米酒，飲落有少少氣，味道帶微甜，唔好睇小呢杯酒，飲飲下好快上頭😵呢間餐廳我哋認為適合大夥兒一齊去食，不過價錢真係有少少貴，如果你真係鍾意食韓國菜嘅話就可以去，因為食物味道好正宗

約左成班朋友食飯，上openrice搵到呢間韓式餐廳，好少見韓式餐廳係叫居酒屋🤣所以朋友就book左枱嚟試試～呢到有啲位係要除鞋上去坐的，都幾有feel😗呢到嘅餐牌有好多唔同食物可以選擇，我淨係影左其中兩版🤣有海鮮/燒肉/鍋物/湯品/主食等等，都有好多唔同種類嘅韓式酒類飲品👍🏻不過因為聽日要返工，我地就冇飲酒啦🤣🍗半半韓式炸雞（原味&甜酸醬）呢個係有骨炸雞嚟嘅，店家好貼心俾埋一次性手套我地👍🏻個炸雞好juicy, 我個人比較中意甜酸醬炸雞😋個味道啱啱好，唔會好鹹，食啲白蘿蔔泡菜仲可以解膩👍🏻🍜韓式炒年糕配拉麵韓國嘅「拉麵」即係公仔麵，呢個炒年糕除左年糕同公仔麵，仲有魚板同蛋做配料，都非常飽肚🍗韓式豬腳呢個豬腳好大份‼️我地5個人好似食極都未食完咁😂啲豬腳幾軟熟，尤其是係豬皮煮到好軟身，啲肥膏迫左出嚟冇咁油膩，但都feel到滿滿嘅骨膠原😋配生菜包食一流👍🏻🥘薯仔湯我地叫呢個湯嘅原因係當年一齊去旅行嘅時候食過一間好好食的，決定嚟重拾當年嘅回憶🤣呢個湯有好多舊排骨‼️好足料～而個湯都好濃，個人認為加個飯攞嚟做湯飯應該幾好食～-我地另外仲叫左一個海鮮煎餅、一jar smoothie同埋一杯飲品，但

大解放😆熱氣爆錶🔥但好好味😋1️⃣外星人🐙炒年糕2️⃣辣牛肉八爪魚鍋3️⃣涼拌豬仔腳4️⃣炸紫菜卷5️⃣酸甜辣味香脆雞6️⃣海鮮蔥餅7️⃣炒雜菜粉絲8️⃣鐵板雞肉炒年糕

去諾士佛臺好少唔係去飲酒🍻hahaha朋友帶我黎呢間韓國料理 讓我留下深刻印象其實之前我一直冇特別鐘意韓國菜感覺來來去去就系泡菜炒飯呀 石鍋飯或者芝士部隊鍋之類不過今次發現呢度嘅地道正宗韓料刷新左我對於韓國嘢食嘅印象·入到餐廳之後發現老闆同staff幾乎都系韓國叔叔嬸嬸🇰🇷（店員都好熱情 超好人叫嘢食比較多係講英文店內都播韓文歌同k-pop居多同朋友兩個人點左鐵板牛仔骨生拌牛肉、泡菜餅、海鮮魚餅湯同酒精氣泡飲品本來仲想叫生醃醬蟹🦀️不過韓國姨姨話太多我哋會食唔嗮所以最後冇叫到XD·上菜嘅時候終於明點解⋯原來份量好大本來以為每個菜一兩百都幾貴下結果發現魚餅湯有滿滿湯料鐵板牛仔骨嘅鐵板大過我塊面牛肉層層疊疊 超級多飲品都好重好多 兩個人完全夠飲最讓我印象深刻嘅係生拌牛肉雪梨切絲 同生蛋黃、芝麻、香油一齊食以前雖然從來冇食過韓式生拌肉從來冇諗過同雪梨嘅combination不過好清甜好香👍😌最後食唔嗮 打包走luuuu個人認為價錢雖然小貴但好好味！偶爾食下真係唔錯嘅選擇下次會再黎

媽媽節感謝祭💐梗係媽媽發板🎬揀選媽媽愛吃的韓國餐🎎呢到職員都係真。韓國人🎏Book枱果陣已經知道所以講野對答阿公會慢D真係有部分係廣東話都唔識嫁知佢哋有幾正宗啦！🫵🏼阿公最睇細心位今次就係職員會幫手剪食物✂️比如個海鮮鍋全程職員剪細件、去殼同去D唔食得嘅位咁樣仲會擺返靚靚唔怕打卡影相唔靚📸然後阿公一家只係等食🥢一夾上嚟就食得喇🤭因為餐廳都多人嚟嫁8:40前都要限時1.5小時嘅8:40之後先無限時記得要Book位喇🤗

有日同朋友食飯，朋友話佢妹妹食過有間尖沙咀韓國菜好正宗🤔，禁我地就決定去試下。餐廳係韓國街附近既諾士佛臺既大廈入面，唔熟既話都要睇下地圖先搵到。餐廳入面韓國風十足，甚至有啲Tatami座位，幾有風情。韓式包豬肉：朋友妹妹大推既菜色！食法係用生菜包住豬五花肉同各種配料（韮菜、包飯醬、醃蘿白絲等），豬肉肥瘦相間，爽口唔un，加上靈魂生蒜頭、生菜同泡菜一齊食，完全唔會膩。底下有爐火熱住，最好襯熱食，因為凍左完全冇禁好食😂。呢個菜唔係間間韓國餐廳都有，值得一試！辣泡菜湯：因為好想食個韓式湯配飯，所以嗌左最basic既辣泡菜湯，夠辣！濃味！豆腐嫩！餸飯一流🔥。雖然佢冇乜肉，不過因為夠好味所以都推薦。海鮮蔥餅：唔會預佢好多海鮮，但冇一般出面餐廳禁油/禁重油益味，香口飽肚，會跟魚露俾你點，個人認為有驚喜（可能俾出面既韓國餐廳伏得太多）。性價比：我地嗌左3個菜加1個白飯，冇嗌野飲，人均約$250。份量算多但價錢偏貴💰(香港韓式餐廳既通病) 。兩個人黎食就食唔到好多款，建議多人聚餐會好啲，氣氛都適合👯‍♂️。另外，係Openrice見有人反映侍應態度唔好，但我地當日又冇遇到/冇呢種感覺，唔知係禁啱/好彩定

Apgujeong is run by korean and they are funny helping us taking pic, having good vibe eating here haa, such  a warm korean restaurant, but one concern is having time limit, and seem not having enough time for chatting sad sad, the food quality is quite nice yaya, long time no eat korean food haaBefore serving us the main dishes, we got some six small plates of appetizers, i think light green leaves is niceRolled up Egg and Cheese cake tastes yummy with many cheese insides yaya, my favorite food

一入餐廳門口就有韓國人接待，我地用英文溝通。餐廳環境猶如置身韓國，一行四人被安排坐類似居酒屋既枱，好有特色。首先有6款前菜俾我地，包括泡菜、豆芽、豆腐、魚仔同菜，每樣都好好味！跟著我地就點菜啦，Menu有好多菜式揀，實揀到岩食既😂正正常常，如果濃味D同脆口會更好有幾粒鮑魚，湯好入味，底有飯粒，雞肉又夠淋，推介👍🏻原本以為辣味雞惹味D，點知大家都覺得原味最好食🤤正正常常，朋友略嫌部份太生凍冰冰，幾好味同開胃杯飲品好好飲，可能因為酒底係apple cider，酒味亦唔重，份量好多，岩晒幾個朋友一齊share🤭